الاثنين، يناير ٢٥، ٢٠١٠

افاقتنى ...اصل الهووووووووووو

بعد ان اجبرت نفسى على البيات الشتوى الذى اتمنى دوامه

وقتلت صوابعى اللى تتشك على النقر والتفعيص فى الكيب

وطرشت ودانى من سماع الاخبار

***من اول الجدار بتاع فلسطين وصحبتى الفلسطنيه مبسوطة لاول مره بحاجه مصر عملتها

وبتاكدلى ان دا بيفيدهم جدااا

***غير الشلل الوزارى قصدى التعديل اللى زى قلته ونضيف لسه بينضف على البلد

***وعن فتوى بتقول تحريم لبيت المال من التدخل فى مد المساعده للشباب فى

تزويجهم وإنهم بيعفهم وأقرت أن دا حررررررررررررررررررررررررررام

*** وعن زيارة الدلعدى مبارك لكفر الشيخ وولاد الكلب اللى قصاده محسسنى ان كل شئ فل الفل

يادى المصيبه كنت فاكره انى مش واخد بالى واضبشت واسنجيت من الاخبار دى


الا وفجاءة قدام سلالم بتنا وفى ايدى الشرشوبة

ومعصبه راسى ومشمره رجل بنطلون التيرنج والتانيه كسلانه

واذا بى اخرج من غيبوبتى وبياتى الشتوى على صوت من تكوتك بيقول اصل الهوووووو

مصاحب صوت طبله وشوية صاجات

وأنا ودماغى الف كلبه اعرف اصل الهوووووووو ايه ؟؟؟

لكن للاسف ما لحقت اعرف

عااااااااااااااااااااااااااااااااا

بس فضلت افكر وانا بعصر فى الشرشوبة بتاعت المسيح وبفتكر فيلم بتاع شاديه ومسلسل اثار الحكيم

ايه يا بنت يا همس اصل الهوووووووو ؟؟؟؟؟

اصل الهوووو يبقى الكلب

ولا اصل الهوووووووو يبقى القطة اللى بتخلى الكلب يقول هوووووووو

الله يخليكم لو حد سمع اغنيه اصل الهوووووووو يقولى مين اللى كتبها وكلمتها ايه ؟؟؟

او يقولى فعلا اصل الهوووووووووو ايه؟؟؟

سيبكم من دا كلووووووووووووووو

انا اصلا دخله اقولكم

اقول ايه يا بت يا همس؟؟
اقول ايه يا بت يا همووووووووووسه

اه

اااااااااااااااه

وحشتونى جداااااااااااااااااااااااا

اخباركم ايه؟؟؟

بجد حد عارف اصل الهووووووووو ايه ؟؟؟




هناك ١٤ تعليقًا:

Mafrousa يقول...

ههههههههههههههههه
لأ

ازيك يا متغاظة هانم

Unknown يقول...

ازيك يا قمر انتى كمان وحشانى جدا جدا
والله ونفسى اشوفك لولا ان الظروف ملخبطة جدا دعواتك لى

Unknown يقول...

لالالالالالالالالالالالالالالا
مش ممكن يا جماعة والله مش مصدق نفسى
اختى مفروسة رجعت تانى
عاااااااااااااااا
اعيط من الفرحة
يا ستى ليه الغيبة الطويلة جى والله انا ماكنتش بخش المدونات الا عشانك من ساعات ما بطلت تدوين وفجأة الاقيك انقطعتى كده من غير لا احم ولا دستور ولا حتى المصرى اليوم
عيب يا همس عيب
سيبك انتى وحشتنى المانجة الساقعة بتاعتك ...مبارك على العودة..ولا بلاش مبارك دى عشان مش حلة على المدونة
مبروك على العودة ويا رب ما نقطع

زهرة الجنة يقول...

مهما بغيب
برجع بلاقيكي زي ما انتي
مش اتغيرتي
بجد وحشتيني جداااااااااااااااااا
دعواتك بقي عندي مصايب متلتله
الحمدلله علي كل حال

كريم يقول...

اهلا بيكى ياصاحبة مدونة مصرية متغاظة بحييكى على هذا التفاؤال الجميل وع فكرة كويس اوى ان فيه بنات زيك بيعرفوا فى احوال هذا الوطن المطحون والكى تحياتى انا كريم صاحب مدونة غيبوبة جنون http://ghyboba.blogspot.com/

Abd-Alrahman يقول...

ههههههههههه
ازيك يا هموسة

اكيد مش فاكراني
بس انا فاكر بقي

اولا دونتك وحشتني اوي اوي
وانتي كمان

هههههههههههههههه
كنت هموت من الضحك وانا بقرا البوست بتاعك
هههههههههه
يا ستي متركزيش لو ركزتي مع كل الاغاني هتتعبي
دة في اغنية اسمها العو دلوقتي
هههههههه
اي كلام في البطيخ

ياعم نسيتنا ولا بتزورنا ولا سؤال ولا تعليق

ماشي يراحتك

تحياتي
الصيدلي المطحون

Abd-Alrahman يقول...

انا كنت عايز اقولك علي حاجة ومش عارف اوصلك
بس تمام انك عاملة التعليقات مخفية
انتي فين بقي
ولا بتفتحي ايميلك
ولا رقم من موبايلاتك
شغالة
الاتنين مقفولين
اعملك اية بقي عشان اوصلك

ولا انت الي عايز تبعد عن الناس ولا اية ؟

والنبي تلاقيكي ولا فاكراني اساسا

عموما يعني لو لو افتكرتيني
ابقي ضيفي ميلي تاني

am_online5@yahoo.com
0163453345
ودة رقمي هوة كان معاكي بس مش عارف بقي هتكوني ندلة ومسحتيه ولا لسة مخليها عندك
مع اني لسة عاين ارقامك المقفولة دايما

غير معرف يقول...

يابنتى حرام عليكى الموضوع حمض من كتر الركنة فى المدونة رحتو فاحت

tarek momen يقول...

انتي رحتي فين
لعل المانع خير
بس طمنينا عليكي
تحياتي

ahmed_k يقول...

لا والله يا أختي
ويا ترى عرفتي أصل الهووووو ده ايه ولا لسه ؟؟؟؟

وفينك من زمان ؟؟؟
طمنينا عليكي

حكيم النيل يقول...

بصى يا ستى
اللى تسمعيه من التوكتوك ماتفكريش كتير فيه خصوصا بعد ما الموسيقى عندنا تطورت لمراحل سبقت كل العالم واحنا دلوقتى بقى عندنا والحمدلله ابوالليف واللى انيل منه كمان.
اما ايه اللى كان بيتقال فى "الاغنيه" دا ممكن تعمليه مسابقة فى المدونه . وانا اللى هاجيب الجوايز
:-)
بالمناسبة انا كتبت تعليقات كتير ولا لقيت مانجه ساقعه ولا حتى شيح.ايه الحكايه؟!

الميكروباص يقول...

طويله الغيبه
لعل المانع خير

ahmed_k يقول...
أزال المؤلف هذا التعليق.
ahmed_k يقول...
أزال المؤلف هذا التعليق.