الاثنين، أغسطس ٣٠، ٢٠١٠

غيت وجيت... حد حسه بحاجه

وحشتونى جداااااااااا
اى نعم مش كلكم وحشتونى لسبب بسيط جدا ان لسه شايفه بعضا منكم فى لقاء بتاع اول امبارح
فمشغلانة يعنى كل ما ادخل اقلكم وحشتونى
شوفت ناس كتير لذيذ طبعا كيكى وزهرة ونهر وهمس الاحباب وفاتيما
ورودى وبنت اخت جوزها اللى ربنا ما عتقها من تحت لسانى رخمة عليها رخامة بشكل
ومش عارفه استحملتنى ليه غريبه البنت دى اوى والاكادة طلبت رقم تلفونى مش بقلكم انا لذيذة هع هع هع هع
عموما برضو وحشتونى جدا وما تسالونى انا غطسانه فين عشان مش عارفه اصلا انا فين
اظاهر تهت وبسطعبت
وقلت استغلكم شوية بما اننا فى ايام مفترجه
ترشقونى شوية دعوات ان رينا يهدينى ويرضا عنى
مش هسامح اللى مش هيدعيلى وكل اللى يدخل يكتب اللى دعهولى فعلا
اصل بجد محتاجه دعواتكم
صحيح فيه سؤال
ليه غيرو الربع جنيه الكبير اللى فيه شباك من النص بربع جنيه صغنن
على الله الاقى اجابه مقنعه
كل سنه وانتم طيبين

هناك ١١ تعليقًا:

كــركــبــة دمـــاغ ㋡ يقول...

انا مبسوووووطه جداً اني اتعرفت عليكي انتي وكيكي ودعاء

انتو التلاته بجد ضحكتوووني جداً

حصلي الشرف والله بمعرفتك

وربنا يجمعنا عـ الخير دايماً يارب

وماكنتش عارفه انتي مين في التدوين لحد اما لقيتك اهو

حمد لله على سلامتك

ووحشتينا من اول امبارح لحد دلوقتي

وفرحانه حقيقي اني شوفتك وجهاً لوجه


ومعلش بقى عشان انا ما كلتش والحكايه دي

tarek momen يقول...

ايوة طبعا افتقدناكي
وانبسطت لما لقيت لك بوست جديد اهو الواحد يطمن انك بخير
رمضان كريم و كل سنة و انتي طيبة

زهرة الجنة يقول...

اهلا انت جيتي
تعرفي لولا اني مكنش فايقة اليوم ده كنت بجد قضينا وقت كويس
الحمدلله

دي تالت مرة اسمع منك حكاية الربع جنيه ده
هو في ايه؟؟؟

мαησηα يقول...

كل سنة وانتى طيبة ومعانا يا همس

بجد سعدت جداااا بيكى ومبسوطة

بكلامك اوى اللى كتبتيه ف الاسكتش :)

هادعيلك حاضر باذن الله يا حبى

فاتيما يقول...

ازيك يا متغاظة

انتى نورتينا
خسيتى ليه كدا يا بنتى انتى كمان ملحقتش اسألك عشان خدتينى على مشمى
و سألتنى انا خسيت ليه كدا ؟!!!

و بعتييييين بأأأه ؟


طيب

انتى عملتى للترابيزة بتاعتنا حس و حركات
انتى و كيكى عوووو الشقاوة

متغبيش علينا كدا
و تعالى خدى بحسنا يا هموسة


بالنوسبة لموضوع الربع جنيه المفروم على رأى يوسف ابنى ...
فنا زعلانة جدا عليه الصراحة
و كل ما حد يدهولى اروح شيلاه ف حصالة يوسف للذكرى
اكمنه هيتلاشى قريبا ف الوبا
من غير ما نعرف
عملوه ليه
و لغوه ليه

بس غالبا بيلغوه
تمهيداً لألغاء عملة الربع جنيه دى من الحياة اليومية المصرية
و نبقى بتعامل من اول خمسين قرش و انتى طالعة توطئة الى وقف التعامل بالفكة خالص ثم التعامل بالكريدتس كارد و خلصنا ...
دا تحليلى ف القضية الصراحة


كل سنة و انتى طيبة
و معانا يا حبيبتى

حمدلله ع السلامة

Sameh Ezzat - (خواطر خاطر) يقول...

كان لقاء جميل والناس اللي انا شوفتها واتعرفت عليها ناس جميله لكن لسوء الحظ انتي مش منهم
يالله الجيات اكتر

اقصوصه يقول...

اهلا بعودتك :)

رمضان كريم :)

Unknown يقول...

لا والله بجد أنا زعلان ومتضايق منك
أفضلى غيبى وتعالى فى سكات كده ولا بتردى علينا
يا أختى كده مش هينفع أعملى حساب للعيش والمانجة
يعنى حتى الناس اللى بطلت تدوين فيه وسيلة بنتواصل بيها كلنا فيس بوك أو تويتر أو غيره
أو خشى كل شهر المدونة وبصى علينا

عاشقه الرومانسيه يقول...

همس انتى فين بجد؟
وحشتينى
نفسى اشوفك يابنوته انتى
تقدرى تيجى اسكندريه؟
عندنا لقاء نحفه اول شهر اكتوبر 2 اكتوبر تحيدا
اتمنى لو تقدرى تحضرى


ملحوظه
وقت نشر البوست ده كنت انا منقطعه عن التدوين علشان كده التعليق متاخر قوى
بس فى كل الاحوال وحشتينى موووووووت

كل سنه وانتى طيبه ياقمر

ahmed_k يقول...

هههههههه غيوا الربع جنيه القديم علشان العيال كانوا بيجمعوه ويربطوا كذا ربع جنيه في بعض بخيط ويلعبوا بيه
وطبعا العيال المفروض تذاكر متلعبش
فغيرون بربع جنيه ميتشافش أصلا وبيقع من الجيوب للسبب ده ،

وبما اني من الناس اللي محضروش لقاء المستشفى فحعتبر نفسي من اللي وحشوكي
وحقولك انتي كمان وحشتينا جدا ☺

ودعيتلك بدعوه كبيره أوي بس مش حقولك عليها ... بس خير طبعا ☻
وكل عام وانتم بخير وعيدك سعيد

Unknown يقول...

لا بقى هو ينف كل شوية تخشى وتمشى كده
أنا أحتج وأشجب وأدين
ومش شارب المانجة