احم احم ..... عدنا للفرسه بعد العيد .... دا لو كان عيدنا اصلا ومبارك مكنش سمم بدنا
وحرق دمنا بزيارتة العظيم والعبقريه للسعودية علشان نشحتلنا باخرتين
وعلى عرض صفحتين من العدد الاسبوع اللى فات من اخبار اليوم ناشرين الزيارة
بتاعت مبارك فى السعوديه واد ايه العلاقات رائعه وفيها مودة بين الدولتين
وبناء عليه ملك السعودية اهدى لمبارك وللشعب الشحات باخرتين لسفر المدنى يعنى
اسمهم القاهره والرياض وعملو حورات واحتفلاليات لافتتاح الباخرتين دول
بزمتك مش قمة التخلف ... وكنا بدل ما نقرا الهبل دا كلو .... نقرا مثلا
وصول مبارك للسعودية لمناقشه مساله الطبيبين المصريين اللى اضربو بالجزمة ومفيش حد عبرهم
مثلا نقرا نزول مبارك للحجاج والاطمئنان عليهم بعد الاصابات اللى حصلت لمجموعه فيهم
لا طبعا مفيش حتى خبر فى الحوار دا كلو مكتوب على ورقه قذره يحسسنا ان فيه رجاله فى البلد
يعرفو يخدو حق اهليها لما يحصلهم حاجه... لالا ولا الهوى ....
وبعدين جه فى دماغى سؤال كدا هو سؤال هبولا اصلا .... هو مبارك ليه ما حجش؟؟؟
( اقراؤها صح حجش جيه من الحج مش تلغبطو الحروف وتتقرا جحش هه مش ناقصين )
اتقلى انه عمل عمره ... معرفش دا حقيقى ولا لاء ....
بس بقول يعنى بما ان هو فى السعوديه وفى موسم الحج يعنى ... ليه ما يحج
ويكفر عن زنوبة اللى مطفحها لينا دا
رجعت قلت يمكن مش حمل بهدله ... بس رجعت قلت عادى ممكن جوز شحوطه من اللى بيحرصوة
يشيلوه ويقومو بالمناسك ... كلنا بنشوف كدا ...
رجعت قلت تانى بما ان كلو ودان اهلينا ان صحته ميه ميه وقادر بقدرة قادر انه يحكم البلد
بكامل قواه العقليه وصحته الجامده ( ولو حد شك فى غير كدا اهو انتو عارفين هيحصلو ايه
ومش كلنا ابرهيم عيس يا حلوين )
المهم ... رجعت قلت فى بالى يمكن مستحرم الفلوس اللى لاممها من دم الشعب الغلبان دا
وقال مش هيتقبلى حج ... وانا فى عهدى المهبب حصل دا كلو ...
ولا يمكن من فرحته بنظام الشحاته اللى بقينا فيه دا ... والباخرتين نسى فرض ربنا
ولا يمكن يكون متاكد انه داخل الجنه حدف ...
ولا ميكونش عايز يعرفنا ان حالته الماديه ما تسمح يطلع سياحه ....
فمستنى يطلع تبع القرعه ....
ومش كدا وبس ... دا كمان اسمه ما نزل فى القرعه السنادى
لا حولا ولا قوة الا بالله .... مبارك طلع مظلوم فى الاخر
كل سنه وانتم طيبين باه
هناك ٦ تعليقات:
ليه بس بتظلموا الراجل
الراجل حج قبل كدة
و الراجل بيشتغل بفقه الأولويات
بذمتك ايه الأولى فى هذا الزمن ؟؟؟
يحج للمرة التانية و يبعزق فلوس الشعب ؟؟؟
و لا يخليه يراعى مصالحهم و يلم الفلوس اللى شعبه بيبعزقها يمين و شمال ؟؟؟
و بعدين هو اولى من الغريب
أمال ايه ؟؟
ده اسمه فقه !!!!!!!!!
متظلموش الراجل
هيلاقيها منين و لا منين بس ؟؟؟؟؟؟
تشاااااااااااو
كل عام و انتم الى الله اقرب
و على طاعته ادوم
د.حماس
السلام عليكم
كل سنه وانتى طيبه
هههههههههههههه
عارفه انا مش عارفه ليه اول
ما قرأت فى البوست انه كان فى السعوديه
جه فى دماغى سؤال ازحته عن تفكيرى سريعا
هو مبارك حج قبل كده
بس انتى جاوبتينى فى الاخر
نسال الله ان يولى علينا الصالحين
دمتى بحفظ الله
كل عيد و انتي طيبةيا بنوتي
بالنسبة لموضوع الشحاتة
ده وضع طبيعي جدا اتفرجي علي الشحاتين في العيد في كل مكان
فعادي ان رئيسنا يمشي علي نفس الطريق
كان زمان ممكن نقرأ خبر تصنيع باخرتين بالترسانة المصرية
دلوقتي اسهل نشحتهم بلا تصنيع بلا وجع قلب
اما موضوع الحج فدي حاجة بين العبد و ربه
و الحمدلله انه ما فكرش في الحج علشان لما يقابل رب كريم يبقي الحساب صافي
.
بصى بس عشان تعرفى انك مفتريه وبتعايبى على الراجل وانت متعرفيش ظروفه
لينا واحد طباخ فى قصر الرئاسه بيقول ان الريس كان بيرمرم فى الاكل فجاله أسهال قبل ما يروح السعوديه
وكل اما يجيى يحرم تحصله حاجات مش كويسه ابدا توسخ الهدوم البيضا وانت طبعا بنت وعارفه ان الابيض يبان فيه اى حاجه
قوم نصحوة بقى فى السعوديه يلغى الفكرة دى لحد ما بطنه تمسك شويه
حكايه الباخرتين دول بلاش بقى الحئد والتغينه اللى ماليه قلوبكم دى
احنا والسعوديين اخوات والمليان يكب على الفاضى واللى معاة يدى اللى ممعهوش ودة اسمه تكافل فى الاسلام
هما يدنوا مراكب كهنا تغرقنا
واحنا نديهم خيرة أهل مصر يستعبدوهم ويضربوهم بالكرابيج عشان متصديش عندهم
على الله تكونو فهمتو بقى
كل سنه وانت طيبه يا اختى
.
ازيك يا همس كيف حالك لعلك قضيتي عيدا سعيدا ..
بزمتك عايزاه يحج سيبيه يكتر ذنوبه امال مين اللي ها يدخل جهنم وينشوي ويقول يا دهوتي ..
سلام
كل سنة و انت طيبة
ما بني علي باطل فهو باطل
ازاي يحج بفلوس ملوثة ؟ لا يجوز
و بعدين هو حج قبل كده و فيه قرار من ولي الامر ان لا يجوز الحج الا كل 5 سنوات علشان كده الملك عبد الله ماحجش هو كمان
ثالثا ممكن يكون حج في ميدان الحجاز في مصر قبل ما يسافر علشان الزحمة و لدواعي الامن
و بعدين انتي مفقوعه من البواخر ليه
دول بدل الطبيبين اللي اتجلدوا
يعني اتنين قصاد اتنين
و بطلي بقي و خلينا نعيد
تحياتي
إرسال تعليق