الجمعة، يونيو ١٩، ٢٠٠٩

جواااااااااازى باااااااااااااطل ...( عايزة عريس سلف )

انصحكم نصيح لله ...ووالله ما بكدب فيها

مهما شوفتو حد عامل حاجه مش عجباكم ولا غلط ولا معصيه حتى

لا تلومو ولا تستغربو

كل اللى تعملوة تنصحو الشخص دا ... وتدعو ليه بالهدى والمغفره

وتدعو لنفسكم ان ربنا يعفكم ويبعد عنكم الموضوع اللى مش عاجبكم دا


ليه بقول النصيحه اللى ببلاش دى

اصلى كان ليا صديقه كان كل ما حد يكلمها فى ارتباط يبقى اصغر منها فى السن

وكان عندها استعداد والموضوع بالنسبه ليها عادى جدا

وكان تيجى تحكيلى كنت بعقدها فيه .... افضل اقلها ازاى تقبلى حد اصغر منك

يابنتى دا يعتبر عيل حتى لو اصغر منك بيوم

انتى متعرفيش العمر الزمنى للتفكير عند المراه اكبر من الرجل لو كانو فى نفس السن

دا حتى المثل بيقول الاكبر منك بيوم يعرف عنك بسنه

يعنى هتبقى فاهمه وعارفه عنه حاجه .... وهيبقى شاكله مش حلو

وكنت بفضل ورا البت لحد ما تتعقد والحمد لله والموضوع ما يتم


لحد ما انا اتحطيت فى موقف زى الزفت وربنا

انا مش عارفه الحكايه كل مادى بتلحوس معايا كدا ليه

الحكايه ان جالى عريس ....

وانتو عارفين لما يجلكم عريس عن طريق ناس وجواز الصالونات والكراسى دا خنقه وكدا

فضلت افقر فى الحكايه وارفض واحاول اطفشو

الا بابا وماما وانتو عارفين الاب والام فى المواقف اللى زى دى بيبقوا الفرحه مش سعياهم

ان خلاص بنتهم هتغور وهيرتاحو منها قصدى هيفرحو بيها

وبما انى فشلت فشل زريع انى اطفشو

وجبوه غصب عنى على اساس اشوف اقتنع

شوفتو قلت مش مرتاحه ومش عاجبنى .... هو اى نعم باين عليه طيب

واهلو ناس طيبين ومحترمين ...

بس كان عندى امل احب واتحب واجوز عن قصه حب وكدا

هبل صح ... عارفه بس قلت يمكن ربنا يستجبلى حاجه

المهم لحد كدا كويس

ومشو الناس وكانت امو عايزة تاخدنى وهيا ماشيه لدرجه انها جتلى اوضتى ومبسوطة

دا كلو وانا فى غايه الاستغراب مهما مش عارفين اللى فيها

اصلى مكنتش نطقت ال ايه فكرهم انى مكسوفه وانا فى الحقيقه مديلهم قفايا من خنقتى


ماشى كل الظروف مناسبه وماشى الحال بالرغم ان مش مرتاحه

قلت انا هصلى صلاة الاستخاره واللى يحصل يحصل

وبحاول اقنع نفسى باى طريقه .... والبيت متكهرب والنفسيه هباب

لحد ما جه السبب اللى خلانى اعلن الحرب على الكل

الا وهو انه طلع اصغر منى بسنتين ونص ....

اول ما سمعت كدا .... اتشليت اقلهم هو الاخ واهلو عارفين سنى كام

قلت لوسيط الهنا اللى جايبو .... يقولو اه

والراجل يقلو ... دى مش باين عليها سن خالص

واحنا تحت امركم فى اللى انتو عايزينو شقه وشبكة وعفش

وفضلو زن على ودان بابا

ويقلو ما الرسول عليه افضل الصلاة والسلام متجوز السيده خديجه وهيا اكبر منه

وانا اقلهم يا جماعه كان فيه علاقه شغل بين الرسول وخديجة وعلى الاساس دا لما لقه السيدة خديجه اللى اعجبها

فى الرسول من امانه واخلاق وحسه بالامان هيا اللى طلبه منه الزواج

انما انا كنت اعرفو اصلا وحتى لو عرفتو لا هو الرسول ولا انا خديجة علشان اطلبو للجواز

واستحاله هقبل

وانا دا كلو وانا الجنونه اشتغلت

وانا استحاله اقبل بالوضع دا واخد حد اصغر منى حتى لو ايه بالذى

وهما وبابا وكل اللى عارفين الموضوع مش شايفين الحكايه غريبه

ومرحبين بالموضوع اوى

وانا كل ما اسمع الكلام دا عفريت الدنيا تتنطط فى وشى وازعق

واعلى صوتى واتنرفز

وشويه اعيط ومكلمش حد ...

ولا فيه فايدة مع اى حد وكل ما بابا اصعب عليه ويلين شويه

حد يروح يقلو عادى واقبل ويضربولو امثله وقال الله وقاله الرسول

يجى يطلعهم عليا انا ويهزق فيا ويقلى انت كل موضوع قرفانى فيه

وشويه ياخدنى باللين ويقلى انا اب وعايز افرح وعايز اشوف عيالك قبل ما اموت

اى نعم انا فى مرحله العنوسه ...

بس معنديش قدره اتقبل باى شكل من الاشكال ان اخد حد اصغر منى ولو بيوم واحد

والدنيا ولعت فى الموضوع لحد ما بابا حلف عليا يجوزنى عافيا

وانا حلفت لو حصل اى حاجه عافيا .... اى نعم هو المحروس طيب وملهوش زنب

بس حلفت ان هطلعو عليه واخليه يكره ويلعن اليوم اللى طلع من بره بيبتهم


والمصيبه ان الكل محسسنى انى غريبه التفكير ورفضى واصرارى ومن المستحيل اوافق

ملهوش مبرر ولا منطق وانا مش وش نعمه

وانا نفسيا زفت ومش لاقيه حل علشان اول مره فى حياتى الاقى بابا بالعند دا معايا
زى ما تقولو فقد الامل في ان اتجوز وانا اقلو خلى عندك امل فى ربنا
طب انا زنبى ايه الكل يطفش ما عدا دا ويلزق اصبر يا بابا يمكن تفرج عااااااااااااااااااااا

بس صحيح هو انا اللى غريبه علشان برفض حد اصغر منى ولا كل اللى حوليا يغيظو علشان شايفنها عادى

ومبررهم الوحيد ان انا مش باين عليا سن .... اى منطق دا

انا مليش زنب ان جيه مسخوطة شويه ... كنت جايه ايام غلاء جابو منى حاجه بسيطة

اعمل ايه .... اكره نفسى ولا انتحر


بس الحمد لله فى اخر لحظة توصلت لحلين الاول

ان اعمل اعلان جواز فى المدونة .... معلشى يا جماعه انا مزنوقه فى عريس سلف

وعد يكون سلف .... ديتها اطفش بيه المرحوم باعتبار فيما بعد

وارجعو لاصحابو تانى .... وعد فعلا وعد

عارفه انكم نعمه الاصحاب ونعمه الوقفه فى المواقف اللى زى دى
التانى لو استندلتو فيا عايزة يوم الخطوبه تيجو البلد وكل واحد ماسك حاجه مولعه
ويقلو جوااااااااااااز همس باااااااااااااااطل
وانا هحاول ابلغ عن بابا

بجد انا نفسى ابطل عااااااااااااااااااااا دى

جالى جفاف من كتر الغم اللى انا فيه دا وربنا

قطيعه الجواز واللى عايزينو ....

هناك ٣٧ تعليقًا:

Unknown يقول...

يا ستى انا مش عارفلك حل صراحه بس واضح ان لسه نفسيتك مهزوزه
بس انا من رأيي انك تكلمى الحاج العريس ده ومادام هوه راجل محترم وطيب زى ما بتقولى اكيد هيتفهم موقفك
وانا مستعد اسلفك نفسى شويه بس انا عندى 18 سنه بس !!!!انفع؟؟؟ احنا تحت الخدمه يا باشا
وعلى فكره الرسول اتجوز السيده خديجه_ مش عائشه_ وهو اكبر منها بس ده مش مقياس

سماء يقول...

عايزة اقولك حلوة حكاية عريس سلف
هههههههه
وبعدين حكاية اصغر منى مش شايفاها مشكلة كبيرة يعنى الاهم التفاهم والارتياح

بس تيجى نقلب الموضوع لو حد حبك او انتى حبتية وكان اصغر منك وكان فية كل الصفات اللى انتى عايزاها هتعملى اية؟

سماء يقول...

حلوة حكاية عريس سلف

هههههههه

اما اصغر منى انا مش شايفاها عقبة الاهم الارتياح والتفاهم

وبعدين نيجى نقلب الموضوع لو شخص حبك اوانتى حبتية وكان اصغر منك ولاقيتى فية كل الصفات اللى انتى عايزاها هتعملى اية؟

ديالا يقول...

يانهار ابيض

يلا ياعيال

جواز همس من المحروس باااااااااااطل

باااااااااااااااطل

كده تمام ياقمر

احنا في الخدمه


انتي بس اؤمري

ولو عايزه نخطف العريس نخطفه برضه

بصي احنا معاكي في اي مخطط ارهابي

او نخطف بابكي برضه الي يريحك

وهننتظر مقترحاتك

ماشي ياقمر

بااطل
باااااااااااااطل

mahasen saber يقول...

همس صححى يا جميله انتى قصدك على السيده خديجه بس شكلك باللك فى السيده عائشه رضى الله عنهن جميعا
فصححيها عشان كاتبه الاسم ملخبط

اما موضوع فرق السن فانا شايفه انه لو انسان محترم وناضج فكريا ليه لا
متبقيش عبيطه وتقيمى الموضوع بالسن ياما فيه رجاله كبيره فى السن واعيل من العيال

ركزى كده واستهدى بالله لو هو راقى وناضج فكريا ليه لا

ربنا يرزقك بكل الخير
ويصلحلك حالك يا جميله

ahmed_k يقول...

هههههههههههههه جالك عريس
مبروووووووك فرحتلك يا شيخه
أوعي تنسي تدعيني في فرحك علشان اغنيلكم
هش هش يا ديك الفرخه دي مش ليك ههههه
يااااه وحتتجوزي يا همس عريس وأصغر منك كمان يا بختك بيضالك في القفص هههه
حلو برضو نفرح بيكي أنتي والمنتخب في يوم واحد هههههههههههههههه
خدي بقا الحبه الجد دول
أولا زوجة النبي عليه الصلاة والسلام اللي كانت اكبر منه سنا هي السيده خديجه بنت خويلد وليست عائشه رضي الله عنهما
ومصيبه لتكوني بتدرسي للعيال أنها كانت امنا عائشه اللي أكبر من النبي في السن وأنا أقووووووول التعليم ماله هههه
شرعا طبعا مفيش غعتراض على أن الزوج يكون أصغر من زوجته سنا لكن في العرف
وفي فسيوليجية تكوين المرأه والرجل
وكون الرجل أصغر سنا من زوجته يتعارض معهما
فالحياه بينهما بتكون فيها نوع من صعوبة التفاهم فالطبيعي أن المرأه تبحث عن الرجل الذي يحتويها وليست تحتويه هي حتى تشعر معه بالأمان والحكمه والعقل الذي تحتاج اليه في كثير من الأمور
وثانيا التكوين الطبيعي للمرأه جعلها تصل لمرحلة تسمى بمرحلة اليأس
أو سن اليأس قبل الرجل , فهذه السن عند المرأه تقريبا في سن 45 وعند الرجل تقريبا في سن 60
فالرجل متأخر في سن اليأس عن المرأه
لذلك يكون فارق السن لصالح الرجل مطلوب لتضييق تلك الفجوه
وإلا سوف يترتب عليها آثار لا يعلمها إلا الله فقد يلجأ الصالح من الرجال إلى الزواج بأخرى أو يلجأ غير الصالح أو غير القادر إلى طرق محرمه لإشباع رغباته التي قد لا توفيها له زوجته الأكبر منه سنا
مما سبق فمشاكل الزواج برجل أكبر من المرأة سنا تظهر في الشباب في الناحيه العقليه وفي السن المتقدم في الناحيه العاطفيه
أنا أعرف واحد تقدم لخطبة فتاه أصغر منه بثمانية أشهر وأهلها رفضوه لأنها في نظرهم أكبر منه
يث أنهم أرتأوا أن الفارق بينهما أضأل من أن يكتب لزيجتهم النجاح
طبعا هناك أحوال بتنجح فيها مثل تلك الزيجات ولكنها تعتمد على التنازلات التي يقدما أطراف تلك الزيجه ومدى قابليتهم لتقديم تلك التنازلات

وفي الأول والأخير تلك الأمور نصيب
فأستخيري الله وكرري الإستخاره كثيرا
وتخيري أوقات إجابة الدعاء لفعلها
ولن يخذلك الله أبدا
فإن كان خيرا لكي سيريح قلبك
وإن كان شرا سيبعده عنكي

قدر الله لكي الخير عاجله وآجله

في أمان الله

كلام فارغ اوى يقول...

هههههههههههههههههه
بجد اسلوبك في حكايه المصيبه اللى انتى فيها اسلوب حلو جدا
بالرغم من انك فعلا في زنقه
عندى ليكي حل كلمي العريس وقوليله انا رافضه انى اتجوز واحد اصغر منى وخلاص
هوه لو عنده زوق هيبعد ماهو مش معقول هيتجوز واحده رافضاه
اما مساله العريس ده مقدرش افيدك فيه بصراحه
كنت جبته لنفسي ياختى
ربنا معاكى وابقى طمنينا عملتى ايه

Mafrousa يقول...

قبل ما اكمل الموضوع
الرسول عليه افضل الصلاة و السلام
السيدة خديجة هيه اللى كانت اكبر منه مش عائشة
حروح اكمل الموضوع بقا
تحياتي
ليكي عذرك انتى متلخبطة

abdo يقول...

ربنا يتم عليكى بخير بس صلى صلاة الاستخارة أكتر من مرة وادعى ربنا بالخير

استدراك : السيدة خديجة وليست السيدة عائشة اللى كانت أكبر من النبى صلى الله عليه وسلم

عبدالله يقول...

:) رايقه بجد
انا شايف بجد رفضك مبني علي اسباب ضعيفه شويه انتي بس مش عاوزه شكلك يبقي وحش قدام نفسك علشان كنتي بتتريقي علي الفكره نفسها قبل كده نصيحه بجد انسي موضوع فرق السن خليكي مع العقل و الشخصيه ان كانوا فعلا كويسين يبقي السن مش هيفرق كتير سيبي الافكار الهدامه دي :) تاني حاجه دخلتي في سن العنوسه ليه سنك كام وخلاص نزلوا السن رسمي يعني وانا معرفش ولا ايه

اما بالنسبه للعريس السلف مفيش مشاكل دي اسهل حاجه لو خلاص يعني انتي متاكده وانك بكامل قواكي العقليه ابعتييلي المواصافات هبعتهولك ديلفري علي طول وادام سلف مش مشكله مش هاخد منك بدل انتقال وتأجير :)

تحياتي

غير معرف يقول...

على فكره بيكون فيه ناس كبيرة و عقلها صغير و ناس صغيره و عقلها يوزن بلد مش شرط علشان يكون اصغر منك هتكون دماغك اكبر منه ممكن واحد اكبر منك و يطلع عينك و دماغه تبقى صغيره و معقد فالموضوع مش بالسن بصي اعملي استخاره و ممكن يكون كويس و ابن حلال اه هتمي قبليه 50 سنه و هو هيبقى لسه حاجه و اربعين بس لا لو هو كويس عمره ما هيحسسك انو اكبر منك هيحسسك انك بنتو الصغيره دلعوته كده يعني:)
اه و السيده خديجه هي اللي كانت اكبر من الرسول السيده عائشه الرسول اتجوزها و هي عندها 9 سنين:)
اعملي استخاره و ربنا يوفقك للي يحبه و يرضهولك

عاشقه الرومانسيه يقول...

اتجوزيه يابت ياهمس
وطلعى تيت اهله
علشان باباكى يرتاح
واعمل فيلم المرأه والساطور الجزء التانى
ههههههههههههههههه
انا لسه مقرى فتحتى امبارح
تاخدى خطيبى؟
والله ما يغلى عليكى ده انتى حبيبتى
اه بس ترجعيه تانى
انتى قلتى انه سلف
(:
ربنا يسعدك ويرزقك بانسان تعيشى معاه اجمل قصه حب

همس الاحباب يقول...

ههههههههه
ههههههه
بجد بجد شكلك تحفة
اللهم لا شماتة
بس ذنوب ناس بطلعها ناس والعريس امه داعية عليه يوم الخميس بعد صلاة الجمعة
هههههههه
بجد عندى هستريا من الضحك مش عارف ليه
انا على نفسى هيجى الخطوبة
وماسك شمعة واقوول جواز همس من عتريس جائز شرعا
هههههه
مبروك عليكى يا عروسة
ملحوظة فى خطا مطبعى فى البوست
سيدنا محمد اتجوز السيدة خديجة اكبر منه مش السيدة عائشة
تحياتى

همس يقول...

لا يا صاصا اذا كانت على النفسية دى مش مهزوزة بس لا دى بقت بتتمرجح يا صاصا

وبعدين يا صاصا تسلم على سنك انت باه تعتبر فى مقام ابنى


وشوفت جبولى حول بدل ما اقول خديجة قلت عائشة

عااااااااااا

همس يقول...

بصى يا اسماء

انا اصلا مبديش نفسى فرصه اعرف حد اصغر منى على اساس ارتباط

الحمد لله ربنا مدينى مناعه من الموضوع دا ويارب يدمها عليا

بس لو جاريتك فى الكلام وكان بنا قصه لللللللف

ممكن اتنيل واتجوز

بس فى الواقع مفيش اقبلو ليه باه

بزمتك مش حاجه تخنق

منورانى يا سمسمة

همس يقول...

ديالا

وربنا موتينى من الضحك

تسلميلى يارب

ايوا كدا


بلاش تخطفو بابا

اخطفوه اهو .... اه ونبى ينوبك ثواب

عااااااااااااااا

منوره يا عسل

همس يقول...

حاضر يا محاسن

ما انا قلت جبلى حول من اول مره

امال هيجرالى ايه بعد كدا



اما بالنسبه ان ما اقيم الموضوع على اساس السن

فدا صعب اوى على الاقل بالنسبه ليا


ودا مبدا من زماااااااااان اوى رفضاه

وصعب جدا اتقبلو

تركيب شخصيتى كدا

خلقت ربنا يا محاسن

همس يقول...

جزاك الله خيرا يا عم احمد

على الشرح المفصل دا

واظن ان رايك بيوافقنى برضو


ونتيجه لذلك هتغاضى عن التريقه اللى فى الاول

شاطر يا احمد

وبعدين حاضر قلنا جالنا حول هو فرح

سلامات يا احمد

همس يقول...

والله جيت فى دماغى الفكره دى

بس انا عارفه نفسى

لسانى متبرى منى وهتريق عليه

فبابا هيولع فيا


اما بالنسبه عملت ايه

عملت اضرااااااااب

ويارب ينجح


وبعدين ياستى ربنا يقدرنى واجبلك انا

اكيد هتفرج يا كلام

منورانى

همس يقول...

ياااااه يا مفروسة

انتى الوحيده اللى قدرتى لغبطتى

مش ليا حق ونبى

تسلميلى يارب

منورانى

همس يقول...

صلى انت كمان يا عبدو

واديعلى يتزحلق بعيد عنى

نحن اخوه فى الاسلام

منورنى يا عبده

همس يقول...

ربنا ما يوريك الروقان اللى انا فيه يا عبدالله

اعمل ايه مخنوقة من الحوار دا قلت ادخل اديها طراوة فى مدونتى ما هيا اللى حامله همى وبتستحملنى باه



ونصيحتك اللى بجد دى مش عارفه اعمل بيها

صعبه اوى


انما بالنسبه لسن العنوسة طبعا نزلوة من زمان

يعنى من زمان الواحده لو وصلت 15 سنه تبقى عانس

بعد كدا قدموها 20 سنه عانس

بعد كدا 25 سنه تبقى عانس

بعد كدا 30 سنه بقت عانس وبالثلث كمان


ما انت عارف غلو اسعار باه

وكل سنه وانت طيب


انما بخصوص العريس

لا انا انصحك تولع حاجه وتيجى تقول بااااااااطل

يبقى كتر خيرك اوى

منور يا عبدالله

همس يقول...

يا غير معروف انا فعلا بالرغم من دا كلو عملت استخاره بس بصراحه من قبل ما اعرف سنو

وبعدين انا مش هرفض واحد صغير سنا

علشان اخد واحد كبير سنا بس اهبل


يعنى الحكايه مقفلتش اوى كدا


لينا عقل نختار على اساسه وقلب نرتحاح لختياره


فمنورنى يا غير معروف

همس يقول...

الف الف مبروك يا عااااااااشقه

عقبال الجواز يارب

منورانى ديما


وفعلا انا حاطة فى دماغى لو الموضوع اتقلب جد فعلا انا لها يا بنات

وهخليه يكره نفسو ويعتزل الحياه كلها


منورانى يا قمر

همس يقول...

مبشوفكش يا ابو همس الا لما يبقى فيه موضوع يغظنى تدخل تكمل عليا

وتتريق

بس اصبر هفوق من الحول دا

واروقلك صحيح

وانا قلت نصيحه بلاش تلوم ولا تشمت

اعمل فيك ايه

شمتان فيا اوى كدا

وربنا لما افوق

وان شاء الله هيطفش



منونى وافتكر ان عنك بنت على اسمى

يااااااارب

ولا بلاش

أحــوال الهـوي يقول...

يا خوفي يا بدران ان الحكايه ما تبقاش سلف
و تطمعي في الزبون و ما ترجعيهوش
طب ايه اللي يضمن
تحطي عليه رهن لصحابهو ترجع الفوالرغ بعد المهمه ما تنتهي

يا ستنا انت بتفكريني باللي بيقول خلقنا لنعترض

يا شيخه اتجوزي خلينا نرتاح من فرستيك و لعلمك الراجل مهما كبر بيحب يبقي صغنن و مراته تدلعه و دي فرصتك تدلعه النونوس
اقبلي علشان مصر

تحياتي

الميكروباص يقول...

انتي لست في مرحلة العنوسه
لأن كل واحد وهايجيله السن اللي هايتجوز فيه
عندي في العمل مطلقات وعندهم 19 سنه
وانا شخصيا لسه حاضر فرح اخت واحد صاحبي عندها 38 سنه والعريس كان 42 سنه
يعني مفيش مقياس حاليا للزواج
أي سن الناس بتتجوز
انا عن ان العريس يكون اصغر منا لعروسه
انا من الناس الرافضين لهذا المبدأ
ولكن كوني على ثقه انك لو كنتي عوزاه كنتي قبلتي به ولو كان اصغر منك ب 5 سنين
لكن رفضك ليس بسبب سنه
رفضك له لأنك لا تريديه ليس اكثر

هذا ما اعتقده والله اعلم

همس يقول...

ايه يا هوا

هو انا عامله اعلان على عريس سلف ولا على ازازة بيبسى

وبعدين علشان خاطر كلمة النونوس دى

وربنا مهقبل

انا اللى جبتو لنفسى

بسيح لنفسى وجيبه ليها التريقه

ماشى ماشى

ليكم يوم تتزنقو فيه ومش هبطل تريقه

اصبرو عليا

منور

همس يقول...

اهلا يا لورنس

اظن اعتقادك مش فى محلو

زى ما انت من الرافضين ان العريس يكون اصغر من العروسه

انا برضو من الرافضين ليه وبشده

دا انا بقلك كنت بعقد واحده صحبتى فى الموضوع دا وكنت برفض اختيارها

اروح انا اعمل اللى كنت رفضاه


مش معقول يعنى



فربنا يسترها مع الكل

منورنى يا لورنس

غير معرف يقول...

عاوزه عريس من غير أعلان أنا موجود وممكن أساعدك بس هتدفعي كام فى اليوم الواحد علشان أعمل حسابي وانا أخلك من العريس الجديد خالص لو تحبي

مش مهم الأنسان يكون كبير ولا صغير المهم أن يكون يعرف ربنا ويراعي ربنا فيكي علشان تعيشي حياة مرتاحة
في ناس كتير بتفكر زيك وفي الأخر بيكون النتيجة الفشل يعني قصدى مش مقياس كبر السن أو الصغر

زوجه مجروحه يقول...

يالهوى
اصغر منك بسنتين ونص كمان
يعنى لو سنتين بس كنا قلنا ماشى هههههههههه
على العموم يا ستى انا مستعده اسلفك جوزى بلا رجعه
وهاكتبلك عقد فيه شرط جزائى انك مترجعيهوش تانى
مش عايزاه يا ناس
وممكن تاخدى الولاد كمان بس دول يرجعوا تانى لو سمحتى

Ranim Ayman يقول...

عندكككككككككككك حق يا همس مينفعش واحده تتجوز واحد أصغر منها هو أصلا الواحد أزاي يقبل يتجوز واحده أكبرمنه وتبقي عرفه أكترمنه 2 ونصف و تعلمت فيهم حاجات كتير لا طبعاعندك حق بس للأسف عريس سلفمفيش هجيب من أين أنا معنديش أخوات ولاد كبار ولا صغيرين ولا عندي عريس لاختي أصلا معنديشششششششش بسممكن نجي نشجع جواز همس من العريسسسسسس باطل باطل ههههههههههههه أنا معنديش مشكله بس قولي أنتي علي الخطه

hema يقول...

يعني كنت بعمل جوجل علي موضوع الجواز لقيت مقاله معاليكي طالعالي علي صفحه الجوجل
يعني اللي فهمته علي قد فهمي اللي علي قدي وانا قدي مش كبير يعني
ان اللي خنقكك في الموضوع اكتر حاجه انو جواز صالونات
مش عارف اقولك ايه بس يعني الناس هتتقندل تعرف بعض منين ويتجوزو ازاي
ما انا عندي 28 سنه وبقالي سنه مش لاقي واحده اتجوزها عليان رافضت حكايه الصالونات دي ومش لاقي في الشغل بنات عايزين يتنيلو كلهم متجوزين ومخلفين ومعندهمش اخوات انسات
عموما النهارده انا بصيت لموضوع الصالونات من وجهه نظر تانيه وقولت للمعارف ان اللي هيقولي عنده عروسه هاروح واشوفها
معرفش ازاي هقدر في ساعتين اقرر ان الانسانه دي تبقي خطيبتي بعدها باسبوع ولا لا
لما اعرف هاقولك
بس بلاش تهاجمي موضوع الصالونا لحد لما اتاكد واقولك
سلام
دعواتك
ابراهيم البدري
hema445@hotmail.com

اهلا ومرحبا يقول...

السلام عليكم ورحمة الله وبركاته
الأخت همس
اسعد الله اوقاتك بخير
واعانك الله على الشتاء واستعدي للربيع بعون الله
شدتني طريقة كتابتك بشكل غير مسبوق
انا طبيب فلسطيني من غزة
وقد حضرت للقاهرة من ايام معدودة
وبخاطري يجول السؤال الذي انتظر جوابه
هلا تقابلنا وتحدثنا عن كثير من المواضيع
ارجو ان تفيضي علي بجزء من وقتك خلال الأيام الجاية قبل ان اغادر
وسأكون لك من الشاكرين
ورقمي للتواصل
0148967020

غير معرف يقول...

بصى من غير كلام كتير انا متجوز وعندى 42 سنة ومستعد اتجوزك فورا بس بشرط تكونى مش تخينة وبيضاء وحلوة
لو عاوزانى ابعتيلى رسالة على الايميل
khaled_alewa@hotmail.com

محتاره يقول...

الف شكر على المدونه كانك بتكلمنى بالظبط
على العموم
مدونتى اهى
اسمها انا عايزه عريس

www.ayzaarees.blogspot.com

غير معرف يقول...

انتى زى العسل ودمك خفيف موت بس انا منفعش سلف يا علطول يا بلاش انا لزقةةةةةةةةةةةةة يا ريت لو نتعرف انا مصطفى 29 اعزب اداب انجليزى مندوب مبيعات فى شركة كبيرة جدا
lostmostafa@yahoo.com
lostmostafa@hotmail.com
0107078535
0123110166