الثلاثاء، يناير ٢٩، ٢٠٠٨

يااااافرسهم يا ابو تريكه...

طبعا الكل شاف ماتش مصر والسودان أنا بالرغم أن مليش فى الكورة أتفرجت عليه
بس ما كنتش مركزة أصلى كنت بقشر توم علشان الطبيخ باه ههههههه
بس لقيت الحكم ادالو إنذار كبرت بس بعد كدا فهمت طبعا

المهم أبو تريكة طلع جامد جداااااا بصرف النظر باه عن القوانين والكلام المنخوليا دا
ولا اتهامه بانضمامه للإخوان وطبعا دا اللى اتنفى بعد كدا من أبو تريكو والإخوان نفسهم

واهو لا مسك سلاح ولا عمل مظاهرة ولا مسك حتى طوبة وشوفنا باه رأى العالم كلو فى الحركة دى

كانت كسر عين والله

والله الراجل عمل اللي فى كتير ما قدرش يعملوه وربنا أنا حاسة أن الفانلة دى هيا بشرة خير علية

أنا كدا ما يهمنى مصر غلبت ولا كسبت البطولة ولا خدت الكاس حتى علشان سبب بسيط جدا
أحنا كسبنا اللي أحسن من دا كلو بكتير كسبنا فخر
وان شاء الله لما ناخد البطولة هتبقى تحصيل حاصل دا رأى أنا

بجد بجد ر بنا يحميك يا ابو تريكة راجل والله العظيم

الاثنين، يناير ٢٨، ٢٠٠٨

اتسطلنا ب 17 مليار جنيه مخدرات فى مصر 2007

قرات فى الدستور الأسبوع اللى فات تحقيق عن المخدرات عن مصر
بصراحة اتصدمة صدمة مهببه لما ألاقى الفلوس اللي أتصرفت على المخدرات بس سنة 2007 تيجى 17
مليار جنيه مش بزمتكم ليا حق أتصدم ولا لاء
17 مليار جنية فلوس راحة فى الأرض وشباب ضايع اكتر مهو ضايع ...وفين الداخلية من دا كله
جهاز مكافحة المخدرات طلع فى الطراوه لما المخدرات فى زيادة ومغرقه كل محافظات البلد ...
وقال ( عمر عفيفي) وهو ظابط سابق فى جهاز مكافحة المخدرات أن كل التقارير بتاعة الداخلية مش صحيحة
دا بالنسبة لقضايا الضبط بتاعت المخدرات ودا لأسباب طبعا أولها أن رجالة العادلى تفرغوا للأمن السياسي على حساب الأمن الجنائي ودا لتدعيم خطة الحكومة فى محاصرة
خصو م النظام السياسي والتضييق على الحركات المناهضة للتعذيب وغلاء الأسعار واى حركة تريد إصلاح البلد .
وبيقول أيضا أن جهاز مكافحة المخدرات مش بيضبط إلا كميه بسيطة أوى بالنسبة للكميات اللي مغرقه محافظات مصر كلها وان في قضايا المخدرات ناس بيتقال عليهم ( خرفان)ودول صبيان حيتان المخدرات
وبيضحوا بيهم بكميه بسيطة بهدف مرور بقية الشحنة يعنى عبارة عن تمويه علشان الكميات الأكبر تعدى
ويتوزع فى البلد..
وبرضو قال حتة حلوة أوى وفعلا دى الحقيقة قال الناس دى ( دول اللي بالى بالكم افهموها باه) أنهم قاصدين كدا علشان الشعب يغيب عن الواقع وعن العيشة ويهمهم أن المخدرات توصلهم فلو أتمسكت اى كمية ودا مستحيل طبعا_الشباب هيفوق عليهم فلأحسن يفضل تايه

اما العميد محمود قطري وهو كان ظابط سابق فى الداخلية بيقول أن الفساد انتشر فى الداخلية وأصبح رجال العادلى بيهتمو بنفسهم على حساب البلد ودا عن طريق القبض على مجموعة شباب متعاطي فقط على حساب التجار الكبار اللي بيوزعوالمخدرات بأطنان وبجميع أنوعها فى السوق .
وبيقول برضو ان ليس معنى أن عدد المضبوطات بتزيد كل سنه دا علشان يكمل الإحصائية
السنوية ودا من خلال القبض على كام شخص معاهم كام جرام مخدرات ويعملوا هيصة وسايبين التجار الكبار بيوزعو زى الفل ب 17 مليار جنية ..
أما عن تورط رجال الداخلية مع المخدرات .. فدا موجود بيبدا من أول تعاطيهم للمخدرات ودا طبعا لتوفيره من

خلال المخدرات المضبوطات التى
يحرزنها أو ممكن تجار المخدرات يستغلوا ظروف المادية وممكن يهددوه

فمنهم اللي بيسهلو مرور الشحنة أو هما اللي بيقومو بعمليه النقل وبعض الظباط بيتاجر فيه اصلا

وأكدت الداخلية فى تقاريرها أن معدل القضايا
زاد بنسبة 30% عن السنة اللي فاتت .
والداخلية بتتعامل مع مرشدين دولين للإبلاغ عن صفقات المخدرات من دول المنبع مقابل مرتبات ثابتة
ودي إستراتيجية الوزارة تجاه مكافحة المخدرات يعنى مش فالحين يقضوا عليها جوه ببلاش بيقضوا عليها
بره بفلوس متقلوش من كتر الفلوس يعنى هيا الفلوس ضايعه ضايعة سواء لمنع المخدرات
الى مصر أو فشلهم فى منع توزيعها فى مصر يلا متقلوش ذكاء وياريتو جى بقايدة..
دا الخبراء متوقعين سنه 2012 هيزيد نسبه المخدرات فى مصر بتداول 22,6 مليار جنية. يعنى هنبقى مسطولين مسطولين ...

السبت، يناير ٢٦، ٢٠٠٨

يا حركاتك يا جواد العلى ..

من كام يوم شوف إعلانات جوجو على روتانا سينما منور علشان ألبومه الجديد والدعاية اللي مكسرة الدنيا

شفتوه مش بذمتكم قمر ومثال للفنان المحترم هتقلولى أيه دليلك على كدا

أقول ليكم أول ما شوفت الصورة كدا لله فى لله قلبي أتشرح لابس ابيض فى ابيض متقلش طالع لحد فى الحلم

ولا السبحة فى أيده بتديك أحساس انه حتى وهو بيتصور ما يقدر يستغنى عنها أبدا قصدي على السبحة
ودا مثال حي للشاب المجتهد والملتزم .

أنا كان فيا حاجة لله من ساعة لما شوفتو فى كليب بتاع المتاهة دا أنا وربكم والحق ظلمته فى الاول بس معلشى افتكرتهم بيعملو تجربة ولا

حاجة بس لما فهمت طلعت أنها أغنيه وقلت انه ان شاء الله هيكون الأول من نوعه فى عالم التو هان قصدي الفن
بيشتغل وما ينسى أذكار ربنا وتسبيح... لدرجة انه ما راضى يسبها من أيده وهو بياخد الصورة

ولا جايز يكون جى من صلاة الجمعة مثلا

وأنا أقول ليه الشباب من فترة ماسك فى أيده سبحة اتارى قلبه حاسس وواخدينه المثل الأعلى ليهم

يلا شجعوه على انه يكمل مشواره أنا مش قصدي تشيترو الشريط ولا السى دى لا اشتروا سبحة وطلعوا تمن الشريط لله أحسن
وتسلم يا دودو على الصور

الاثنين، يناير ٢١، ٢٠٠٨

القران الكريم (استغفر الله العظيم) هتسمعو على موسيقة ..وحده ونص.. خيبة صح

كل يوم نسمع حاجه جديدة عن الاسلام والمسلمين والقران الكريم استهزاء وبدع...
واليوم قرات ان النائب الهولندى اليمنى المتطرف (خيرت فيلدرز) المعادى للاسلام قرر طرح فيلم يعرض فيه اراءه تجاه القران الكريم ووصفه (بكتاب رهيب وفاشى) ورغم دعوة رئيس الوزراء الهولندى الى ضبط النفس بشان الفيلم الذى لم يحدد بعد كيفية عرض الفيلم سواء على التلفزيون ام الانترنت لكن من المقرر عرضة فى اواخر الشهر الحالى فى محطة (تروس) التلفزيونية الحكومية...
وبالرغم من تلك المصيبة التى اصبح من ابسط الاعمال ضدد الاسلام والذى يحد منها انها ناتجة عن اشخاص كافره بالدين ليست مسلمة ..وانما المصيبة الكبرى ان يوجد من هم مسلمين ويدينون بالدين الاسلامى ...
ورغم ذلك لا يكون يحترمون هذا ...
واقصد بكلامى ... بعض المغنين حيث القران عندهم مجرد عامل يساعدهم فى شغلهم المتخلف ....الذى يطلقون عليه فن راقى ... وهو فن ( زفت)
وقرات للدكتور( محمود خليل) مقاله فى "المصرى اليوم "يقول فيها ان المطرب الكويتى ( عبدالله الرويشد) بدا اغنيتة بايات من القران الكريم وايضا المطرب مارسيل خليفة استخدم ايات من سورة يوسف فى اغنيه...وطبعا اللى بيسمع للناس دول هيعرف علشان انا لابحب اسمع ليهم ولاهسمع ...
وهؤلاء هم المسلمين طبعا اسما فقط
وانه لعار عليا ان اذكر اسم اى شخص فيهم ...
وبالرغم انها مصيبة الا انها قد تكون اقل من الاتى .... اعرف ان الكل يسمع الاغانى والموسيقى
ولو قلنا زى ما اقر علماء الفقه انه حرام ... بس طبيعى انك تسمع اغانى ... بس اللى مش طبيعى
ولا استحالة انه يكون طبيعى ... ويكون اللى بيسمعه انسان مسلم عاقل عنده ولو قدر بيسط من الفكر الصحيح
ان يسمع قران بالموسيقى.... ايوه اصبح الموضة بين الشباب سماع القران بالموسيقى ... قد يكون البعض مستغرب مثلى تماما عندما قرات المقال للدكتور محمود خليل ...والبعض الاخر قد سمع بهذا من قبل ...
ولكن لسنا بصدد هذا الان ... الان اريد ان استوعب ما قرات وما عرفت هل اصبح كتاب الله فى نظر بعض الناس سلعه رخيصة يتاجرون به ...كيف يقرا القران وتسمع معه موسيقى .... دى مصيبة ...
ومعلشى انا هكمل كلامى بالعامية ..... علشان انا هتفقع .... وعايزة اغلط.... مبدهاش باه..
بصراحه انا تفكيرى هيقف ...يعنى انا لو اتجننت وفكرت اشتريت شريط قران واجى اسمع الاقى طبلة ولا ظماره
ولا شخليل بتاعة (الهشك بشك) ... هيبقى اعمل ايه وقتها... اسقف ولا اصفر ,,,
ومن الممكن نلاقى شركة عمله القران بموسيقى هادئة(سلو يعنى) وشركة تانيه بدافع الحرص على الاسلام وشعارها
نجمع الشباب تعملو بموسيقى شعبى ....ونلاقى اللى ممكن تعجبو حته معينة كدا ويقوم متحزم وهاتك يارقص...وواحد يشجعه ويقلو اديها ياسيدى...وتالت يقول دا متاثر اوى ...
مبقى هبل فى هبل .... ال صحيح شباب ال ... بلا خيبه....
والمصيبة ان القران اللى مصحوب بالموسيقى منتشر بين الشباب على الموبيلات والكمبيوتر ... يعنى الحكاية مش من يوم ولا شهر ولا سنه حتى ... دى من فتره ... وفين المسؤلين اللى يمنعو الحاجات دى ولا فى دماغهم الا من رحم ربى... واللى يغيظ اكتر الشباب المتخلف اللى بيسمع القران كدا ايه شباب خنفس على الموضة...
الهبل بقى فى القمه عندهم ... انا عايزه اعرف اللى فوق عنده دا راس بمخ بيفكر ولا صنية مسقعه...
وممكن لو جيت تسالو يطلعك انت اللى متخلف ويقلك انت مش متحضر ...دى الموضة ...ولازم الاسلام ينتشر بما يناسب جيلنا.... انت ممكن تقلو اية ؟؟؟؟.... اذا كان عليا انا هقلو وبصوت عالى جدااا...
ياشيخ اتلهى جتك خيبة حمضة .... ورونى هتعملو اية؟؟؟

الأحد، يناير ٢٠، ٢٠٠٨

اتحدى راجل ... زعيم ... عربى...مسلم ...يحس بالم صدقتى ..ويجيب حقها


بسم الله الرحمن الرحيم
السلام عليكم ورحمة الله وبركاته
كثيرا ما يستهويني الخوض في هذا المجهول
الذي أصبح حال الكثير منا لا بل أجزم أن ليس منا من لم يعش تلك الغربةولست أقصد هنا غربة الديار والوطن إنما هي غربة الروح وهجرة العقول وألم الضياع والعيش مع الأوهام أو أن تعيش الأوهام فيناغربة الروح عندما تجد نفسك بمعزل عن كل من حولك تسكنك الأحزان والألم وضجر ضيق واختناق يتغلغل في أوصالك تشعر إنك لست موجود معهم أو بينهم تتقطع السبل ....لا بل قد لا تجد الأسباب لما أنت فيه قد تناظر مرآتك لتجد شخصا أخروجها عابسا أخر لا تسكنه الحياة إنه وجهك الذي لا تعرفه
إنه وجه من تغربت عنه روحه وبقي يسكن جسدا يئن ويتألم غربة الروح غربة أقسى وأمر من غربة الديار والأوطان فكل غريب لا بد له يوما من رجوع للأهل والأحبةأما أن تعيش معهم وتفتقدهم فتلك غربة الروح أن تسكنك أفكار يرفضها كل من حولك رغم قناعتك بها فهي غربة أخرى كم وكم هي قاسية تلك الغربة وكم أنت رائع يا بدر شاكر السياب بوصفك لها:يا غربةَ الروح في دنيا من الحَجَر
و الثلج و القار و الفولاذ و الضجر ِ,
يا غربة الروح ... لا شمس ٌ فأأتلق
فيها ولا أفقُ
يطير فيه خيالي ساعة َ السَّحَر ِ ।نارٌ تضيء الخواء البرد’ تحترقُ
فيها المسافات, تًدنيني , بلا سَفَرِ
,من نخل جيكورَ أجني دانيَ الثَّمَرِ
।نارٌ بلا سَمَرِ
غربة الروح
عندما تفقد الإحساس بالجمال والسعادة عندما تفقد الأمان والاطمئنان بكل شيء عندها فقط تبدأ بفقدان كل شيء وتعيش الغربة الحقيقية غربة مهما تحدثت عنها لن أوصفها بكلمات لأنها غربة داخليةلا يعرفها إلا من عاشها وعاش معها أصعب اللحظات
حبيبتي (هبه)هذا حالي في هذه اللحظة
وفي كل يوم يمر عليّاحمد الله كثيرا ... فرغم كل شيء إني اعيش احسن من عشراتٍ غيري لكن هذا هو الحال ... كأني أعاني من سكرات الموت وليس هو الموت إنه موت كل شيء جميل في حنين إنه موت كل الورود التي زرعتها فحصدت شوكاًإنه عذاب صامت... وكم يعذب الصمت أنه الموت بأنين لايسمعه الا الليل ولا يفهمه الا قلبي دائي ليس له دواء... وليس هناك من فهمه دائي إني اعيش الأحلام وأجبروني على الإستيقاظ أجبروني على العيش مع الوحوش لاتخافي علي( حنين )استطيع العيش بين الوحوش وما ان اتعود على وطني الجديد سأراسلك سأرسل لك رسالة بدم أحمرلأثبت لك ان عالم الاحلام الذي كنت اعيش به قد مات وإني غير( حنين!!!)التي عرفتيها قبلاولا تنسي اني لازلت ادعي لك... واني احبك أختك( حنين )
اقسم بالله العظيم ان هذه رساله خاصه من الايميل من صديقه عزيزة عليا جدامن العراق ...
تخيلو مدى العذاب النفسى واحنا العرب المسلمين ولا حاسين فين الرجوله فين الكرامه فين النخوه فين الزعماء العرب فين القاده اللى بنسمع الهتفات ليهم مش مكسوفين من نفسهم كل اللى همهم السلطه والجاه وقهر وزل الشعب ما حد يقدر يقول لاء فى وجهه امريكا ولا اليهودهتولى اى زعيم عربى قال لاء قال بلاش الظلم لشعبى قلولى زعيم عربى وقف وقفت راجل عربى مسلم حر عندو كبرياء وكرامه قال لاء .... قال كفايا زل .... كفايا حد يدوس على كرمتناولا هلاقى الكل يقلى كفايه كلام .... كفايا واللهى العظيم حرام اللى بيحصل فينا كدا ...... مين اللى هيدافع عنامين اللى هياخد حقنا .... مين اللى هيحافظ على الشرف والعرض مين اللى هيجفف دموع الستات والبنات والاطفال والشيوخ وايضا الرجال لم يوجد عندنا رجال شرفاء عندهم كبرياء.... سوف ادعو النساء والبنات لا تعتمدو الا على انفسكم لا تنتظرو من زعيم ان يدافع عن كرامة الاسلام والعرب
واخر كلامى اقول حسبى الله ونعم الوكيل فى كل زعماء العرب الذين ابو على انفسهم الكرامه واقبلو على الزل والركوع امام الظلم برضى
حاجة تكسف

ااااااااسفه....


اسفه....!!!!!
على لحظة حب عشتها...
على كلمة كدب صدقتها...
على نظرة عين ارسلتها....
اسفه.....!!!!
لفتقادى لك فى زمانى....
وعدم رويتك بمكانى.....
اسفه....!!!!!!!
فرحت قلب عبر عن حبك.....
على عمرا ضاع فى عشقك......
اسفه.....!!!!!!
على هواءا تنفسته بجوارك....
وهواءا خرج لملاقتك.....
اسفه......!!!
لاشواقى التى تعدت الحدود.....
لابحارى معك خارج الامعقول.....
اسفه ......!!!!
على وهما جعلته حقيقتا.....
على لحظة اراك فيها صادقا...
اسفه.....!!!!!
لاحلاما بكهف ذكرياتى.....
لدموعا قهرت احبارى...
اسفه....!!!!
على همسا انطقته شفاهى.....
والما ساكن بصدرى......
اسفه.....!!!!!!
على ذهاب افراحى بعيدا....
وتركى وحيدة الامى....
اسفه....!!!!!!
كثيرا لصمتى....
ودموعا سقطت من عينى...
اسفه ....!!!!!!
لتركى قلبا يهوى ...
واصبح حزينة ايامى....

مجرد لحظااااااااااااات احساااس

*********لحظات الحب**********
من اقوى الاحاسيس اللى جوانا احساس بالحب
والحب بكل انواعه وجماله
حب ربى
وحب رسول ربى
حب نفسى
حب اهلى
حب اصحابى
حب الدنيا
حب الزوجة لزوجها
حب الزوج لزوجتة
حب الطفل لامة
وحب الام لولدها
حب الخيردون انتظار جزاء الا من ربى
حب الغير ليك من غير وجود مصلحة
الحب الذى يؤدى الى الرضا والقناعة
السؤال:
ممكن توصفى مدى تاثير لحظات الحب فيك؟
********لحظة الكره*********
بنمر بلحظات كره فى حياتنا نتيجة تاثيرات الحياه بنا
وهذه اللحظات قد تحول الانسان اللى السيئ
بينظر لكل شئ فى الحياه بكره حقد
وقد يحولك لانسان صالح
فمن تزوق طعم الكره ولو للحظات قد يكره الكره نفسه
فهو لايريد لهذا الكره مكانا بقلبه
فيتغلب على هذا الكره بالمزيد من الخير والحب
السؤال
انت بتعرف تكره فعلا؟
انت اى انسا ن منها لحظة الكره؟
**********لحظة الغضب************
بنمر بالحساس دا يوميا فقد تقودك اشياء صغيرة الى الغضب
وكم منا استسلم له؟
وتركه يحركنا بلا رادع !
ولا باى مدى جرحنا مشاعر الاخرين
كم كانت الكلمات قاسية وحاده حد السيف
وتركناها تزرف الدموع ولا نبالى لها
وقد يزيدك هذا الاحساس بمدى قوتك
ولكنها قوة الشيطان وربى
صدقا بى
السؤال
الى اى مدىتستعبد لهذه الحظات من الغضب؟
******* لحظة ظلم******
وربى اصعب احساس جدا
كتير اتظلمنا وظلمنا
اتظلمنا فى شخصنا
وترك الظلم انيابه بداخلنا
يجعله ينزف من الالم والحزن ما يشاء
ولا نحرك ساكنا
وظلمنا اشخاص سواء اعزاء على قلوبنا او لا نعرف بهم
وقد يصل الظلم ان نظلم انفسنا
لماذا قد نكون هذا الظالم؟
الم نعانى من الظلم بما يكفى؟
لماذا لا نتحول من هذا الظلم الى جمره من الحماس
ونغير ما بانفسنا
هل هذا حلم ؟اعتقد هذا.........!!!!!!
السؤال
الى متى ستظل هكذا؟
*********لحظة الحزن************
اكيد بنحس بية كلنا ..........
بس بيختلف من شخص لشخص .....
حزن بسبب انك ظالم او مظلوم
حزن لانك تسببت فى جرح مشاعر اى انسان
حزن لانك كنت السبب فى بكاء انسان
حزن لانك لم تكن سبب فى اسعاد من حول حتى لو كانت ابتسامه
حزن لعدم تحقيق احلامك او حلم منها
حزن من اجل الاهل او الاصحاب
حزن من اجل الوطن والامه
اكيد مرينا بلحظات حزن سواء هذه ام غيرها
بس تاثرها اية بينا ؟ استسلمنا ليها
غيرت حاجة جوانا!
السؤال
لحظات الحزن دى غيرت من شخصك اية؟
******* لحظة ندم********
دا لازم يكون موجود
واحساس الندم نعمه من عند ربى
ندمت اكيد على حاجة عملتها غلط مقصوده او بدون قصد
ندمت على معرفتك باشخاص تسببو فى اذيتك لابعد الحدود
ندمت
على مرور حياتك بدون تحقيق اى هدف فيها او احلامك
ندمت على حب لم يجد التقدير ووجد الاهمال
ندمت على حب تركته ولم تاخذك الرافه به
السؤال
احساسك اية لما تمر بلحظه ندم؟
*******لحظات امل********
عشناها كلنااكيد طالما الامل جوانا
اكيد صح ولا انا برضو بحلم
لازم يكون جوانا نعيش بية نموت بيه
السؤال
هو انا بحلم ؟
***********لحظات سعاده********
وما اجملها من لحظات
تلك التى تجعلك هائما سابحا فى بحر من السعاده
ولا تريد ان ترسو على اى سئ
سعاده تتمثل فى الحب باتنصارك على الكره والغضب
وسعاده لغيرك للاحسن بسبب الظلم والحزن والندم
سعيد من اجل نفسك
سعيدا من اجل الاخرين
سعيدا بما قدره الله لك من نعم
هل تتسرب اليك دماء السعاده الان
احساس رائع عندما يجتاحك فيضان من السعاده لتغرق به الاخرين
هل انا ابالغ فى احساسى.............!!
السؤال
متى ستشعر بهذه اللحظات؟
لحظةكره
لحظةغضب
لحظةظلم
لحظةحزن
لحظة ندم
دى مجرد لحظة
وهتمر ولازم نخليها لاحظة
هنتغير بس هنتغير للاحسن
لحظات حب
لحظات سعاده
قلت لحظات مش لحظة
علشان لازم تكون لحظات كتيره
لازم نعيش كل لحظة فى حب وسعاده وامل

الرجاااااااااااااال كالبجر


الرجال كالبحر...!!!!!!!!
يسع للكثير من الوهم.......
ويفيض بالكثير من الكذب.....
والمراة...!!!!!!!
تغرق فى الوهم والكذب بعد ظنها انهما السعادة والامان....
الرجال كموج البحر......!!!!!!
لا يظل عاليا كما هو........
ولا يصبح فى الاسفل دائما.......
وليس له ملامح تحدد من هو......
المراة......!!!!
موجه تسحبها لداخلة لتغرقك فى حبه.....
وموجه اخرى تهدم ما اتممتى بناءه من احلام على شواطئه.......
وفى النهاية تترسب احلامك داخل اعماقه.......
ولا تقدرى على رؤيتها الا بالنزول اليها......
ورغم نزولك وتضحياتك لا تتحقق ولا تقدر.......
الرجال كالسفينة.......!!!!!!!
يبحر كما يشاء .......
واينما يشاء......
لترسو على كل ميناء قليل من الوقت.....
ليفرغ من اوهامه.......
المراة.....!!!!!!
تنتظر بفارغ الصبر هذا اللقاء.......
وترسم حبها واحلامها ........ا
التى بقليل من الماء تذوب الالوان ....
الوداع تودع احلامها .......
الرجال كالشراع....!!!!!!
يصبهم الخوف والفزع امام رياح شديدة.......
امام موجة عالية........
يهتز كيانه ........
ولا يجد امامه الا.......
المراة...!!!!!!!
وهى الشراع الذى ينقذ نفسه به ...
ولكن بقسوة شد الحبال .....
ليثبت قوتة امامها....
امام الخوف والفزع......
والبحر ........!!!!!!
تجمع لدموع امراة......

الخميس، يناير ١٧، ٢٠٠٨

كارثة.... مصرين ॥ على النايل سات..وقناه دينية تبث من اسرائيل

قرأت منذ قليل فى جريدة الأسبوع عن كارثة بكل المقاييس لما مجموعه من المصرين وبجد أنا فى غاية الأسف والعار لما أقول مصرين أولا لوجودهم فى إسرائيل مهما كان الأمر وثانيا لما يكون قائمين على قناة فضائية تبث
أفكار دينية متطرفة ابعد أن تكون على الدين الاسلامى

الحكاية إن سنه 1889 م ظهرت جماعة منشقة عن الدين الاسلامى تسمى( الاحمدية )التى تفرعت منها (القاديانية) على يد (ميرزا غلام احمد) وادعى النبوة وهو فى الخمسين من عمرة وانه خليفة النبيين محمد صلى الله علية وسلم وعيسى عليه السلام وتقمص دور المهدي المنظر

والأخطر من دا كله أن الطائفة دى اخترقت فعلا المجتمع الاسلامى وبدأت تنشر أفكارها عن طريق الفضائيات
اللي يتمتلكوها فى جميع دول العالم وبرضو عن طريق موقعها على النت وكتبها اللي بتتوزع فى المكتبات والشوارع.
وموطنها الاصلى هو الهند وانتشرت لباكستان ثم اندونيسيا وبنجلاديش وظهرت مؤخرا فى دول عربية إسلاميه وأولها السعودية ومصر وتونس والجزائر وذلك عن طريق دعم إسرائيل لها.

وحاليا ظهرت هذه الطائفة عن طريق قناة فضائية تبث على النيل سات باسم )MTA( اختصارا Muslim.t.v .AHMADAA.intrntionl ومش كدا وبس لا دى كمان تبث من حيفا فى إسرائيل
والمصيبة إن اغلب طاقم اللي يشتغل فيها مصرين والمصيبة اللي اكبر منها اغلب اللي بيتصلو على برامج المباشرة من المصرين وبيطلبو تفسير لآيات القران وان القائمون على هذه القناة يؤمنون بالقران الكريم والسنة ولكن ينكروا أن محمد صلى الله عليه وسلم خاتم الأنبياء .

وهذه الجماعة أسسها الاحتلال الانجليز ليكون ضربة للمسلمين فى الهند وباكستان عن طريق تغير ثوابتهم
فلقد حرمت هذه العقيدة الجهاد رغم أن القران الكريم بحيث على ذلك.
وظهر هذا المذهب مرة ثانية فى مصر ودول عربيه عن طريق العولمة ولجاء بعض مروجي هذا المذهب إلى لندن بعد أن لاقوا تهديدا بالقتل من بلادهم الأصلية

وتبث القناة مبدأ (الفوضى الخلاقة ) التى دعت لها "كونداليزا رايس" يعود إلى مبادئ" الغنوصية"
التى تنادى بان يكون ولاء الإنسان وانتماءه لغير وطنه وبلدة .
واستدعت إسرائيل هذه المبادئ علشان تحارب الدين الإسلام ودعوة المصرين علشان يشتغلوا فيها
وبرضو حللت الطائفة دى شرب الخمرة والأفيون والمخدرات .
واتباع الطائفة دى أدعو النبوة لمؤسس جماعتهم ودا يخالف النص القرانى " ما كان محمد ابا احد من رجالكم ولكن رسول الله وخاتم النبيين" ولذلك اجمع فقهاء السنة والشريعة بان" الاحمديه " هرطقة ومن يعتنقها خارج عن ملة الإسلام .
وزعموا بنزول كتاب أسمة " الكتاب المبين " من جبريل على غلام احمد
وهذا كذب فقد قال الرسول صلى الله علية وسلم " يخرج من امتى كذابون كثيرون نحوا من ثلاثين كلهم يزعم انه رسول وأنا خاتم النبيين" :
وعن طريق قيام الأسبوع باستطلاع للراى عند الشباب المصري حول هذه القناة التى تبث من حوالي تلت شهور
فاكدو أنهم بيحرصوا على مشاهدتها ومنجذبين ليها علشان بتنبذ العنف والتطرف وتحترم الأديان الأخرى ومش متشددة ذى القنوات الدينية الأخرى .
ودور الأزهر فى دا انه حظر تداول الكتب اللي بتساعد على انتشار الكتب دا ومنهم كتاب أسمة" كارثة الخلية والنظام العالمي الجديد " وهو بيسئ للرسول عليه الصلاة والسلام .
وحظر العلماء من الاستماع لتلك القناة أو الاطلاع على الكتب التى تودى إلى البلبلة وزعزعة العقيدة الإسلامية فى نفوس المصرين .

يابختك يا فول بقيت غالى ....


أنا مش هتكم عن البترول اللي من المقرر بتباع لإسرائيل فى حين إن بنزين العربيات بقى غالى وياعينى السوقين كل ما يزيد سعره يروحوا مزودين فى الأجرة وطبعا مين اللي هيشيل الزيادة لاما موظف غلبان مرتبه بكفيه بالعافية ويا سلام لو عنده ولاد اللي بيروح الجامعة محتاج مصارف سواء مواصلات ولا كتب ولا الثانى اللي عاير مصاريف المدرسة ولا فلوس الدروس ... لاما فلاح عنده حتة ارض بيحاول يطلع حاجة منها بعد ما يخصم فلوس سماد الارض اللى بقى سعره الضعف .. دا لو ما كان متسرطن أصلا .... ولا يكون تاجر المواشي اللي الأعلاف بقت ولعه نار
وبقى يفضل دبح العجول صغيره ما يتم عمرها أربعين يوم علشان العلف زاد سعره الضعف... ولا مزارع الفراخ اللي بسببها استوردنا دواء بملاين وطلع معدم المفعول.. على العموم مليش دعوة بدا كلو .....

نيجى للحاجة اللي تغيظ الفول ...لالالا أنا مش بعزم عليكم .. مش أنى بخيلة لاسمح الله أبدا وربنا بس علشان أنا بينسد نفسى لما بسمع اسم الفول كنت الأول فين وفين لما أكله علشان انتو عارفين بيكبس ما بيخلى الواحد يتنفس

بس من فترة بقيت محتارة احلف ما أكله خالص ولا استنه يمكن يكون أهون من غيره وارخص.... ياربنا أنا بقول ارخص ... أيه الحلم دا .... ياساتر ... أنا بقيت أطول اقعد أنا وطبق فول فى مكان واحد ... دا كفاية انه بقى غالى أوى قصدى مكانة.. مش سعر أيه يعنى سعر الكيلو بخمسة ولا ستة جنية مش مهم.. المهم أن نفضل متجمعين على طول فى الخير ... بلقمة عيش .... ويا سلام لو عيش فينو مهو الغالي ملهوش إلا الغالي برضو ... ياربنا رجعت للحلم تانى عيش أيه بس فينو كمان اللي الكيلو فيه برضو بقى بخمسة جنيه...

لا أنا اضمن حاجه علشان أنا بقيت بحلم كثير أنا أتصور صورة مع طبق فول ولا عيش فينو
محدش يحلم..... ولا يتكلم .... احنا نبص ونكتب

الثلاثاء، يناير ١٥، ٢٠٠٨


المجهودات المبذولة لأطفال زوي الاحتياجات الخاصة ... كلام حلو.... وشعارات تفتح النفس



منذ سنوات لوحظ مجهودات السيدة سوزان مبارك فى النهوض بالمرأة والطفل والكثير لاحظ هذا النشاط فى بعض محافظات مصر وخاصة الكبرى مثل القاهرة والإسكندرية ومحافظات أخرى ولكن أريد أن أركز على فئة من الأطفال وهم ذوى الاحتياجات الخاصة وأيضا لا ننكر المجهودات التى اتخذت بالنسبة لهذه الفئة من تشيد المدارس سواء الحكومية أو الجمعيات الاهليه

ونتيجة لدراستي فى هذا المجال لاحظت أن يوجد فرق شاسع بين الجمعيات الاهليه التى تم تدريبى فيها وبين المدارس الحكومية ودعوني لا اشمل بكلامي معظم محافظات مصر لاننى لم أراها ولكن سوف احدد بكلامي ضمن ما عشته
فى البداية سوف نضع أساسيات تقوم عليها هذه المدارس لكى تعطى النتيجة المرجوة منها . مدارس ذوى الاحتياجات الخاصة تشمل على مدرسه فكريه ومدرسه لفاقدي البصر ومدرسه للصم والبكم وكل هذا فى مبنى أو مبنيين حسب الإمكانيات وأيضا يشمل على مكان خاص لنوم هذه الفئة ومكان للمطبخ لإعداد الوجبات على أساس إنها مدرسة دخليه وأيضا يوجد بها بعض الورش الحرفية الخفيفة التى بطبع تناسب إمكانيات هذه الفئة سواء الذهنية أو العضلية وهي تناسب بشكل اكبر فئة الصم وكل هذه الإمكانيات توفرها الحكومة بميزانيه مخصصه لكل مدرسه أو مؤسسة على حسب عدد الأطفال

أما بالنسبة لعدد المدرسين من الطبيعى أن تكون بنسبة واحد إلى واحد اى لكل طفل مدرس وخاص للأطفال ذوى صعوبات اكبر أو متعدد الإعاقات ويحتاج الطفل إلى مدرس أو بمعنى اصح اخصائى علاج سلوكي وذلك لعلاج السلوك الذى يكون سلوك غير طبيعي لكى يتوافق مع الحياة الاجتماعية من أكل وشرب وارتداء ملابس وقضاء الحاجة وأيضا إلى اخصائى تخاطب لان معظم اللغة قد تكون ضعيفة جدا وبها الكثير من الأخطاء التى تؤدى إلى إحساس الطفل بالعجز لعدم قدرته عن التعبير عن ذاته أو احتياجاته الشخصية ومدرسين لتعليمهم بدايات القراءة والكتابة واخصائى علاج طبيعي احتياج معظم أطفال هذه الفئة اى تقوية العضلات لعمل اتزان فى الجسم
من خلال المشي أو مسك القلم مثل هذه الأشياء البسيطة

وأيضا من الطبيعى توفير اى جهاز يحتاجه الطفل ليساعده على مقاومة اعاقتة ومن هذه الأجهزة جهاز السمع لمن لهم بقايا سمع أو بعض الأجهزة التى تساعد على المشي

وأيضا يتم توفير غذاء صحي وغنى بجميع العناصر الغذائية وتوفير ملبس مناسب وتوفير وسائل تعليمية تساعد على تنمية المهارات الموجودة وتقوية المهارات الضعيفة
وتوفير طبيب للإشراف على الأطفال ومتابعة حالاتهم الصحية وتوفير سجلات طبية للرجوع إليها لتبين مدا تقدم الحالة الصحية أو جوانب القصور

وأيضا توفير اخصائين نفسين واجتماعين لدراسة البيئة المحيطة من بداية حمل الأم ومولدة وعلاقته بالأم والأب والاخوه ومدا تقبلهم له وعمل محاضرات أو ندوات للآباء والأمهات لكى يقومون بعمل بناء ومساعد للمدرسة
وإعطاء النصائح لهم بخصوص اى جديد يخص طفلهم او اى مرحلة يمر بها .

هذه هيا البيئة الطبيعية المناسبة والتى لابد منها لخروج طفل يكون ايجابي لنفسه أولا ولمجتمعه ثانيا

ولكن للأسف لاتطابق الأحلام ولا الشعارات ارض الواقع أصبح هذه الفئة عبارة عن مشروع تجارى حتى لو تم بالفعل العمل على تحسينهم معظم الجمعيات الأهلية تقوم على مصاريف باهظة جدا ويتم تحديدها على نسبة الاعاقه عند الطفل اذكر أحدى الدارسات للدورات أنها تدفع 900 جنية لطفلها قد تقدر هذه السيدة ماديا على أن تدفع لطفلها من أين لباقي الأمهات والآباء أن يساعدون أبنائهم ليعيشون حياه سوية فيها قدر من الاعتماد على النفس ....... ووجدت بعض الأمهات لأحد الجمعيات يجلبن الأطفال صباحا ويجلسن خارج أسوار الجمعية
حتى ياتى ميعاد الخروج ولذلك لبعد الجمعية عن بيوتهن ولعدم وجود مكان مناسب قريب لقبول أطفالهن بأسعار مناسبة ...
أما بالنسبة للمدارس الحكومية فى بلدي تجد الطفل لا يوجد لدية ملابس نظيفة مناسبة مظهرهم العام غير نظيف إهمال شديد ....
وحضرت أيضا موقف عندما ذهبت إلى احد المدارس لكى أتدرب لأحصل على خبرة وكنت جالسة فى إحدى الفصول ووجدت طفل يظهر عليه التعب والإجهاد وإعياء وطبعا غير مظهره الغنى عن ذكر مساوئه وعندما سالت عن وجودة بهذا الشكل فى يوم دراسي عادى وجت مدرسة الفصل تقول أن الأهل لا يهمهم إلا أن ياتى للمدرسة لصعوبة التعامل معه ..ويقولون انه يأكل ويشرب ببلاش...

يعنى جهل وفقر الاسره مع ضعف الإمكانيات وتوفير طبيب معالج فى المدرسة يجعل الطفل بإعاقات أكثر

و وجود بعض الأطفال فى مدارس الصم لديهم بقايا سمع وعدم توفير سماعات الأذن المناسبة وذلك لعدم مقدرة الاهالى على تكاليفها وبالطبع تقلص دور التامين الصحي ولذلك لارتفاع أسعارها...... يعنى هيا بيظه بيظة ليه نتكلف

ولا فيه لبس نظيف ولا رعاية صحية كويسه بس أكيد فيه كلام حلو وشعارات تفتح النفس
أهم حاجه الاسره الفقيرة دى تتخلص من مصاريف أكل وشرب عيل من عيالها يعنى مش هتوفر دى من قلة أصلا دخلها ومدارس حكومية اسمها عملت اللي عليها ولو في تقصير ولا حاجة شعارها هنا الميزانية لا تسمح

والله اعلم باه بتروح فين .....؟؟؟؟؟؟