السبت، مايو ٣١، ٢٠٠٨

مهزلة على راى بنت خالتى

كنت عند بنت خالتي فى زيارة وهيا مدرسة علوم فى الاعدادى ....

أنا قلت الوظيفة والمرحلة وهقلكم ليه دلوقتى ......

المهم وإحنا قاعدين فتحو موضوع الامتحان اللي وزارة التربية والتعليم

عملاة علشان على أساسه تحدد مين اللي هياخد الكادر .....

وما ما بالرغم أنها توجية ومش مدرسه برضو هتمتحن ....

وكان الامتحان على سبيل التجربة لامتحان اساسى فى شهر تمنية

ودا بناء على كلام بنت خالتي وماما ......

فقبل اى حاجه سألتهم الامتحان دا شايفين أن ليه نتيجة كويسة أصلا .....

بنت خالتي قالتى دا أصلا مهزلة ....

وبعد سؤالها هيا بتقول كدا ليه ( مع يقينى أن أصلا حكاية الامتحان دى متخلفة

وحجه علشان تصرف فية شوية فلوس

للقيمين بالهجس دا مع وضع أسباب لحرمان بعض الناس لو مش هينجحو فى الامتحان دا )


تخيلو يا حضرات أول المهزلة أن زى ما قلت مدرسة علوم جالها الامتحان على أساس أنها مدرسة لغة عربية

فراحت الإدارة علشان تصحح تخصصها وفضلت تفهم الكل هناك انها علوم مش عربى ولا كانها بتكلم نفسها
جميع القائمين على الامتحان ما عرفوا يعملوا حاجه وبالرغم من كدا

خلوها تؤدى الامتحان ..... مدرسة علوم تمتحن عربي .... شوفتو التخلف ....

وبتقلى عندي فضول اشوف آخر الموضوع أيه ...؟

بقلها دا رزق وجبلولى ربنا علشان اكتب فى المدونة من شاااااااااااهد عيان ...


المهم تانى مهزلة أن الامتحان شامل على (40-50 ) نقطه امتحان اسئلة اختيارية
والوقت المتخصص للحل ساعة منها تلت ساعة


لازم على المراقب يشرح أهمية وأهداف الامتحان .....
وأتفضل 45 دقيقة ما تكفى أصلا لقراءة أو التفكير فى حل الأسئلة


تالت مهزلة أن الامتحان بيشمل على أسئلة شاملة من أول مناهج الابتدائي لحد الجامعة

يعنى مش مرحلة تخصص المدرس وصعبة جدا

وغير مستفاد بيها للطالب أصلا .... حد هيقلى دى ثقافة عامة ...

لا من خبرتي اللي ما كملت شهرين واتعقدت ( هشرحلكم بعدين )

المدارس مش محتاجة ثقافة ولا نيلة .... دى بس العيال تعرف تقرا وتكتب وتعرف الكتب بتكلم عن أيه أصلا .....

فقلت ليها بس الامتحان دا مش بيثبت أن المدرس على مستوى كويس أصلا ولا مش كويس .....

قلتلى فعلا علشان ممكن تلاقى واحد جايب الدرجة النهائية فى الامتحان وميعرفش يوصل
اى معلومة للطالب أصلا ....


يعنى الخولاصة يا جماعة الامتحان مش هيحدد مستوى المدرس مهما كان صعب أو سهل
لان الهدف أصلا من المدرس

انه يكون مؤهل انه ازاى يوصل المعلومة للطالب بابسط الطرق ...

غير أنهم هيمتحنوا فى الكمبيوتر ...على أساس أنها حكومة الكترونية ...

وحتى لو المدرس ما نجحش فى الامتحان أيه ذنبه انه يتحرم من الزيادة

علشان يترحم حتى لو بنسبة واحد من المليون فى الغلا دا


تفكير متخلف ...وعالم فاضية .... ودوله متخلفة ....

يعنى بدل ما تهتم انها تدى للمدرسين دورات تدربيه فى المناهج راحه تعملهم امتحان

اهو دا باه اسمه حول ...






الخميس، مايو ٢٩، ٢٠٠٨

حركة مواطنون ضد الحول ....

سمعت فى القناه الأولى الارضيه ان مصر بعت تلت طيارات مليانه مون من

مواد غذائية وادويه وخيام

للصين الشعبية ......

دا نسميه ايه ....؟؟؟؟ بلاش غباء ....نسميه حول

يعنى خلاص أحنا مستكفين .....وكل حاجه كامله عندنا وعندنا بالفايض راحين يوزعوا....

طب يوزعوا الحاجات اللى اكيد اتكلفت كام مليون من قوت الناس الغلابة اللى فى مصر....

هيا يعنى الصين محتاجه للحاجات دى.....

ولا هيقلو دى سياسه دول ...... قطيعه يا قادر ياكريم على ام السياسة دى ..... دى اسمها فشخره كدابة

ولا يقلو دا بتحافظ على سيادتها بين الدول .....بجد هههههههههههههه آه يابطنى.... ضحكت كتير بجد النهارده

هيجلهم منين السياده والاحترام وفيه استحقار من الداخل وظلم على الناس ....
***--------------------------***

بصو أنا قررت اعمل حركة اسمها مواطنون ضد الحول


ويا جماعه اللى حابب ينضم للحركة أهلا بيه بس أهم حاجه يبعت صوره طبية للعنين والتفكير والودان كمان

يثبت انه مفيش حول نهائي..... معلشى عايزين الشغل يبقى على ميه بيضه .....

***-------------------***


الحقونى يا جماعه فاكرين البتاع إياه لما قفلت عليه خالص

راح يهددنى تهديد من نوع تانى خالص مالص

يامى يا مى .....


دا ابسط دليل على الحول اللى بنعيشه ....البتاع دا ....



غير معرف يقول...

طلبت منك تسكتى أنتى مش عاوزه
علىالعموم أنتى الى عاوزه بس المره دى مش كلام مع ناس
الكلام مع الى هيجيبوا حقهم بسبب الكلام الى انتى كتباه
مش عاجبك الحكومه
والى فيها
أوك بلاغ بسيط
وانتى عارفه أن قانون الطوارى شغال
وانا عندى الادله الكافيه والمعلومات كافيه عنك
وانا مش بضحك فى الى أنا قولته لانى عمله فعلا
الأربعاء, مايو 28, 2008 1:24:00 م


اعمل ايه يا جماعه شور عليا ...

بصراحه مش قادره امسك نفسى من الضحك

بس حبيت أقلكم علشان لو حصل ألاقى حد يجبلى عيش وجبنه بلاش الله يخليكم حلاوة

مش بحب السكريات ....وياريت شاى بحليب الله يخليكم

بجد بجد أنا خايفه .....

روح يا بتاع أنت العب عند بتكم

أل أيه الحكومة مستنيه واحد زيك

أنت حاسس حالك مهم ليه كدا .....
ولا علشان قفلتها فى وشك....

أقلك روح روح اعمل اللي أنت عايزة ....طظ
اه صحيح محدش ينسى الطلبات يا جماعه

الاثنين، مايو ٢٦، ٢٠٠٨

الله يحرق الدستور دا...

أول صفحه النهاردة فى الدستور نقلا عن أيمن نور

بيسال سؤال ....هل حسنى اشترى قصر العروبة ...؟؟

ودا بناء على الكلام اللي سمعه من صهر مبارك فى برنامج اختراق أن مبارك اشترى فعلا المقر من أصحابه الأصلين

والدكتور أيمن فضل يقول مش من حق مبارك الحصول ألا على الراتب اللي حدده الدستور ومفيش حاجه اسمها مكافآت وغيرها

هههههههه سلامات ام حسن ..... سلملى على الدستور دا ...الظاهر أن المواد بتاعته بيخدوها بالعكس ...
ولما يكوم من ضمن ممتلكاته مقر الرئاسه ... باقى الممتلكات هتبقى ايه ...؟؟؟

وبيقول أن القصر دا صيانته شهريا بتوصل لملايين .....يعنى الكهربا وسباكه ....مبارك متعذب زينا من الأسعار يا عينى

وكله من جيب مؤسسه الرياسه.....


أهم حاجه الدكتور أيمن كل مره اقرأ ليه حاجه يقلنا أن فيه قانون الفلاني والعلانى بيمنع ....
ماشى على عينا ورسنا كمان

بس ياريت تريحني وتقلى مين اللي هينفذ دا .....

أصلى مش ناقصة ضغط من كتر معرفتنا بحقوقنا اللي رايحه وإحنا متنحين ومش بننطق


وبعدين لو فعلا اشتراه .....الراجل حب يقفل علينا خالص ..... كلها ولعه ....27 سنه

ويقلنا حتى مقرا الرئاسة بقى بتاعى .....اخبطوا راسكم فى الحيط

أنا كدا كدا ريس ....

يعنى قاعد قاعد ....المقر واشتراه ..... ومش هيطلع منه.....

وبعدين أحنا ظالمينه ليه ....؟؟

الراجل قاعد فيه 27 سنه .... عشره برضو.... لازم نديه عزره برضو ....

ولا ميكونش عنده فوبيا فقدانه المقر دا والدكتور وصفلو انه يشتريه ....

هو يشترى المقر ......وابنه يشترى بقيت مصر ....

مهيا تكيه ويبرطعو فيها .... حد كان قلهم لاء ....
فالله يحرق الدستور دا اللى مخليهم يتحكمو فينا ويسرقونا ....





الأحد، مايو ٢٥، ٢٠٠٨

اظن ان فيه حاجه مش مظبوطة ....

أنا حاسة ....لالا بل أكيد أن الحكومة بتساعد على احتلال مصر بس بمزاجها .....

حاجات بتحصل واستحالة تكون طبيعيه ...أو صدفه ....أو حتى سياسة وعلاقات دوليه وزفتيه ....

هيا قد تكون مش هقول بسيطة أو اقلل من شانها ...بس ممكن تلاقى كتير يقلك مش معقولة واستحالة هتحصل ....

ليه استحالة .... لو قلنا لاى حد إيه اللي يخلى دوله تحتل دوله هيقلك ابسط حاجه ... أن الدولة الاساسيه تكون
ضعيفه فى السياده سواء بره او جوة

السماح للدوله اللي عايزة تحتلها التدخل فى شئونها وتزليل العقبات فى الداخل علشان تكون المتحكم فيها ....

دا ابسطه حاجه اهو .... نيجى باه لموضوعنا الاساسى ..... ازاى الحكومة المصرية بتساعد على الاحتلال ....؟

ومين هيا أصلا اللي عايز يحتلها .....أو بمعنى اصح يعاد احتلالها ....؟

أظن كدا عرفتوها ....؟

ايوة الزفته إسرائيل ..... سمعت حاجات كتير تقلق بصراحة ومعظمنا عارفنها .....

منها مثلا لما طالب السفير الاسرائيلى فى مصر الحكومة المصرية بإدخال اللغة العبرية فى مناهج التعليم ....

وال أيه دا علشان اتفاقيه الزفت السلام ....أولا لو فعلا السيادة الداخلية فى مصر محترمه وقوية مكنش المتخلف
دا قدر يطلب الطلب دا

ثانيا تحسو ان زى ما بيعمل تمهيد اصلا .. .. بالبلدى كدا ....وخدنها واحده واحده .....

وغير انه بيطال من نضيف افندى لما حصلت أزمة البنزين انه يعملوا جنب للسفاره الاسرائليه بنزينه مخصوصة ليهم ...

بجاحة وسيطرة مقابلها خضوع

وقيام بدور الخادمة والمطيع من جانب الحكومة

وبعدين نسمع حكايه الغاز وعارفين المواويل اللي حصلت ونتيجه للحركة الشعب فالحكومة عملت فيها

فالحة وقالت داخلنا فى مفاوضات علشان نزود السعر

كان الرد المقابل ليها أيه من إسرائيل .... اشترطت أن يتعمل مصنع أسمده إنتاجه يروح لإسرائيل ....

غير أن هيعملو مؤتمر هيتجمع فيه يهود مصر اللي فى الخارج لكى يطالبوا بممتلكتهم اللي الثورة أمنتها وتقدر حاليا 5 مليار جنيه ....

وفعلا شخصية اخدت فندق فى الاسكندريه بعد ضغط إسرائيل على الحكومة المصرية ودا كان من فتره ....

اللي فقعني فى الموضوع أن ازاى أصلا وافقوا على السعر دا .... مضوا على العقد بعد ما شربوهم حاجه اصفرا ....


غير قيام رئيس المساطيل قصدى رئيس الوزراء الأسبق بالموافقة على منح مجموعه من القطرين مساحات من الاراضى فى سيناء

كبيره اوى .... بالرغم أن الأمن اثبت أنهم غطاء لمستثمرين اسرائلين ........


وتنازل مصر عن السيادة العربية فى المنطقه لما رفضت استقبال أطفال عراقيين علشان العلاج فى حين أن استقبلتهم إسرائيل

ال ايه اسرائيل بتقوم بدور المنقذ ..... وواستندلت الحكومة المصريه زى عادتها

زى ما عملت مع الفلسطينيين ....وعدم فتح المعابر إلا لما تؤمر الست إسرائيل .... بصرف النظر عن الموت والجوع اللي الفلسطينيين عايشين فيه

غير اعتقال الفلسطينين أيام فتح المعبر والتحقيق معاهم ومحاولة الحصول على أماكن القيادات ودا طبعا لصالح إسرائيل ......

قتل مصريين على الحدود ...وعدم القدره على الرد ...والمطالبه بالحق ....والقصاص....وقفت موقف الجبان ...

غير القضاء على الصناعة المصرية للادويه ....ببيع الشركات والمصانع لشركات أجنبيه اسرائليه ....

استيراد بملايين الدولارات حاجات تافهة من إسرائيل زى سوست الهدوم والبطانة والخيوط ....

وحصل أن وزير الثقافة اجبر على التراجع فى كلامه بخصوص انه هيحرق اى كتاب إسرائيل لو وجد فى اى مكتبه تابعه لوزارة الثقافة

بعد ما أتقدم استجواب من احد أعضاء مجلس الشعب ....ولما عرفت إسرائيل ...كان يوم مهبب على الوزير اللي فضل يدادى فيها

ويقلهم اصلو استفزني وأنا مهتم جدا بتراث اليهود ..... ودا رمز للخضوع والجبن ....

غير سمعت من فتره أنهم ناوين يطرحوا 51% من قناة السويس للبيع ومش مهم مين اللي هيشترى حتى لو إسرائيل .....المهم التمن....

واليومين دول فيه بعثات اسرائليه واحده فى محافظة الشرقية وواحده فى سيناء بيعملو أبحاث وبحفرو فى الأرض علشان يثبتوا أن اليهود

هما اللي عملوا الحضارة فى مصر وان اليهود هما اللي بنو الأهرامات ....

حتى بوجود الاف الشباب المصرين فى إسرائيل .... سفرهم نتيجه لأيه ...؟

وفالح الحاج اللي كان بيجى فى برنامج الحقيقة يقول دول خونه وإسرائيل عايزين يجندوهم للمخابرات ..... بلا وكسه


وكل دا يقلك اتفاقيه سلام ..... وبجد بجد أحنا شايفين السلام اللي لركب .....

تحسوا أن بقى حكاية من الشرق وحكاية من الغرب ..... بس السيد هو هو(اسرائيل) ....والعبد هوهو( الحكومة المصريه ) ...

وكلو لبخ ...وأفلام علينا .... وتطبع على الأخر ....

كنا فاكرين أننا أتخلصنا من احتلالهم .....لالا دول عايزين يحتلونا حضاريا ... وماضي ...وحاضر ....ومستقبل ....


ويحتلونا كفكر ... وكسيادة فى المنطقة .... قصدى خلاص دول احتلونا فعلا واشترونا ....

وكل دا والحكومة بتساعدهم .... وتلاقوا حسنى يحط ايدو فى ادهم والابتسامة على أخرها ....

وبتقدملهم مصر حته حته ....بيع.. شراء... امتلاك... هديه ...

ومفيش حد بيكلم ....ولا حد يقول لا ....

وان لله وان إليه راجعون ...... الفااااااااااااتحه




الجمعة، مايو ٢٣، ٢٠٠٨

ان الله يمهل ولا يهمل .... اعتذارى للجميع

بصو يا جماعه فى موضوع هكلمكم فيه .... علشان هحدد فيه شوية حاجات خاصة بيا....

من فتره أزيد مش شهر تقريبا ....فى شخص مسمى نفسه الأمير المجهول

( مش عارفه مجهول محدش كان طلعلو شهادة ميلاد ولا أيه الله اعلم )

المهم المجهول دا ........

كان بدايته بتعليقات متخلفه فى المدونة .... ورديت عليه مره واحده على أساس انه واحد بيستظرف وقلتلو
المدونة للتعليق على الموضوع

سواء بالنقد أو أضافه معلومة ....بس الظاهر ما فهم وطول فى الاستظراف

وفضل يبعت تعليقات هبله ...ردى عليها أنى تجاهلتها تماما مع الحذف ....

وبعد فتره لقيت انه سايبلى من ضمن التعليقات ايميله و أضافه على الياهو والهوت ميل ....
قبلت الاضافه على الهوت لسببين أن عايزة اعرف هو مين

وعلشان اعرف اعملوا بلوك وقال كلام مضمونه ( أن فى واحد يعرفنى وراح معرفه عنى كل حاجه وبعتلو صور
ليا وهو نتيجه لعقليته الزبالة والمتخلفة

بيقول مفيش بنت محترمه تدخل النت أصلا وهوزع صورك وايملاتك على الناس كلها ...

قلتلو بكدا خلصت البؤين وكملت الفيلم بتاعك ...وما ليك الا بلوك وفعلا عملتلو)

ولكن بعد كدا تطاول ....رجعت عملت إشراف على المدونة ....

بعت تعليق يقلى مش هسيبك .... والعب ابتدا ...( محسسنى اننا دخلنا كاس العالم وانا مش واخده بالى) وتجاهلته برضو...

راح على المدونات اصحابى وكانت البدايه ( مع الولد المصرى وجنه )
وكتب كلام فى صندوق المحادثة بصراحه الأخ المصري وجنه

ردوا عليه بالحسنة ...بس للأسف ماجبتش نتيجه ... قررنا إننا نتجاهلو نهائى ..... وعدم الرد عليه ....

وفعلا حصل كدا ....وجابت نتيجه ..... بس للأسف عكسية .... المجهول افندى راح عمل أيميل باسم همس

( الله اعلم هرمونات الانوثه طغت فى الوقت دا ولا ايه )

ورح دخل بالايميل وكلم المصرى على أساس أنا كام مرة وقلو أرجوك كلم ( المجهول )
أنا مضايقه ونفسيتى وحشه ...

ولان المصري طيب ومحترم افتكرني أنا فعلا واخد الايميل تانى منه وكلم الاخ ,....
للأسف انا حذفت الحوار ...والمصرى كان بعتهولى على المدونة

بصراحة أضايقت علشان كلو كدب واشتغلات ....بعت رساله للمصرى وكلمته وفهمته
عن الموضوع كله وفهمت برضو جنه ...والحمد لله

هما تفهموا الموضوع وبرضو كان رايهم انى أتجاهله نهائى .....
وكان أهم حاجه أنى اتاسفلهم علشان كنت السبب فى إزعاجهم ....

وبصراحة كنت أول مره اكلمهم....

ومن غير معرفه سابقه بنا ....غير التواصل بالمدونات ....ألا اننى وثقت فيهم وحكتلهم بالتفصيل ....
والحمد لله تفهموا...

ولما المصرى حذر فى المدونه بتاعته ان ما حد يقبل اى إضافات أيميل لاى حد غير
ما يكون متاكد من الشخص نفسه ....


راح كلم صديقه ليا .... تانى .... ويهدد ...انه هيقول كلام للناس وحش عليا ....
وهيوزع ايملاتى ....وهيوزع صور ليا .....

غير انه بعتلى اضافات من ايمل ____

@yahoo.com medo111984

Hams111981@yahoo.com

medoamkna@hotmail.com


وكان اخر كلام انه بعتلى اضافه من ايميل همس دا .... وطبعا رفضتها .....

راح بعتلى كلام زباله ويقلى لو ماقبلتى الاضافه هروح اقول للناس على حاجات حصلت بنا.....

وكمان دخل بعض المدونات مؤخرا وطلب بعضل الايملات من اصحابها .....
ومنهم الأخ هشام والأخ عبدالرحمن

دا ملخص للى حصل ..... وانا قلتله لاسباب ....

أولا : علشان اقول لكل اصحابى اللي اضطروا يكلموا البنى ادم دا ....أنى بجد أسفه جدا

بالرغم انا كتير من اصحابى الانتيم قلولى اقفلى المدونة وريحى نفسكو غير ايملاتك ....
وانا طبعا رفضت ...علشان خلاص

المدونة بقتى عالمى انا ....وحتى لو هكر وقفلها زى ما قال للمصرى ....هعمل واحد واتنين ومليون ....

ثانيا : اى انسان محترم صاحب مدونة بيدخلى المدونة أنا بحرص أنى اعتبره صديق
واخ عزيز ويكون بينا ود واحترام (سواء شاب او بنت )


ثالثا: أنا عايزة اقول قدام حضراتكم ....ان عدم ردى عليه واخد موقف حاسم انى خايفه منه ....
الحمد لله أنا مش بخاف ألا من ربنا ...

حتى لو تعاملت بحسن نيه مع اشخاص وللاسف كانت النتيجه غلط
ويعتبر أنى ارتكبت زنب فى حق ربنا ...

بتمنى الغفران من ربنا ....وربنا عالم بكل واحد

ثالثا : يا مجهول ( وانا اسفه جدا لنفسى انى بوجهلك حوار اصلا )..... عايز توزع ايملاتى ....طظ وزعها ....

هرفض اضافات.... اضعف الايمان هلغيها وهعمل ايميلات جديده....

عايز توزع صور ليا ....دا لو كانت عندك سواء اخدتها من اللى بتقول عليه

او هكرت على الجهاز وسرقتها او حتى جيت خدتها من بتنا ... برضو طظ

حتى لو وصلت سافلتك انك تنزلها فى مواقع زباله ....
والله ما يهمنى طالما ربنا معايا وواثقه من نفسى والحمد لله....

اما عن الكلام ....ما يهمنى نهائى ....الحمد لله انا عارفه أنا مين .... ولو تفتكر انى خايفه من الهجس دا ....

هيص انا اديت الكل فكره مبدايه( دا لو حد عنده استعداد يسمع لاسمح الله )

فروح كمل سافلتك....

ما بيهمنى غير الناس اللى بهتم بيهم وبيهتمو بيا وبس....والحمد لله هما عارفين أنا مين كويس اوى ....

وكلامك قبل ما تسمعها ودانهم هتلاقى جزمتهم دايسه عليه... ولسانهم داعى عليك ...

رابعا : أنا مؤمنه جدا ( بان الله يمهل ولا يهمل ) فانا على ثقه جدااااااا....ان اللى بتعمله هينرد فى اهل بيتك
سواء ممتك او اختك او زوجتك او بنتك

ومهما مر الزمن والله العظيم هينرد فيهم ....والله العظيم هيرجعلهم ....
بس تعرف أنا معرفهمش ولا حابه حد ياخد بزنب حد ....واتمنى من ربنا يترد

فيك انت ....سواء فى صحتك ....وفى مالك ..... وفى مستقبلك ..... وفى دينك ....
علشان تبقى جهنم اخرتك....


وحتى لو ما ربنا اتقبل منى دعائى فى الدنيا .....اكدي هياخد حقى فى الاخره ....
واتمنى يكون فى الاخره ......وحتى لو ما استجاب اكيد


ربنا خفف عنى ذنب او عذاب ليا ....


أنا مش هكون احسن من السيده خديجه رضى الله عنها ...


وحسبى الله ونعم الوكيل فيك ....وفى اى حد يعمل زيك ..... يارب فعليك به فانه لا يعجزك ...


ملحوظه صغننه ....

لو حد جاله أضافه باسمى ....خليه يقلك كلمه السر بتعتى

وكلمه السر .... جزر

اهم حاجه تتقبلوا اعتذارى ....سلام يا احلى صحبه ....

الخميس، مايو ٢٢، ٢٠٠٨

اشاعات .... دينا الرقاصه وزيره للتعليم

أيه الهنا دا ..... تعليم الهنا ....أنا بقالي كام يوم أشوف أخبار عن التعليم فى مصر وانفض

أقول يا بت ما انتى عارفه الحكاية ....وكنت قلت لجنه هبقى أقلك عن التعليم بجد فى مصر بس كان قصدى مواقف حصلت معايا فعلا

بس اللي هحكيه دلوقتى سمعته وشوفته من الأخبار اللي تحرق الدم زى كل يوم...

المهم طبعا سمعتو عن دينا الرقاصة اللي حضرت احتفاليه لطلاب ثانوية عامه شباب ...

المهم يا جماعه الحفلة أتكلفت 30 ألف جنيه...عارفه هتقولو دا مبلغ تافه بالنسبه للناس دول ....

بس أنا هقارنه بموقف الحكومة بعد كدا ....

المهم سمعت باه فى التليفزيون من أوليا أمور بنفسهم بيدافعو كانهم بيدافعو عن حاجه عدله ...

وواحد بيقول أنا حضرت الحفلة وكان كل حاجه محترمه ومفيش حاجه خارجه .....

كان نفسي اقله دينا الرقاصة بترقص ومافيش حاجه خارجه .....أنت هتستهبل ....اللهى أشوف خرجتك أنت يا بعيد يا أهطل ...

لا وأيه يجى نواب مجلس يعملوا استجوابات علشان ازاى دينا ترقص ..... يا تعليمك يا مصر ...
هو اى نعم اتنين اتعملهم جزاءات
بس كفايه التفكير الطالبه ويقلك احنا كنا متفقين على نيكول سابا بس ...
من دينا ل نيكول ....يا قلب لا تحزن ...

..................

الخبر التانى بيقلك جه فى امتحان 53 ألف طالب اعدادى فى قنا سؤال فى العربي بيقلهم اكتب برقيه تهنئه لمبارك تهنئه بفوز المنتخب القومي

فى كاس أفريقيا ....على راى الأستاذ احمد المسلمانى هو خلاص مفيش اى انجازات فى مصر ألا الكورة....


هبل للركب ..... مش هعلق .... بس أنا كان نفسى أنسخط وارجع للاعدادى .... وارد

اجابتى هتكون ....

يا حسنى شوفت أبو تريكه عمل حركة رجاله ....أنت ما عملتش ربعها .....بزمتك ما أنت مكسوف ... اركن على جنب والف مبروك


.....................................

نيجى للهبل الكبير .... حسنى عمل مؤتمر علشان التعليم ... والثانوية العامة ....

بيقلكم افلام كتيره أن هتبقى سنه واحده علشان الدروس الخصوصية والهجس دا

وال أيه أن هتخلى الخروج للعمل بالثانوية العامه .....

ال ايه الكليات بتشتغل ولا لاقيه شغل علشان يخرجوا العيال علشان الشغل

دا حتى ما عندهم خبره ولا صانعه فى اى مجال للشغل

ولا حتى بتوع الدبلومات تجاره ولا صنايع لاقين شغل .....

دا انا شوفت ناس خرجين طب وبيشتغلو سواقين تاكسى ...

بلاش أنا اهو هنروح بعيد ليه عاااااااااااطله .......وكلو ورق راح لبتاع الطعمية


ودلوقتى مفيش اى شغل ألا وعايزين شهادات وزفت .... وانجليزي وكمبيوتر ....أصلها بلد بتاعت شهادات


بس الحكاية أن الدولة مش عايزة تتكلف زياده فى توفير أماكن فى الجامعات

فشوفتو الفرق ناس بتصرف فلوس على رقاصات والحكومة بتصعب التعليم وتفنن فيه علشان توفر فلوس

ويقلك حكومة الكترونيه ..... وهيا حكومة البدنجان



وانا راى لو عايزين التعليم ينجح خلو دينا وزيرة التعليم العالى والواطى...

وهتلاقو اعلى نسبه حضور فى الطلبه اللى طفشانه من المدارس دى ومنفضه ليها ....

لازم كل حاجه اقلكم عليها كدا.....

الأربعاء، مايو ٢١، ٢٠٠٨

الصفقه القذره.....

بجد ما لقتس اى كلام غير ان انقل المقاله دى وبس ..... علشان تشوفوا الحكومه اللى ربنا هيخدها عن قريب
أسرار العلاقة بين ساويرس واليهود لتدمير شركة المراجل البخارية

محمد الهادي : شبكة من الفساد لا تعرف لها أول من آخر.... أسماء كبيرة متورطة فى صفقة مشبوهة استمرت لمدة 14 عامًا متتالية.... أصحاب نفوذ تحدو القانون والحكومة والتقطوا كل من يحاول اقتحام شبكتهم العنكبوتية وكشف خيوطها.. فعلى الرغم من كون شركة المراجل البخارية تعد الشركة الوحيدة المتخصصة فى صناعة الغلايات البخارية وأوعية الضغط العالى الخاصة بشركات البترول والصناعات الثقيلة والمحطات النووية، وإنتاجها يدخل فى دائرة الأمن القومى باعتبارها أحد العناصر الفاعلة فى أى مشروع نووى، فإن هذه المنتجات الضخمة لم تغفر لها عند اليد الحكومية الباطشة التى باعت أرزاق المصريين ومستقبلهم الصناعى لرجال أعمال لديهم الاستعداد للتضحية بكل شيء مقابل حفنة من الدولارات, والغريب أن هذا المسلسل من إهدار مستقبل مصر الصناعى يأتى بعد أشهر قليلة من إعلان مصر عن عزمها إنشاء برنامج نووى!!.
تساؤلات كثيرة تدور فى الذهن.. لمصلحة من يتم التفريط فى الأمن القومى المصري؟.. أين الحكومة التى تزعم ليل نهار رعايتها لنهضة مصر الصناعية؟...هل ينتظر الدكتور نظيف تحركًا رئاسيًا لينقذ مستقبل 800 أسرة باعها رجل الأعمال خالد شتا فى فبراير الماضى لصالح صديقه ناصف ساويرس؟.
لماذا لم تتدخل وزارة الاستثمار لوقف قوانين الاستثمار وحماية رخصة يقدر ثمنها مليارات الدولارات؟... الإجابة على هذه التساؤلات ترمى بنا فى أحضان الماضى وتحديدًا فى عام 1994, حينما بدأ السيناريو المحزن لقصة شركة النصر للمراجل البخارية, وعندما قررت الحكومة بيع الشركة التى نزعت الثورة ملكية أرضها عام 1962م من أجل بناء صناعة تكون فخرًا لجميع الصناعات المصرية لصالح شركة (بابكوك وويلكوكس انترناشيونال) بدولارات معدودة, وكانت فيها من الزاهدين, حيث باعت الشركة الوحيدة فى الشرق الأوسط والمتخصصة بإنتاج القدور البخارية بـ 11 مليون دولار فقط, رغم أنها مقامة على مساحة 32 فدانًا, وتضم خامات تقدر بنحو 10 ملايين دولار أى ما يعادل قيمة الصفقة كلها، فضلاً عن وجود آلات تزيد قيمتها على المليار دولار.. .والأخطر من ذلك أن هذه الشركة هى الوحيدة المسموح لها بناء المراجل النووية وأجزاء من أى مشروع نووى متكامل سواء أكان سلميًا أو نوويًا عسكريًا, فضلاً عن إنتاجها للبخار المشبع بدرجات حرارة وضغوط عالية والمستخدم فى كثير من الأغراض المدنية والعسكرية، كما أن الشركة التى تخلصت منها الحكومة هى التى أنشأت قواعد مدافع الهاون فى حرب 1973م.
الحكومة بررت عملية البيع بإنتاج الشركة لمواسير بترول انفجرت فى مواقع العمل رغم أن الواقعة المذكورة ثبت أن المواسير المستخدمة بها كانت لشركة أجنبية, كما تحججت وزارة التجارة الخارجية بتزايد خسائر الشركة, وتراكم ديونها فى البنوك متناسية أن الشركة القابضة للصناعات الهندسية التابعة للدولة برئاسة الحوت عبد الوهاب الحباك بطل العديد من قصص الفساد فى مصر هو السبب الأساسى فى الخسائر, فالمراجل البخارية حقفت أرباحًا بالمليارات حتى عام 1991م قبل أن تدخلها وزارة التجارة الخارجية فى سلسلة توسعات استثمارية حولتها من شركة رابحة إلى (مَدينة) وخاسرة قبل أن يتم البيع فى إطار مخطط حكومى لتصفية القطاع العام والذى رسم السيناريو الخاص به عبد الوهاب الحباك عن طريق تنفيذ استثمارات توسع وإحلال وتجديد قدرها 1.62 مليون جنيه رغم عدم حاجة الشركة لهذه التوسعات, فضلاً عن رفض بنك الاستثمار القومى تمويل هذه العمليات، وتجاهل الإدارة أى عمليات تصحيح وهيكلة من شأنها تخفيض الديون التى بلغت 7 ملايين جنيه سنويًا.
واكتمل السيناريو الحكومى بطرح وزارة الكهرباء مناقصة مشروع توليد الكهرباء بالكريمات دون الارتباط بشركة المراجل البخارية التى تعودت إقامة مثل هذه المشاريع, وكانت الحكومة ذكية فى هذا القرار لأن قيمة المشروع التى تصل إلى 600 مليون دولار قادرة على تعويض خسائر الشركة, ووقوفها على أرجلها من جديد وهو ما يتنافى مع المخططات الحكومية للتخلص من شركة, وعلى الفور قامت إدارة الشركة القابضة بدعوة الشركات العالمية لتقديم عروضها الخاصة بالمشاركة فى شركة المراجل بأى صورة من الصور, واستعانت ببيت خبرة أمريكى يدعى (بكتل) فى تقييم أصول الشركة رغم معرفتها المسبقة بأن هذا البيت على علاقة بكل الشركات المتقدمة ولن يعطى تقييمًا موضوعيًا, كما صممت على تنحية الجهاز المركزى للمحاسبات من الصفقة تمامًا رغم اعتراض الجهاز على عملية التعتيم ومطالبته بمبلغ لا يقل عن 22 مليون دولار أمريكى لبيع الشركة.. وبالطبع وضع مركز الخبرة (بكتل) تقديرًا يتناسب مع أهواء الشركات المتقدمة للشراء -(بابكوك) متعددة الجنسيات- الأرض والمعدات والمواد الخام المستوردة بـ 17 مليون دولار وبالخالفة للقانون رقم 203 لسنة 1991م الذى يحدد اختصاصات الشركة القابضة والتى لا تتضمن حق البيع.
ويبدأ الفصل الثانى فى المسرحية الهذلية بمفاجأة مدوية فشركة "بابكوك" متعددة الجنسيات "طلعت" يهودية وتدعم الكيان الإسرائيلى, فبعد أن كانت المواد الخام تنتقل من ألمانيا إلى مصر مباشرة أخذت طريقًا جديدًا لتمر بإسرائيل كل الشحنات لفحصها أولا والتأكد من عدم سعى المصريين إلى إنتاج مفاعل نووى!!, وبعدها بأشهر قليلة قامت شركة "بابكوك" بيبع حصتها إلى رجل الأعمال المصرى خالد عبد المحسن هلال شتا والذى كان أحد أعضاء الشركة الأجنبية وصاحب المجموعة الدولية للاستثمارات (IGI) فى صفقة قدرت بالمليارات, وسعى شتا إلى التخلص من شركة المراجل منذ اللحظة الأولى فالرجل يهوى المكسب السريع ولا يهمه "الكلام الكبير" الذى تطلقه الحكومة حول الأمن القومى للشراء, وبدأ مخططه بتغيير اسم شركة (المراجل) من "النصر للمراجل البخارية" إلى الشركة الدولية للأعمال المعدنية (IBSF) بعد تخفيض الإنتاج والعمالة بنسبة 80% وتخويف العاملين ودفعهم إلى تقديم استقالاتهم أو الخروج للمعاش المبكر, كما قامت الإدارة الجديدة بإلغاء سيارات نقل العمال وإلغاء التأمين الصحى والمميزات الفنية وبدلات العمل بما يخالف قانون العمل والاستثمار وما زاد الطين بلة أن خالد شتا قاد فى نوفمبر 2002م مؤامرة جديدة لبيعها حيث فصل 11 فدانًا من أراضيها البالغة 32 فدانًا, وهدم ما عليها من منشآت وورش صغيرة لتصنيع الغلايات ومخزن خامات ومسجد ومركز تدريب ألمانى درب آلاف العمال على الخبرات الألمانية فى هذا المجال, فضلاً عن مبنى إدارى مكون من طابقين, مما دفع اللجنة النقابية إلى تقديم شكوى فى شهر نوفمبر سنة 2002م لوزارتى "القوى العاملة"، و"التجارة الخارجية فى ذلك الوقت" بشأن الأوضاع المالية والفنية بالشركة، وتم تشكيل لجنة من الأمن العام ووزارة التجارة الخارجية واضطر خالد شتا إلى إخفاء معالم الهدم من طوب وآلات, بعد أن أصدرت اللجنة قرارًا بإخراج المقاول والمعدات من الشركة التى تولت عمليات الهدم وتقديم تقرير عما يحدث بالشركة لصالح الدولة والعاملين بها، والغريب أن وزارة التجارة اكتفت بالتنبيه على خالد شتا بعدم التصرف فى أى أرض تملكها الشركة دون الرجوع إليها، وليت الأمر توقف عند هذا الحد حيث شجّع تراخى الدولة عن حقوقها وإهمالها للشركة العملاقة خالد شتا بفصل ملكية (11 فدانًا) من الأرض عن باقى الشركة وبيعها إلى والده محمد عبد المحسن شتا وتسجيها فى الشهر العقارى ليقيم الأخير شركة جديدة تسمى "الخلود للتنمية العقارية والسياحية" وتمت هذه الصفقة فى سرية تامة إلا أن خيوط اللعبة انكشفت بعد الشهادة التى قدمها السجل العينى بمحافظة الجيزة برقم 1681 فى 15/3/2008م لمعرفة قيود التعامل على أراضى الشركة، والتى أكدت أنه تم تعديل الاسم التجارى لشركة (بابكوك ووديلكوس مصر) بموجب قرار رئيس الهيئة العامة للاستثمار رقم 354 لسنة2001م لتصبح "الدولية للاستثمارات", وأوضح أيضًا أن التعامل تم على الأرض دون مبانٍ أو منشآت, وهو ما يعنى أن خالد شتا تلاعب بالشهر العقاري, ووزارة الاستثمار، فالعقد الأصلى للبيع يؤكد أنه مستأجر للأرض وليس مالكها لأن الأرض المشار إليها تم تقسيمها وقت البيع على أساس استمرار النشاط الصناعي, وهى جناية تزوير متكاملة الأركان تمت بمكتب السجل العينى بالجيزة, بعد تسجيل عقد بيع الأرض من خالد شتا إلى والده, وبعبارة بسيطة "من لا يملك أعطى لمن لا يستحق", فخالد حاصل على حق انتفاع بالأرض وغير مالك لها ملكية تمكنه من البيع, طبقًا لتعريف حق الملكية الذى نص عليه القانون المصري, فالأرض نزعت ملكيتها عام 1962م نزعًا مشروطًا بشرط معين وهو إقامة مصانع للصناعات الثقيلة ولو حدث تغيير فى هذا النشاط فمن حق الورثة الموجودين على قيد الحياة استرداد أراضيهم, والطعن فى القرار الرئاسى رقم 2460 لسنة 1962م والمنشور بالجريدة الرسمية.
وحينها تأكد خالد شتا أن الأرض من الممكن أن تضيع منه فى أى لحظة فلجأ إلى سيناريو جديد, مستغلاً الاستهتار الحكومى, حيث قام فى 8 ديسمبر 2005م بتقسيم شركة المراجل والأعمال المعدنية إلى شركتين مساهمتين بنفس المساهمة وذلك بفصل نشاط التصنيع إلى الشركة الأم "المراجل" وأن تؤول ملكية الأرض والمنشآت والمبانى إلى شركة الخلود للتنمية العقارية والسياحية بالعقد المحرر فى 8/12/2005م والذى تصل مدته إلى عامين وتجدد لعام إضافى حتى سبتمبر 2008م, وبذلك باع الأرض التى نزعت الدولة ملكيتها إلى شركة والده وأصبحت الشركة الأم مجرد مستأجر.
واكتملت حلقات المأساة عندما التقى خالد شتا برجل الأعمال نصيف ساويرس الساعى للسيطرة على محطات الطاقة الكهربائية والنووية فى الوطن العربى كله، وقام الاثنان فى 24 فبراير الماضى بزيارة تفقدية للشركة، عقد بعدها شتا اجتماعًا مع مديرى الإدارات أبلغهم فيه بيعه المعدات والآلات والعمال لساويرس مقابل 13.6 مليون دولار، مشيرًا إلى أنه سيتم نقل المعدات والعمل إلى فروع شركات ساويرس فى السادس من أكتوبر والعين السخنة وأبو رواش فى موعد نهايته سبتمبر 2008م المقبل، وهو موعد انتهاء عقد إيجار الأرض التى أصبحت ملكًا لوالده محمد عبد المحسن شتا, والغريب أن ساويرس اشترط شراء الرخص فى الصفقة, ووافق شتا رغم أنها تقدر بالمليارات, ولا يستطيع أى رجل أعمال الحصول عليها, ولهذا وضع شتا مشهد النهاية لقصة الشركة الوحيدة فى الشرق الأوسط التى تنتج المراجل البخارية.
كما استطاع خالد شتا التلاعب بوزارة الاستثمار حيث باع الشركة والمعدات لشركة ساويرس، وفى الوقت نفسه نقل ملكية الأرض لشركة والده مخالفًا بذلك عقد البيع لشركة "النصر" لصناعة المراجل عام 1994م والذى نص على عدم تغير نشاطها لمدة 25 عامًا والاحتفاظ بالعاملين وعدم البيع إلا بعد الرجوع للوزارة.
وإذا انتقلنا من شتا الابن إلى الأب سنجد مفاجأة كبرى، فالوالد "الغالى" يعتزم بيع الأرض لبنك فيصل الإسلامى بـ 2 مليار دولار إلا أن البنك طالبه بهدم كل المنشآت والمبانى المقامة عليها كشرط أساسى لإتمام الصفقة وبنقل العمال والآلات إلى مصانع ساويرس، وبهذا تتنهى قصة واحدة من أفخر الصناعات المصرية ولا يمكننا إلا أن نقول: (حسبنا الله ونعم الوكيل) .

الثلاثاء، مايو ٢٠، ٢٠٠٨

مليون طن قمح شحاته من الامارات ....

بوش شادد حيلو على مبارك ليه ....؟؟؟؟

فى برنامج العاشره مساءا قال الديمقراطية فى عهده حسنى بتتقدم خطوه وترجع عشر خطوات

وفى منتدى الاقتصادي مبارك لقح كلام بخصوص بوش واللي قاله على إسرائيل

وقال إحنا العرب مش هنبقى غطاء ليهم ...حلو أوى كدا


فا بوش ما عبرش حسنى وحضر كلمته .... واتاخر ساعة

فمبارك راح منفضله وساب الافتاحيه ومشى ....


ياترى حصل ايه ...؟؟؟

شكل حسنى بقى وحش أوى .....

بس باللي عمله اهو حاول يحسسنا انه مسيطر على الوضع ....وبينى وبنكم حركه حلوه انه مشى وسابه


ما علينا .....اهو قفشو فى بعض ....وياخوفى تكون تمثليه .... حتى لو كان فعلا حقيقي ياترى أيه السبب

ميكونش حسنى بيعمل كدا علشان يكسبنا فى صفه نتيجة لكرهنا وخنقتنا من الزفته أمريكا ....

ميضرش ...بس هذه نقره ...وتلك نقرة أخرى ( حتة عربي فى الجون ....اسمالله عليا....ياتعليمك يامصر)

خدو راحتكم خااااااااااااالص ......ايكش تولع على الأخر .....


بس ما حدش لاحظ حاجه .. ...أن جيمي ومراته حضرو المؤتمر....

شايفين الشغل اللي على أصوله

محسسنى أن العيله طلعه رحله ....

الراجل بيثبت نفسه ....وبيفرض نفسه هو ومراته .....وال أيه زى ما بيقولنا كدا....

أنا بقيت أمر واقع عليكم ....أنا راجل بكره .... ومظبط نفسى اهو ....

حد يقدر يعترض ... نفضوا دا كلو هجس ...


*-------------------*

بس سبكم النهارده قرأت خبر وكان بدايه الشحاته اللي فى صوت هديه ...

وانا قلت ان من ضمن اهداف المؤتمر الشحاته علينا .....

وبقى الشغل اللى على ميه بيضه....

ورئيس الأمارات فتح باب التبرع لينا ..... بمليون طن قمح
ويقلك اشترى واهدى ....شايفين الاهانه .....وال ايه اخوه...وعرب...
طب ما يروحو ياه يعملو كدا مع الفلسطينين .....
ولا خلاص احنا رخصنا اوى كدا ...

فيلا مييييييييييييييين يزود ......

الاثنين، مايو ١٩، ٢٠٠٨

هتعمل أيه بعد سنه2011 وحسنى لسه موجود ؟؟؟؟

فاضل تلت سنين على ما تيجى انتخابات الرئاسة بتاعة مصر ....

حسه أنها ميت سنه .....ياتري هنستحمل التلت سنين دول ....

هنفضل فى القرف لحد 2011 ازاااااااااااااااااااااااااااى

دلوقتى اى حد بيتفرج على التلفزيون أو النت او يبص لحاله او حتى بيسمع كلام الناس الغلابة

ماعاد الكلام بنهم يدل على اى أمل ولا مستقبل .....

الكلام الاساسى اللي بقى فى حياتنا دلوقتى كارثة ....مصيبة

مجاعة ....انهيار اقتصادي ..... أمراض...مفيش موارد ....أصول البلد اتباعت

مفيش انتاج .... احتكار ....

إضراب واعتصامات ....

رفض الفلاحين لزراعة القطن الا 100 الف فى حين ان من المقرر زراعة فوق 300 الف فدان
وزرع بدل منها لب ....

استمرار تساقط القتلى فى طوابير العيش .... وفشل جميع الحلول اللي قرفونا بيها

زيادة أسعار فى المواد الغذائيه بنسبه 10% للمره المليون ونقصها ....

قتل ...اغتصاب ....رشاوى ....قروض مهربه ...

تلوث فى الهوا والميه والناس نفسهم ....

صرف 30 مليون دولار علشان منتدى اقتصادي فى شرم الشيخ وفيه ناس بتاكل زباله ...

تعين أجانب فى مصر بمليارات في حين أن مصر كلها شبابها لاما عاطل
لما اللي بيشتغل مرتبه ما بيكمل أسبوع من الشهر

مش لاقيه اى خبر متصل ببعضه بس كل خبر

بسببه حكومة فاشله ... بتضم فوق 30 وزير ملهمش لازم أصلا ألا أنهم يخدو فلوس وينهبو البلد ويخربوها

فى حين ان امريكا نفسها فيها تقريبا 18 وزير ومسكه العالم كله ....

والنتيجه احنا اللى متنيلين .....


وياترى فعلا هنستحمل ....وحتى لو استحملنا وصبرنا هنقدر نختار رئيس لينا بجد
يطلعنا من المجاعة والدمار اللى بقينا فيه


ولا هنلاقى برضو حسنى قاعدلنا ..... ولا ميكونش السبب فى المصايب دى ....

أمال مين بس ...من 27 سنه وكل يوم أنيل من اللي قبله ...

طيب أنا نفسي افهم كل اللي بيحصلنا دا من دلوقتى لحد سنه 2011 ياترى حسنى
بيفكر يعمل أيه اكتر ما عمله ؟؟؟

هو فيه حاجه متعملتش لسه علشان يخرب البلد ....

بجد والله العظيم عايزة اعرف فاضل أيه فى البلد عدل .....


فإحنا هنستنا كمان سنتين تلاته فى انهيار ودمار .....



طب لو صحينا من النوم سنه 2011 بعد الانتخابات بتاعة الرئاسة ....ولقيت حسنى ولا ابنه جمال رئيس

ههههههههههههه معلشى أصلى نسيت نفسى وبقول انتخابات .....

ولا جايز نلاقى فعلا انتخابات .....بس ساعتها الناس هتكون انقرضت ....
اللي مات من الجوع واللي مات من الفقعه ...

بس بجد هتعملو أيه ساعتها ....؟

بس محدش يقولى هنتحر ....... الانتحار حراااااااااااااااام

الأحد، مايو ١٨، ٢٠٠٨

مؤتمر دافوس الاقتصادى .....احداثه...

اظن انه سوف يتم بأذن الله قيام مؤتمر دافوس اللي فى شراب الشيخ الفاليه

أيه الحلاوة دى .... مؤتمر اقتصادي فى دوله فاشلة اقتصاديا أصلا.....


وقد تم العلم أن حسنى هياخد اراى كبرات ومعلمين القاعدة دى فى حل ....

**** ازمة العيش بعد ما فشلت كل مجهودات أبو طويلة نظيف واثبت أن خلط القمع بالدقيق هتسبب أمراض سرطانية


****وأيضا هيناقش ازاى يحلو ارتفاع أجرة المواصلات واى ركوبه أحسن الاتبيس ولا الميكرباص ولا توك توك


***وأيضا هيناقش فى حاله اعتماد الغذاء على الحمير والكلاب هيعرفو ا يعملو توزان بين الإنتاج ومنع الانقراض


مع ضمان عدم الاعتداء اى حد من الحكومة فى الموضوع دا ......



وأكد حسنى وأيضا أبو طويلة على أن الخيبة الاقتصادية ليس يحتاج إلى شهر أو اثنان .... بل يحتاج إلى


موت الناس بالضغط ....وتطفيش الناس منها ..... وان شاء الله عيالنا تكمل ....

وقد اكدو الجوز على ان يوجد خطط لجلب الاستعمار قصدى لجلب الاستثمار لمصر لشفط ولهط الباقى من خيرات مصر


وقد أشفق الجميع على حسنى علشان كعب الجزمة مضايقه ....وكان مخنوق من أبو طويلة علشان الصوت بتاع حسنى

مش واصله فى الطبقات العليا ..... وشبكه أبو مقطف عنده واقعه ......

ومع التدقيق ورمى الودان بين حسنى وأبو طويلة ( وجاهدنا على أن نبعد عن شعر ودانه المعفن ) فسمعت أن حسنى

بيقلو لابو قنفد تحت مناخير اللي هو اللقب الثانى لابو طويلة ...... بقلك أيه اتشحتف شوية كدا ....ودلدل شفتك ....


وانفش ودانك واتسهطل كدا ....علشان نلملنا قرشين من أم المؤتمر دا علشان أجوز الواد واستره .... الواحد مش ضامن عمره

ابو طويله .....بعد الشر ...توف من بؤك يا معنمى ....

اتفوووو ....بص اى نعم أحنا صرفنا كتير أنا عارف أن 30 مليون دولار اللي صرفناهم فى تجهيز المؤتمر دا مش من جيب اهلينا

بس برضو .......فاهمنى يا ابو طويله ....


وقد تم اهداء درع عباره عن موس حلاقه لابو طويله ......علشان يحلق شنبه اللى عامل شبه القنفد ....وذلك نتيجه


اللى شكوى من احدا اعضاء بوجود قمله .....واعتقد انها تكون جاسوسه .....


حسنى حلو اوى كدا وحلو العفانه دى ...... يلا علشان نعرف نقب بمبلغ محترم

















الجمعة، مايو ١٦، ٢٠٠٨

وعرفت العيال فاتحين بؤهم ليه ....

أنا قررت أن أبطل حرق دم النهارده واخلي يوم الخميس أجازة من الضغط والسكر

وكنت قرأت عند الولد المصري موضوع عن الغش فى الامتحانات وفكرنا بأيام حلوه والله

بصو أنا مش هقول عمرى ما غشيت .... بس والله مش أوى....

يعنى مثلا لو قلت موقف غش كدا من أيام الثانوية العامة وكانت اللي بتراقب عليا واحده من معرفنا فى امتحان علم النفس تقريبا

وتقلى شوفى زميلتك ابص فى الورقة واقلها ما أنا مش عارفه أخد منها أيه أصلا ...لما يئست منى ...خلتني انزل الحمام علشان اطلع بنفسي من الكتاب

وعلشان أصلا مش عارفه أنا عايزة أيه ....؟ ولا هنزل ليه روحت كتبت كام كلمه على رقم الجلوس من كل سؤال علشان أدور عليه فى الكتاب ...

بس مش علشان أنا مش عارفه أيه اللي جى فى الامتحان أصلا .....لا أبدا علشان حاسة أن اللي عارفاه حليته وخلاص ....

بس تتخيلوا كانت الكتابه على أيه ...؟ ايوا ....ايوا....على رقم الجلوس ......

الهم نزلت وابص فى الكتاب ومش عارفه أخد منه أيه أصلا ...حاسه انى حليت كويس ...هو يعنى لازم الدرجة النهائية ...أنا واحده قنوعة ومتواضعة جدا

المهم علشان الحمامات كانت جميله وطراوه وغايه فى النظافه ( أنا بكدب هنا ) ما غبتش وطلعت تانى اللجنه ....

فقربتى باه تقلى يلا راجعي كدا وظبطى نفسك .....

فلقيت موس تحت المقعد ..... فاخدته وبتسلى بيه ...وكانت تحت ايدى ورقه الاجابه ....فراحت ايدى نزله بالموس قسمت ورقت الاجابه نصين

ياحلولى يا حلولى ....شوفو باه ...ثانويه عامة ويحصل كدا .....راحت اللجنه أتقلبت ....وكان هيتعملى محضر غش ال أيه عملت كدا علشان اعلم ورقة اجابتى

وتبقى مميزه يعنى ....علشان بعد كدا يتحطلى ارقام كبيرة ....على اساس ليا واسطه فى كنترول ولا حاجه .....

والموضوع قلب غم ....والحمد لله قربتى دى فهمت وحاولت تقول انى كنت متوتره علشان الامتحان وكدا

وجه واحد وعمل محضر ( قريبى برضو ) وقالو انه غصب عنى نتيجة لضغط الامتحانات والتوتر ....ولو كانت الحكايه طولت كنت طلعت على مستشفى العباسية

دا كلو وقربتى دى مديانى دور تهزيق وأنا مش مستوعبه اللي بيحصل ......ومتنحه وفى حاله من الاسبهلال .....


*---------------------------*

برضو موقف حصل فى ماده الإحصاء وأنا صعب أوى أحفظ وخااااااااااااااااصه الأرقام والقوانين ....
فيوم الامتحان قلت انقل القوانين على الدرج لأنسى حاجه


يادوب الامتحان بدا ....وكان طبعا عدد بسيط مش كل اللجنة علشان فيه ناس مش مختاره الإحصاء ...
فقام المراقب كتر خيره نقلنى فى مقعد بعيد


اشمعنى أنا ما كان ينقل البت اللي ورايا ......هنقول أيه ....حظ مهبب ......

*--------------------*

أما بخصوص الكلية أنا كنت فى قسم تاريخ ....وبالرغم أن كله تواريخ وأرقام
ألا عمرى ما كتبت تاريخ يوحد ربنا فى اى امتحان

كنت أذاكره على انه قصه وادخل الامتحان اكتب القصص بتاعتى ...واخلص قبل نص الوقت ...
ولاقى الناس ترص كلام

هيخترعوا حاجه فى التاريخ .....ولا اكتشفوا حاجه وأنا معرفش .....ما علينا....

واللى بيسال واحد عن الاجابه ....هيقلو أيه هيحكيلو معارك وقصص .....أنت أهبل يابنى .....

*-----------*


تعالوا باه فى الدبلوم التربوي اللي عملته .... كانت كل المواد تربيوية وكلها علم نفس وحفظ باه .....


هبقى احكى مواقف حصلت فيه بس اللي يهمنا دلوقتى موقف الغش ......


مره دخلت المدرج علشان الامتحان لقيت الكل متسلم البينج .....وهاتك يا كتابه ....


فتغظت أوى فالمراقب كان واقف بعيد وأنا فاشلة حتى فى الغش ...

روحت ناديه عليه وقلتلو لو سمحت العيال اللي وره دول بيكتبو على البنج ....ميصحش كدا

راح مزعقلهم ....وابصلهم وهما يستحلفولى .....ويدعو عليا ....وفات الامتحان دا


الامتحان اللي بعده ....كان ماده فقر أوى .....ودكتورها صعب أوى ( حتى من كتر دعوات العيال عليه مات
بالكنسر ...بس والله زعلت عليه طبعا قضاء ربنا انا بهرج )

المهم كان كل سؤال هيجى فى المادة دى و الاجابه عبارة عن فصل من الكتاب ويجى 30 نقطه غير الشرح اللي تحت كل نقطه اصلا ....

فرحت قايله أيه ....؟ انتى بتنسى يا فالحة ما ادخل مع العيال دول انقل جزء على البينج بدل ما أضيع والراجل
بتاع المادة دى صعب ...


فدخلت ورحت قاعده وبدأت اكتب وبدل ما اكتب جزء كتبت كلو .....أيه الهنا دا ....

واهم حاجه وانا قاعده اى حد يعدى عليا يبصلى ويضحك ويمشى .... طبعا ما ركزتش


وقولت يلا يابت اطلعي بره راجعي على الشرح ....خلى ربنا يكرمك كدا....

وجه ميعاد اللجنه ودخلت وأنا فى غاية من الانشكاح ....واقعد فى البينج وأدور على اللي كتبته .....
وما القيش ....يانهار اسود ....


مستقبلى ....ضعت .....تتخيلوا أيه اللي حصل .....؟؟؟؟؟

من الخيبة وضمير السيئ ....مش علشان لسه هغش ....لا علشان فضحت العيال المره اللى فاتت ....

طلع كل اللي كتبته .....كتبته فى البينج اللي قدام مكان امتحاني أصلا ..... أصل كنت تانى بينج وأنا بسلامتي كتبت الكلام فى أول بينج

وأنا باه روحت قلت للبت اللي كانت قدامى سنتك سوده .....انتى هضيعى مستقبلى ...اياكى تحطي و تدارى الكلام وتعملي فيها ذكيه ....

وألا والله مهتعرفى تروحي بتكم ....(بلدهم بعد بلدنا فكانت لازم هتعدى على بلدنا الأول )


واتحلفلها انك مش هتروحى بتكم ...ولو هتروحى هتروحى متشرحه ....المستقبل كدا كدا ضاااااااع




أما العيال شافونى ....وبيضحكو ....ومحدش راضى يقلى دا مش مكانك ....جزاء أنى فتنت عليهم .....


أنا باه فهمت العيال كانوا فاتحين بؤهم ليه ....مش فارحنين بسنانهم ... دا بيضحكو عليا .....

ااااااااااااه ياااااااااااااااااااانى

عاااااااااااااااااااااا عااااااااااااااااااااااااااا








الخميس، مايو ١٥، ٢٠٠٨

بطالب بدعم المخدرات ...دا شبابنا زى الفل

أنا عايزة اعرف أخرت اللي بيحصلنا أيه ...؟

اى مصيبة من الحكومة المعفنة دى بتعملها .... مثلا اى كارثة بتحصل فى مصر ....اللي بيحصل كالتالي

نعرف بعد ما المصيبة خلاص انتهت ....ونلاقى صحف ومعارضه وأعلام والناس حتى اللي فى الشارع

ونفضل نقول أيه دا ....ليه حصل كدا ....ونبقى عارفين اللي عملوا المصايب دى .... وعارفين أيه القوانين

اللي بتحرم وتجرم المصيبة دى ....(بقينا عباقره فى القانون .....ويمكن الدولي والعالمي كمان )


وعارفين كمان العقاب اللي لازم يتعاقبو بيه.....

والنتيجة .... ارتفاع عالى فى ضغطت الدم .....سكر .....شلل....جلطه ..... لمعظم الناس بعد ما تسمع أخبار

تخنق وتفقع وتغيظ .... دا شئ اساسى....

وتشوف الغضب ....وتلاقى الناس تبرطم بالكلام .....واللي ماشى يكلم نفسه..... واللى ينتحر ...واللى يسم عياله

بس للاسف الناس مش عارفه توجه الغضب دا بطريقه تاخد بيه حقها ,.......

يعنى مثلا لو قسمناها بالنسبة للازمات زى مثلا أزمة العيش بدل ما الناس توجه غضبها علشان تلاقى حل مع

الحكومة لا تلاقيهم بيقتلو فى بعض والمطاوي والضرب وناس بتموت ......

أو مثلا لما أسعار البنزين غلا ....تلاقى المواقف حصل فيها خناقه ....والركاب يضربوا السوقين ....


أما لو قسمنا الناس حسب مراحل عمرهم ازاى بينفسو عن غضبهم فى مصر

تلاقى الأطفال طلعين فى الطراوة نتيجه تعليم مهبب ومستقبل مفهوش أمل ...

الناس الكبيرة فى السن ... مشغولة فى الأمراض السكر والضغط

وتلاقيها بتبرطم ومتقدر تعلى صوتها حتى.....

أما نيجى باه على الشباب اللي هو أحنا أل أيه عندنا أمل أن البلد تنصلح بيهم.....

تلاقى شويه منهم بيجرى ورا بنات وجواز عرفي اللى كانت نتيجته 14

ألف طفل من الجواز العرفى دا .....وكلام

فى التليفونات ....وسمعان اغانى وتلاقى عنده موسوعة لاسامى جميع العالم الهبله اللي بضبش فى الكليبات ...

والواد الصغير بدل ما يقلك أنا عايز اطلع دكتور ولا ظابط زينا زماااااااااان حتى لو بالامانى

فيخدها من الأول ....دلوقتى يقلك اغني ولا العب كوره

وفى بنات عايز تحترف الرقص .....دا اللي يأكل ....ياااامستقبلنا اللي راح ....ملحقناش حاجه .....

وعلى راى اسلام ( صديق )

الرسايل اللي تقدر بملايين اللي تتبعت على الشات فى جميع القنوات.... واللي مسمى نفسه رومانسي

واللي مسمى نفسه بحبك موت ......وتلاقيهم أصلا طور الله فى برسيمه ....فاخره يحب فى حبة برسيم أحسن

ولا شرب سجاير ....ويقلك من القرف اللي هو شايفه .....وحياته الفاضية ....ويفتكر أن بيها يعتبر راجل ...

وتلاقى ملايين مدمنين ...وزى ما قلنا السنة اللي فاتت أتصرف بس على الإدمان 17 مليار جنيه ....

وتلاقى اللي كل هدفه فى الحياه يطلع من البلد دى ....

وأنا اعرف شخص طلع يجى ست مرات هجرة غير شرعيه

وشاف صعوبات الدنيا والاخره وبرضو محصلش نصيب ..... وبرضو عايز يطلع ( ليه حق والله )


وطبعا سمعنا ألف الشباب اللي راح إسرائيل .....والكل اعتبره خيانه وبدنجان ......



والناس اللي بتطلع بره دى لاما شغال فى مطبخ يغسل صحون

لاما عالم وعلمه كله يستفاد منه الأجانب علشان يطبقوه علينا

( وال أيه ميزانيه البحث العلمى فى مصر

اتخفضت متقلوش من بعزقت الفلوس فيها ... ولا الانجازات اللي بيعملوها )

وأخيرا وليس بأخر شبابا من قلة حيلتها وأكدي غباء منهم ....ويقينا يأس وإحباط جواهم ....

بتروح وتتجند فى الجيش الامريكى اللي بيقتل فى كل

بلد عربيه شوية .....عادى جدا بعد كدا يجى يوم من الأيام وتلاقى اى دوله أميركا نازله فيها طحن

وتلاقى الأخ يقتل أخوه ...ولا ابن عم يقتل ابن عمه .....وهكذا ....يعنى فى الأخر هنقتل فى بعضينا

يعنى بدل ما شبابنا يدافع عن بلده والامه العربية اللي منتمى ليها .... لا يروح يحارب علشان أمريكا

تحتلها وتدمرها .....

والحكومة .....هيا السبب ....لا تعليم كويس .....ولا بتفتح مجالات للشغل وتحتوى شباب عايز يبنى مستقبله

ويستقر فى أسره ..... واللي يكلم ويطال بحقه يلاقى اعتقالات واعتداءات زى اللي حصل مع المهندس

احمد ماهر صاحب دعوه 4 ابريل على الفيس بوك ....

أو بعد الاعتقال يطلعوه بأمراض الدنيا وحالته الصحية زفت وإيه بعد ما يستعطفوا حسنى

زى اللي حصل مع أيمن نوررررررر.....


دا غير الإحباط الشديد اللي مصر كلها فيها .....واى حد ينادى بأننا نعمل حاجه ....ابسط سؤال

يعنى أيه اللي حصل ولا هيحصل ....؟؟؟ ولا حاجه .....

مهو حصل إضراب ....حصل ايه ....؟ قتل .....والأسعار زادت ....وكل يوم أنيل من اللي قبله ....

أنا باه عندى حل طالما كدا كدا مفيش عيش ولا أكل وفيه مجاعة والناس بتموت كدا كدا بامراض ....

والمخدرات بالمليارات بتدخل البلد بمزاج الحكومة ......

انا بنادى الحكومة تخلى المخدرات زى السجاير كدا

ومش مشكله لما وزارة الصحة( اللي أنا بطالب أن اسمها يتغير وتتسمى وزارة الأمراض القديمة والحديثة

والمستوطنة ) تقوم بدورها وتضر بلك كام نصيحة وكام صورة مقرفه على العبوه

بتاعه المخدرات .....وكل واحد حر .....

رايحين فين ....مش كدا وبس لا دانا بطالبها أنها تدعمها كمان .....مخدرات مدعمه .... بلا تدع عيش بلا هبل ...

اه قبل ما انسى .....تطالب باه مفتى الخرابه المصريه .....يحلل المخدرات .....

ونخلى الحزب الواطى قصدى الوطنى يتحفنا بكام اعلان من حملاته الاعلانيه المؤثره اللى من شدتها يخلى


الواحد يرجع عليهم .....




بااااااااس كدا اتظبطت...
بلا اصلاح بلا مستقبل بلا مدنجان ....

خد خد ....شددددددددد......اشرررررررررب

بلبع .....اضرب ...شممممممممم....

ظبطينا ياحكومة .... ظبطى


خلينااااااااااااا ننسى ......


ومسااااااااااااااااء الخييييييييييييير...

الأربعاء، مايو ١٤، ٢٠٠٨

يا حسنى ....منتش ريس عليا ....

قرأت من كام يوم أن فيه أخوه مسيحيين بيقومو بصلاة لتأيد حسنى وابنه والقسيس بتاعهم يطالبهم بكدا

وفضل يعدد فى مميزات سى حسنى ..... وانه ريسهم وكدا ....

بس لما حد يقرا الخبر دا ....نقول دا يبقى أيه ..؟؟؟.نفاق مثلا ....ما علينا...ليقولوا بنعمل فتنه ولا حاجه ...


أما أنا باه فاض بيا على الأخر بقول ..

يا مبارك منتش ريسى ....

نظرتي ليك ولحكومتك ولحكمك كلها احتقار ...... كلها اشمئزاز ...


يعنى مش مكفيك للانحطاط اللي وصلتنا ليه ..... ولا مكفيك بعت بلادنا لناس تتحكم فينا

وتكون خدام ليها أنت وحكومتك .....

مش مكفيك انك خليت مصر زى قلتها على المستوى العربي ....وتابعه وعبد وخدامه على المستوى العالمي


كل الاستثمار اللي حصل كلو فاشل وكلو عباره عن احتلال والحكومة مرحبه بيه ....

(كان على أيام ممدوح البلتاجي وزير السياحة وأيام المسطول عاطف عبيد كان فيه مجموعه قطرين

عايزين يشتروا مساحات كبيره جدا فى سيناء وبعد ما وصل لممدوح أن اللي وراهم اسرائلين ومستنين

بعد ما يشتروا الأرض يخدوها الاسرائلين منهم ...وبالرغم من معرفة عبيد بكدا ألا انه اعتبره استثمار

وبيرحب بيه ....بس ممدوح البلتاجي رفض ....وخلص الموضوع.....معنى كدا أن حكومات حسنى من

زماااااااااااااااااااااااان جدا شئ عادى أنها تبيع الأرض والبلد .... )

حد يقلى مشروع عدل كان مبنى على دراسة كويسة ونفع إلا...

من أول توشكي اللي بقالها سنين بالرغم أن أتعمل فوق 300 دارسه أثبتت أنها فاشلة و أهدار للمال

وبالرغم من رفض السادات للمشروع لما أتعرض عليه ......

ومشروعات طرق اللى مات عليها 37 ألف السنة اللي فاتت

وكباري أتصرف عليها ملايين ووقفت من غير تكمله لاكتشاف أن فيه غلطت

وحتى مترو الأنفاق أتكرر كام مره تعطيله ومنطقه الأزهر أتقال أنها كانت غلطت من الأول

و بيع مصانع وشركات بتراب الفلوس .....

ومصنع دمياط اللي بيكلف الدولة 10 مليون ونص متر مربع ميه عذبه سنوي و 37 مليار قدم مكعب غاز

طبيعي برضو سنوي لمده ( 15 _ 20 سنه ) دى مده التعاقد .... غير الأضرار اللي قلنا عليها قبل كدا

وبما إن الغاز متصدر اكتر من النص لإسرائيل والباقي بقى لكندا ...

وكمان دخلنا فى مرحله فقر المياه العذبه..... يعنى حتى الميه المعفنة واللي متعالجه بنسبة 20%

وجيبالنا أمراض منيله ....مش هنلاقيها بعد كدا حتى ..... يعنى مشروع فاشل بكل المقايس...


المهم يا جماعه .....دا كلو فقعنا ....وفرسنا ....وغيظنا ....وجبنا ضغط....

بس لما حسنى يبعت تهنئه لإسرائيل بمناسبة مرور 60 سنه ...... دا يبقى اسمها حقاره واستفزاز

وتخلف وفعلا زل .... بس مش زل ليه هو ....

أنا بقول زل لينا أحنا ....وللأسف مكتومين وراضين بالقرف دا كلو ....ليه مش عارفه ...هو مات عندنا

الإحساس برضو .....جتلنا عدوه قله الدم منهم ولا أيه .....

يعنى حسنى بعت هديته اكتر نص احتياطي مصر من الغاز بسعر اقل من الدولار فى حين سعره عالميا 9

دولار( يعنى شويه لإسرائيل وشويه لكندا وإحنا بعد كدا هنولع بعيالنا ) ..... وبعدين يبعت تهنئه.....

يعنى ما راعى ظروف الفلسطينين ...ولا حتى لبنانين ....اللي إسرائيل مدمره حياتهم ....ومعيشاهم فى جحيم

ويروح الغاز لحيوانات بتحطو فى دبابات تدوس بيها عليهم وعلينا ....



وبصرف النظر زفت التهنئه...دا بكدا بيايد اللي بيحصل فى فلسطين ....

ومديهم حق فى الاعتراض حتى ...وبيعترف بحق إسرائيل فى فلسطين....

وحقها فى سرقه بلادنا ....


ودا كلو ولسه عايز ننطق ونقول رئيس لينا ..... لا طبعا أنا معترفش بيه حتى لو بينى وبين نفسى

مش معقول هتبقى عبد بره .....وريس علينا ....

دى والله تبقى مسخره ...... وانتم يا اخونا المسيحيين ....


أحنا هنسيبكم انتو تصلوا ليه .....وعقبال ما نصلى عليهم قريب أن شاء الله ....


الثلاثاء، مايو ١٣، ٢٠٠٨

حصريا ....نص تهنئه حسنى لزفت الطين اسرائيل ...

خبر مستعجل ( منيل بنيل ) ( يحصرى )
حسنى مبارك يرسل تهنئة لاسرائل يهنيها بمرور سنين زفت على دماغهم
لاحتلال فلسطين ....

نص التهنئة كالتالي ....

(أهنئك على مذابح الأطفال والمشايخ والشباب .....أهنئك على هدم البيت وحرقها ....

أهنئك على الاعتداء على الستات بالضرب والقتل ....أهنئك الهولوكست والمحرقة اللي حصلت

أهنئك على قطع الكهربا والغاز .....أهنئك على تجويع الفلسطنين ....

وأخيرا أهنئك على احتلال دام 60 سنه ........... وعقبالى كدا...... حسنى)


بس خلاص .....

وأحب اسمع حسنى وإسرائيل ....بمناسبة التهنئة .....سلااااااااااااااام كبير أوى

باغنيه .....أم كلاله ولدت .......يلا نروحلها .....
وحسنى واسرائيل .....
وولعهم ياااااااااا جدع ....قصدى رقصهم ياجدع





الأحد، مايو ١١، ٢٠٠٨

زفت اسرائيل فى مصر ..شلوط كفته

دلوقتى غزة مفيهاش لا غاز ولا كهربا ورجعوا لعصر الحطب .... ولبركه الحكومة المصرية ....

عارفه أن كتير هيقول هنرجع تانى لموضوع الغاز وموقف الحكومة الزبالة ....بصو حرام أوى لما

أشوف ناس تعيش كدا ونتخرس ولا كأننا شايفين ولا حاسين ....

تخيلوا مثلا معاك حاجه مهم جدا وأخوك وعدوك

محتاجنها فى نفس الوقت .....وأنت طلعت ندل ورحت مديها لعدوك لا ومش كدا وبس دا عدوك دا

بيستخدم الحاجة اللي خدها منك فى قتل اخوك .... حد فيكم يوصفلى مدا الظلم اللي حاسس بيه الأخ دا

مهما قلنا ووصفنا وحتى لو حسينا وتأثرنا ...مش هنعيش بإحساسهم ولا هنعرف مقدر الحزن اللي جواهم....

هرجع تانى وهسال ...ما أنا لو ما فضفضتش هتجنن ..... ليه كدا ...؟؟؟

ليه مصر ما أدت غاز للفسلطينين بدل الضلمة اللي عايشين فيها ....ليه مفيش اى دوله عربيه تديلهم ولا تقدم

مساعدات ليهم .... مفيش عندهم غاز نهائي ....ولا كهربا ...بقت حياتهم متعرضه للخطر وظلم اكبر

مفيش اى دوله تقدر دلوقتى تعيش بدون كهربه ....الحياه هتموت ....حياه ناس فى مستشفيات ضاعت

مش كفاية ظلام الظلم يبقى كمان ظلام النور ......

ليه مصر تتخلى على أزيد من النص فى احتياطي الغاز لعدو ليها .... وبأقل من سعر التكلفة...

فى حين أن السعر زاد علينا اللي أحنا أصحاب الغاز .... باى منطق وباى شرع ولا اى قانون ...

نسكت ....ونتزل ...ونسيب حقنا يضيع قدام عنينا ....

وأخ ولا أخت لينا تتقتل ويكون أنا ولا أنت ولا انتى السبب ....سكوتنا ...ضعفنا ... استسلامنا

هو اللي قتلهم مش حد تانى ......

وال أيه مصر والسعودية حاطين مناخيرهم فى حكاية لبنان وبيقولو يودى ليهم عساكر وبدنجان

اشمعنى دى .... حاجه تقرف ..... هو حد طلب منكم مساعده وزفت ....الحكومة المصرية

هتبعت من الجيش اللي مش عارف أصلا يحمى الناس اللي اتقتلت على الحدود وبقى مهمته دلوقتى

ينظم طوابير العيش ......

لا وأيه الزفت السفير الاسرائيلى فى مصر شلوط كوفته (شالون كوهين ) اللي كل فتره والتانيه

القيه يتنيل ويطلب حاجه متخلفه زى من فتره طالب بان اللغة العبرية تبقى من ضمن المناهج فى التعليم

أل أيه التعليم ناقص واكسه ونحس اكتر مهوا ....
وال أيه قال دا من ضمن نشر السلام اللي مبنى على اتفاقيه السلام ....


ودلوقتى بيطالب من نضيف افندى رئيس المقاطيع انه يعمل بنزينه

خاصه تزود بالغاز والبنزين علشان خاطر السفاره وتكون قريبه من السفارة

وطبعا كلو على حساب الحكومة .... ما هيا خدامه تحت رجليه وجزمتهم .....

يعنى دا يتسمى ايه ....؟

هو لو فيه حكومة محترمه وليها سياده فى بلدها ..... كان الزفت دا يقدر يطلب الحاجات دى

أنا لولا ما وعدت جنه أنى ما اشتم .....كنت رصيت كلام ....

بس اعمل أيه ....؟ دلوقتى

شوفتو مسخرة ووطايه ومزبله الحكومة .....

محاكمة برطمانيه لوزير ابو مقطف...


لالا متخفوش ....هو شكلو كدا بس تقريبا هو أليف ومستانث كمان ....


بصرف النظر عن جوز المقاطف اللى مركبهم للسمع ....ولا نفق اللي عملوه فى بؤه
وشكله يدل على استهبال ...واستنتاح (دلع تناحه ) ...واستهطال (دلع هطل )

البتاع دا .....مش مكفيه مضيع فلوس التامين الصحي ....وباع البلد .....

وفشل فى تدبير فلوس العلاوه النحس بتاع حسنى......

يروح يتوكس و يبيع دوا يعتبر غير صالح للاستعمال ....

بالرغم أن اى حد يتسال مين تخصصه فى الادويه

يقلك وزارة الصحة .... لا ما هيا بقت حكومة بظامها نظام حموريه وهجس

هو الظاهر مش مكفيه الأسعار اللي زودوها ..... واتزنق فى موضوع العلاوة دا

و مش عايز يخلى الريس يطلع عيل ومش قد كلمته ...راح باه يتصرف ويجيب الموارد ....

شوفتو آخر ضغط الريس على الحكومة ... بينزلو دوا فاسد .....

مش مهم ان الناس تموت ...تمرض ....المهم يتصرف فى فلوس ..... جبها منين ...مش مهم

وبعدين يعنى أيه محاكمة برلمانيه ....ومعظم الأعضاء والاغلبيه للحزب الزفت الوطني....

دا لازم يتحاكم فى محكمه وعلنى كمان .....ويتحاسب .... دا يعتبر قاتل .... مش لشخص فقط

لا دا قاتل لشعب .....ويقلو محاكمه برلمانيه ....

دا لازم يتجرس .... ويتفضح ....ويتشال من الوزاره اللي فقرها بوجوده فيها ... واللى جبلها النحس ...

برطمانيه أيه وزفت أيه ..... دا لازم يتحاكم ....ويتعاقب .....وطبعا يكون العقاب بالمثل ...

أحنا مش هنعملو أزيد من اللي عملوه فى الناس ..... ياخد من نفس الدوا ...

يمرض ...يتشل ....يبقى معوق .....يموت ....هو وظروفه ....

ولا برضو هيفلت بعملته دى .....ومش مهم باه .... ودفاعهم أن الناس تمرض ولا تموت ....

مهيا كدا كدا عيانه ....وكدا كدا بتموت .....

أيه الحل بعد ما اتباعت وتوزعت وأكيد الناس استعملتها ......

لازم ييتحاكم فى محكمه قدام الشعب ..... علشان يكون عبره لغيره ....

حسبنا الله ونعم الوكيل فيك يا زفت الطين دا ....

الخميس، مايو ٠٨، ٢٠٠٨

هيا بدات بورده وانتهت بشمه علشان حرقه الدم ....

بصو باه ....أنا النهارده بعد ما صحيت جيت ابص لقيت ورده بلدى لونها روز طلعت فى حتة الجنينه

الصغننه بتعتنا ....وبالرغم أنها كانت لسه مقفولة ....قطفتها علشان أنا بحب جدا الورده المقفوله جداااا


وكانت النتيجه صوباعى أتعور وتحويشت الدم راحت هباااااااااء

وقمت نزله بموسيقى تصوريه الأرض لو

عطشاااااااااااانه نرويها ... بميه طبعا أحنا هستهبل ولا أيه ...

بس انتو عارفين .فيلم الأرض فاكرينه بتاع يحيى شاهين الرخم

بس قمت واقفه كدا ....وفكرت ....مش فى صوباعى طبعا ....لا بقول ماهى شجرة الورد اهى زرعاها أنا وماما

من قيمه تلت شهور تقريبا ....وطلعت ورد ......

أمال ولاد الفقرية بيزرعو ويستصلحو فى ارض بقالها 25 سنه ومطلعتش حتى راس فجل ليه ....؟؟


ميكنش أنا فى ايدى البركة .....طيب يمسكونى وزارة الزراعه ..... يلا ما علينا ...... نيجى للغم وحرقه الدم

*---------------------*

لقيت سمية صحبتي اللي من السودان هيا نزلت مصر هيا وماماتو بتاع هيا .....وبتقلى أحنا كنا مقررين نقعد

شهرين بس لما ماما لاقت الحاجة مولعة نار عازيه تمشى من الصبح ......

ياعينى مااستحملو يومين .....أمال أحنا نهبب أيه ....؟؟

بالرغم اللي حصل من خناقات فى المواقف بين السواقين وبين الناس .... علشان الأسعار .....

وياعينى مفرحوش بالعلاوة 30% ..... يعنى زى ما قلت كلام الريس كلو هجس ..... وال أيه ضغطت على

الحكومة أنها تتصرف وجيب موارد علشان العلاوة ...... طب ما أنت عارف أن مفيش موارد للعلاوة دى

بتقول عليها ليه أصلا .... وال إيه مش عارف اللي فى البلد ما اتباعت وخربتوها .....

طب بدل ما تزودو الأسعار على البنزين .....زودو سعر الغاز اللي بتبعوه لإسرائيل .... ياولاد المحروقة

اللي كان نتيجة دا أن مصر بتخسر كل سنه مليار ( بس بصراحة مش بركز فى العملة سواء جنيه ولا دولار)

بلاش طظ فى الفلوس ..... بنخسر عرب مسلمين بيستشهدو كل يوم على أيد ولاد الكلب ....

لا بصراحة على ايد الحكومة بنت الكلب دى .....بلاش فلسطين أصلا .... موتو مصرين على الحدود ....

وبالرغم من كدا نديهم مصدر وقود عالى الجودة ى ماهما بيقلو كدا وبفخر....

طيب متبيعو للفلسطينيين بلاش نقول نساعدهم .....بصو انتو من الاخر حكومه بنت كلب معفنه ...

برضو قلنا الكلام دا مليون مره ..... ولا فيه حد بيسمع من ولاد الجزم دول .....

الله يسمحك يا سميه ....شوفتى خلتينى اطلع من المود بتاعى ازاى ......

*----------------------*

والحكايه قفلت دلوقت لما اسمع أن فندق خمس نجوم هيتعاقب وينزل لفندق نجمتين بس ....

مش علشان لاسمح الله حلل حاجه حرمها ربنا .... لا علشان الحكومة الوسخ دى ....

يعنى الراجل كتر خيره رمه ب 8 مليون جنيه تمن الخمره علشان يرضى ربنا

وبدل ما نكافئه على كدا ......الحكومةا دى تعمل تحقيق وتعاقبه .....

أي دين ولا اى منطق يحصل كدا .....واحد وهو حر فى فندقه .... ايه ملزمة دى ....

فى اى شرعه يا ولاد الجزمة .... فين الازهر من الكلام دا ....

دا تشجيع الاستثمار فى مصر ......ولا انتم مش بتشجعو ألا الاستثمار اللي بالرشوه والوساخه

يعنى لما نعمل مقارنه كدا بين مصنع الكيماويات فى دمياط اللي هيسبب مصايب والحكومة هتنشل


أنها تعملو بعد طبعا ما خدت 25 مليون دولار رشوه علشان توافق على المشروع


وقررت انها تبعت لجنه تقصى الحقائق متقلوش أحنا بنتفرج على فيلم أمريكا وصدام .... الله يحرئكم

حقائق أيه يا حافين يا ولاد العميه ......يا حمير ...بنقول ناس مقدروش يعملوا الصناعة دى فى بلدهم علشان

بتجيب أمراض وسرطانات .... تقلو حقايق .....فعلا ولاد كلب ....

ونقارن بين واحد عمل حاجه صح سواء شرعا او صحيا انه رمى خمره بملايين تروح تخنقوه وتعقبوه

وساخه أيه دى ...؟

بصو أنا هقفل علشان أنا ممكن أنسى نفسى وأقول كلام زباله من كدا ......الله يحرق دمكم .....

*---------------*

آه صحيح أنا بدى لكل اللي أتحرق دمو شمه من الورده ..... يلا بدورررررررررر

الأربعاء، مايو ٠٧، ٢٠٠٨

هنلحق عصر الديناصورات فى عهد مبارك ....

يعنى لو لقيت مظاهر تهتف باسم مبارك وبتمجده ......تاكدو أنهم شويت ديناصورات .....



لما تقروا خبر بيقول


أمراض من جميع العصور "تنهش" فقراء مصر!

دا يبقى أيه ...؟

أنا بقول دى نتيجة طبيعيه جدا .....


يعنى لما يبقى انتم عايشين فى أزهى عصور المجاعة فى عصر اسم النبي حرصه الريس


هيحصل أيه لما الناس تآكل حمير وكلاب وفراخ ميتة ....


هتبقى النتيجة أيه يعنى لما الميه ملوثة ومخلووطة بالصرف الصحي .....


متوقعين أيه اللي هيحصل لما يبقى فيه دم فاسد ....ودوا منتهى الصلاحية .....



فلما تسمع حد جاله ضغط وسكر .....دا عادى ......أما لما تسمع بالسل والحصبة وحاجات من أيام الفراعنة


يبقى تقعد متجعلص كدا وكانك بتشهد عصر معظم الدول تفتقده ..... عصر المرض لمبارك ....


شوفتو حتى المرض بنرجع فيه لورا ..... يعنى ناس بتكتشف أمراض جديدة ( ربنا يعفينا طبعا )


إلا أحنا حتى المرض رجعنا لإمراض العصور المظلمة ......


يعنى متخفوش لما تفتحوا الشباك تلاقوا ديناصور فى البيت اللي قدامك ولا جارك ......


عادى تأكد انك فى عصر مبارك للحفريات ......


(بابا مبارك ..... هى هى باباااااااااااا مبارك )

لالا متخدوش فى بالكم دا ديناصور صغنن كان مع أمه ألديناصوره الكبير فى المظاهره ....

الأم ..... خد يا واد ....جتك ضاربه ....الدنيا حر ...وأنا ما طبختش وأبوك هيدهولنا


كانت معكم الست أم ديناصور من أنصار مبارك ....
فاضل لينا تكه ....هنلحق عصر الديناصورات فى عهد مبارك ....
يا حركاتك يا كبير ....


الثلاثاء، مايو ٠٦، ٢٠٠٨

30% زياده فى الهجس وطلع 70% كلام عيال.....

بصو الكل قال ان اربعه مايو ما نجحش دالو خلينا مقارنه بينه و بين سته ابريل ...
وبصرف النظر ودون الدخول فى الاسباب...نجاح دا ولا فشل التانى ...
وندى نفسنا مبررات ولا نحبط نفسنا ونقول فشلنا ....انا برضو بقول اننا نجحنا....
بصو لما كنا سالبين وما نقدر ناخد قرار فى حياتنا ولا نعرف حتى نطالب بحقنا ....
وبعدين بقينا بنتكلم وبندور على اى طريقه مناسبه ناخد حقنا ...حتى لو ما نجحنا فى حاجات ...
دا فى اعتقادى نجاح ....او بمعنى اصح بدايه نجاح ان شاء الله ....
على العموم دى وجهت نظرى .....وكل واحد حر ....
----------------
لما الريس قال فى عيد العمال عن الزياده وحسسنا انه لاما عمل بكدا انجاز لاما بيدفعها من جيبة ....
وخلنا نتاثر بطريقه كلامه اوى لما قال انا ضغطت على الحكومة علشان تتصرف فى الموارد علشان
ندفع بيها العلاوة ....وحسسنا انه اد ايه بيناضل .... والمصيبه ان الناس صدقت او على الاقل فرحت...
بس ما اظن انه وعدكم ان الاسعار مش هتزيد .... ونسى يقول انابدى باليمين وباخد تانى بالشمال ...
وعلشان الحكومة ما تطلعش الريس عيل قدامنا ....راحت موسعه فى قاعده الضرائب وفرضت على قطاعات جديده
يعنى ترفع سعر فى البنزين بجميع انواعه فى حين ان اسرائيل يتاخد الغاز بتراب الفلوس
وطبعا احمد زفت ما خلاش الموضوع يطلع من تحت ايده وقال ينوبنى من الحب جانب وراح مزود فى سعر الحديد
يعنى لما البنزين يغلى ... مش هقول الناس اللى عندهم عربيات هيجيبو منين
بس فى الناس الموظفين هتجيب منين فلوس تدفع موصلات اللى هيا بطبيعة الحال هتزيد من السواقين الضعف
علشان زياده فى سعر البنزين وسعر الترخيص بتاع العربيه ولا سعر السجاير ....
بلاش الفلاح هيجب منين علشان يشغل ماكنة الرى علشان يروى الارض مش كفايه السماد اللى سعره متنيل زاد
ولا اى حاجه بتولع سعرها بيزيد .... نولع فى نفسنا يعنى .....
وبعدين الزياده فى السجاير هتبقى على السجاير المحليه ولا هتبقى على جميع انواع السجاير....
بالرغم انى مبسوطه من ارتفاع السعر دا فى السجاير ....احسن علشان اللى بشرب يبطل ...
يعنى نعتبر الكلام فى العلاوة اللى وصلت تلاتين فى الميه ....كلام عيال ....
ولا كلام جبناء قالو اهو هنخدر الشعب شويه .... علشان حكايه الاضرابات دى ....
انا مش عارفه الناس مش لاقيه العيش ...
والاراء اللى بتقول الموظفين راحو الشغل علشان العلاوة اللى لسه ما نزلتش اصلا....
كدا كدا هيقعدو غصبن عن عينهم
علشان مش هيلاقو حتى تمن الموصلات اللى هيروحو بيها الشغل ....
يعنى الريس مطلعش اد كلمته .....ولا عمره هيطلع ادها .... وكلو هجس ....
يعنى تلاتين فى الميه علاوة فى التهجيس .....وسبعين فى الميه كلام عيال .....

الأحد، مايو ٠٤، ٢٠٠٨

كل سنه وانت طيب يا سونسون

انا بعد ما فضلت اعيط علشان اروح عيد ميلاد الريس
والحمد لله روح راكبه الحمار وراحه طايره

وركنت الحمار

واول ما دخلت لقيت بتاع بيفرقع فى الجو وبينور




وبلياتشو ...قلت ايه دا انا جيه عيد ميلاد عيل ولا ايه ....!!!



المهم انا قلت اقدم الهديه ...وطبعا بعد تفكير طويل اجبله ايه ...قلت مفيش الا صورته اقدمهاله ...واقلو انك فى قلبنا
وعقلنا كماااااااااااااان


وايه لقيت الدبايح ....اشى كلاب





واشى حمير .... ايه العز دا ياريس....








وكانت مالقتش ورد ...قلت اجيب جرجير اهو مفيد للشعر ...تلاقيه باظ من كتر الصبغه اللى هارى نفسه بيها ...








بس اسكتو باه ما اقلولش على التورتايه اللى شوفتها ....يالهوى ...حلاوة ايه ...وجمال ايه....
هيا اى نعم على شكل طقم سنان ....بس جامده صح...










وشويه القيلكم ....رقاصه طلعه ....هيا كانت جامده ....وفضلت شغاله






وتكابر ... بس هنعمل ايه ...حلفت انها ترقص فى عيد ميلاده ...زى كل مرة ...مهيا متعوده ...بس العضمة كبرت








ابدا لازم ترقص ....ياستدى يرضيكى ..... لا برضو ...دا عيد ميلاد سونسون ...








وبعد محايله ....تنحت وسابت الرقاصه التانيه تزل ...واشتغلت ....








وهاتك يارقص









وتقول دا عيد ميلاد الريس يا نااااااااااااااااس سبونى اخد فرصتى ....








وقايمه بالواجب جامد جدا ااااااااااا
ايه رايكم حفله رخمه
طبيعه وشئ اكيد
هيا معموله لمين يعنى ....؟
















السبت، مايو ٠٣، ٢٠٠٨

بكره جه يا مصرين ....


المعاد بكره يا مصرين ....



طبعا الكل عنده فكره مبداين على اللى عايزين نعملو بكره .....



عايزين نحافظ على كرامتنا ونرجع حقنا ... ازاى ...



نقعد فى البيت ....المسلم يصلى ...والمسيحى يصلى .... واكشفو شعركم .... وادعو ربنا ينصرنا ...



و برضو ادوها دعى عليهم .....



من اول الامراض ....لحد ان ربنا ياخدهم ....



لبس هدوم سوده ....ويفضل طبع بعض المطالب او الشعارات للاضراب ....



تعليق علم مصر ....وعلم اسود على البيوت والبلكونات ..... انشالله فردة شراب سودها تعلقوها ...



تعليق بعض يافطات مكتوب عليها اللى عايزينه .... ويافطات على كل باب بيت ...



ومنعا للاحتكاك بالامن كل واحد يتظاهر فى بلكونته ....ولو معندهوش يروح عن بلكونة جاره ...الناس لبعضيها



برضو ....لو العماره بلكونتها وقعت كلها ....اطلعو على السطوح ....مفيش اى حجه



طبعا فيه ناس ممكن يبقى صعب عليها تفضل فى البيت زى الدكاتره والطلاب اللى وراهم امتحانات ...





مش مشكله يلبسو لبس اسود ....





يطفو النور ويولعو شمع ....بس محدش يلعب بالنار ....انتو عارفين بيحصل ايه بليل ...ههههههههههههه





وانا بقول اكتبو يافطات باه تدعو عساكر الامن ان ربنا يهديهم ويبطلو غباء هما مصرين برضو ...



وادعوهم للانضمام ...او بمعنى اصح انهم يرفضو اى اوامر يؤمرو بيها من قبل الساده الظباط تسبب اى اعتداء



على اى مصرى



او عدم استخدام اى انواع من الطلقات سواء المطاطيه او الحيه او القنابل....



فى المقابل عدم قيام اى حد باى دقت نقص ويعمل اى حاجه ....احنا عارفين ان هيبقى اضراب سلمى



بس برضو الامر ما يسلم من الحراكات النص كم من اى ناس تانيه فاهمين طبعا ....


احنا كلو فى السليم ...


يلا توكلنا على الله يا مصرين ....












حسنى بيه .....غور باه

والله العظيم مش عارفه اقول ايه ....؟
ايه دا كل يوم احس ان الادمية عندنا فى مصر متهانه اوى كدا....
شوفنا حمير وكلاب ناس بتدبحها وناس بتاكولها بالرغم ان كان سعر الكيلو فيها خمسه جنيه ....
طبيعى يبقى فيه شك انها مش طبيعيه ....وبالرغم من كدا الناس بتشترى باستسلام ...
ولما اسمع ان محرقت الزباله يوصل تاجيرها من الحكومة بخمسه مليون جنيه فى السنه تقريبا ....
وكان العامل الاساسى ورا الرقم دا ان بعض شركات التغذية لما تبعت مندوبها بكميه اكل فاسده للمحرقه
علشان تعدم ...والعامل بتاع الشركة يقبض التمن من اصحاب المحرقة ....وبعدين اصحاب المحرقه يبيعو
الاكل دا للناس بتمن بسيط ....والناس عارفه انه فاسد وبيشترو باستسلام برضو...
ولما النهاردة اشوف فى موقع البديل ان ناس من المنصورة تشترى شكارت فراخ ميته بخمسه جنيه برضو ....
يبقى في ايه ....؟
ايه القرف دا ....المشكله تبقى فين بظبط.....
الناس ....مهيا غلابة ومش لاقين اكل .... اغبية متخلفين ....جايز ...بس الجوع اصعب ....
هيجيبو لنفسهم المرض .....مهو محدش وفرلهم ليهم الاكل الكويس....
دا نسميه استسلام ...مفيش حكومة بتوفر حياه محترمة للناس ...
حكومة معفنه ..... هيا السبب فى الفساد والقرف ....خلاص خلت الناس تاكل من الزباله
وهما بيجلهم اكل مخصوص بالطياره ... ولا يهمهم ناس ...ولا اطفال ....
وياريت بيوفرو علاج ....الا بيجى فاسد .... يعنى قرف من كلو
ايه ام القرف دا .....احنا فى مجاعه....
يا حسنى باشا كنت بدل ما ما انت قارفنا ....وقاعد تعدلنا فى انجازاتك وهباب ...وبتحضرلى احتفالات
وزفت وفرحان ....ورايح تعمل محافظتين جداد يتكلفو يجى تلاته مليار جنيه .... اكل الناس
الناس جعانه ..... الناس بتاكل اكل فاسد .....من زباله ...
يا ريس هتكون السبب الرئيسى فى انقراض الحمير والكلاب فى مصر .....
بقينا اعلى نسبه فى العالم فى امراض الفشل الكلوى والفيرسات والكبد الوبائى .....
وبقينا البلد الوحيد اللى الناس بتموت فيها علشان رغيف عيش.....
دا على مدا تاااااااااريخ مصر من يوم ما اتكتب ليها تاريخ سواء فى حرب ولا احتلال ما سمعنا عن القرف دا ....
عايز ايه اكتر من كدا ....علشان تحل عننا .....
قوم باه ....خنقتنى ..... ورتنا ايام سودة.....
جوع ...مرض ....جهل ....فشل .... زل ....
فقعتنى ....غوررررررررررررررررر باه ...
حسبنا الله ونعم الوكيل فيك ....

الجمعة، مايو ٠٢، ٢٠٠٨

حمدلله على سلامه سامى الحاج

جتلى رساله من سمية صحبتى من السودان
بتقلى فيها ان سامى الحاج الحمد لله افرج عنه ورجع بالسلامه
ودخلت على النت وشوف وقرات الخبر من البى بى سى عربى و الجزيره نت
طبعا الحمد لله ....
بس اهم حاجه الفرح دى معناها ايه ...؟
معناها ان خلاص الحمد لله رجع ...ونقول احنا كنا مصدقين .... كان ملناش حق اصلا
ولا معناها ...تمن ست سنين قضاهم الراجل فى سجن ولاد الجزم دول واتعرض فيه لاهانه
وتعذيب وغربه عن اهله ...كل دا مش مهم ...او بمعنى اصح مش هيعرف ياخد حقه
والله اعلم احساسه ايه ...وحالته النفسيه ايه ؟ ...
يعنى من الاخر الكل هيقول حمدلله على السلام ويدعى ببؤين على ولاد الكلب
وخير اللى رجعتلنا بالسلامه ....وبرضوع ريس بلدو تهاون فى اخد حقه ....
الحكام هما هما ....الناس هيا هيا ....والحق اللى ضاع ....والكرامه اللى انداست بالجزم برضو هيا هيا ....
بس بجد بجد الف حمدلله على السلامه دا االلى نقدر نقوله
ومبروك يا سميه

محدش يمسكنى ...هشرحهم ....

بصو حكايه مصنع الكيماويات اللى عايزين يتنيلو ويعملوه فى دمياط ... وعلشان هيسبب مصايب وامراض
الدنيا والاخره ... غير الناس اللى هتسبي البلد اصلا علشان هيبقى الجو متسرطن
فى نفس الوقت الناس قامت باعتراض حضارى زى ما سمعت وال ايه هيقدمو للريس
مطالبهم فى وقف المصنع وهو بنظرت الاب الجنون قصدى الحنون هيوافق..... الناس دى هتفقعنى ...
المهم راح اسم النبى حارصه محافظ بتاع دمياط قال بناء على توجهات الريس ان خلاص مش هيتعمل المصنع
رجع تانى وقال لا دا كلامى اتفهم غلط ...ولسه متقررش حاجه ....بخصوصو الغاء المصنع
اللى فى نفس الوقت برضو كان رئيس الوزاء نضيف بيه كان هيروح دمياط بس تراجع علشان ميحصلش
مواجهه بينه وبين اهل دمياط ....وطبعا هيبقى شكلو بااااااااااااااايخ ....
ام ايه باه طلعو فى حاجه جديده بعدها ودخلو فى سياسة الاستعطاف الواطى ال ايه لو ما اتبناش المصنع
فى شرط جزائى 400 مليون مش فاكره دولار ولا جنيه مش مهم ....وهتبقى خساره لمصر ....
ياخى طظ ...دلوقتى يا ولاد الجزم بدورو على الفلوس دا ضوفر طاير من رجل عيل من الناس اللى فى دمياط
برقبت اخن تخين فيكم لالالا ضوفر ايه وعيل ايه .....لا دا قطع جزمه فى رجل عيل من عيلهم
يشتريكم ويشترى اللى جين يعملو الزفت دا .....
هو التخلف خلاص اتركب مع الغباء عندكم ... ولاد الجزم دول اللى جاين يعملو مصانع كيماويات عندنا
وغيرها من مصانع الاسمنت والاسمده ....اللى هما مش عارفين يعملو مصانع فى بلدهم اللى تولع بجاز فيكم وفيهم
علشان كمية السموم والامراض اللى بتخرج منها ....
فهما هيجو يقرفو فى اهلينا وانتو بتاجرو فينا يا حكومة عيانه ومريضة .... الناس كتر خيرها اعترضت
باحترام وبطريقه حضاريه اللى وكلين ودنا بيها ...مفيش فايده ...بتشقطو الناس من هنا لهنا ......
هو ايه دا ... لالا واللى زاد وغطى سمعت ان برضو نفس المصنع هيتعمل فى مطوبس
ودى بلد فى كفر الشيخ بلدى ...... ياخى طظ فيكم .....
سبونى محدش يمسكنى ...... بصو باه لا انا بتاع ورق ولا حضاره ولا بدنجان ....احنا من بلد
يضرب فيها الحمار يمشى عدل فاهمين ......
دا انا اقوم بدور موس حلاقه واشرحكم ....اه ...( ياخوفى ما الاقى حد ورايا والنداله تشتغل )
سبونى ....خلونى اطلع غيظى ....قرفنى احنا ناقصين امراض ...مش كفايه البلهارسية....
وبعدين محافظتى بلد زراعيه ايه اللى جاب ام الكيماويات والزفت عليكم بدرى عندنا ....ضاقت فى وش اهليكم
ما تروحو فى دهيه تخدكم وتاخد اللى جابكم .....
شورو عليا اعمل ايه ...؟ اناضل ازاى لو الخبر طلع صحيح....
انا فدائا ليكى يا كفر الشيخ .....يا لهووووووووووووووووتى
لا هيبقى شغل ولا جواز ....انا قلت الرجاله انقرضت بس مش معقول هتنقرض بالمبيدات ....
شورو عليا ياناس هعمل ايه لو مفيش حد دافع عن الكفر ...؟
ممكن تيجو عندنا ....متخافوش هديكم الجنسية الكفراوية ...استرو علينا الله يستركم ....
ومتخفوش هردها فى اى خناقه ....اى وقفت طابو عيش .... اى اعتصام ....
المحافظات لبعضيها برضو .....
يا عينى عليا ....ضعنا يارجاله ....
كشفت راسى ودعيت عليك يا نضيف انت وكل اللى وراك ....
اشوفك مبقع ولا غلي ولا كلور ولا اضافات تحوق فيك يا طويل .... ولا حتى بونكس ...

الخميس، مايو ٠١، ٢٠٠٨

يادلعك يا سونسون انت والحكومة...

يامساااااااااا التماسى ...معلشى اصلى متسلطنه شوية بعد ما شوفت النقوط نازل يرف النهارده...
هتقلولى نقوط ايه ....؟
هقول ليكم يا معنمينى ..... النهارده سونسون ....ريسنا العزيز حسنى ....فى الكلمة بتاعته للعمال
اسم النبى حارسة وصاينه ....بصرف النظر من عن انبثاق الملل والحرحر زى كل سنه وفى كل مناسبة برضو
من التلفزيون ( بصراحه انا كنت بقول ان السبب فى تليفزيونا القديم ولما ربنا كرمنا واشترينا واحد جديد لقيت
مفيش فايده الملل واحد والانبثاق واحد وقد ايقنت ايه السبب .......!!!)
لقيت ريسنا فاقعنا بؤين انما ايه فى الجووووووووووووووون...
بيقول انا ضغطت على الحكومة ان تزود العلاوة مش 15% لالا ولا 20% انا خلتهم يزودو 30%.....
لولولوووووووووووووووووووووى
دى زرغوته فقعتها بعد ما مرارتى اتفقعت ..... طبعا طبعا من فرحت ودانى بعد الخبر ...
يعنى لو واحد مرتبه تلتميت جنيه ودا يوم ما يبقى فى العلالى يبقى الزياده تسعين جنيه ياااااااااااااافرحتى ...
ولقيته بيكلم عن ازمة العيش وبيوصى انها تتحل برضو فرحت جداااااااا قلت الله ما هو عارف اهو
مستنى باه عيد العمال علشان تدينا احساس بانجازاتك ولا حل طابور العيش من ضمن الجدول الانتخابى
يالعبك يا سونسون يا لعبك بالاتارى وانت مش دارى .....
انما سعتها سونسون حسسنى انى بتفرج على فرح ....
والريس حاضره وفيه رقاصة بينقطها ....وصبى الرقاصه هم العمال المنافقين اللى حضرولو وهاتك يا
هتافات ( اعتقد انها جيه من هتف دلع خبل ) ....
يعنى عرفتو ان الريس هو اللى بينقط (15% لالا ولا 20% انا خلتهم يزودو 30%) وعرفتو اللى بيلم النقطه
انما الرقاصه هيا مين .....طبعا عارفين ....الحكومة ...
اسمالله عليكم يا خالبيص ....(بتتسطلو لما تسمعو سيرة الرقاصه ....ياوحشين )
هيا اللى بعد ما الريس ينقط ...هيا باه توزع ..... والناس فرحانه جدا اللى حضرو ليه ...
بس سيبكم من دا كله ...اللى شدينى اوى حتة انه ضغط على الرقاصه ( الحكومة )..... ال ايه مهو مش بيده حيلة
وميقدرش يعمل حاجه .... برضو نفضولى ماانا طقة .....
بس من ساعة ما شوفتو لحد دلوقتى .....هموت(تفوتفو بعد الشر عنى طبعا ) واعرف حكايه الضغطة دى ....
شوفو باه لما واحد بينقط ورقاصة بترقص ( الله ما الرقاصه بتعمل ايه ...مش بترقص برضو ...)
الضغطة هتبقى من اى نوع .....اكيد ضغطة طررررررررريه اوى اوى خالث مالث.....
هيئ هيئ هيئ هيئ هيئ هيئ ( رد الحكومة من بعد الضغطة )
يا دلعك يا دلعك يا حكومة ........اشطة