نفلح الاول نرجع كرمتنا...بلا فلوس بلا اصلاح

طالبتين فى مدرسة من مدارس الكويت

واحده بتقول للتانيه

ياااااااااااامصرية

لالالا ما تفهمونى غلط دى مش افتخار من شخص لواحده مصرية

دى بتتقال كشتيمة بت كوتية بتقول لزميلتها يااااااااااامصرية

تخيلو بقت كلمة يااااااااااااامصرية شتيمة

وياريت بتتقال من دولة اجنبيه او شخص مش عربى للاسف اتقالت من اشخاص عربيه مسلمة

وياريت كمان بتتقال من زمان دى حتى بعد ما اثبتنا للعالم كله ان المصريين ناس عندهم قوة وكرامه تفوق اى شعب

وياريت اتقالت من ناس ناضجه او كبيره ع الاقل عندها سبب سياسى او اخلاقى

انما اتقالت من طلاب مدارس بيقولوها من اساس التربيه اللى متربين عليها فى البيت

بقت فى معظم الدول العربيه ثقافة عدم احترام المصرى وتوصل بيهم ان كلمة مصرى تتصنف كشتيمة او سب تتداول بنهم

وليه دا كلووووووووووو

بسبب الحيوانة الكلبه بنت الكلب اللى معاها الابتدائية المتخلفه وزيرة القوى العامله عائشه عبد الهادى

اللى كانت السبب فى ان المصرية تعتبر شتيمة

اللى خلت المصريات تشتغل خدامات فى المدارس والبيوت فى الكويت وغيرها من الدول العربية وخاصه الخليج

بالرغم من ان الثورة اثبتت للعالم كله ان المصريين احسن شعب فى العالم

الا للاسف لسه بنتعامل كدا

الكل عاوز يحاسب مبارك والجزم اللى حوليه ع السرقه والفلوس والفساد اللى حصل فى البلد وكمان الفساد السياسى

مين يحاسبهم ع الفساد الاخلاقى

ومين يحاسبهم ع عدم احترام العالم لينا

مين يحاكمهم على اى مصرى بيتهان بره سواء بشتيمة او بمعامله او حتى نظرة

لازم نجيب الزفت اللى اسمها عائشة ونحاكمها ويكون عقابها تمسح كل بيت مصرى

نوريها ازاى تطلع المصريات خدمات فى دول العالم

نربيها طالما اتحطت فى مكان هانت من خلاله كل المصرين

نحاكمهم عشان كرامتنا اللى كتير اتهانت وما لاقينا حد ياخد حقنا وكنا مكسورين عشان لقمة العيش

لازم يكون فيه قانون يحافظ ع كرامة المصريين بره وجوة

لازم يبقى فيه قانون يربى اى كلب حكومى يكون سبب فى اهانت كرامة اى مصرى

لازم يبقى فيه قانون يزل اى سفير او قنصل ما اخد حق اى مصرى فى الخارج

لازم يبقى فيه قانون يحافظ ع اى مصرى عمل حاجه غلط يتحاكم فى مصر ويبقى فيه محامين فى كل دوله للاستشارات القانونية للمصرين وبدون مقابل

هتتفزلوكو وتقولو هيا الاخلاق هتبقى بقانون

اه هتبقى بقانون طالما كلاب الحكومة عامله وزارة بقاونين تشغلنا خدامين فى بلاد العالم

ياريت قبل نعرف ازاى نجيب الفلوس اللى اتسرقت ونصلح اللى اتخرب

نصلح كرمتنا اللى اتمسح بيها جزم اللى بره واللى جوة

ورجعتلكم برااااااااااااااااااااااااجل

اى ميس افرى بدى

حتت بؤ محدش يتوقعه منى ....ثح ...قولو ثح

ماعلينا

انا كل ما ادخل المدونة عشان اهبها من العينكبوتات اقول ابطحكم سلام على الماشى

وهذا ان دل يدل على اصالتى الواسعه والعميقه والمترامية الاطراف

معلشى يا جماعه انا من يوم ما غورت للكويت من قيمة سنتين وانا بعدت أند شبه انقطعت على التدوين

عشان كنت قررات ابطل اعمل خنفسه على اخبار الحكومة التيييييييييييييييت ....احم لوموووووووووواخذه

عشان كنت خسيت شويه واصبح وجهى ينتشحه السواد وخاصه حول العينين بالحواجب كدا بالرغم استخدمت كل انواع الخيار عشان اخفف من وطئت هذا الظلام الدامس

عموما قولت اقضيها ما بين حمام شمس على سريرى وذلك توفيرا للمياه وما بين الهندى

نعم اعزائى

احلى حاجه فى الدنيا تتفرج على افلام هندى

صدقونى هتعيشوووووووووووووووووو بالجامد

هيشيلكم من واقعنا المرير سواء الحكومى ولا الشخصى

وخاصه اللى البطل فيها ورور ومووووووووزه كدا

وفضلت كدا لحد ما قلبت على قناة توب موفيز اللى بترعب

يعنى شويه هجس وشويه رعب

وذلك على امل واااااااارم ان لاما اتهبل من هجس الهندى لاما يجيلى سكته قلبيه من توب المرعبه

والله يا اخونا ما مأثر فيا حاجه

ما علينا

هو النهارده ايه من ايام ربنا كدا بالصولاتى على النبى؟؟؟؟؟؟؟؟؟؟؟؟؟؟؟

غيت وجيت... حد حسه بحاجه

وحشتونى جداااااااااا

اى نعم مش كلكم وحشتونى لسبب بسيط جدا ان لسه شايفه بعضا منكم فى لقاء بتاع اول امبارح

فمشغلانة يعنى كل ما ادخل اقلكم وحشتونى

شوفت ناس كتير لذيذ طبعا كيكى وزهرة ونهر وهمس الاحباب وفاتيما

ورودى وبنت اخت جوزها اللى ربنا ما عتقها من تحت لسانى رخمة عليها رخامة بشكل

ومش عارفه استحملتنى ليه غريبه البنت دى اوى والاكادة طلبت رقم تلفونى مش بقلكم انا لذيذة هع هع هع هع

عموما برضو وحشتونى جدا وما تسالونى انا غطسانه فين عشان مش عارفه اصلا انا فين

اظاهر تهت وبسطعبت

وقلت استغلكم شوية بما اننا فى ايام مفترجه

ترشقونى شوية دعوات ان رينا يهدينى ويرضا عنى

مش هسامح اللى مش هيدعيلى وكل اللى يدخل يكتب اللى دعهولى فعلا

اصل بجد محتاجه دعواتكم

صحيح فيه سؤال

ليه غيرو الربع جنيه الكبير اللى فيه شباك من النص بربع جنيه صغنن

على الله الاقى اجابه مقنعه

كل سنه وانتم طيبين

الله يسامح ماما

سلامات يا اسيادنا اللى هنا

يارب الكل يكون بخير كدا بعد ما شوفتو مثلا انتخابات

الشورى الرائعه

اللى ملهاش اى لزمة

وتكونو بخير اند منفضين للى حصل مركب المساعدات اللى كان

رايح لفلسطين واستشهد كام واحد

عادى عادى منفضين

وتكونو فى افضل حال بعد ما سمعتو الاستفزاز من اللى

اسمة معتز فى 90 دقيقه

لما اتمزء وفضل منشكح لوصفه لصطحاب مبارك ليه وفضل ينفج فى ....

مبارك على الحريه والهباب ويمدح فى جو اوربا

وبعديها جاب صورة الراجل اللى انتحر على كوبرى قصر

النيل عشان منى ومعهوش اللى يجوز بيه

اللى 99%من شباب مصر اتمثلو فى انتحاره لعدم مقدرتهم عنهم يعفو نفسهم بالحلال

وبعدها يقول لو عندو اجازة كان قضاها فى جو اروبا الرائع بس للاسف المحروس معندهوش



واخير احب اطمنكم على نفسى وعقلى اللى شت منى بعد موقف

مع بتاع توكتك الا وهو اننا ماشين وبقترح عليه يدخل شارع

لاختصار الطريق اووووووووووووفاجئ اند اتفقع

انه يرد عليا يقولى لالا مينفعش دا شارع بتاع نائب مجلس الشعب

بقلو يعنى ايه اشتراه ولا حاجه قلى وطى صوتك قلتلو ونبى ايه مش خير ولا حاجه

قالى ماينفعش ... قلتلو امال لو كان شارع مبارك كنت هتعمل ايه

قالى استنى نستاذن الراجل اللى واقف

واذا اوووووووووووفاجئ بيه فعلا يستأذنة والراجل يسمحلو

وانا متنحه للموقف ومزهوله للطخ اللى هو صاحب التوكتك اللى يعتبر فى تصنيف البشر راجل

مفرود فى خلقة اهلو شنب مقفل على ضبته ومناخيره

وانا كل اللى طالع عليا انت بتتكلم جد وهو يقولى كذا مره وطى صوتك

واللى كانت بتغزنى فى جنبى

وتكتمنى امى الله يسامحها

وكان نفسى وانا نازله اتف فى وشه تفه قمة تلاته كيلو

بس للاسف نتيجة

تربية الطيبه اللى بتتلاشى مع الزمن خلتنى مكتومة احتراما مش لابن الكلب طبعا


لالا احتراما لامى خوفت اطرطش بتفافه وضيع فى الوسط

بس حاولت احلل خوف وجبن الراجل قولت لما خايف انه يتأذى من النائب دا

لاما خايف لاقدر الله يمنع عنه عطيه من عطاياه

لاما خايف يقدمة طلب على ورقه

وما يتشرف برمى طلبه فى برميل الزباله عند المحروص النايب على عينه


فاحب برضو نطمنكم على ولاد كلب مجلس الشعب اللى كلهم من الحزب الواطى

واحب برضو اطمنك على غباء ابتسامة معتز البارد

وهو منشكح بجو اوربا وبيغيظ فى الشعب الغلبان والواد

اللى انتحر عشان منى واسمه طالع يدافع عن قضايا الوطن والشعب والبرود

اللى منبعث منه وبفشخرته على الهوا وما فاتت لحظة عن صورة واحد منتحر عشان ضيق الحال

واحب اطمنكم لى انقراض عنصر الا وهو الرجاله والجبن والخوف

اللى شوفته فى ابن الكلب برضو بتاع التكتوك


واحب اطمنكم على امى اللى كانت ومازالت السبب فى فقعتى وبتخلينى اسكت

وقولتها المشهوره ليا لما تلاقينى بلبخ وبشتم

يابنتى بدل ما تقولى كلمة وحشه قولى كلمه حلوه تخدى بيها حسنه

ولا اخفى عنكم خافى ولا مدفون انى من يومها وانا عندى حموضة انى ما هزقت الغبى دا


عشان حسسنى ان انا اللى جبانه

وقول لنفسى ليه ما نزلت من التوكتك ولا اعبره بس الظاهر اتشليت وقتها شلل مؤقت

جسدا وفكرا ومسبهله من الجبن دا

يالهوى يا مرراتى

افاقتنى ...اصل الهووووووووووو

بعد ان اجبرت نفسى على البيات الشتوى الذى اتمنى دوامه

وقتلت صوابعى اللى تتشك على النقر والتفعيص فى الكيب

وطرشت ودانى من سماع الاخبار

***من اول الجدار بتاع فلسطين وصحبتى الفلسطنيه مبسوطة لاول مره بحاجه مصر عملتها

وبتاكدلى ان دا بيفيدهم جدااا

***غير الشلل الوزارى قصدى التعديل اللى زى قلته ونضيف لسه بينضف على البلد

***وعن فتوى بتقول تحريم لبيت المال من التدخل فى مد المساعده للشباب فى

تزويجهم وإنهم بيعفهم وأقرت أن دا حررررررررررررررررررررررررررام

*** وعن زيارة الدلعدى مبارك لكفر الشيخ وولاد الكلب اللى قصاده محسسنى ان كل شئ فل الفل

يادى المصيبه كنت فاكره انى مش واخد بالى واضبشت واسنجيت من الاخبار دى


الا وفجاءة قدام سلالم بتنا وفى ايدى الشرشوبة

ومعصبه راسى ومشمره رجل بنطلون التيرنج والتانيه كسلانه

واذا بى اخرج من غيبوبتى وبياتى الشتوى على صوت من تكوتك بيقول اصل الهوووووو

مصاحب صوت طبله وشوية صاجات

وأنا ودماغى الف كلبه اعرف اصل الهوووووووو ايه ؟؟؟

لكن للاسف ما لحقت اعرف

عااااااااااااااااااااااااااااااااا

بس فضلت افكر وانا بعصر فى الشرشوبة بتاعت المسيح وبفتكر فيلم بتاع شاديه ومسلسل اثار الحكيم

ايه يا بنت يا همس اصل الهوووووووو ؟؟؟؟؟

اصل الهوووو يبقى الكلب

ولا اصل الهوووووووو يبقى القطة اللى بتخلى الكلب يقول هوووووووو

الله يخليكم لو حد سمع اغنيه اصل الهوووووووو يقولى مين اللى كتبها وكلمتها ايه ؟؟؟

او يقولى فعلا اصل الهوووووووووو ايه؟؟؟

سيبكم من دا كلووووووووووووووو

انا اصلا دخله اقولكم

اقول ايه يا بت يا همس؟؟
اقول ايه يا بت يا همووووووووووسه

اه

اااااااااااااااه

وحشتونى جداااااااااااااااااااااااا

اخباركم ايه؟؟؟

بجد حد عارف اصل الهووووووووو ايه ؟؟؟

هنفجرررررررررررررر

امبارح كنت بتفرج على الدكتور عصام حجى اللى هو عالم فى وكالة ناسا

واختصارا للحكايه ان الحكومة طفشتو ودا الطبيعى


بالرغم انه خلانى ابتسم واحس بفخر شوية ان فيه واحد مصرى فى وضعه كدا

الا اننى نزلت على جدور رقبتى لما فوقت من الحلم دا

على واقع انا عايشه فيه

فيه ناس سالتنى مش باينه ليه

وبصراحه كنت بدعى أنى افقد القدره على الكلام واصنج واطرش واتعمى

هتقولولى ليه كدا

اقلكم بعد اخرت صبرى واحلامى ام استك واسع

غير النحس المركز وسوء الحظ

انا قلت طالما انا مش هشتغل فى مجال التربيه الخاصه خلاص مش هشتغل

لا الفتره دى لقيت بابا وماما وكل قريبنا حتى بتاع الانابيب الخلاصه اى حد يعرفنى يقولى اشتغلى

اخرجى من البيت قاعدة البيت وحشه

وماما تقلى دا مستقبلك اقلها البركه فيكم ايه هتتبرو منى ولا ايه ... ابهات ايه وامهات ايه اليومين دول

تقولى يعنى هنعيشلك طول العمر ارد واقولها يبقى البركة فى المعاش هيكفينى الحمد لله

تقلى انتى هتقعديلى لسه لما تتجوزى الحياه صعبه ومش مضمونة يبقى حاجة تضمنى بيها مستقبلك

ارد واقولها هو فيه مستقبل برضو انتى بتصدقى الكلام دا

ثانيا العروسة الصينى ضيعت امل لينا فى الجواز

ثالثا هما الرجاله مخلوقين ليه علشان يشتغلو ويستتونا


وكله من الكلام اللى يحبط اكتر منه يشجع دا ورغم مجهوداتى

فى التلامه والرزاله والتطنيش الا لقيت نفسى مجبره

اند محدوفه حتة حدفه على مدرسه ببيه ..... اه والله مدرسه ببييه

هتقلولى فيه مدرسه ببيه .... اقلوكم اهى دى المدرسه اللى بروحها

يا ساده يا عيال المدرسه جالى فيها بلا فخر وبلا حسد على الخيبه

12 حصه بالاجر .... اسم الله عليا

فى مدرسه عباره عن دور ارضى شبه متهالك الرطوبه واكله دماغة ذات حجرات

عباره عن تلاته متر فى تلاته متر والرائحه السائدة هناك بصرف

النظر عن ريحه العيال اللى تقريبا مش بيستحمو الا القليل منهم

يا جمعتنا تخيلو ريحه المدرسه ببيه مش عايزة اقولكم ريحة بووووووووووووووول بالعربى


اه والله ريحتها تقرف والعيال شغالين طول النهار بووووووووووووول

ما علينا بحال المدرسه الحال اللى يحسر فعلا حال التعليم نفسه

كلنا بنسمع عن حال التعليم نفسه زفت .... انما اللى يشوف الواقع نفسه والله هيحبط وهيشوف الدنيا سودة اوى

انا مش بشوفها سودة عشان اخرتى كدا

لا دا انا بحمد ربنا ان بعرف على الاقل اكتب واقرا ...

وبعدين الحاله المستمره فى اهانه الركن الاساسى الا وهو المدرس نفسه

يعنى مثلا 90% من المدرسين فى المدارس ما بين شغلين بالحصه زى حالاتى كدا وفيهم عقد عادى وفيهم عقد

مميز ودا باه اللى الكل بيعزم انهم هيتثبتووووووووووو

وعلشان تتعاقد مميز لازم تمر بانك تكون على راس العمل اللى هيا مرحله الشغل بالحصه

وبعد كدا تتأهل للمراحل التاليه لاما استحاله تتعاقد لازم يمرمطونا

الحصه بتقف بتنين جنيه العقد العادى ملهوش مميزات وبيقبض 175 جنيه تقريبا العقد المميز 350 جنيه

وليها نفس مميزات المثبت

وممكن المدرس يصرف على الاقل كل يوم من تلاته الى خمسه جنيه مواصلات

وياريت بيركبو مواصله واحده الا ممكن يركبو مواصلتين تلاته

يعنى بيصحو من الفجر غير انهم بيوصلو المدرسه نفسهم تكون اتسدت عن التدريس اصلا

وياريت يكون اللى بيدرس بيدرس فى تخصصه اصلا الا نسبه كبيره جدا بيدرسوا غير تخصصه

واقرب مثال هو انا انا اداب تاريخ وبدرس حاسب الى

ومن هنا ندخل لصلب الموضوع وهو ان الحكومة بنت الكلب اللى كلت ودان اهلينا بانها حكومة زفت الكترونيه

الا انها حكومة تولع بجاز ان شاء الله قولو اميييييييييييييييييييين

المهم المدرسه اللى انا فيها فيها ست فصول ابتدائى من اول لحد سته

وكل فصل ليه حصتين فى الاسبوع حاسب الى

ومن اول اوله لحد رابعه ملهمش كتب دراسيه

ماشى ما علينا ..... المفروض يبقى فيه اجهزة كمبيوتر فى المدرسة على الاقل كل

خمسه على جهاز بلاش عشره بحيث يطبقو اللى بيخدوه او يمشو على مبدا ان فيه حكومة الكترونيه

الا المدرسه فيها جهازين جهاز ملهوش غير شاشه وكيب وفاره وجوز سمعات وملهوش كيسه اصلا

والجهاز التانى محتاج شويه صحه علشان يبطل يهنج ....

عشان حبيت اتفزلك ووديت العيال فى حصه قلت اطبق اللى بيخدوه

اولا هنج منى تلت اربع مرات .... مفيش مقاعد اصلا العيال يقعدو

عليها عشان يادوب مكفيه العيال فى الفصل بالعافيه وفيه اللى بيقعدو فى الدسك

اربعه واصلا اصلا المقاعد معدومة المقاعد يعنى متهالكة

بس يا اخونا دا كلو غير صوتى اتنبح عشان العيال تفهم ولا الهوى الا

واحده شافتنى جالى شلل رعاش قالت تجبر بخاطرى والحمد لله

دا كلو ومطلوب من المدرسين ياخدو دبلوم تربوى ودورة طرقه تدريس ودورة الاى سى دى ال

طرق التدريس الحكومة عملاها ببلاش

انما الدبلومة على ايام ما كنت اخدتها كانت المصاريف تقريب من 350 الى 400 بقت ب 1005 غير الكتب

ومواصلات برضو

يعنى دلوقتى زادت تلت اضعاف .... والدبلومة دى اجبارى على اللى مش واخدين كليه تربيه

انما الاى سى دى ال من 600 الى 700 جنيه غير الوقت والمجهود وتروح الدوره ويطلع على المدرسة


يعنى بيحملو المدرسه مجهود ويبقى مقسم نفسه بين مدرسه ودبلومات ودورات وقرف

غير انه معندهوش انتماء للمهنه عشان مش متعين فعلا وفى اى وقت ممكن يلغو عقده

او ما يتمش تعينه اصلا

اللى فرسنى ان دلوقتى المدارس قايمه على المدرسين دول وفيه عجز فى المدرسين طب ليه مش بيعينوهم

ايه ....انفار سارحين الغيط احنا

هتقولولى طب انا شايفه دا كلو وراضيه وبتروحى برضو

هقلكم هو شبه غصب الكل ضدى ومحسسنى انى متكبره

وانا كارهه اروح اصلا وغير كدا وكدا بطلع همى فى كل المدرسة

من اول المدير اللى بيلاقنى اروح براحتى على الحصه بظبط او قبلها بشوية

لحد العيال اللى الواقعه بيؤكدلى ان استحاله هيفهمو اصلا عشان ماده عملى والعملى مش موجود

غير عدم الفهم اللى بعض منه وراثى والبعض الاخر مكتسب بطبيعه المدرسه والعمليه التعليمية

وشكلو هيستمر ان شاء الله

انا عن نفسى بروح اقعد زى الباشا حتى التحضير بحضرو بالعافيه عشان

مش تخصصى ولا فيه كتب ولا فيه دليل معلم

وبطلت احرق فى دمى ولا ضميرى ينقح ليه

وذلك بطبيعة الجو التلج والرطوبة اللى بيخلى رجليه شبه زرقه فما بالكم العيال

وماما وبابا فضلو يدادو فيا مؤكدين نتيجه لتاريخى السابق فى المهنه

انى هعمل مصيبه وهبطل اروح

وكل يوم بيفوت يبقى عيد بالنسبه ليهم

وبرغم ذلك وعد منى ان المصيبه جيه جيه بس هيا مسألة وقت مش اكتر

عرفتو انا غطسانه فين

غطسانه فى حبة سوااااااااااااااااااااااد ومحبطة جداااااااااااااا

ومش عايزه اتكلم ولا اسمع ولا اتحرك من مكانى اصلا

بس تصدقو وحشتونى جداااااااااااااااااااااااا

دعوتك باه عشان انا فضلى تكه وهنفجر