الاثنين، مايو ٢٥، ٢٠٠٩

عاااااااايزة اتمرجح .... اه ونبى

رجعت يا جماعتنا من الكويت الشقيقه

وبصراحه انا كنت زهقت وعندى شويه حورات غم كدا

اللى خلتنى ابعد عن التدوين فى الفتره اللى فاتت واقفل المدونة كمان

عارفه ان فيه حد كاتم فى نفسه ويقول كنا مرتاحين
احب ارد واقلو مرتاحين فى عينكم ...
وقلت هاجى لصحابى نطلع ونروش مع بعض

الا وانا كل ما اتصل على حد

الاقى غرقان فى حزن وغم ..... يادى النيله

ولقيت معظم المدونين اصحابى بيمرو بفتره اكتئاب

وانا الصراحه مش ناقصه انا شبعانه منه وبفكر اصدره

فاتصلت بنهر الحب وكيكى وزهرة اننا نروح نطلع يوم نهوى على نفسنا كدا

ووافقو مبدايا.... نخليها يوووووووم فرررررررى يعنى

بس انا وكيكى علشان طقين شويه

بقلها تعالى نروح سنما نتفرج على فلم رعب اهو ننفس على الطاقه العدوانيه اللى جوانا

ولا اقلك نتفرج على فيلم عمر وسلمى تو

قالتلى مش كنتى قلتيلى على يوم دريم بارك

وعليها ....

قررنا نطلع يوم لدريم بارك نتمرجح

واتفقت معاها انى هعلن عنه للكل

بالرغم ان هيما فضل يقلى هو انا مخلف واحده هبولا ....

قصدى احنا لسه شبعنا منك دا انتى لسه يادوب بقالك اسبوع ... بس على مين انا عامله اعتصام

فككم وهتمرجح يعنى هتمرجح ....المهم

يعنى الدعوة مفتوحه للكل .... كبير صغير .... انشالله المتجوز يجيب المدام والعيال

بس اهم حاجه يفتكرونا فى السندوتشات وكدا يعنى

نطلع نتمرجح وركب الزحاليق ونفس عن نفسوينا فى اعماقنا المدفونة

المهم باه فى الموال دا .... ان فيه مشكله صغننه

بما ان انا مش من القاهرة وكيكى وراها امتحانات .... فعايزين حد متبرع ينظم اليوم دا


ويفضل يكون المتبرع فى قمة خنقته وكئابته علشان ينظم على حق وصح

ينوبكم ثواب حد يتطوع وينظم .... علشان انا والغلبانه كيكى .... نفسنا نتمرجح

اه ونبى ونبى ..... عايزة اتمرجح اند اتزحلق

وبعدين اللى هيتبرع وينظم هينظم مكان التجمع .... الميعاد .... واليوم

اه ياريت بلاش الاسبوع دا ولا الاسبوع اللى جى

علشان امتحانات كيكى .... وانا مشغوله الاسبوعين الجين دول

يعنى بعد عشر ايام كدا ....


عايزة همه يا جماعه .... ومن فرج مسلم عن اخيه كربه ربنا هيفرجها عنه يوم القيامه

وما اعظم تفريج الاكتئاب المركز اللى احنا فيه

وباعظم وسيله .... المراجيح


بجد انا عايزة اتمرجح .... عااااااااااااااااااااااااااااااااااا


مستيه الرد ....

صحيح كل واحد يجيب سندوتشاتو والعصاير وميه

واعملو حسابنا انا وكيكى علشان احنا اصحاب الفكره

اه محبش مجهودنا يروح على الفاضى

انا عن نفسى بحب الجنبه البيضه والشاى بحليب

بلاش برجر وكوفته وسجق .... انتو عارفين الخنازير قايمة بدور جبار دلوقتى

وياريت حد يتبرعلنا بتمن تذكرة الدخول .... تبرعو ولو بجنيه ...73 كيكى 73 همس


يلا العوافو عليكم .....



هناك ٢٢ تعليقًا:

أنت...وأنا يقول...

السلام عليكم
المدونه هذي كانت وين عني؟؟ انا بكره البني ادم دا ودعوه المرأه الي صورتها علي جنب اعتقد استجابت والله مو شماته لكن الواحد لازم يتقي الله لان بكرا جاي ومحمل مصايب
ان شاءالله تروحوا وتتمرجحوا وتنبسطوا لو انه مفيش بسط الايام دي
انا حمر كل شوي علي المدونه تبعك
ربنا يخلصكم

عاشقه الرومانسيه يقول...

سبحان الله
جايه اسئل عليكى
ولسه البوست ماظهرش عندى فى الريدر
ولقيت قدامى البوست الجديد
انا كمان عايزه اتمرجح
عاااااااااا
ماليش دعوه
انا رحت دريم بارك مرتين بس ايييييه تحفه تحفه
فعلا بتكلعى كل الاقه اللى جواكى فى الضحك والصراخ واى نوع من انواع التنفيس المشروع عن النفس
ان شاء الله يكون يوم لذيذ وتتبسطوا

اه نسيت اقولك
وحشتينى ياهموسه

Unknown يقول...

يا ستى حرام عليكى والله
دا انا كنت زعلان جدا منك لانى ماكنتش عارف اخش المدونه وكنت فاكرك طردتينا والله وكنت ناوى اخش على كل مدونه اسألهم عن واحده تايه اسمها همس وبعدين مش عارف اجيلك فين ولا اروحلك منين

دا انتى خنقتينى يا شيخه والله
انتى متعرفيش انا متغاظ اند مفروس منك اد ايه
بس حمدالله على السلامه يا ستى ومتبقيش تغيبى عننا تانى ولو هتغيبى سيبى المدونه مفتوحه
وبعدين يا ستى جايين وقت الامتحانات تتطلعوا رحله والست كيكى وراها امتحانات كمان كام يوم وفاضيه لرحلات
انا ممكن انظملك الرحله دى من منازلهم من بيتنا يعنى بس مطلعش معاكم بس هتدونا كام فى الليله دى شوفى بقى انا هارهق نفسى فى التفكير والتخطيط والتنظيم مع انهم اليومين دول بيقبضوا على اى حد تبع تنظيم
يعنى ارهاق وكمان بهدله والوقت اللى هيروح
اقل من ورقه ب73.65مش هاخد انا بقولك اهو

ونورتى يا ستى مدونتك
تعيشيلنا يا همس يا اختى

كيكى عوووووو يقول...

يابنتى الرقم الحساب دة غلط
الصح اهو090075
يااااااااااااااااااااااااااارب نلاقى حد كويس ينظم وفى الاخر ننصب عليه
!!!!
بس فى مشكلة معيش فلوس الايام ديه عشان انزل اشترى بنطلون
تبرعوا حتى لو بشورت!!
ام الحق اعمل تحديث عندى
عووووووووووو

نعكشة يقول...

نظرة بلهاء

كان بودي

بجد كان نفسي اروح و اتمرجح
جداً

حالص

بس عندي امتحانات شهر 9
و دروس كل يوم تقريبا
بما في ذلك الجمعة احيانا

يااااااااااااااااارب تكون رحلة سعيدة عليكوا

و تفرجوا عن نفسكوا
و يفرج ربنا عليكوا

سلام عليكِ

tarek momen يقول...

حمد لله علي السلامة
نورتي مصر المفروسة
انتي كنتي قافلة المدونة علي المشتركين بس و انا مش مشترك
هو الأشتراك بكام
المهم ان شاء الله تطلعي فسحة جمياة و تستمتعي بالمراجيح
تحياتي

غير معرف يقول...

عاااااااااااااااااااااا
كلهم عندك وعندى فاكرينا بنقول الى احنا هنطلع وخلاص بنقوللللللللللل
عايزين حد ينظملناااااااااا
ارقع بالصوووووووووووووووووت
عووووووووووووو

عاشقة القمر يقول...

حمدالله علي سلامه كويس انيك خرجت من الغم انا احسن روحوا ماجيك لاند انا زورتهما الاثنين قولنا احسن ماجيك لاند
كمانروحت سندبال
دي تذكرتها 5جنيه كل لعبها 5جنيه ام ماجيك لاند يابنتي تذكرها 40 جنيه
ياريت تروحي ماجيك لاند

همس الاحباب يقول...

يا نهار ابيض
هى البنت دى رجعت امتى
مش المدونة كانت مقفولة ومستريحيين من الفرسة
وبعدين جااااااى من الكويت تتمرجحى فى مصر
يا بنتى خليكى فى بلدكم واحنا هنبعتلكم المراجيح والحلزونة كماان لحد عندكم
عامة حمدلله على السلامة ونورتى مصر مع انها منورة بوجودى واحتمال تعمل قفلة قريب
عامة الفكرة جميلة بس خلصوا امتحانات واللى وراكم ونحدد يوم للتجمع والمراجيح
كل مرجيحة وانتى طيبة

همس يقول...

وعليكم السلام ورحمة الله وبركاته يا انت

اهلا وسهلا بيك يا انت


قدر الله وما شاء فعل

وربنا يهدى الجميع


والله ياريت كنتى معانا

بس هتمرجحلك سلف

تنورى

همس يقول...

ازيك يا عاشقه

انتى والله اللى وحشانى

يابختك روحتى مرتين

دا انا لو قلت من سنه تانيه كليه

بحاول اطلعها وكل مره ما يتمش الموضوع


وانتى تطلعى تتمرجحى مرتين

يا بختك

بس حاولى تيجى معانا

منورانى يا قمر

همس يقول...

اهلا اتهلا يا صاصا

والله ليك وحشه كبيره خالص

عيب عليك انا اقفلها في وشك


فينك واخبارك ايه والكليه

ربنا يوفئك فى الامتحانات

ياعم ناجلها على متخلص الامتحانات

منورنى

همس يقول...

بصى يا كيكى

احنا اخرنا فيلم رعب

محدش معبرنا ياختى

ما هو انتى لو طلبتى شراب كانو جم

انما انتى دخلالى على طمع

شورت



تعالى لما تخلصى ندخل رعب احسن

همس يقول...

خلاص يا نعكشه مستنينك تخلصى امتحانات

ونروح

ايه رايك معندكيش حجه اهو

منورانى

همس يقول...

الله يسلمك يا باباتى

ياريت تعمل حسابك تيجى معنا


منورنى ديما

همس يقول...

لا والله يا سميه من ناحيه الخروج لسه مخرجتش

دا بقى عشره والله


حاضر ربنا يسهل ونروح

منورانى

همس يقول...

يااااااه

تسلم يا رب يا ابو هموسه

يبقى نتكل على الله وعليك

وانت اللى تنظم الموضوع دا


الحقى يا كيكى ابو هموسه اللى هينظم


هى هى هى هى

وهنتمرجح وهنتمرجح

بذرة امل يقول...

وحشتينى وحشتيينى
حمد الله على سلامتك ياقمر
انتى النهاردة بتعبرى عن اللى جوايا
هو ليه كل الناس مودها بقى حزب واكتئاب ؟
بصى انا نفسى جداً اجى معاكى اليوم ياريت الظروف تسمح واجى إن شاء الله

mahasen saber يقول...

مليون حمدالله على السلامه

نورتى مصر من تانى

tarek momen يقول...

انتي يابنت انتي ازاي تروحي تتمرجحي من اسبوعين و مارجعتيش لغاية دلوقت طب مافيش مراجيح بعد كده عقابا ليكي
بنات اخر زمن
ومافيش تحياتي كمان

Unknown يقول...

ايه يا بنتى انتى سافرتى تانى ولا ايه
مفيش بوست من اسبوعين انزلى بقى
ياهاااااااااااااااااامس
يا هممممممممممممممممممممممسسس

Ranim Ayman يقول...

بصي أنا جيت متغير بس لوكنت جيت بدريكنت هوافق علي طول علشان أنا كمان نفسي أتمرجحححححححححححح جدااااااااااا يارب تكون تعليقاتي مازعجتكيش

تحياتي مبتسمة دائماااااا