الأربعاء، ديسمبر 31، 2008

وزير اهطل



عارفه ان الصور مش جديده علينا .... بس انا حطاها علشان الكل يتف عليهم اولا
ثانيا .... بحاول ادقق فى الاشكال الوسخه دى علشان يمكن الاقى نقطة دم
ويتكسفو على دمهم شويه.... لا انا لقيت بيمشى فى عروقهم وساخه فى وساخه
ثالثا .... سمعت النهاردة وزير الخيبه فى برنامج انا بصراحه ما سمعت السؤال
بس الاجابه بتدل على غباء شديد جداااااااااا
الا وهيا انا مبارك بيه توقع ان اسرائب هتضرب غزة او ايه مبارك قاله هاتولى الست دى ( قصدو ليفى )
اقلها مينفعش .... اجبلو رقاصه تضحكلو ....
والله مهند ابن اخويا لو كان سمعه كان يعمل بببيه عليه
لا ولما سالته دور مصر ايه ؟؟؟؟
قلها اجتماعات ايه ومؤتمر ايه ونشجب ونعترض
يا جماعه وربنا انا ماسكه لسانى بالعافيه .... وانا هشتم شتيمه سفله فعلا
للوزير البايظ دا ... بتاع مسكة الايد .... جتك نيله على اللى خلاك على دماغك
ايه الهطل اللى نازل على دماغنا دا
جتكم قرف يقرف اهليكم ...

الاثنين، ديسمبر 29، 2008

نفاق وضعف حكام

من ساعة اللى حصل فى غزة وكل ما افتح الجزيرة ولا اقرا اخبار الاقى الكل بيلوم على مصر
بيقولو مصر ليه ... مش عارفه .... يقولو مبارك وحكومتة الواطيه ... كدا الواحد ما يتخنقش من نفسه
ويحس انه عاجز كدا ... وفاشل وقرفان من الدنيا كلها
هيا اى نعم حكومة بنت كلب عره .... والفقر ماسكها جوا وبره ... وعايزة تولع بجاز وسخ
بس مش مصر كلها كدا .... احنا كشعب بنتمنى نعمل حاجه .... حكومة جزمة بتفتح المعبر بالعافيه
علشان كل دوله ترمى حاجه ليهم ... كان فين المعونات دى قبل الضرب ....
دلوقتى بيودو اكل .... علشان مش هيلاقو اللى يكلوه .... مفيش حد هياكل
الناس اتسد نفسها والرعب مش مخلى حد يطفح والباقى بيموت
لو فى راجل فى اى حكومة عربيه يبعت رجاله تحارب وتقاتل
كفايه لبس طرح باه ....
فالحين تعملو اجتماعات وقمم وزفت .... وكل اللى انتو بتعملو
الشيخ الفاضل هز صورة العالم العربى كله لما ايدة اتمدت وسلمت على الكلب
ووزير الخارجيه عاملى فيها داد وماسك وبيعدى بنت الجزمة ....
فى حين اللى قال لو حد من اهل غزة عدا الحدود هيكسر رجله كان الاولى تمد ايدك لاهل غزة
فان شا ءالله ربنا هيكسر قوتكم ورجليكم
ولا الحاج مبارك اللى بيستقبل البرص دى اللى شبه الخنفسه المطلقه وخلاها تهدد بنسف غزة ....
وكانت بدايه الضرب مش من اسرائيل .... لا كانت من مبارك ....
انه سمح ان جزمة زى دى تهدد غزة من ارض مصريه

وبدل ما يوريه رجولة العربى اللى بيغير اللى وطنة ..... الا بياخد بالاحضان والضحكة مرسومة عليهم
مش عارف ان كل ضحكة بتموت فى ملايين الكرمة والنخوة .... حرام عليك يا ظالم


وبالرغم من مبارك وحكومتة الواطيه ..... الا ان عباس الكلب شغال مبوسه فى البرص دى

وهما بيقتلو فى شعبه ..... وكانت السبب فى دا كله




وكان بيجتمع ويقابل فى وضع امنى .... فى حين اهل بلده بينداسو بالجزم



وباقى زعماء العرب كدا ..... كلاب يطفحو ..... وشعوبهم بتموت كل لحظة






وياسلام على السلام من المفروض زعيم عربى ..... على كلبه وحيوانه وقاتله ....





وادى بوش الكلب ..... اللى اضرب بالجزمة .... اللى ختم عهدة بمساعده على ابادة شعب .... واهدار كرامة امه كلها


يعنى مش زنبنا اننا مصرين ..... بالعكس انا فخوة بانى مصرية جداااا.... بس عايزة اقلع الجزمة وادى بيها الحكومة
بلاش الاعلام الزفت اللى بيشوه صورة مصر دا .... لو الزعماء عرب يسمحو بس لشعبها يروح ويجاهد
ما اظن ان دا خوف علينا .... علشان احنا بنموت كل يوم من ظلمكم وفشلكم واعتقلات وجوع وزل
اظن اللى بتعملوه دا ..... جبن وزل وعدم الرجوله .... فشله متخلفين ....
عارفه انى مش مجمعه فى الكلام وبكتب بهجس ... مش عارفه زهقت نتكلم
من غير فعل فعلا .... كل يوم نقول احسن وربنا هينصرنا
لكن البلاء بيزيد ....وحكام عرب واطيه هانت عليهم كرمتهم وشعبهم ... وشعوب بتموت من ظلم حكامها قبل رصاص اعداءها
حسبنا الله ونعم الوكيل .... فى كل حاكم عربى ساكت عن اللى بيحصل فى غزة
نفاق الحكام ... هيا اللى موتت شعب غزة
يالله انهم لا يعجزونك


السبت، ديسمبر 27، 2008

دول مش حكام... دول شوية نسوان


همس:
ازيك يا رانيا
رانيا:
مسالخير
همس:
مساء النور
همس:
ازيك
همس:
عامله ايه
رانيا:
الحمد اللة
رانيا:
حبيبة قلبي
رانيا:
كيفك يا عمري
همس:
الحمد لله بخير
همس:
اخباركم ايه
رانيا:
عاملة اية بس
رانيا:
احنا الحمد اللة عيشين مع الاموات
رانيا:
بس الحمد اللة علي كل شئ
رانيا:
بجد ما بخبي عليكي
همس:
خير فى ايه
رانيا:
الحياة كل ماهي بتزيد صعوبة علينا
رانيا:
لا كهربة ولا مية ولا غاز
همس:
حسبنا الله ونعم الوكيل
رانيا:
والناس واللة العظيم بتموت وهي ماشية في الشارع
رانيا:
بجد لا في اكل ولا شرب
رانيا:
وامي وكل ستات البلد انعمو من الدخنة تعت النار
رانيا:
لا انا شهر ونص بنطبخ علي النار
رانيا:
بجد عايزة ارجع مصر
رانيا:
وطنطا
رانيا:
من العداب الي بنشوفه
همس:
الله يكون فى عونكم

رانيا:
واللة انا علي طول بسيرمعي صداع وعنية بيدموعو اكتير
همس:
ان شاء الله ربنا هيفرجها
رانيا:
لما اشوف الدخنة
رانيا:
امتي بس
رانيا:
والعرب نايمين
همس:
الف سلامه عليكم
رانيا:
واللة العظيم الناس بتموت وهيه ماشية علي رجليها
رانيا:
واللة يمكن
رانيا:
100واحد مات من الي بنعرفهم
رانيا:
خلال 10عش ايام
همس:
حسبنا الله ونعم الوكيل


رانيا:
هبة وينك
همس:
معاكى
همس:
بصراحه حاسه بعجز
رانيا:
الحمد اللة علي كل شئ
همس:
فعلا الحمد لله
رانيا:
بس بجد محتجين وقفة من اخوانا العرب
همس:
دول ولاد كلب
همس:
وانتو عندم حماس وفتح ولاد جزم
رانيا:
واللة الناس بتروح برجليها علي المستشفي
رانيا:
واول ما يطلعو علي السرير في المستشفي بتكون الروح طلعت لخالقها
رانيا:
واهمهم الشباب
رانيا:
واللة ما خارب بيتنا غير فتح وحماس
همس:
الله يحرقهم
رانيا:
وبجد فتح طلعت انظف 100 مرة من
رانيا:
حماس
همس:
اشمعنى
رانيا:
وحماس بجد ولاد كلب
رانيا:
وحسبنا اللة ونعمة الوكيل
رانيا:
بسرقو الفلوس
همس:
ليه فتح طلعت احسن
رانيا:
والحاجات الي بتيجي للعب
رانيا:
كل واحد لاتباعة وحاشيته
همس:
مش دول حماس لما نجحو فى الانتخابات عملتو فرح
رانيا:
والشعب ضايع
رانيا:
100 الف مرة
رانيا:
كانو حرمية وعملاة بس معيشين الناس
همس:
ولاد الجزم
رانيا:
ادا كان دخل غاز للناس
همس:
وبتقولى عرب
رانيا:
لحتي الان ما ورونا اشئ وكله لاتباعهم
رانيا:
ولما يشبعو برمونا الفتفيت
همس:
انا سمعت عن كام اعانه دخلتلكم
رانيا:
ةمتسترين في الدين اتستر
رانيا:
والدين برئا منهم
رانيا:
ولا حاجة شفنا كلها لحماس
همس:
طيب فين بتوع الاغاثه الدوليه
همس:
والافلام اللى بنسمع عنها
رانيا:
وبعدين في دكرا انطلاقة حماس حوالي 12 الف طون حلويات وزعوها علي الناس
رانيا:
حماس بتحبسهم كلهم
همس:
حلويات والناس مش لاقيه العيش الحاف
رانيا:
والي بيحكي كلمة بقتلو قتل موت علي طول
رانيا:
بدون ادي تردد
رانيا:
واللة العظيم
همس:
افتكرت عندنا حكومة وسخ اتارى الوساخه ماشه فى الحكومات العربيه
رانيا:
وبترط علي اتباعها بس مش كل الناس
رانيا:
والي مخرب الدنيا علينا سوريا وتركيا وايران
رانيا:
بيكبوا فلوس ياما علي حماس
رانيا:
وهدا الي مقويهم
رانيا:
بجد بنطلب من ربنا الفرج الحين قبل بكرة
رانيا:
انا اسفة
همس:
ومن ناحيه مصر لا راضيه تخلى ناس تدخلكم ولا غاز
رانيا:
اية
رانيا:
نفسنا كمان مصر تقفل الانفاق كلها
رانيا:
لانها هية الي مقوية حماس كمان
رانيا:
مش عايزين من مصر غير تقفل الانفاق
رانيا:
هبة
همس:
ليه
رانيا:
لانه حماس بيدخلها فلوس وكل حاجة
همس:
من الانفاق
رانيا:
عن طريق الانفاق
همس:
صح
رانيا:
ومش ساله في الشعب الغلبان
رانيا:
وعندهم في البيت موتير بجيب الكهربة
همس:
لا وكان جى فى برنامج يقلولك شعب سينا مهربين
رانيا:
فمبيسالوش علي قطعت الكهربة
همس:
والحكومة اصلا اللى عايزة دا
رانيا:
وغاز بيدخل ليهم عن طريق الاخوان
رانيا:
ومبيسالوش بالشغب
رانيا:
وكل حاجة وطحين
رانيا:
وزيت
همس:
الله يكون فى عونكم
همس:
بجد مش عارفه اقلك غير كدا
رانيا:
كل حاجة ومش ساله في الشعب
رانيا:
بجد ادعيلنا اكتير
رانيا:
الكهربة فضلها ساعة وتقطع
رانيا:
اليوم الصبح قطعت الساعة 6
همس:
هيا بتيجى كام ساعه فى اليوم
رانيا:
وانا لسا ما كويت عشان عندي جامعة
رانيا:
واجت واحنا نايمين
رانيا:
مرات 6 ساعات
رانيا:
ومرات ما بتيجي خالص
رانيا:
ولما بتيجي بظلها تقطع زوتيجي
همس:
حسبنا الله ونعم الوكيل



دا جزء من حوار مع صاحبتى الفلسطنيه الاسبوع اللى فات
اللى كانت نفسها تخلص الماجستير عشان ترجع لبلدها واهلها
وكنت ناوية انزله فى المدونة .... وما كنت متخيله يوصل الحال بيهم للدرجه اللى هما فيها دى
( تـــــــحـــــــــديثــــــــــــ )
والحوار دا لسه النهاردة دلوقتى حالا
همس:
المهم طمنينى
همس:
عليكم
رانيا:
الحمد اللة اطلعنا من الموت اليوم
همس:
ازاى
همس:
وايه اللى خلاكى تطلعى فى الجو دا
رانيا:
انا كنت بعيده عن الشهداء مسافت امتار
رانيا:
انا كنت في الجامعة بدي محاضرة
همس:
كنتى فى مكان اسمه ايه
همس:
اله يحرق المحاضرات
همس:
دا وقته
رانيا:
الجامعة جنب الجوازات الي فيها الشهداء علي التليفون
رانيا:
محنا ما في اي خبر يدي ان في اجتياح او قصف
همس:
ماتو ازاى
رانيا:
اليهود بالطيران ضربونا بالصواريخ


همس:
يعنى دا مكان ميدانى
همس:
ولا عسكرى
همس:
ولا ايه ظروفكم المهببه دى
رانيا:
لا هدا مكان للشرطة

رانيا:
كل الاماكن الي انضربت
رانيا:
اماكن شرطة وعسكرية
رانيا:
بس وقت الضرب كان في طلاب مدارس
رانيا:
في الشارع
همس:
امال فوق 195 ماتو كلهم شرطة وعسكرين
رانيا:
واكتير اطفال اشستهدو
رانيا:
استشهدوا
رانيا:
والاماكن هده كلها عساكر
همس:
ايوا شفت ومن ضمنهم طفله ماتت ومحطوطة فى كرتونة
رانيا:
وجنود
رانيا:
اة
رانيا:
والشهداء كلهم اشلاء
همس:
حسبنا الله ونعم الوكيل
رانيا:
جانو علي المستشفي
همس:
طيب فين حماس ولا عباس
رانيا:
جابو
رانيا:
اشلاء
رانيا:
ادين

رانيا:
ورجلين وروس
رانيا:
وامعاء
همس:
وحكومتكم فين من دا كلو
همس:
سمعت فى التلفزيون متحدث عنهم بيقول مش هنستسلم
رانيا:
النا ربنا يا بنتي احسن من الناس كلهم
همس:
هما اتنيلو ردو ولا حاربو علشان يستسلمو

رانيا:
اة ردو تعين حماس
همس:
عملو ايه
رانيا:
وضربو المواقع
رانيا:
والمدن الاسرائلية
رانيا:
ومات مستوطنة
همس:
انا كل اللى سمعتو ان فيه اسرائيلى مات واربعه مجروحين
رانيا:
و51 جريح
رانيا:
اة
همس:
لا الجزيره جايبه
همس:
اربعه مجروحين
رانيا:
وهيهم شغلين بيضربو صوريخ علي المدن الاسرائلية
همس:
واحد منهم مات قصاد 200 منكم
همس:
واربعه مجروحين فوق 200 منكم
رانيا:
بس قناة فلسطينية
رانيا:
51 جريح يهودي
همس:
طب ليه دا كلو
رانيا:
بس بجد
همس:
حصل ايه علشان ارسرائيل ترجع تضرب تانى
رانيا:
العرب كلاب
همس:
دا شئ اكيد
همس:
دول نسواااااااااااااان

رانيا:
بجدالناس ادمرو
رانيا:
موت وفقر ومرض ونار
رانيا:
ولا كهلربة وغاز ولانور
همس:
الله يكون فى عونكم

رانيا:
بجد انا قعدت في القاعة
رانيا:
والقصف شغال
رانيا:
ومش عارفة شو اعمل
رانيا:
ووين اروح

همس:
الحمد لله انك بخير
رانيا:
بجد
رانيا:
انا لحتي الان
رانيا:
مش قادرة اقف علي رجلية
رانيا:
من الخريعة والخضة
رانيا:
وطالبات الجامعة
رانيا:
كلهم في الشارع بتاع تالجامعة
رانيا:
واللة اليهود لو بدهم يقتلو مدنيين
رانيا:
كان قتلو 5 الاف طالبة من طالبات الجامعة

همس:
ويعنى ايه اللى هيمنعهم
همس:
ولاد كلب ويعملوها
رانيا:
بدهمش يضربو مدنيين بدهم حماس واتباعهم
همس:
يبقى كويس
همس:
يلا يخلصو عليهم
رانيا:
وحكو في الاخبار اليهود حكوا حنضرب ونموت كل اتباع حماس
همس:
بس يعنى مش بادمين والاطفال دول اللى بيموتو كان حماس ولا زفت
همس:
وبعدين حماس عملت ايه يعنى ولا هببت ايه
همس:
ما انتى بتقولى طين وزفت اهو

رانيا:
حسبنا اللة ونعمة الوكيل
رانيا:
علي الظالم واولا الحرام
رانيا:
والكفرة
همس:
اللهم امين

وكل دول علشان شوية نسوان عاملين علينا حكام وزعماء ...
الله يحرق كل زعيم ولا حاكم سايب شعبه يتهان
وتقتل وهو طافح وعايش مرتاح .... حكام ولاد كلب كلهم

الثلاثاء، ديسمبر 23، 2008

عدناااااااا .... عووووووو

اولا ... وحشنى جدااااااااااااااااااااااا
ثانيا ... معلشى ان قفلت المدونة الفترة دى من غير ما يبقى عندى دم واستاذن او اقول بم حتى
قلت اسبك تروقو دمكم باه من فرستى اكيد الكل ارتاح ..... هههههههه
ثالثا .... متشكره جدا على كل اللى سال عليا خاااااااااصه جنه اللى اتصلت مخصوص من السعودية وبتاسفلها
علشان اتاخرت فى ان ابارك ليها على الحج .... حج مقبول ان شا ءالله يا جنتى يا نوحى
وكيكى حبيبة قلبى اللى لسه قافله معايا .... بموت فيها
اللى انا قلتلها هنزل الكلام دا قلتلى قولى عوووووووو هههههههههه
خامسا .... هو فرح ماعدش عندى كلام ههههههههه
بجد وحشتونى

الأربعاء، ديسمبر 10، 2008

كان( مبارك ) مستنى القرعة


احم احم ..... عدنا للفرسه بعد العيد .... دا لو كان عيدنا اصلا ومبارك مكنش سمم بدنا

وحرق دمنا بزيارتة العظيم والعبقريه للسعودية علشان نشحتلنا باخرتين

وعلى عرض صفحتين من العدد الاسبوع اللى فات من اخبار اليوم ناشرين الزيارة

بتاعت مبارك فى السعوديه واد ايه العلاقات رائعه وفيها مودة بين الدولتين

وبناء عليه ملك السعودية اهدى لمبارك وللشعب الشحات باخرتين لسفر المدنى يعنى

اسمهم القاهره والرياض وعملو حورات واحتفلاليات لافتتاح الباخرتين دول

بزمتك مش قمة التخلف ... وكنا بدل ما نقرا الهبل دا كلو .... نقرا مثلا

وصول مبارك للسعودية لمناقشه مساله الطبيبين المصريين اللى اضربو بالجزمة ومفيش حد عبرهم

مثلا نقرا نزول مبارك للحجاج والاطمئنان عليهم بعد الاصابات اللى حصلت لمجموعه فيهم

لا طبعا مفيش حتى خبر فى الحوار دا كلو مكتوب على ورقه قذره يحسسنا ان فيه رجاله فى البلد

يعرفو يخدو حق اهليها لما يحصلهم حاجه... لالا ولا الهوى ....

وبعدين جه فى دماغى سؤال كدا هو سؤال هبولا اصلا .... هو مبارك ليه ما حجش؟؟؟

( اقراؤها صح حجش جيه من الحج مش تلغبطو الحروف وتتقرا جحش هه مش ناقصين )

اتقلى انه عمل عمره ... معرفش دا حقيقى ولا لاء ....

بس بقول يعنى بما ان هو فى السعوديه وفى موسم الحج يعنى ... ليه ما يحج

ويكفر عن زنوبة اللى مطفحها لينا دا

رجعت قلت يمكن مش حمل بهدله ... بس رجعت قلت عادى ممكن جوز شحوطه من اللى بيحرصوة

يشيلوه ويقومو بالمناسك ... كلنا بنشوف كدا ...

رجعت قلت تانى بما ان كلو ودان اهلينا ان صحته ميه ميه وقادر بقدرة قادر انه يحكم البلد

بكامل قواه العقليه وصحته الجامده ( ولو حد شك فى غير كدا اهو انتو عارفين هيحصلو ايه

ومش كلنا ابرهيم عيس يا حلوين )

المهم ... رجعت قلت فى بالى يمكن مستحرم الفلوس اللى لاممها من دم الشعب الغلبان دا

وقال مش هيتقبلى حج ... وانا فى عهدى المهبب حصل دا كلو ...

ولا يمكن من فرحته بنظام الشحاته اللى بقينا فيه دا ... والباخرتين نسى فرض ربنا

ولا يمكن يكون متاكد انه داخل الجنه حدف ...

ولا ميكونش عايز يعرفنا ان حالته الماديه ما تسمح يطلع سياحه ....

فمستنى يطلع تبع القرعه ....

ومش كدا وبس ... دا كمان اسمه ما نزل فى القرعه السنادى

لا حولا ولا قوة الا بالله .... مبارك طلع مظلوم فى الاخر

كل سنه وانتم طيبين باه

الجمعة، ديسمبر 05، 2008

الأربعاء، ديسمبر 03، 2008

اصابتنى حيرة قاتله ...


قابلتى أمى بصوتها الحنون بفرحة مستقبل مجهول....

وبعد لحظات ....!!!

أنتبهت لرنين الهاتف لأسمع صوتا من الماضى كان حنون....


يا الله مرت لحظات بين ماضى تركنى وبين مستقبل قد أتى ...

هل هذا قدر ؟؟؟؟

أم هذه صدفة؟؟؟

أصابنى الموقف بجمود ...

وأصبح فكرى زاهد الحياة ....


فقد كنت أتمنى أن يقف بيا الزمان عند حدود الماضى لا أتخطاه

لكن لا أجد سوء المستقبل أمامى لا أدركة

وأنما هو يدركنى بالخوف

أعلم اننى همت بذاكرتى للخلف ...فتبتسم شفتاى لما كان

وطرحت بداخلى اساله ....

لماذا تحدث؟؟

ماذا يريد ؟؟؟

لماذا الأن بعد ما فات من وقت ؟؟

وجدتنى أحدث نفسى ما معنى تلك الاساله ؟؟؟

ألا زلتى تفكرين ... ألكى رغبة فى عودة الماضى الذى تناسيتيه ...؟؟

فلا أجد ما يرضى ظمأ ...

ولكنى متيقنه أن الماضى والمستقبل لا أريدهما ...

فلا أريد تعود ذكريات الماضى بكلمات أاصبحت سكينا يدفن بى

ولا أريد وضع امالا فى مستقبلا اخشاه ...ويصبح كما كان

أريد أن يصمت عقلى عن تذكر ما فات ... ويتجنب ضباب مسقبل

لا أريد رحيق الماضى ....

ولا أريد هواء مستقبل ....

فلا أعرف ماذا أفعل ....
فاصابتنى حيره قاتله ...

فأريد ان أتنفس الأن... لأحيا فقط



الاثنين، ديسمبر 01، 2008

الشرطة فى جزمة الشعب


فى ايه يا جماعه كل شويه نسمع ان فيه حد اتقتل

سواء فنانين ولا عيالهم .... ولا مسحين ومسلمين ويقلك فتنه ....

ولا بين عائلات سواء فى الصعيد ولا حلوان ...

ولا قتل اصحاب محلات بتوع الدهب


ولا الشرطة اللى بقت سبب لرعب الناس وملهاش كبير

سواء فى الصعيد ولا بتوع الامن فى سيناء ..... فى ايه فى البلد


مال الكل بيقتل فى بعضو ومحدش طايق التانى ليه ....

بقت عند الناس القتل حاجه سهله .... ومتوقعين نسمع كل شوية حد اتقتل


وبالرغم من الزفت القانون بتاع الطوارئ دا وكلو ودانا بيه ...

الا ان القتل بيزيد .... بيتكرر... الا ما فيه حاجه اتمنعت

ومش بقت حالات فرديه ولا استثنائيه نقول دى حاجه وعدت

ومش من الناس بس .... لا دول من بتوع الشرطة اللى المفروض تحقق الامان والعدل

طلعوا ازفت وانيل ولا عندهم رحمة بالناس ...

وياريتهم اهل البلد ولا الشرطة ولا حتى الامن لا دا بقى قتل على الحدود وجوا بلدنا

وبرضو مصرين بره فى كذا دولة بيتهانو وبتسجنو وبيتقتلو ...

من ناس لا اتحاسبو ولا حد قالهم بم ولا تلت التلاته كام ...

ملقوش راجل فى الحكومة دى يقف ليهم

كلهم نسوان لابسه طرح وبترتر كمان .... واقفين يتفرجو وبس ...

يعنى البلد اللى اتذكر فى القران ان فيها الامان .... على عهد مبارك وحكومة الزفت

بقت كلها قتل ودم وظلم وافترى باسم السلطه والحكومة اللى انشاء الله هتولع بجاز ....

خلاص الحكومة ما عاد ليها سياده على أي حاجه غير سياده السرقه والفشل ونهب الفلوس

وخلاص ... لما ما تبقاش عندها قدره على التحكم على اللى بيحصل بطريقه صح

وتحقق الامن والامان بين الشرطة والشعب وبين الشعب وبعضو

هيبقى عندها قدره ازاى تصد اى خلل ولا هجوم من بره ...

هتلاقى اصلا ناس عندها انتماء انهم يضحو بنفسهم علشان البلد ازاى ...

مبارك وحكومتة ضيعو كل حق للانسان المصرى فى البلد دى

من اول الاكل والصحه والتعليم لحد الامن فى البلد

بقى مفهوم الامن عند اى حد نسالو .... يبقى امن الدوله ... اعتقالات ومحاكمات عسكريه

ورمى فى السجون وتعذيب وقرف ....

موتو جوا الناس الانتماء والمطالبه بالحق والاستسلام والرضا ....

لالا الغصب على عيشة كلها قرف وهم وموت ...

ادى الامان اللى بقينا فيه ...والبركة فى مبارك وحكومتة
وسمعنى سلام كبير اوى ....
لمبارك القمل ( مبارك الامن )
والشرطة فى جزمة الشعب ( الشرطة فى خدمه الشعب )

السبت، نوفمبر 29، 2008

مقتطفات يوم الجمعه

بالرغم ان كنت مفتقده جدا جنتى ( الدكتورة جنه صاحبه مدونة جنه )
ونونا ...صاحبه مدونة الطفشان قصدى مدونة المهاجر
وكيكى بطتى صاحبه مدونة فكك منى عوووو
بجد كان نفسى اشوفهم اوى
واشوف بابا ابو خالد .... بس وربنا فكرنهم ومعانا طبعا
وان شاء الله نشوفهم على خير
بس يا اخونا ..... بصراحه قضيت يوم حلو .... وما بطلتش ضحك وتهريج
ومن اول ما شوفت زهرة الجنه ( مدونة يوميات واحده مفروسة جدا ) فى المترو
ولحد ما فضلنا نسال علشان نوصل للمسجد ...وهيا مصدرانى اسال الناس جيالها انا من الكفر علشان اوصلها
المهم وصلنا الحمد لله ولتقينا بالبنانيت ... واولهم طبعا نهر الحب وهى فوضى الاخوات البورسعدية
وفرحت جداااااااااا لما قعدت جنب ماما امولة ووجعتلها دماغها من تهريجى .... بس بجد بجد حبتها ...
طبيعى هيا من الناس اللى اول ما تشفوها تحبوها....
واتقابلت مع مدونة فضفضة على السريع اللى هيا فضلت تضحك معايا ونهرج وحسستنى انها عرفانى وفى الاخر طلعت بتشبه عليا
ههههههههههههههههه .... بس اتصاحبنا ....ودمها عسل جداااا
ودا كلو وزهرة قايمه بدور سنترال متنقل .... كل شوية تليفون .... كلمنا البت نونا علشان نغيظها هههههههه
وكلمنا بابا ابو خالد ..... وبخ عو كيكيى بطتى كلمتنا ....
وبصراحه البت زهعرة دى كانت شاربه حاجه غير طبيعيه كل ما اكلمها الاقيها منفجره من الضحك مش عارفه ليه
ادعولها بالشفا .....هههههههههههههههه
وشوفنا طبعا ابى ودليا ....
واول ما شوفت الاستاذ خالد ( همس الاحباب ) حلفت لافرسو زى ما قلى هتيجى تفرسينا ...... وهريتو صور بصراحه
بس ما رضتش انزلها ..... كلها يعنى .... بس دى صورة اخدتهالو وهو قاعد جنبى ..... وبيضرب كوبايه حمص الشام
ال ايه تصبيره على ما البيتزا تيجى ..... بالف هنا يا ابو هموسا ..... اضرب اضرب ....
ودا احمد الصباغ .... محسسنى انه قايم بدور عارض ازياء .... بس لو كنتو شوفتوه قبلها .... تعالو بصو بصو كدا

دا وهو بياكل .... وانصح اى حد ما يعرفش احمد وهو جعان .... بس فى الصورة
يحسسك انه قنوع جداااااااا ... وملهوش نفس للاكل خالث مالث ....

بس هنا باه اللى يشوفو يقول هو وهو فى لحظة تجلى رهيبه .... بس دا اثر الجوع عليه .... اصل بصراحه كانو رخمين اوى
واخرو الطلبات اوى ....


وطبعا اللى منورين اوى .... شفقا واحسان بيك .....وسعيده انى اتعرفت عليهم بجد....





ودا الباحث عن الحقيقه .... وبدعيلو يلاقيها يارب .... وكان قايم بمجهود خارق فى حكايه الطلبات .... اتعذب والله هههههههههه



ودول باه صورة للشباب ..... محمد واحسان واحمد سكر والباحث واحمد الصباغ وخالد باشا




طبعا مش عارفه انزل صور تانيه علشان فيها صورنا ,।,, بس كان يوم لذيذ اوى ...
ويلا ان شاء الله نتجمع على خير ... ونتجمع كلللللللللللللللللنا ....






الأربعاء، نوفمبر 26، 2008

يوم الجمعه يوم حلو اوى

بصو يا جماعه عرفت من زهرة الجنه صحبتى فى الفرسه ونونا
ان يوم الجمعه اللى جى ( بعد بكره يعنى )الساعة 11 الصبح
هنتجمع ونصلى مع بعض ...فى جامع الزهراء
وبعد المحايله على الحاج هيما .... وافق ....
ويارب فعلا اروح زى ما انا عامله حسابى وما يجد جديد
قلت انشر الخبر ودا اضعف الايمان اهو اخد ثواب ولو حتى صغنن
ويارب نتجمع فى الخير وعلى خير ديما
ولزيادة المعرفة بالموضوع
هيبقى يوم حلو جداااااااااااااااا من كلو .... هنتجمع فى حاجه خير
هشوف اصحابى المدونين اللى قابلتهم فى رمضان .... اى نعم مش هشوف نونا صاحبة مدونة المهاجر
وكمان بابا ابو خالد اللى بجد كان نفسى يجى واشوفه .... بس اكيد هما برضو معانا
اكيد الايام جيه كتير ....
وياريت الكل يشارك فيها .... بجد حنحس احساس حلو اوى جوانا
يلا ادعولى اجى فعلا .... وما يطلعلى اى حركة نص كم كدا وترزل عليا ....
يلا اشوفكم على خير

الأحد، نوفمبر 23، 2008

الازهر ....يعنى قميصة نوم حمرا

فى حاجات بشوفها بضايقنى وابقى عايزة اخنق حد ساعتها علشان مش فاهمه ليه بيحصل كدا؟؟؟

طب يا جامعتنا هو الطبيعى يحصل دا ؟؟؟؟

اللى بيحصل دا يتسمى ايه بظبط ؟؟؟؟ ومحدش يقلى تطور ...

علشان اللى بيقول كدا هو اللى طووووووووووووووور ومن فصيل الناطحين فى الارض ...

من قيمة اسبوعين كنت راجعه من المنصورة وانا فى الميكروباص والسواق وقف علشتان يعدى مينى اتوبيس

فلقيت مكتوب عليه ( معاهد اللغات الازهريه ابتدائى واعدادى وثانوى )

دا على ما اذكر ...او بمعنى اصح ما مضمون اللى كان مكتوب عليه ...

قلت ايه الهبل دا ... ايه اللى جاب اللغات للازهر بتاع اللغه العربيه الصميمه والفقه والقران

هو انا مش عايشه فى البلد ولا ايه .... خلاص وصل الانحلال والهبل للازهر هو كمان

الازهر اللى بيجيلو ناس من جميع العالم علشان يتعلمو بس اصول اللغه العربيه

الازهر اللى يعتبر شئ جميل ومحترم اى حد فينا مصرى يشرفه انه فى بلده

عملو معاهد خاصه لغات باسمه علشان يلمو شوية فلوس .. .. ايه المسخرة دى

بيتاجرو هما كماااااااااااااااان ... بتاريخه الدينى واسمه المحترم ( سابقا طبعا )

ويومها قلت بلاش تبالغى يمكن انتى يا بت يا فى غيبوبة وما بتفهمى حاجه

وبالرغم انى كنت ناويه الحوار دا بس لاتهم بالضلال والجهل وممكن التكفير كمان

وابان باه وحده من ارياف وما بتفهم حاجه .... بس لحد دلوقتى حالا وانا بلف على الاخبار

قرات الخبر دا معهد بريطاني بجامعة الأزهر لتعليم الرقص وإقامة العلاقات مع الفتيات


قلت اشطه .... اهى دى الحلاوه ....ال ايه كنت بقول لغات ... دول تفوقو على نفسهم

وبقى الازهر وسطو سايب على الاخر ....

وربنا انا اتحسرت لما قرات كدا ... وربنا يسترها وما اتشل من ولاد الجزم دول


انا حاسه ان العده الجوانيه من مراره وطحال وقولون عندى هيشتغلو بشغل يدوى

بالمنفله يعنى .....


فى ايه حصل فى الدنيا يا ناااااااااااااااااس ؟؟؟؟

الازهر بقى كدا .... اللى المفروض يبقى مكان نرجعلو لما تضيق بينا الدنيا

مكان فيه نور وبيدعو للنور وبيخرج نور للناس فى جميع العالم ....

يجى يوم يبقى فيه قميص نوم واحمر كمان ( يعنى بقى بالالوان يا فضحتى )آ
وبيدعو للرقص والخمرا ...

واكيد هيخرج جيل جديد من اطفال الشوارع ...على ما العيال تتخرج

المطلوب اعمل ايه يا ناس ...اشد فى شعرى واضيع اخر امل انى اجوز بيه

يارب بحق حسرتى دى .... تحسر اللى كانو السبب ويتشلو فى تفكرهم وايدهم ولسانهم

ويارب نزل عليهم عذاب الدنيا قبل الاخره ....ورينا فيهم أيه فانهم لا يعجزونك



الأربعاء، نوفمبر 19، 2008

عباقرة واحنا ظلمنا غبائهم ....

دا موضوع جديد فى مدونة رابطة المتفرقعين
**************
لما بطرس الغالى يترشح لابصر ايه عالمى .... اللى لف على تلت وزارات والتلاته مخروبين

مش بسبب لسمح الله فشله العميق والمتاصل فى ذاته العبيقة .... وسبحان الله من ساعة ما الخبر انتشر

والحمدلله اقتصاد العالم اتخرب

لا طبعا علشان بس احنا اصلا مش وش نعمه .... والدليل على كدا ترشيح الوزير المتحنط

اللى هو بعد مبارك فى اللزقة فى منصبه فاروق حسنى بتاع البدنجان

اللى برضو يترشح ....ويتقطر فى منصب عالمى برضو .... بالرغم ان اصلا ملهوش لزمة هنا

والثقافه فى عهده انحصرت على افلام المسخرة والمهرجانات الهبلة والكتب الجنس ...

ومصادرة الكتب المحترمه وموت كتبها المحترمين والمثقفين من غير اى تقدير من الدوله

لسبب بسيط انهم رفضو التخلف والظلم وقالو لاء ...

دا يمكن ظلمناهم ويمكن برضو احنا عالم مبنفهمش حاجه بالنسبه لعقليتهم العبقريه المستفذه االمشلولة

انما اقرا ان مصر تفوز بجائزة اليونسكو لتطوير التعليم لعام 2008...

لا دى باه كدب يا ولاد الهبله ... تطور ايه للتعليم .... هو اساسا فيه حاجه اسمها تعليم

دى العيال بتطلع من دبلوم ما بتعرف تكتب اسمها ..... بلاش كفايه لحد الان كل وظيفه وزارة التعليم

كادر المعلمين .... وتعاقد المدرسين بالحصه والاجر .... ولحد الان فيه عجز كبير فى المدارس

تطور ايه ومعظم مدارس مصر قايله للسقوط ....

تطور ايه واللى بيدرسو فى المدارس للطالبه ... من خرجى الدبلومات ومعاهد الخدمه الاجتماعيه

تطور ايه ويبقى العيل ما بيعرفش خاجه ولازم ينجح بحق القانون

بمعنى انه لو سقط سنه لازم السنه اللى بعدها

ينجح باى شكل .... ويقلك دا تطور

الظاهر احنا اللى ظلمنا الناس دى .... وانا عن نفسى هروح على كل راس واحد فيه وفى ايد جزمة

واديه بيها مش لسمح الله نيه اهانه لالا.... لا دا عتاب .. على انهم مش فهمونا ذاتهم الواطيه قصدى العظيمة

واننا غلطنا علشان ما فهمناهم كويس .... دا احنا خساره فينا .....

هما العباقره كدا بيتبهدلو فى الاول .... بس اكيد هيجى يوم والتاريخ هيزكر عبقريتكم اللى ودتنا فى دهيه ...

روح ربنا يخدكم وياخد امثالكم ونرتاح باه ....
حاجه تفقع

السبت، نوفمبر 15، 2008

الحزب الواطى بيوزع فى البلد بالعك

ايه الهبل اللى بسمعو دا .... دا هبلهم فاق وبقى مركز بالغباء والهطل

ايه حكايه ان الحزب الزفت الوطى ان يوزع بقايا املاك الدوله بالتخصيص على مواطنين


دا المفروض كل واحد يقوم يتحزم ويرقص ....
جتكم نيله دا انتو فشلتو فى توزيع العيش يا ولاد الجعانين ... جاين توزعو املاك بلد

مخ اهليهم وسخ .... عايزين يبيعو البلد باى شكل وباى طريقه ...اى حاجه تجبلهم فلوس

وطلعين النهارده يقلولك المواطنين ... طب فين ناصيبهم من زمان

عايزين يفهمونا ان الكام شركة اللى فاضلين هتكفى فوق السبعين مليون واحد

وماسكين بؤهم كلمة توزيع بالعك قصدى بالعدل زى اللبان

عدل انهو بظبط ما يكونش قصدكم عدلهم هما .... اه ونبى حوشو العدل اللى بيخر منكم

اللهى تميلو ما تتعدلو يا ازفات

عايزين يفهمونى انهم هيوزعو على الاخوان .... ولا هيوزعو على الشباب المعتقل وليه خلفيه سياسيه

وايه الشروط اللى على اساسها يقررو مين اللى ياخد ومين اللى ما ياخدوش

ومين اللى حط القوانين دى .... مبارك ...جمال .... حكومة زباله ....وحزب واطى

ولا ميكونش مجلس العبيد والمجلس المحروق ناقشو الموضوع دا .... اصلى ما سمعتش عنهم

ولا حتى ناقشوه .... هتلاقو اديهم اللى هتنشل عن قريب مرفوعه بالموافقه ...

مهما عاملين زى قراطيس الجوافه .....


انا نفسى افهم ...هو مش المفروض اى دولة محترمة لازم يكون ليها اصول ماديه علشان نواجه اى كارثه
ولا مش ضرورى

طب بطريقتهم دى ,... اللى هيا مش ضرورى .... هيحصل ايه فى البلد...

على اساس النهضة والاصلاح والمشاريع والمصايب والجوع والمرض .... ايه ناوين يفرضو ضاريب جديده وينشوها اسم جديد

انا بقترح ان يكون اسمها ...ضرايب الخيبه ....

وبعدين القرع بتعهم دا مفقوس اوى ..... دا لو فرضنا ان الحكايه دى هتتعمل ...شوفو قدمها اد ايه

اعلانات بالشئ الفلان وكع يا وزير الاعلام من ميزانيه الدوله ومن قوت الشعب الغلبان ....

والناس تجرى وياعالم الاستماره هتبقى ببلاش ولا بفلوس واطفحى مبلغ وقدره يا حكومة

وطبعا استحاله هتنجح ...يقومو باه يعملو لجان ....ومؤتمرات ....وتصريحات

والوسطة والكوسه ....وقورى يا حكومة ...... واطفحو يا شعب....

ولو فرضنا برضو بعد كدا والناس خدت اللى بيقولو عليه .....هايجى واحد ومش بعيد يكون

جمال اسم النبى حرصه ابن مبارك .... او حد من الحرمين التقال ....

يشتروا الليله حتى ولو دفعو اضعاف الاضعاف .... مهيا برضو فلوس مسروقه سابقا قصدى متخصخصه سابقا

والناس اتعادو من الهبل .... ويروحو جرى بايعين .... دا لو ما خدوها باى قانون ولا فرده بعد الفلم دا

وبعد كدا اى حد يطلب حقو ولا حاجه تتعمل فى البلد ...

الحكومة ترد وتقول اجرى ياااااااد وانتى يا بت العبو عند بتكم


ولا جيمى والحكومة بتعمل مصايب ....ورمو مصيبه الناس تتلبخ فيها ....

ولا مش عايزة الناس ترتاح باه من القرف دا .....

ولا هما صح .... واحنا اللى خرفنا يا جماعتنا .... حاجه تجيب خلل فى الدماغ

الاثنين، نوفمبر 10، 2008

الرجال كاااااااااااااالبحر

معلشى اليومين دول مشغوله حبتين ... بس قلت انزل حاجه كتبتها زمان
بدل ما اسيب المدونه يعشش فيها العنكبوت
فادونى ودانكم كدا
توووووووووووووووووت
لالا انابهرج .... يلا روحو اقراوها .... وبلاش دلع ولكاعه ....
**********
الرجال كالبحر...!!!!!!!!

يسع للكثير من الوهم.......
ويفيض بالكثير من الكذب.....
والمراة...!!!!!!!
تغرق فى الوهم والكذب بعد ظنها انهما السعادة والامان....

*********

الرجال كموج البحر......!!!!!!
لا يظل عاليا كما هو........
ولا يصبح فى الاسفل دائما.......
وليس له ملامح تحدد من هو......
المرأاة......!!!!
موجه تسحبها لداخلة لتغرقها فى حبه.....
وموجه اخرى تهدم ما اتمت بناءه من احلام على شواطئه.......
وفى النهاية تترسب احلامك داخل اعماقه.......
ولا تستطيعين رؤيتها الا بالنزول اليها......
ورغم نزولك وتضحياتك لا تتحقق ولا تقدر.......

***********

الرجال كالسفينة.......!!!!!!!
يبحر كما يشاء .......
واينما يشاء......
ليرسو على كل ميناء قليل من الوقت.....
ليلقى من اوهامه.......
المرأة.....!!!!!!
تنتظر بفارغ الصبر هذا اللقاء.......
وترسم احلامها بالوان حبها ........
التى بقليل من الماء تذوب الالوان ....
فتودع احلامها .......

**********
الرجال كالشراع....!!!!!!
يصبهم الخوف والفزع امام رياح شديدة.......
امام موجة عالية........
يهتز كيانه ........
ولا يجد امامه الا.......
المرأة...!!!!!!!
وهى الشراع الذى ينقذ نفسه به ...
ولكن بقسوة شد الحبال .....
ليثبت قوتة امامها....
وليس امام الخوف والفزع......

***********

والبحر ........!!!!!!
دمووووووع أمرأة......

******


الاثنين، نوفمبر 03، 2008

جووووووووووو منيييييييييييييييييح

بقلنا فتره كبيره اووووووووووووى كل يوم نسمع عن إضراب ولا اعتصام ولا وقفه احتجاجيه

وكل واحد فيهم واقف قدام المكان اللي خنقينه فيه دا على أساس أن في أيدهم الحل والربط يعنى

ومعظم الحلول بتبقى مؤقتة أو تافهة أوى ... والناس يا عينى تيأس فتنفض


طب ما يروحوا للرااااااااااااس الكبيره ليه ؟؟؟؟

اللي في أيده كل حاجه فى البلد ..... ما عدا الإصلاح طبعا

يعنى مثلا العمال ولا الدكاتره ولا المحامين ولا المدرسين ولا الناس اللي على المعاش

دول كلهم بيعملو اضرابات .... واعتصامات .... وبالرغم من كدا كل شوية يطلع مسؤل يقول بؤين تطيب خاطر

والحقوق تموت ...والناس تنفض وتقول عملنا اللي علينا ومفيش فايده

طب ما يجربو كدا يخدو المدامات والعيال واى حد يقدر من العيله ويروحو قدام قصر العروبة ويبلطوا

طبعا بهجس ..... طب ما أكمل باه هجس

لو حصل وكووووووووول الناس دى راحت عملت الاعتصامات والوقفات بتاعتها قدام قصر المخروبة

أولا : مبارك هيعرف إيه اللي بيحصل فى البلد دا لو فرضنا أن غيبوبته ما فكت وفاكر أن البلد لونها بمبى

والشباب فل و الضحكة مفرودة على وشوشنا بمكوة رجل بتاعت شعبولا

فهنوصلو .... أن البلد لونها بقى اسووووووووود ....

ومعلم فى كل مكان فى جسمنا مصيبة وكارثة من كوارث عهده وحكومتة اللى تنحرق بجاز


ثانيا : هو اى نعم كدا كدا مفضوح ... بس أكيد هنفضحو بزياده

خاصه ان مش هيقابل الوضع دا بالحضن والمبوسة ..... وفى نفس الوقت استحالة هيعتقل الالاف

من الناس دى بستاتهم وعيالهم


فمن المتوقع من مبارك في الحالة دى إيه باه ....؟؟؟؟ قدامه حلين مفيش غيرهم

ودا من خلال هجسى اللى لسه مستمر .....


أول حل ..... هو عمل أباده جماعية .... وهيقول اهو هنخلص على شوية ناس

وسوف يطلق عليها التاريخ ..... ( دويقة قصر العروبة ..... عبارة قصر العروبة ....قطار قصر العروبة )

وتانى حل : اللي برجحوا لمبارك ... انه يشترى علبه ريييييييييييد بووووووووول

ويشربها فتطلعلو اجنحه فيطير .... ويقول للشعب ....
ريييييييييييييد بووووووول بيعطى جو منيييييييح


وهكذا كان نتائج التهيس والهجس اند الفرسه

الخميس، أكتوبر 30، 2008

اللهم زيد من نهضة الطحال عندهم .....

النهارده سمعت فى الطبعة الأولى أن الاقتصاد فى الخليج بطئ

فافتكرت اللي قرأته فى أخبار اليوم عدد السبت

وكان بعرض صفحتين كاملين شاملين عن عناوين تجيب ضغط وصور

تكسف وتعر والله

كان العنوان ( ضربة معلم من الرئيس مبارك أنقذت مصر من الأزمة العالمية )

أنا والله على أد ما انفقعت فى مررتى على أد ما ضحكت كنوع من الشفقة والسخرية من العالم الهبله دى

يعنى الدنيا كلها مخروبة ومتنيله وأنظمة بتنهار .....وال إيه المعلم أنقذ مصر

وياريته أنقذها فعلا عن طريق اقتصادنا أحنا ..... لا المعلم بعت رشيدى يدور على دول الخليج يشحت منهم

وال إيه المعلم بعتلهم رساله خطيه .... علشان يشجعهم على الاستثمار

وبصرف النظر عن منظر رشيدى وملك السعوديه فى الصورة اللى تخليك ما تقدر تعمل حاجه غير التف عليهم

واللى شاف الصورة والرشيدى بيدى الظرف بالايدين الاتنين

والملك عبد العزيز بيبصلو كانو بيقلو بزمتك أنت منتش مكسوف أنت ولا معلمك اللي بعتك


المهم أنا في تخيلي أن الرسالة دى محتواها بينص على التالي


ازيك يا عبد العزيز يا خويا ..... والله أنا مزنوق فى قرشين كدا ..... وشوفلى حاجه من تحت الطربيزة كدا

وأنا هظبطك يعنى هبعلك شركة ولا قطاع ولا ابعلك حتت ارض ولا انشالله ابعلك كام نفر من هنا

تخدهم تهين فيهم زى ما يريحك وعادى اضربهم بالجزمة وابق رحلهم برحتك

يلا باه أبعت مع رشيدة .....


أدى المعلم اللى بيصر على أهانت شعب بأكمله...

استثمار ايه اللى باعت يتكلم فيه .....

هو شايفنا دقين عصافير .... دى السعوديه من كام

يوم رحلت مصرين من هنالك ... وقرفانه منهم

ولا لاقى حاجه تتباع فى البلد فقال يستغل الظروف

ولا حكايه أن مصر بتشهد نهضه فى الصناعه الغذائيه فى فرنسا .....

ناس بتاكل هنا حمير وكلاب ..... وبتاكل حاجات مدة صلاحيتها انتهت ..... وبتاكل من مقالب الزباله

ويقل نهضه ..... الله يحرقهم .....

وال إيه باريس معجبه بالصناعه الغذائيه فى حين أن السودان ولبيا نفضت

لحكايه انها تستورد مواد غذائيه من مصر


ولا دا كلو علشان إدمان مبارك لفرنسا ..... اللى تعتبر اكتر دوله زارها مبارك فى عهده

ويقلك استثمار وعلاقات دوليه .... يا ترى علاقات من اى نوع ؟؟؟؟

إيه علاقات زى علاقات ساركوزى إياها .... ال بيقع على كل واحده

يمكن بيباصى حاجه للمعلم

واللى يشل فى الكلام أنهم بيصرو أن معدل النمو زاد والاستثماري زاد

وما كملو ويقلو ....

وزادت السرقه ...زادت بيع البلد ....

فيارب يزيد من

نهضة الطحال والقلب والكبد والشلل والضغط والسكر عندهم

قلو ااااااااااااااامين



الجمعة، أكتوبر 24، 2008

فيا لقسوتك ....



سمعته قد أتى....

فسارعت بالخروج لأراه...

فامتلاء صدى بمسك هواه

تنفسته.... فأبيت أن يخرج منى

فواجه أشياء بداخلي

مددت يدي لملامسته ... فالتقيا بحب

واقتربت بوجهي منه ... فهمس لي

فسقط بردا عليا .... أطفئ نارا ...

ودخل صدري .... أيقظ نبضا ...

أبعد هما ألما بي....

وأتى بأملا كان يأبى المجئ أليا

وجدتنى معه قد أغرقت ...

زلزل أعماقي ...

أبرق أحلاما تناسيتها ....

دثر ذكريات طالما تمنيت محوها...

فأغمت عينيا ...

ابتسمت شفاهي ...

خفق قلبي ...

فطالما تمنيت أن يمتزج بكياني

ولكني وجدته يتباعد ويتلاشى

رجوته أن اذهب معه ...فتركني

فأجبرت عيني على الوميض

أيقنت أنه واقع ..

حقيقه ....ليست بحلم....

أبتسامه ....ليست ناضجة

إحساس لممت به قد انتهى

وصدر تنفس ليموت

وقلب خفق ...فأخفق ...ليودع

أكانت أحلامي مستحيلة...!!!


أكانت ابتسامتي قبيحة ...!!!


............!!!



فيا لقسوتك عليا

يا مطر ......!!!!!

الاثنين، أكتوبر 20، 2008

مفيش عهد اوسخ من عهدك يا مبارك

تعدد المصايب من جو لبحر لأرض وتكررت والسبب مبارك وحكومتة الفقر وحزبة الواطى
ما سمعت مره حاجه تفرح

فى عهد مبارك... مفيش مكان ألا وفيه مصيبة ...فى السما طيارات وقعت

مفيش بحر إلا سفن غرقت ....

مفيش طرق إلا وحوادث بالآلاف وناس اتقتلت...
ومفيش قطرات تلاقى اللى أتحرق ولا واللي أتقلب

مفيش مكان إلا فيه عماره وقعت على اللى فيها ....

مفيش منصب ألا اللي مسئول عنه أهمل وسرق وأهدر مال شعب

مفيش واحد مسك الحكومة ألا أزفت من اللي قبله وأطول منه

مفيش مكان فى مصر ألا مهمل من ناحيه الميه والكهربا

مفيش مستشفى حكومية فى مصر الا لما تكون زريبة بهايم أصلا

مفيش مكان اثرى وهام وفيه مستندات الا لما أتحرق ...

مفيش كلب ولا حمار ألا وأيد الجزارين طالته

مفيش مقلب زباله ألا وتلاقي فيه ناس بدور على أكل

مفيش مكان فى مصر ألا أتباع وأتباع بالرخيص اوى

مفيش بنك ألا لما أتسرق منه مليارات من الكبرات ....وسجن ناس غلابة علشان ملاليم

مفيش ترعه ولا زرعه ألا وهيا متسرطنه ... ولا ارض مزروعه بالب ولا الفراولة

مفيش قانون ألا وعدلته علشان تتحنط فى الحكم وتقهر بيه شعب ودوس عليه الجزمة


مفيش مكان ألا وجيمى لف فيه وهاين عليه يبوس أيد الناس علشان يقلهم أنا حلو وشاطر

مفيش عيد ألا ونسمع عن اغتصابات ولا تحرشات ...

مفيش شهر يعدى ألا ونسمع فيه زياده فى الأسعار

مفيش يومين تنيلو يفوتو ونسمع بورصه ولعت ....وفى نفس الوقت اقتصادنا فل


مفيش مكان إلا وتلاقى القراءة للحياه ...واصلا معظم مدارس مصر وقعه

وعياله طالعه ما بتعرف تقراء اصلا....

مفيش بيت فى مصر ألا وتلاقى شباب أتخرج وعاطل وبيتمنى يتجوز ومش لاقى

مفيش حرامى ولا قاتل فى صورة رجل أعمال إلا وطلع برائه

مفيش سجن فيكى يا مصر ألا واتسمي معتقل للى يقول لا ليك ...

مفيش مكان جوه مصر ولا فى اى دوله ألا والمصريين فيه متهان ومضروب الجزمة ...


مفيش عين ما بكت من أحساس بالعجز ولا قلب بيدعى عليك علشان حس بظلم
دا يدل على مزبله فى دماغهم وغباء حكام
وعجز وفشل تاااااااااااااااام فى مخهم الجزمة
اصل لو المصيبه حصلت مره واحده نقول خيبة انما تتكرر بنفس الطريقه دا نوقل عليهم
شوية بهايم ومسكين البلد
بس هنقول ايه شويه جزم وفرحو لما لقوا مقاسهم
واحنا مقاسهم
فنستاهل اللى بيحصل
يووووووووووووووووووووووه

من الأخر كدا مفيش عهد أوسخ من عهدك يا مبارك


الأحد، أكتوبر 19، 2008

اقرا وتخيل

الكلام دا جالى على ايملى من صديق عزيز وطلب منى انزله فى المدونة
وطبعا ما اقدر انفضلو وارجع فى كلامى بعد ما وعدته
وهو كالتالى


المطلوب : اقرا وتخيل

سُكون يخيم علي كل شيء

صمت رهيب وهدوء عجيب ليس هناك سوى موتى وقبور


انتهى الزمان وفات الاوان


صيحة عالية رهيبة تشق الصمت


يدوي صوتها في الفضاء توقظ الموتى


تبعثر القبور

تنشق الارض




يخرج منها البشر




حفاة عراة




عليهم غبار قبورهم




كلهم يسرعون يلبون النداء فاليوم هو يوم القيامة لا كلام




ينظر الناس


حولهم في ذهول



هل هذه الارض التي عشنا عليها ؟؟؟


الجبال دكت


الانهار جفت


البحار اشتعلت الارض غير الارض


السماء غير السماء


لا مفر من تلبية النداء




وقعت الواقعة !!!!




الكل يصمت الكل مشغول بنفسه لا يفكر الا في مصيبته


الان اكتمل العدد من الانس والجن والشياطين والوحوش


الكل واقفون في ارض واحدة




فجأة ....

تتعلق العيون بالسماء انها تنشق في صوت رهيب يزيد الرعب


رعبا والفزع فزعا



ينزل من السماء ملائكة اشكالهم رهيبة






واقفون صفا واحدا في خشوع وذل




يفزع الناس يسألونهم




أفيكم ربنا ... ؟؟؟!!!




ترتجف الملائكة


سبحان ربنا


ليس بيننا ولكنه آت ...


يتوالي نزول الملائكة حتي ينزل حملة


العرش ينطلق منهم صوت التسبيح


عاليا في صمت الخلائق


ثم ينزل الله تبارك وتعالي في


جلاله وملكه ويضع كرسيه حيث يشاءمن ارضه


فمن وجد خيرا فليحمد الله ومن وجد غير ذلك فلا يلومن الا نفسه



الناس ابصارهم زائغة


والشمس تدنو من الرؤس من فوقهم لا يفصل بينهم وبينها


الا ميل واحدولكنها في هذا اليوم حرها مضاعف


انا وأنت واقفون معهم نبكي


دموعنا تنهمر من الفزع والخوف


الكل ينتظر ويطول الانتظار


خمســـــــــــــــــــــــون ألف سنة




تقف لا تدري الى أين تمضي الى الجنة او النار




خمسون الف سنة ولا شربة ماء



تلتهب الافواه والامعاء



الكل ينتظر


البعض يطلب الرحمة ولو بالذهاب الي النار من هول الموقف وطول


الانتظار لهذه الدرجة نعم؟؟؟!!!

ماذا أفعل..


هل من ملجأ يومئذ من كل هذا ؟؟؟

نعم فهناك أصحاب الامتيازات الخاصة


السبعة الذين يظلهم الله تحت عرشه


منهم شاب نشأ في طاعة الله


ومنهم رجل قلبه معلق بالمساجد


ومنهم من ذكر الله خاليا ففاضت عيناه



هل أنت من هؤلاء ؟؟؟


الأمل الأخير..


ما حال بقية الناس ؟

يجثون على ركبهم خائفين ..


أليس هذا هو أدم أبو البشر ؟


أليس هذا من أسجد الله له الملائكة ؟


الكل يجري اليه ....


اشفع لنا عند الله اسأله أن يصرفنا من هذا الموقف ..


فيقول : ان ربى قد غضب اليوم غضبا لم يغضب مثله من قبل ..



نفسي نفسي. .


يجرون الى موسى فيقول



نفسي نفسي ..



يجرون الى عيسى فيقول




نفسي نفسي ..





وأنت معهم تهتف




نفسي نفسي .....





فاذا بهم يرون محمد صلى الله عليه وسلم




فيسرعون اليه




فينطلق الى ربه ويستأذن عليه فيؤذن له




يقال سل تعط واشفع تشفع ..




والناس كلهم يرتقبون




فاذا بنور باهر انه نور عرش الرحمن






وأشرقت الارض بنور ربها




سيبدأ الحساب ..




ينادي ..




فلان ا بن فلان ..




انه اسمك أنت


تفزع من مكانك ..




يأتي عليك الملائكة يمسكون بك من كتفيك




يمشون بك في وسط الخلائق






الراكعة على أرجلها


وكلهم ينظرون اليك





صوت جهنم يزأر في أذنك ..




وأيدي الملائكة على كتفك ..




ويذهبون بك لتقف أمام الله للسؤال .....




ويبدأ مشهد جديد...




هذا المشهد سادعه لك أخي ولك يا أختي




فكل واحد منا يعرف ماذا عمل في حياته




هل أطعت الله ورسوله محمد صلى الله عليه وسلم؟؟؟




هل قرأت القرآن الكريم وعملت بأحكامه ؟؟




هل عملت بسنة نبينا محمد صلى الله عليه وسلم ؟؟؟




أم اتخذت لك نهجا غير نهجه...وسنةغير سنته...



وكنت من الذين أخبر عنهم حين قال




وإنّ امّتي ستفرق بعدي على ثلاث وسبعين فرقة،




فرقة منها ناجية واثنتان وسبعون في النار.




فهل سألت نفسك من أي فرقة ستكون؟؟؟




هل أديت الصلاة في وقتها ؟؟؟




هل صمت رمضان ايمانا واحتسابا ؟؟؟



هل تجنبت النفاق أمام الناس بحثا عن الشهرة ؟؟




هل أديت فريضة الحج ؟؟؟




هل أديت زكاة مالك ؟؟؟




هل كنت باراً بوالديك ؟؟




هل كنت صادقا مع نفسك ومع الناس أم كنت تكذب وتكذب وتكذب ؟؟




هل كنت حسن الخلق أم عديم الأخلاق ؟؟؟




هل ..وهل ..وهل ؟؟




هناك الحساب ....




أما الآن ...!!!




فاعمل لذلك اليوم...


ولا تدخر جهداَ


واعمل عملاَ يدخلك الجنه


ويبيض وجهك أمام الله يوم تلقاه ليحاسبك




وإلا فإن جهنم هي المأوى ..


واعلم أن الله كما أنه غفور رحيم هو أيضا شديد العقاب




فلا تأخذ صفه


وتنسى الأخرى ....


إن كنت محباً للخير والمشاركة في الأجر والثواب مرر هذة الرسالة إلى إخوانك ومحبيك




قال رسولنا الكريم صلى الله


عليه وسلم : ' الدال على الخير كفاعله '




أشياء لن يسألك الله عنها




لن يسألك ما نوع السيارة التي تقودها ....




بل سيسألك كم شخصا نقلت بسيارتك ولم تكن لديه وسيلة مواصلات




لن يسألك كم مساحة بيتك ..... بل سيسألك كم شخصا استضفت فيه




لن



يسألك كم كان راتبك ... بل سيسألك كيف أنفقته ومن اين اكتسبته




لن يسألك ما هو مسماك الوظيفي ... بل سيسألك كيف أديت عملك بقدر ما


تستطيع



لن يسألك كم لك صديقاً بل سيسألك كم اخاً لك في الله.




لن يسألك عن الحي الذي عشت فيه ..... بل سيسألك أي نوع من الجيران كنت




لن يسألك عن لون


بشرتك ....



بل سيسألك عن مكنونات نفسك ونظرتك للآخرين





لن يسألك الله عن عدد الأشخاص الذين أرسلت لهم هذه الرسالة بل سيسألك ...




إن كنت قد خجلت من إرسالها لأصدقائك


ولهذا فلن أخجل اليوم من ارسالها...اليكم....أحبتي...



جمعنا الله في


الفردوس الأعلى وجعلنا أخوة متحابين في ظله


يوم لا ظل الا ظله....

سبحانك اللهم وبحمدك أشهد أن لا إله إلا أنت أستغفرك وأتوب أليك .....

الخميس، أكتوبر 16، 2008

الحكومة دى نحس....

بالرغم أن أنا ضربه دماغ نوم على الأخر وقلت هبطل فرسه اليومين دول


وأكمل حكايات أفك المدونة شويه .... أن شاء الله هكمل بعدين ...

يس معلشى سمحونى فرسايه صغنونة كدا على الماشى ..... وبعدين عارفه اكيد

تلاقكى فيه منك اللى بيهرش وهيقطع نفسه .....ادمان باه ...حاسه بيكم هههههههه

المهم سمعتو طبعا عن الاجتماع اللى مبارك كان عملو علشان أل ايه يشوف اى إصلاح فى البورصة

غير تصريحات نظيف ان اقتصاد مصر تمام ومش هيتاثر وهجس من دا

أنا عن نفسى سمعت الهطل دا ...واه لو كنت طولت حد فيهم كنت هعضو حتة عضه هههههههههههه

اضرب بدماغى شوية بعيد بس مش اوى يعنى .... لما كل شوية الأسعار ترتفع

كان عليهم عفريت اسمه العالم كله عندو تضخم والأسعار فى العالى ....

بالرغم أننا كنا أعلى في التضخم تقريبا خمسه وتلاتين فى الميه .... وبالرغم من كدا يقلنا مش لوحدنا

ولما تبقى فى كارثه عالمية ....يطلع اخو العفريت اللى فات يقول دا أحنا تمام أوى

والمليارات اللى فسسسسسسسسس فى الهوا دى ....ظط

وال 140 مليار مدخرات البنوك المصرية فى بنوك اوروبا واللى من فلوس الناس وراحت

فى الطراوة ومش عارفين هيجبوها ازاى ؟؟؟؟؟برضو أحنا تمام ....

واللي فقعنى اكتر دا كلو .... الدنيا مخروبة فى العالم

ويقولك الأسعار السلع الغذائيه عندنا قلت بنسبه 40% .....

الظاهر دى التصريحات اللى خرجت من اجتماع مبارك....

والأسعار زى ما هيا وفى زيادة برضو ....ولاد الجزم بيتاجرو بينا ....

يعنى عالم حولا يوم ما نكون العالم الوحيده تقريبا فيها

تضخم عالى ...وبره اقل منننا فى الزياده دى .... يقولو لا دا بره زينا وظروفهم منيله

أنما لما العالم يجتمع أن فيه كارثه وخراب ...لالا مبارك وحكومتة يقلو لا دا كلو تمام

وكمان فيه تخفيض فى الأسعار .... وعيشو خالص ....


وكان نفسه يقول لينا ......يلا قومو اتحزموا وارقصو .....
واحب اقلهم من مقعدى هذا ....
وانا كاشفه راسى
غورو جتكم نيله يا عالم يا فقر نحستونا ....

الأحد، أكتوبر 12، 2008

انا عضمة كبيره عااااااااااااااااااااااا

بصو مفيش حد شافنى وادانى سنى الحقيقى فعلا ....مش عارفه ليه ؟؟؟

وبالرغم ان الكل معتبر ان دى ميزة كويس خاصه ان انا بنت وكدا الا ان انا متغاظة اوى منها

دا على اساس هعنس والناس هتفتكر انى عيله لسه هههههههههههههه فضلى زلطين ياناس

المهم الموضوع دا بدات الاحظة من سنه رابعه كليه ....

ودا فى بدايه السنه وبتوع سنه اولى باه جاين وفرحنين بالكليه واحنا عاملين فيها كبار

بنبص عليهم ونفتكر ايام ما كنا زيهم تايهين ....وفى ظل هذا

كان لينا مكان بنقعد فيه ديما انا ونورا صحبتى ....ومر فمره لقينا ولد من بتوع سنه اوله يقف قصدنا ومتنحه

والابتسامه مفروده بمكوة رجل على وشة ....وبصراحه كدا امور وعاقل شوية المهم كان كل يوم لما نروح نقعد

فى مكانا نلاقى المحروس واقف ومبتسم ...ونورا تقلى تلاقيه فاكر انك فى سنه اولى ولا حاجه

وبالفعل كان الحوار كلو بيدل على كدا وطول السنه لازم كل يوم نضحك على الموقف دا ....

وسمناه الواد بتاع سنه اولى .... واتخرجنا سنه رابعه ....

قصدى اتخرجت انا... انما نورا العميد نفسه حلفه عليها انها لازم تبقى معاها سنه ....

وقدمت فى كليه التربيه على الدبلوم التربوى

وكانت اخلص محضراتى ونروح مع نورا كليه الاداب تشوف محاضراتها هيا كمان فمره كنا بنلف

فاتقابلت فى واحد اسمه حسام كان طالع معايا معسكر الاسماعيليه بس حزرو فزرو كان معاه مين ؟؟؟؟

عليكم نوووووووور كان معاه الواد بتاع سنه اولى .... بصراحه احنا اول ما شوفناه ماسكين نفسنا بالعافيه

من الضحك ....وحسام ازيك يا بنتى اخبارك ايه ؟؟؟ وانا الحمد لله تمام

وقام بدور التعارف بنا ....

ولسه بيقلو همس .... بتكمل دراسات عليا فى التربيه .....

ليقتو بؤه اتفتح وراح قايل دراساااااااااات عليا

رحت انا اللى راده عليه وقلتلو ايوه دراساااااااااااات عليا .... انا مخلصه كليه

وخلصنا سلامات على السريع .... دا كان اول موقف تقريبا


تانى موقف ....او بمعنى اصح مجموعه مواقف مع بعض .....

ان كل يوم لما ارجع من الكليه واركب علشان اروح لبلدنا .... يتصادف انى اركب مع بنات الدبلومات

وكل يوم الاقى بنت تسالنى انتى فى دبلوم ايه ؟؟؟؟

والتانيه انا فى سنه كام ؟؟؟

المدرس الفلانى بيديكى ؟؟؟؟

مدرستك فين ؟؟

لدرجة انى اتعقدت بقى خلقتى تدى على دبلوم ؟؟؟؟

وبعد كدا لما لقيت الحكايه كدا .... كنت بثبت على كلامهم واريح دماغى ....

وبتبقى كل يوم العربيات مليانه بنات ....ولما بركب معاهم بحس انى طالعه بصبحية والله ....

مش طالع بعربيه بنات


تالت موقف ....

دا باه كان فى اجازة سنه رابعه كليه يعنى كنت خلصت الكليه خالص .... وروحنا نصيف فى

بلطيم ( وهو موقع ساحلى رائع حلو اوى خالث مالث دى بمناسبه انى مدرسة دراسات اجتماعيه)

المهم كانت المدة تقريبا 15 يوم .... وكنا انا واختى وبنت عمتى نطلع نتمشى ونقعد قدام كشك

دا اصرار اختى ال ايه علشان تسمع اغانى ونفضل متحنطين فى المكان لما بيجلنا كالو

المهم وبعدها بيومين ليقت عيال ثانوية عامه جيه تقعد جنبنا .... وفيهم ولد والله باين انى اد امه

بس انطس فى نظره ايامها ولا ايه ؟؟؟؟

فضل كل يوم يجى يقعد جنبنا .... لمدة خمس ايام ولا حاجه ... وقبل ما يمشو بيوم

خاد حباية الشجاعه ولما شافنا خلاص هنروح ....جى زى الاسد ومشى جنبى ....

وبيجرجر كلام .... وممكن اتعرف ....

انا والابتسامه على خلقتى مع عقد حواجبى مع كرمشه فى مناخيرى ... سالته سؤال ؟؟؟

انت فى سنه كام يا ضنايا ؟؟؟

بصلى باستغراب ...مع نفخة عظمة اند شلوط خده فى نفسه ... انا مخلص ثانوية عامه وداخل اولى كليه

روحت منفجره من الضحك .... ما شاء الله ...كبير ....وقلتلو انت تتخيل انا سنى كام ؟؟؟

قلى بنفس الشلوط هيكون ايه يعنى .... داخله اولى كليه زى يعنى

دا كلو وزمايله واقفين قصدنا ومنتظرين النتيجة .....

روحت معليه صوتى وقلت يا بابا انا اكبر منك انت لسه داخل اولى كليه وفرحان انا باه مخلصه كليه

قلى بجد ....قلتلو وربنا ....

راح باه اصحابو فى نفس واحد ..... تعالى انت رايح تتصاحب على عضمة كبيرة ( اللى هو انا)

وانفجرنا كووووووووولنا من الضحك ....والواد يا عينى مسبهل وخسيت انه اتحرج اوى

بس عادى .... بس باه انا يومها اخدتلى وقعه جامده اوى ( قلت دا علشان اتريقت على الواد ذنبة يعنى )
فطلعت انا عضمة كبيره عاااااااااااااااااااااااااا عاااااااااااااااااااااااا


تانى يوم لقيته جى ويقلى ..... انتى بجد مخلصه كليه ؟؟؟؟

قلتلو اه وربنا تحب اطلعلك البطاقه يا بنى ؟؟؟؟

يتبببببببببببببببببع




الأربعاء، أكتوبر 08، 2008

ناسف على تاخير التيجااااااان

معلشى يا جماعه انا كنت وعدت ولد مصرى والاستاذ طارق واحمد ك وجنه بحل التيجان

من يجى قرن كدا .....معلشى اتاخرت ....بس اهم حاجه وفيت بوعدى اهو ....

اخش فى الموضوع على طول
************************
اول تاج كان من الولد المصرى .....


ماذا لو اعطيتك ثلاث وردات من هم الاشخاص الذين تهديلهم الورد دا ؟

بصو باه بالرغم انى طفسه فى حكايه الورد بس هقلكم

الاولى: لبابا وماما واخواتى

التانيه :لاصحابى كوووووووووولهم

التلته : لى نفسى ...هو انا مليش نفس ولا ايه
-------------
ماهو هدفك فى الحياة ؟

بجد ان اكون راضيه وقنوعه لابعد حد بحياتى
--------
ان شاء الله بكره احسن من النهارده ...هل تصدق هذه المقوله ؟

بصراحه انا بحس ديما عكس كدا ....

بس لما اعرف ان ظننا بالله لازم يكون خير فبحاول بقدر الامكان ابعد شوشو

عن دماغى واخلى ظنى بربنا خير ....فانشاء الله بكره هيبقى احسن

---------
ماهيا اجمل مقوله سمعتها .؟؟

فى أْيه بتقول تقريبا ( مش حفظاها ) " الا جزاء الاحسان الا الاحسان "

فبتخيل لما احسن فى المعامله لربنا مهما كان قدر الاحسان ...فربنا هيحسن ليا اد ايه .... صعب التخيل صح

----------

مين المغنى اللى بتحبه ؟ وايه اغنيتك المفضله ؟

مليش مغنى مفضل والحمد لله

بس فيه بعض الاغانى

وبصراحة هما تلت اغانى ( سيرة الحب لثومة _ اه لو تعرف لنجاة _ بحبك انا كتير لوائل كافورى )



غزة تمثل ايه بالنسبه ليك؟

تمثل روح بترجع لجسد ( الامه العربيه )
--------

تعطى كام فى الميه لانتمائك لوطنك ؟

عمرها ماهتكون بنسبه

---------
لو تزوجت وانجبت اذكر اسماء الاولاد والبنات اللى تحبهم ؟؟

الاولاد ... عمر _ حمزه
البنات .... همس _عشق

---------
عمرك غشيت وانت صغير ؟

طبعا دانا ليا مواقف فى الموضوع دا وحكتها قبل كدا دورو عليها ....
----------

لو اتعرضت عليك رشوة وانت فى زنقه هتعمل ايه ؟

هدخل الحمام واشد عليها السيفون .... ايه هو دا ؟؟؟تيجى الفلوس مع الزنقه اختارو الفاظ اللغه باه

---------

قول تلت صفات فى تلت كلمات توصف بيها نفسك ؟

لا انا هبحبح فى الكلام

1-بحب التسامح جداااااااااااا

2- مرحه
3 عصبيه

---------------


اول مرتب ليك ولو هتجيب هدايه لعلتك هتجيب ايه لكل فرد

مرتب ايه يا عممنا ....دا شعارى ...عاطله وبفخر علشان حكومتى الفقر

بس هتخيل كدا انى اشتغلت وجالى مرتب واتخليهو مبلغ مبالغ فيه هههههههههه

بابا وماما ....اخليهم يحجو تانى

اختى ... اجبلها فستان فرحها يااااااااااارب

اخويا لكبير ( هنفضلو ) واجيب لابنه مهند لعب كتتتتتتتتتتتتتتتتتير

اخويا الصغير .... اخليه للمرتب الجى اصل الفلوس خلصت هههههههههههههههههه

------------------------


اهم صفه فى شريك حياتك

ان يجبرنى انى احترمه فيه غضبه قبل طيبته
------------------------

المجالى اللى غير دراستك بتحبه حتى لو كان رسم على الحيطة ؟
صحفيه قسم تحقيقات حوادث ههههههههههههههه
--------------------

بتحب السفر ؟ طب ايه المكان اللى عاوز تروحه دلوقتى من غير تفكير ؟

جدااااااااااااااااا
اى مكان اكون لوحدى ومفهوش حد خالص ويكون على البحر .....
--------------------------

تمرر التاج لمين ؟

لالا بلاش ليدعو عليا
***************************
******************************
ودا تاج من الاستاذ طارق





. اذكر اسم من طلب منك حل الواجب


استاذ طارق صاحب مدونة ( عابر سبيل )
----------------
اذكر القوانين المتعلقة بهذا الواجب

انى احلو .... ايه الفكاكه دى !!!!
----------------------

تحدث عن ستة اسرار قد لايكتشفها من يقابلك للمرة الأولي

1_ بصو كتير افتكرونى لسه فى الثانوية او الكليه وانا متخرجه من 2002 وبيحطنى فى مواقف محرجه

( هبقى احكى عن المواقف دى اهو بدل الفرسه اللى بتتفرسوها )

2 –فيه ناس قالت انى مغروره ليه معرفش وانا عكس كدا انى بكره الغرور والتكبر جداااااا

وبحب البساطه والتلقائية اوى

3 - ان لازم اى موضوع مقتنعه بيه اتناقش فيها وغالبا مفيش حد بيعرف يقنعنى بالعكس ولا حد بيعرف

يطلعنى غلطانه وابقى عايزة اعرف ليه حصل كدا وعشان ايه وليه نرفض وليه نقبل ....

وكتير قالولى انى عنديه جدااااااااااااااااااا

4- كتير بحس بالناس اللى بتكدب بالرغم ان فيه ناس بيتهيئلها ان مش واخده بالى منه بس انا بفوته

بمزاجى واعيشهم الدور اوى

لحد ما افهم هدف الشخصيه من الكدب دا ايه ؟؟؟؟

5- بالرغم تهريج الا ان انا عصبيه جدااااااا وصوتى عالى واحلى حل ليا لما بكون متعصبة ان اروح

انااااااااااام واصحى الاقى نفسى هاااااااااادية

6- محبش حد يوعد بحاجه او يقلى هعمل حاجه ويخلف فى الكلام معايا ......

مش بحترمه ولا بصدقة وبعتبره كداب


----------------


حول هذا الواجب الي ستة مدونين واذكر اسماءهم مع روابط مدوناتهم


لا مبحبش النميمة وسيرة فلان ولا علان ....بلاش حكايه اذكر دى ....ملناش الا السمعه
----------------------


اترك تعليق في مدونة من حولت الواجب عليهم ليعلمواعن هذا الواجب

ناسف على عدم اللف على المدونات لعدم وجود صحه لذلك ههههههههه
******************************
***********************
التاج دا من ولد مصرى ..... واحمد ك .....وجنه ....


بدات التدزين من امته ودخلت عالم التدوين ازاى ؟؟
15 يناير 2008

لما سمعت عنه كتير ....وانا زى جنه بظبط لما اتفرجت على حلقه غاده عبد العال فى العاشرة مساءا
-------------------
ايه كان انطباعك فى البدايه ؟

كان مبهم فى الاول بصراحه واللى بيحركنى فضولى

---------------------
مين اكتر واحد بيهمك تعليقه فى بوستاتك الجديدة ؟

لا بصراحه كلهم بس البنانيت الاول معلش يا رداله

-------------------
ايه اهم حاجه اتعلمتها من التدوين ؟

الفقعه فى مررتى
----------------------

حاسس ان التدوين ليه تاثير؟

طبعا .... كفايه تاثيرة على صحتى اهى اهى اهى
------------------------------

اذكر خمس احلام تخص ماضيك تحلم فيها بتغير اشياء ماذا كان ستعدل وماذا ستترك؟
1- الارتباط
2- السفر
3- الدراسة
4- اللى جوايا
5- اشخاص

هعدل فى الارتباط اللى فشلت فيه واخلى الدراسه عمليه وفيها تفكير وابداع

واختيار الشخاص اللى اتخميت فيهم

هسيب ....اللى كان جوايا زى مهو ... وكنت اتمنى سفرى السعوديه يكمل

-------------------------

اذكر خمس احلام تخص مستقبلك ؟

بطلت احلم .....وبعيش يوم بيوم وواقع فقط

--------------------


اذكر شخصين متواجدين الان فى حياتك كنت تود ان يتواجدو قبل زمن ؟

الشخصيه الاولى ( بتتمثل فى اصحابى البنات )

الشخصيه التانيه ( انتم المدونين )
----------------

اذكر شخصين غير متواجدين فى حياتك حاليا وتود ان يتواجدو فى الان او فى حياة اولادك مستقبلا

الشخصيه الاولى راجل يخلى مصر اللى بنحلم بيها موجوده على ارض الواقع

الشخصيه التانيه برضو راجل زعيم عربى مسلم يحرر اى بلد عربيه مسلمة ويرجعلها كرامتها

----------------------

على من تطلق الرصاص
برضو بلاش ليموت ويقول ان انا اللى قتلته
************************
وبصو باه اياكم الاقى حد يبعتلى تيجان ولا بدنجان
مش بحبهم خالص
ولا بعرف اجاوب عليهم
هطخ اللى يبعتلى حاجه
سلاااااااااااااااموز

السبت، أكتوبر 04، 2008

لا اريد ان اكون مباااااااااااركا

بالرغم من كل واحد فيكى يا مصرقالع راسو و داعى عليهم و شاتم و تافف على الحكومة وعلى اللى عاملها

الا ضافت بمبارك وزنق ابراهيم عيسى مش عارفه ليه ...؟؟

ومبارك حط نفسه فى مواجهه بخصوص مقاله عادية ....وربنا بكدا يعتبر اهان نفسه اوى

وعامل فرح بالمقاله ... وفى الاخر شهرين سجن

وخلونى بعيد باه عن الشعارات اللى هيا حقيقة وامر واقع بالجزمة على دماغنا

ان دا انتهاك للحريه والديمقراطية ....وحقوق الانسان والبدنجان .... دا كلو كووووووووسة

انما عايزة اعرف مشعرير مبارك ايه دلوقتى ..... دا لوقلنا ان فيه مشعرير واحاسيس

لو اعتبر زى ما بيقولو ابراهيم عيس اهانه

وعمل عكعكه فى الاقتصاد والزفت ....وفى الاخر يديلو شهرين سجن

واقول....اهنيك على اهانتك الرخيصه بجد .... واقتصادنا الواطى بانجازاتك

بقى الحوار دا كلو على شهرين سجن

كرامتك اللى كانت بتنقح عليك ....وحسسونى ان هيجيلو البواسير ...على شهرين سجن

سبكو من ان دا الحمد لله انهم شهرين وكدا ظلم كمان ....عارفه البؤين دول وحفظاهم

عايز يوصلنا ايه ؟؟؟؟...ان كل يوم هيبقى فى عهدو انيل من اللى قبلو ....

دى معروفه ....وبصمين برجلينا وبالجزمة كمان ....

وبعدين لما نشوف .... هينعدل حال البلد بعد ما اتسجن ....

ولا هيرجعلك شبابك وصحتك علشان تكمل حرق فى البلد ....

دا انا حاسه ان السجن التاهن يارجاله بالمهزله دى ... دى بقت مسخره

انامش عارفه نعزى نفسنا فى ايه... ولا ايه.... ولا ايه

نعزى نفسنا علشان ابراهيم عيسى مخدش فرصته فى الكلام باه طالما هو ظلم بظلم

ولا نعزى نفسنا بالسجن اللى شكلو اتخصخص وبقى لحساب مبارك

ولا نعزى نفسنا لاهانه مكان عريق زى السجن وبقى مليان بالمغضوب عليهم من مبارك
لو انا من المساجين اعتصم
وارفع شعار ( اكون قاتل او مغتصب .....ولكن لا اريد ان اكون مباااااااااااركا )





الثلاثاء، سبتمبر 30، 2008

تيييييييييييييييت ... بووووووم

متخفوش دا بمب العيد باه
المهم عديتى ليكم
الوردة دى

وان سبقتونى فانتم الكرماء

وان سبقتكم فمنكم تعلمت الادب والاحترام

فحن لانرسل لمن نعيش معهم

بل نرسل لمن يصعب العيش بدونهم

فأسأل الله الذى فجر الانهار وارسى الجبال ان يبلغكم العيد

وانتم فى احسن حال كل سنة وانتم طيبين يا خلابيص


صحيح

وعديتى ليكم شمة مناخير من الوردة دى

بس لاحد يلمسها ولا حد يقلبنى فيها

وحدش يكتر فى الكحك والبسكويت

كل سنه وانتم بسكوتات

ومستنيه العديه بتعتى

يلا سلاااااااااااموز

الاثنين، سبتمبر 29، 2008

الظاهر الحكومة لابسة بمبرز يارداله


مبارك ....وولاعه .... واغنيه انا عايز اولع مصر بحلها


اهم حاجه مفتش يومين عن الخيبة المطلقة فى موضوع مجلس الشورى وال ايه ماس كهربائى


وانا اقول الكهربا قاطعه فى الصعيد ليه .... اتاريها ماشية فى البلد تحرق فيها

ودلوقتى نلاقى الحريق فى المسرح القومى .... ايه حكاية النار المولعه دى

يعنى بقايا اماكن كانت كويسة نوعا ما وتاريخية بيقت بتتحرق اول باول

بس النار دى بتتكلم بانهى لغه

لغه فشل مبارك وحكومتة اللى فعلا مولع فى البلد ومن كتر ظلمهم الظلم حتى اتظلم وعبر بالحريق

ولا لغة المصريين الناس الغلابة اللى اتحرقو بنار الاسعار والظلم والجوع

فصعبو على النار فطلعت تحرق فى البلد

فاضل ايه علشان يتحرق .... شعب وخلاص ... مبانى وانتهت .... ارض وماعليها حاجه تتحرق

يمكن النار بتنضف البلد واحنا مش وخدين بالنا .....وهتحلى فى الاخر بقصر العروبة العظيم

والحكومة وباللى فيه ....

يمكن مش بعيد عن ربنا فى الايام المفترجه دى ...والله هتبقى الفرحة الكبيرة

يا جماعه اى حد يعرف النار دى ... يبقى يديها عنوان الحكومة وريسها

يمكن تفرج ... بس لحد ما توصلهم حابه اقلهم

هيا ممامتكم ما قلتلكمش ان اللى بيلعب النار بيحصلو ايه بالليل ولا ايه ؟؟؟؟؟



ولا انتم عامين حسابكم ....ولابسين بمبرز ياحكومة .... ولا ايه العوباره ؟؟؟؟

الخميس، سبتمبر 25، 2008

ولعت فى سمعة مصر يا محروس

انا من زمااااااااااااان وانا بقول الحكومة دى حولاه محدش صدقنى


اناكل ما اجى افتح التلفزيون تلاقى كميه حملات اعلانيه بتجمل فى خلقة الحكومة الحقيره

يعنى مثلا حملة بتاع الضرايب .... دافعه فلوس قد كدا وكلو من فلوسنا وهدف الحمله الوحيد

انه يبين لينا ويؤكد لينا ان الفلوس دى كدا كدا رجعلنا ....ال ايه يعنى مهمش حراميه

وال ايه بترجعلنا فى خدمات زى الطرق اللى بيموت عليها الاااف الناس

وزى المستشفيات اللى معظمها بقى عايز يتقلب لزريبة بهايم اصلا...ويكونو اول مستخديها ان شاء الله....

وزى الميه اللى مئات القرى والمناطق اللى معندهاش ميه اصلا وبتشرب من الصرف الصحى

والصرف الصحى اللى اصلا مغرق بلاد ومفيش صرف ليهم ....

وزى الكهربا اللى معظم قرى الصعيد دلوقتى بتفطر على لمبة جاز

وزى المدارس اللى اصلا بتخرج عيال مبتعرفش تقرا ولا تكتب ومعظم المدارس صلاحيتها انتهت



بلاش الضرايب اللى كتر خير الحكومة عمله اعلان مخصوص بيشكرنا وتقلكم ولسه ....ولسه سرقه

المهم .... حمله اعلانيه تانيه .... من قبل رمضان وهيا خنقت الناس وبتشلهم وتفقع مرارتهم

وال ايه بتنصح فى الناس انهم ميبقوش مبذرين ...وبلاش العزومات المكلفه ....وبلاش تجيب الدوا

بالعلب كفايه شريط شريط وتجبلك كتاب ينفعك مهيا القراءه للحياه اسال تيته سوزان...

منتهى التخلف والتفاهه

يعنى لو كانت عملت حمله اعلانيه مثلا تقول بلاش يا جماعه اكل الكلاب والحمير ...قلنا قلبها علينا

انما تفرسنا وتقلنا بلاش تكونو مبذرين ....هيا اتحولت دا معدش حد لاقى عيش والناس بتموت

علشان رغيف ....الله يحرقكم ...

ولا باه الاعلانات اللى نازله ترف من بنك الطعام اللى بيلم البواقى من المطاعم ويوزعها للناس

وهيا اصلا فى متنها الاهانه للشعب الغلبان ....ويقلك خير ... هما المفاجيع الحرميه بيكلو فى الفنادق والباقى منهم

يرموه للناس ... عالم واطيه

ولا المؤسسه المصريه للذكاه .... اللى بترعاها تيته سوزان ... يعنى اى حد هيطلع زكاه يروح يديها ليهم

ويسيب الناس الفقيره اللى فى بلدو ومنطقته ينحرقو ....وتيته سوزان بنفسها هتوصلهلهم



واخير وليس النهائى من ام الحكومة النحس دى ... حمله الاعلانات اللى عملاها وواكله ودان اهلينا

بتاعت السياحه ....وسبحانه الله ...كانهم بيقولو اخطفوهم واقتلوهم

وقد كان ....وبان خبيتهم السوده ....

المصيبه انهم لسه بيعلنون عن ازاى ميغشوش فى السعر .... ولا التحرش الاجانب

اصولهم باه يغيرو اهداف الحمله ....ويعملو اعلان كدا جامد

اعلان مثلا واحد يعمل اللى هو رايح يفجر نفسه فى وسط اجانب

وبعد ما يفجرها .... يطلع واحد اجنبى ميت كدا ...يقول البؤين بتاع ... كدا بيسئ لسمعه مصر

واعلان تانى .... واحد خاطف كام نفر اجنبى ومغمى عنيهم وكاتم نفسهم

وواحد اجنبى يشاور يفتكر انه عايز يعمل ببيه يقوم المصرى اللى خاطف ينزل الكمامه من على بؤه ....

يروح يقول كدا ياضنايا بيسئ لسمعه مصر

وتنزل النهايه

ومبارك والحكومة .... صوابعها تتكسر ان شاء الله من كتر التسقيف على خبيتهم

والعالم ...والمخطوفين ...واللى اتفجرو وماتو.... والمصرين وانا اولكم هنغرقهم تف

قصدى دموع الفرح من النجاح الخارق للحول بتاعهم ولاعلانتهم الحولا زيهم

وبكدا يامبارك ..... ولعت فى سمعة مصر يا محروس

الأحد، سبتمبر 21، 2008

لنا التووووووووم بعد ربنا

بصراحه معتش عارفه ايه اللى بيحصل فى موضوع ايمن نور ....

لامبارك راضى يفرج عنه فى حركة الافراج الاخيره ....يمكن مبارك يا جماعه مش فاضى

مقضيها صلاه وصوم وقيام ليل .....

ولا ايمن نور ساكت .... ومن اول مطالبته لمبارك بالافراج عنه لان دا حقه ومبارك حلاقله ....

لحد ما بعت رساله لاوباما ...بالرغم ان سمعت ان كان عنوان المقال اللى كان فى الدستور

مكتوب فيه رساله لاوباما واتقال ان مضمونه مختلف خالص عن العنوان ( اناما قراته المقاله )

واليومين دول امريكا بطالب بالافراج عن ايمن نور ...مش عارفه باى حق تطالب بكدا

وليه ايمن نور مرفضش طلبهم ....ولا هو راضى وعايز ان يطلع وخلاص

حتى لوكانت امريكا ولا عفريت اسود و منيل بنيله

وحتى لو طلع ... ايه متوقعين انه هيدخل الانتخابات تانى ... ولو قرر الدخول

هل حالته الصحيه تؤهله انه يكون رئيس ....

ولو ساعدته امال محاميه كان بيطالب مبارك للافراج عنه ليه علشان صحته تدهورت فى السجن

بلاش ايه هنرضى ان يكون ريس بواسطة امريكا ...

امال الفرق ايه عن الننوس اللى قبله ااااااااااااااايه ....

ومبارك مش راضى يعلق عن الموضوع دا ليه اصلا ....ايه شايفه ان تاثير بوش معدوم دلوقتى

علشان هيخلع ..... ولسه عم بوما قصدى اوباما دا مبقاش ريس وبيطالب بالفراج عن ايمن

ولا بيعمل كدا علشان نقول عليه عدل ....

ومش عارفه مبارك قلقان ليه يعنى ...؟؟

ايه يعنى لما ايمن يطلع ... ايه مبداه اضرب المربوط يخايف السايب ....

عادى طلعلو يا عم على الاقل انت تطلعو علشان ديمقراطيتك ما تتهزش وتلاقيه داخل قصادك فى الانتخابات

وانت ضامن فى جيبك المملكه ...

مش بدل ما يجيلك حد جديد لقدر الله ....تقوم تجره تانى ....اهو اللى تعرفه احس من اللى متعرفهوش

وبعدين والله ايمن مهوهيعمل حاجه ..... الا لاما تجيلك انت وجيمى اعاره ابديه كدا ...

لما اوباما يطلع راجل كدا

ويديك صابونة ....ويقعده مكانك ...بس دى كلها افلام ... وخيال مريض ....

وكلو هجس ....ويمكن بتعمل كل دا علشان نركز فى شخص ايمن نور بس ....

ال ايه دا المنقظ بتاعنا .... وطول ما بنقول ايمن نور ايمن نور ....مش هنبص حولينا

ولا هنقدم خطوه قدام ....لا خلاص وقفنا لحد ايمن واتشلينا وانبطينا وبس ....

يعنى زى ما نور ليه ربنا واوباما ....احنا باه نشوف حالنا كدا ....

ومفيش حد الفكاكه سكناه ويقلى يعنى هنعمل ايه ...؟؟؟

بصو كل واحد يشوفلو كام كيلو توم يقرش فيهم لحد ما نشوف اخرتها الطين دى ....

ويلا بلا نور بلا ضلمه ..... وبلا مبارك بلا شوفيتم .....

اووووووووووووووووووف ... حوارات على الفاضى

لينا التووووووم من بعد ربونااااااا








الثلاثاء، سبتمبر 16، 2008

شكرا على اليوم الجميل دا...

انا اسفه جدا للتاخير ...بالرغم ان كنت ناوية اجى من القاهره اكتب الموضوع على طول قبل ما انام

بس الكمبيوتر كتر خيره لما شافنى مبسوطه قلى افوقها وافكرها انها متغاظة اند مفروسة

وعلى ما اتظبط ....وجيتلكم يا خلابيص ....

انا طبعا لقيت كتير حكو على اليوم ...بس برضو هحكى عليه اشمعنى انا

الاول اللى عرفتنى على اليوم دا الدكتوره جنه حبيبة قلبى (جزاها الله كل خير )

اللى كنت مشتاقه اشوفها جداااااا ...ومعرفتى بيها مش من خلال النت وبس لا كنت حابه اتعرف عليها

المهم انا وصلت القاهره الساعه تقريبا واحده ونص بس بعد ايه مجالى جفاف وكل الميه اللى فضلت اشرب

فيها قبل ما انام اتبخرت منى وخلااااااااااااااص انا عايزة ميه ....


وكنت انا وجنه مع بعض على التليفون وكانت اول واحده اشوفها من المدونين واتقابلنا قدام المستشفى

وكان اول لقاء لينا واول مكان يجمعنا (هيمانه فى جنه حضرتى ) وكانت زى ما متخيلها بظبط طيبة

وتحس انها مليانه حنان وخير وحب ....

المهم شوية واتعرفت على باقى قافلة بورسعيد ....اللى انا فعلا سعيده جدا بمعرفتهم

واتعرفت على بابا ابوخالد ...وبصراحه كان عندو حماس اكتر مننا احنا بجد بجد راجل زى العسل

واتعرفت على النهر الحب ....ايناس ....وغرقت فى النهر وشبعت حب منها ومن حبة الهوا ( نسمه اختها)

وايناس كانت محسسانى ان عندها زهايمر مستمر من ناحيه اسم مدونتى ...علشان كل ما تيجى تعرفنى على حد

وتجى تقلو اسم مدونتى تتلغبط لدرجه ان انا نفسى اتلخبط بعد كدا وربنا عدتنى الله يسامحها

بجد لذيذه جدا ودمها خفيف ...ولا نسمه اختها كنا هنحدف نفسنا فى النيل ناخد دوش من الحر بس للاسف

معرفناش علشان كان ناقص الليفه والصابونه لزوم التليف فقاومنا ...

وبعدين اتعرفت على سوما ( مجنونة فى بلد عاقل) تصدقو والله ما باين عليها الجنان خالص

بالعكس كانت هاديه جدا وطيبوبة كدا وعلى الطبيعه غير االلى فى المدونة خالص شكلها بتقوم بشخصيتين

جايز متراقبه ولا حاجه ولا يمكن عليها قسط تلاجه ...الله اعلم بعباده ...

وبعديها اتعرفنا على شيماء مدونة من السويس واتعرفنا على مجموعه بنات مدونات انا اسفه مش فاكره الاسامى

بظبط علشان انتو عارفين اتزهيمرت من ايناس الله يبارك فيها

وبعديها دخلنا على المستشفى وبقو يهلو علينا المدونين واحد ورا واحد ووحده ورا واحده وكان عدد كويس والله

مش هكدب وهقلكم انى عديت الرقم لالالا ...مش لاسمح الله انى مبعرفش اعد ....لا طبعا بعرف اعد رقم لاباس

بيه ...لكن كنت بدور على حاجه اقعد عليها اصلا كانت خلاص كانت رجلى بتنقح عليا وكانت نويا تفضحنى وتنقع على اللى جنبى

وبالفعل بلطنا على الارض انا وسوما ...

واحنا قاعدين باه هلت علينا مين .... بخ عوووووووووو ....كيكى ....وكنت مبسوطه اوى انى عرفتها

وفضلت ابصلها وابتسم وفى الاخر وقفنا مع بعض بصراحه دمها زى العسل ...هى اى نعم روشتنى

من كتر بصاها كل شوية فى السقفه ( نظام الاشتغالت) لدرجه انى حسيت انها بتنادى

على الواوا ( بتاع محمد هندى مش هيفاء)

بس بجد بجد دماااااااااغ وانا بحب الناس الدماغ اوى ....

وعايزة اعترف اعتراف امام الله والجميع كانت بتحرضنى ياجماعه

اننا ندكن الظرف اللى فى الفلوس علشان الفطار

وندى العيال الشنطه وبس وكنت موافقها مش لانى عايزة الفلوس لا لان شوشو كان بيلعب فى دمغنا بمفك

بس جالى هاتف وقلى بلاش احنا فى رمضان ..... فنصحتها فقبلت النصيحه والحمد لله

انتصارنا على شوشو .... (كان تهريج طبعا على الاقل منى الله اعلم بخ عو كانت نيتها ايه انا بس بهدى النفوس )

بس اهم حاجه مش كنت بنادى عليها الا ببخ عو ....حتى لما طلبت رقم موبيلها

تقلى موبيل من اول تعارف كدا ...قلتلها هو انا هسيبك ( بجد بجد تتحب من غير اى مقدمات ) وادتنى الرقم

وسجلتها ببخ وعو ...ودلوقتى كل ما ترن عليا واسمع اسمها بتنطق اموت من الضحك ....

وبعديها كدا واحنا واقفين هيا اعجبت ولقت روحها بتخبط على الروح ...لالا تفكركم ميروحش لبعيد ....

شافت مدونة وعايزة تتعرف عليها

وتقلى عرفينى عليها ...والمشكله انى معرفهاش اصلا ....وبعد كام زقه منها ...روحت قلتلها ماشى تعالى

نتعرف ...ولسه بقول ياهادى وراحه اقلها لوسمحتى المحروسه قلتلى ثانيه واحده لوسمحتى

تخيلو باه الحاجه كانت عملالى مهمه وتقلى ثانيه واحده وكيكى موقفها سليم وانا اللى كان شكلى وحش

المهم طلعت اودى الشنطه وجيت بقلها الحاجه هناك اهى ....قلتلى انا اتعرفت عليها اسمها زهره

ضرب فى ودانى الاسم روحت عليها وقلتلها انتى اسمك زهرة مدونتك اسمها واحده مفروسة

قلتلى ايوة قلت والله حمدلله على سلامتك عملتنا بوست سيبتى اعصابنا فيه وروشتينى معاكى

وعرفتها انا مين باه ....وبكدا تتاكدو اننا اتعرفنا تعارف (ثانيه واحده )

على فكره مش انا لوحدى اللى كانت بتقلى ثانيه واحده ....داانا لقيتها شغاله كدا ...كل شوية ثاينه واحده

لدرجه مره بتقلها واحنا واقفين فى مجموعه ومشت شوية قلتلها هو كل حاجه عندك ثانيه واحده ....

رجعت وقلتلى انا رجعت علشان سمعتك بتقلى وبتضحك الظاهر خافت تضحك وهيا ماشية الناس تقول فى

سرها ربنا يشفيها

ادى الحاجه المهمه ...صاحبة تعارف ....ثانيه واحده

وبعدها شوفت احمد الصباغ ....واتعرفنا .... وانا طبعا عارفه انه مدمن تصوير ....فضل يصور

واتعرفت على امبراطوية (س) سمر صاحبة مدونة المفقوع مرارتها اللى ربنا يشفيها

واتعرفت على اخواتها البنانيت المدونات برضو

وكل اسميهم بداه بحرف السين .... بجد بنات عسولات وهاديات خالص

واتعرفت على ام البنين ...وكان معاها ولاده ربنا يبارلها فيهم

واتعرفت على نونا مدونتها المهاجر بجد بالرغم انها منقبه الا انها مش مكلكعه وكانت اجتماعيه جدا

ودمها عسل وميرا صاحبه مدونة امراه بعقل رجل ...اللى كان عندها حماس وكل ما الف

بوشة القيها فى كل مكان ما شاء الله صحه ...اللهم لا نق اند قر ...
وعبد الرحمن صيدلى مطحون ....

المهم بعد كدا طلعنا وروحنا صلينا العصر فى مسجد ...الراجل قلنا اطلعو فوق اجى اطلع

احس انى بنزل خندق وسرداق ....مسجد من ايام فتح الاسلام لمصر

وصلينا وطلعنا على المطعم ... ولسه دخله المطعم لقت واحد وواحده بياكلو


قلت الحمد لله المغرب اذن هنا ولا ايه ..... وبعد السؤال اتضح انهم اصحاب دين اخر

وقعدنا باه فى المطعم وقعدت جنب التلاجه اللى فها ميه وحاجه ساقعه ولقت الراجل بيوزع عصير جوافه

وانا طبعا محبهاش الا باللبن غيرتها وجبت بالمانجه عصير المفضل ....ولقيتو بيوزع فى ازايز الميه

يا دى المصيبة فقلتلو لالالا احنا عايزن ميه ساقعه ....وحطيت اززتين ميه قدامى وبدادى فيهم وادعى ان الاذان

اذن علشان خلاااااااااااااص على وشك ان اى بنت سندت عليا كنت هتحول الى بودره

وجم بتاع المطعم علشان يشوفو الطلبات وجين يقولو كبابا وكوفته اقلهم يا جماعه انا من ساعة ما طلعت من

حدانا فى البلد لحد ما وصلت للقاهره ملقتش حمار او كلب ماشى بلاش كباب وكوفته

وبصراحه هو مفيش الا كباب وكوفته وحمام وانا مبحبش الحمام فاضطريت

اسفه ان اطلب كلب وحمار قصدى كباب وكوفته

وخلصنا اكل وطلعنا اتمشينا لحد قهوة البورصه .... واتجمعنا كلنا حولين الطربيزات

واتعرفت عن قرب على الاستاذ خالد همس الاحباب اللى كنت متغاظة علشان مسمى الاسم على اسمى

واتعرفت على الباحث عن الحقيقه وربنا يعينه ويلاقيها ...

واتعرفت على احمد سكر بالرغم اننا ما اتكلمنا كتير ....ودعاء موجهات ...

وطارق كوارث وكان معانا جنه واحمد الصباغ والمبراطورية (سى ) ونونا وبنوته مصرية

وكانت القاعده كلها مليانه ضحك وتهريج وحب وحماس .....وشاى وماية ساقعه ونسكافيه وحاجه ساقعه

برضو بالرغم ان احمد الصباغ قلبنى فى ازازة الميه علشان يغيظنى ...بس بالف هنا ليه ...

بس بصراحه كان شغلتو فى القاعده انه يغيظنى ... ويفرسنى ....

وجه اتصال تليفونى لاحمد سكر وكان من احمد ك صاحب مدونة دردشة عربية ....

وكلمتو وكنت مبسوطه والله بمعرفتو بالرغم انه قلى خبر يغيظ ....بس الحمد لله فهمته ....

المهم بصراحه مكنتش عايزة اروح خالص ....وكنت عايزة اتعرف اكتر عليهم ....

بس كان الحاج هيما هيطخنى .... واستاذنا انا وجارى طارق كوارث ودعاء موجهات وروحنا

وبجد طارق راجل محترم جدا واداها حته ابن البلد ماسبنى الا لما ركبت الميكروباص بتاع بلدنا ....

وبااااااااااس وعنيكم ماتشوف الا النور الراجل بتاع الميكورباص مشغل اغانى لابوالغم كلو

مصطفى كامل ....وخاصه اغنيه شكرا ..... اللى شبعتنى بالكلمه دى وحسيت ان ودانى ومناخير وبؤى

بطرطش بكلمه شكرا .....

وطول الطريق اتصالات للاطئنان عليا وصلت ولا لسه ...

والحمد لله وصلت البيت وكان فى استقبالى هيما ( ابويا ) واديتو التقرير وحكيتلو على كل شخصية

عرفتها ....وحكتلو اد ايه شباب وبنات كويسين ومثقفين واصحاب فكر ومواهب قيمه ومحترمه جدا


واد ايه ان لما كنت اشوف حد فيهم كانت الحاجه الوحيده اللى بعملها

انى ابتسم ويملانى فخر وكرامه انى عرفتهم .... بجد بجد انا مبسوطه ان عرفتهم كلهم

وان شاء الله نتجمع على خير .... فى قصر العروبة قدام كرسى مبارك ....ونشيلو من الكرسى

ولو لقيناه ملزوق فيه بغره ....نشيلو بالكرسى نفسه ....ونجيب كرسى

واقعد انامكانووووووووو.....والله هظبط مصر دى كلها



وكل سنه وانتم طيبين ....

ورمضان كريم ....

وبجد وحشتونى جدا جدا جداااااااااا

ملحوظة هااااااااااااااامه جدا

اه صحيح قبل ما انسى ....ايملى اللى على الهوت ميل نسيت الباسورد بتاعته فياريت كل صحاب المدونين

اللى عرفتهم يسبولى ايملاتهم على الياهو واللى كانو عارفين ايملى على الهوتميل هوهو على الياهو

يضفونى على ما ربنا يكرمنى وافتكر الباسورد او اعمل واحد جديد ...بس ياريت تسبولى الايملات فى تعليق

منفصل على المدونة ....

وايمل hams111981
دا مش ايملى دا ايمل واحد هرمونات الانوثه طاغيه عليه ومنتحل شخصيتى



وسلاااااااااااام
وسمعنى سلام كبير اوى ......شكراااااااااااااااااا