الاثنين، يونيو 07، 2010

الله يسامح ماما

سلامات يا اسيادنا اللى هنا

يارب الكل يكون بخير كدا بعد ما شوفتو مثلا انتخابات

الشورى الرائعه

اللى ملهاش اى لزمة

وتكونو بخير اند منفضين للى حصل مركب المساعدات اللى كان

رايح لفلسطين واستشهد كام واحد

عادى عادى منفضين

وتكونو فى افضل حال بعد ما سمعتو الاستفزاز من اللى

اسمة معتز فى 90 دقيقه

لما اتمزء وفضل منشكح لوصفه لصطحاب مبارك ليه وفضل ينفج فى ....

مبارك على الحريه والهباب ويمدح فى جو اوربا

وبعديها جاب صورة الراجل اللى انتحر على كوبرى قصر

النيل عشان منى ومعهوش اللى يجوز بيه

اللى 99%من شباب مصر اتمثلو فى انتحاره لعدم مقدرتهم عنهم يعفو نفسهم بالحلال

وبعدها يقول لو عندو اجازة كان قضاها فى جو اروبا الرائع بس للاسف المحروس معندهوش



واخير احب اطمنكم على نفسى وعقلى اللى شت منى بعد موقف

مع بتاع توكتك الا وهو اننا ماشين وبقترح عليه يدخل شارع

لاختصار الطريق اووووووووووووفاجئ اند اتفقع

انه يرد عليا يقولى لالا مينفعش دا شارع بتاع نائب مجلس الشعب

بقلو يعنى ايه اشتراه ولا حاجه قلى وطى صوتك قلتلو ونبى ايه مش خير ولا حاجه

قالى ماينفعش ... قلتلو امال لو كان شارع مبارك كنت هتعمل ايه

قالى استنى نستاذن الراجل اللى واقف

واذا اوووووووووووفاجئ بيه فعلا يستأذنة والراجل يسمحلو

وانا متنحه للموقف ومزهوله للطخ اللى هو صاحب التوكتك اللى يعتبر فى تصنيف البشر راجل

مفرود فى خلقة اهلو شنب مقفل على ضبته ومناخيره

وانا كل اللى طالع عليا انت بتتكلم جد وهو يقولى كذا مره وطى صوتك

واللى كانت بتغزنى فى جنبى

وتكتمنى امى الله يسامحها

وكان نفسى وانا نازله اتف فى وشه تفه قمة تلاته كيلو

بس للاسف نتيجة

تربية الطيبه اللى بتتلاشى مع الزمن خلتنى مكتومة احتراما مش لابن الكلب طبعا


لالا احتراما لامى خوفت اطرطش بتفافه وضيع فى الوسط

بس حاولت احلل خوف وجبن الراجل قولت لما خايف انه يتأذى من النائب دا

لاما خايف لاقدر الله يمنع عنه عطيه من عطاياه

لاما خايف يقدمة طلب على ورقه

وما يتشرف برمى طلبه فى برميل الزباله عند المحروص النايب على عينه


فاحب برضو نطمنكم على ولاد كلب مجلس الشعب اللى كلهم من الحزب الواطى

واحب برضو اطمنك على غباء ابتسامة معتز البارد

وهو منشكح بجو اوربا وبيغيظ فى الشعب الغلبان والواد

اللى انتحر عشان منى واسمه طالع يدافع عن قضايا الوطن والشعب والبرود

اللى منبعث منه وبفشخرته على الهوا وما فاتت لحظة عن صورة واحد منتحر عشان ضيق الحال

واحب اطمنكم لى انقراض عنصر الا وهو الرجاله والجبن والخوف

اللى شوفته فى ابن الكلب برضو بتاع التكتوك


واحب اطمنكم على امى اللى كانت ومازالت السبب فى فقعتى وبتخلينى اسكت

وقولتها المشهوره ليا لما تلاقينى بلبخ وبشتم

يابنتى بدل ما تقولى كلمة وحشه قولى كلمه حلوه تخدى بيها حسنه

ولا اخفى عنكم خافى ولا مدفون انى من يومها وانا عندى حموضة انى ما هزقت الغبى دا


عشان حسسنى ان انا اللى جبانه

وقول لنفسى ليه ما نزلت من التوكتك ولا اعبره بس الظاهر اتشليت وقتها شلل مؤقت

جسدا وفكرا ومسبهله من الجبن دا

يالهوى يا مرراتى

هناك 7 تعليقات:

أحــوال الهـوي يقول...

حمد الله ع السلامه
بقالك كتيييييير وحشني فرستك و غيظتك



الله يسمحك انتي

ع التوكتوك و سنينه

و الشورة و المشورة


و التنفيض لمراكب المساعدات

مرحبا بك

تحياتي

حكيم النيل يقول...

هاتقلبى علينا المواجع

nour shahen يقول...

يمكن علشان التكتوك مش مترخص بس مهو ميخافش الا حد عامل عمله مش بيخاف كدا وخلاص
لائما ماشى بالمثل اللي يشل امشى جنب الحيط لحد ما تقع فوقك

او مثل من خاف سلم وكانه ماشى فى وكر تعابين

هدى نفسك وهدى اخلاقك والله يكرمك انا عارفه انى هنضرب بس بلاش شتيمه

اما عن المطره اللي كان نفسك تغرقى الراجل بيها فمعلش تتعوض فى مره تانيه وابقى اسأليه معاك مناديل
ههههههههههههه

خالص تقديرى واحترامى والحق اجرى انا بقى

Abd-Alrahman يقول...

ههههههههههههههههه
مهو برضة الاحترام واجب يا هابي
يعني يعمل اية ولو م استاذنش تقولوا مش مؤدب

وبعدين ماما قالت قبل كدة محدش يعدي من شارع حد الا لما يستاذنه الاول
البلد خلاص يا ناس خربت والله

متشغليش بالك يا هابي يا ما من دة كتير
هوة دة الشعب المصري السلبي المخترق حتي النخاع


حسبنا الله ونعم الوكيل

تحياتي
مجيتش من زمان عندك بس لما اجيت لاقيتك لسة زي م انتي
بجد متغاظة اوي
وانا كمان لما قريت التوبيك بجد اتغاظت انا كمان
بس ما في اليد الا الاصابع
هنعمل اية يعني

maxbeta3zaman يقول...

أحيلك الى قصيدة الأبنودى أنا المصرى ففيها كل أوجاع البلد اللى ممكن كلنا نحس بيها ...كما أدعوك بعيدا عن الفرسه والفقعه أن تقرأى عندى مقال اسمه المياه المغناطيسيه ..فى شهر أغسطس الجارى
وكل عام وانت غير مفروسه ومهروسه

http://maxbta3zaman.blogspot.com/2008/12/blog-post_31.html

ranim يقول...

ازيك يا قمر وحشتيني كل سنة وانتي طبية هههههههههههه مراارتي انا كمان افقعت معلش معلش تعيشي وتشوفي والله وحشتيني اوي اووووووووووووووووووووي
تحياتيمبتسمة دائما

Bobbos يقول...

الضرب فى الميت حرام..... و الشعب دة مات من زمان .... و مايجوز عليه إلا الرحمة .... فسواء شتمتى ... ولا إتفقعتى .... هى دى بقت مصر.... الله يرحمها... وبعدين اللى بيعاتب ده بيبقى لسه عنده أمل..... و بالنسبة لى .... الأمل دة ذهب و لم يعد من زمان....