اللهى تنحرق الحكومة باللى فيها يجاز .... يعنى مجلس الشورى ينحرق كدا بسهوله
والله العظيم لو شوية ستات بشوية حلل من الترعه اللى فى بلدنا كانو طفوها ....
و يقولو عربيات مطافى بالهبل وطيارات ..... بيطفو فيها يجى ست ساعات
وكأنهم بيتفاخرو بالعدد وكانه بيدل على الإمكانيات بتاعتهم ..... وربنا دا يدل على
أن الحكومة دى يا دوب تدير حضانه رضع .... وكل وزير يمسكلو عيل يرضعوا
يعنى ايه مبنى مهم ويعتبر السلطه التشريعيه فى البلد يتحرق بالمنظر دا وميعرفوش يسيطرو عليه
يعنى خلاص مفيش جهاز انذار ....وكلو ودانا ويقلك
وال ايه حكومة إلكترونيه ..... دى حكومة متخلفه .... دى حكومة جردلية ....
واللى يفقع على الأعداد دى كلها أنى ما شوف فى التلفزيون إلا واحد بخرطوم بيطفى وياريت
بيطفى فى الحريق لا دا بيرش ميه على الدور التانى بعيد عن النار ....
وفيه مسئول كان بيتكلم ويقول أن عساكر المطافى غير مدربين على الإطفاء فى الأوضاع دى
كان هاين عليا أجيب جردل واطسه على دماغه .... وأقلو حضرتك مشلول ...
يعنى إيه.... غير مدربين.... بتطفحو فلوس ونهبين البلد ...علشان تولعو فيها ولا إيه
أمال شغلتهم ايه ....
دا مبنى من تلت ادوار ومش عارفين يطفوه ....
دول حسسونى أنها ولا حريق الغابات .... ويقلك بدأ تحقيق فى أسباب الحريق ....
علينا برضو ... مهيا معروفه محروقه ليه .... علشان تحرق أعمالكم السوده ....
يعنى بلاش نقرررررر على بعض ..... بس ابقو قلو قبضين كام من الحكاية دى
مش هنحقد عليكم ....بس هنشوف هيا الحكايه مستهله ولا لاء....
بالرغم أنكم فى جميع الأحوال وباى تمن كسبانين ....
يعنى ايه كيان دوله مسكاها حكومة محروقه ؟؟؟...ينحرق ...طظ وايه يعنى ....
المهم تنحرق بكام ....
بس اللى بجد مزعلنى اوى ....والدمعه هتفر من عينى ....
هو صفصف ....صفوت الشريف يعنى .... بجد بجد شريف
انه يا عينى عليه كان بيصيف ....وكان هيموت عايز ياخد اللون البرونزى
بس ياعينى ملحقش .... اهو جه لقاها محروقه وسواد
ولما نشوف هيتشال فيها ....ولا هيبلط وتلاقى مبارك يديلو علاوة اهى برضو تنفعو
وخصوصا أننا دخلين على رمضان باه كل سنه وانتم طيبين
والله العظيم لو شوية ستات بشوية حلل من الترعه اللى فى بلدنا كانو طفوها ....
و يقولو عربيات مطافى بالهبل وطيارات ..... بيطفو فيها يجى ست ساعات
وكأنهم بيتفاخرو بالعدد وكانه بيدل على الإمكانيات بتاعتهم ..... وربنا دا يدل على
أن الحكومة دى يا دوب تدير حضانه رضع .... وكل وزير يمسكلو عيل يرضعوا
يعنى ايه مبنى مهم ويعتبر السلطه التشريعيه فى البلد يتحرق بالمنظر دا وميعرفوش يسيطرو عليه
يعنى خلاص مفيش جهاز انذار ....وكلو ودانا ويقلك
وال ايه حكومة إلكترونيه ..... دى حكومة متخلفه .... دى حكومة جردلية ....
واللى يفقع على الأعداد دى كلها أنى ما شوف فى التلفزيون إلا واحد بخرطوم بيطفى وياريت
بيطفى فى الحريق لا دا بيرش ميه على الدور التانى بعيد عن النار ....
وفيه مسئول كان بيتكلم ويقول أن عساكر المطافى غير مدربين على الإطفاء فى الأوضاع دى
كان هاين عليا أجيب جردل واطسه على دماغه .... وأقلو حضرتك مشلول ...
يعنى إيه.... غير مدربين.... بتطفحو فلوس ونهبين البلد ...علشان تولعو فيها ولا إيه
أمال شغلتهم ايه ....
دا مبنى من تلت ادوار ومش عارفين يطفوه ....
دول حسسونى أنها ولا حريق الغابات .... ويقلك بدأ تحقيق فى أسباب الحريق ....
علينا برضو ... مهيا معروفه محروقه ليه .... علشان تحرق أعمالكم السوده ....
يعنى بلاش نقرررررر على بعض ..... بس ابقو قلو قبضين كام من الحكاية دى
مش هنحقد عليكم ....بس هنشوف هيا الحكايه مستهله ولا لاء....
بالرغم أنكم فى جميع الأحوال وباى تمن كسبانين ....
يعنى ايه كيان دوله مسكاها حكومة محروقه ؟؟؟...ينحرق ...طظ وايه يعنى ....
المهم تنحرق بكام ....
بس اللى بجد مزعلنى اوى ....والدمعه هتفر من عينى ....
هو صفصف ....صفوت الشريف يعنى .... بجد بجد شريف
انه يا عينى عليه كان بيصيف ....وكان هيموت عايز ياخد اللون البرونزى
بس ياعينى ملحقش .... اهو جه لقاها محروقه وسواد
ولما نشوف هيتشال فيها ....ولا هيبلط وتلاقى مبارك يديلو علاوة اهى برضو تنفعو
وخصوصا أننا دخلين على رمضان باه كل سنه وانتم طيبين
ولا يمكن ولع من كتر ما الاسعار ولعت ...
مهيا كل حاجه مولع فى البلد جيت عليه هو ....
فاضل ايه مولعش ولا انحرق فى البلد الا مبارك وحكومتة ....
فلنا الدنيا ولهم الاخر باذن الله ....
هناك ١٦ تعليقًا:
المشكلة مش في انه ولع ومعرفوش يطفوه
المشكلة ان مش احنا اللي ولعناه
ومش احنا اللي مستافدين منه اي حاجة ومش احنا اللي حنستافد منه اي حاجة
بس احنا اللي حندفع الفلوس اللي حيترمم بيها مجلس الشوري
طب لما احد اهم مؤسسات الدولة يطفوا فيه 8 ساعات !!!!
لو احد بيوت الغلابة يطفوا فيه بعد ماتكون الحريقة اكلته كله
عجبي!!!!!
اللهم اصلح لنا حالنا ويسر لنا أمورنا اللهم لا تذبنا بحكامنا
اللهم ولى من يصلح
اللهم اغفر لنا ذنوبنا واجعلنا نغير من أنفسنا
كل سنة وإنتى طيبة
دمتى بود
تحياتى
أختي الفاضلة
إحنا السبب مش هما
شوفي باكستان
شوفي الشعب بيعمل ايه
برلمان بعيد عن الحكومة
وقضاة شرفاء الناس انتفضت علشانهم
قاضي المحكمة الدستورية قال الحق اعتقله مشرف
الناس كسرت له الدنيا
واحنا لما القضاة انتفضوا الناس سابتهم يواجهوا مصيرهم
سابتهم يعانوا الأمرين مع ممدوح مرعي
ولما الشباب أتسحل واتبهدل ولا حد قال لهم انتوا فين
عادي ده الطبيعي مش انتم بتدوروا على حقوقنا روحوا معاكم ربنا
الإطفاء عندنا كارثة
ازاي متكونش في أجهزة انذار في المجالس النيابية
ازاي ميكونش في أجهزة اتوماتيكية لاطفاء الحريق لما الدنيا تولع
فين عربيات الإطفاء اللي بملايين
ليه لما جت منحة بأجهزة انذار متقدمة للاماكن الحساسة في مصر
رفضوها من امريكا علشان مينفش ناخد منهم حاجة عيب
_ طيب ما تسيبوا لهم المعونة اللي كاسرين عينكم بيها بالمرة_
لا والمصيبة راحوا عملوا مناقصة واشتروها من أوروبا
علشان العمولات والهدايا والرشاوى
المجلس اللى اتحرق ده فيه ملفات مهمة وأوراق عن العبارة وقضيتها
وعن أكياس الدم الفاسدة وملفات المناقشات
وفيه أوراق مهمة جدا وتعديلات قوانين طارت مع الدخان
الحريق ده بفعل فاعل
وأي حد هيقول غير كدة يبقى أهبل وعبيط
ماس كهربائي يولع في مبنى دورين لمدة 12 ساعة ليه هو برج التجارة اللي ولع
امال لو مبنى 50 دور كانوا عملوا ايه
يا ترى كانوا هيستدعوا مجلس الأمن يطفي لنا
ده في واحد متخلف باين مساعد وزير الخراب _الداخية سابقا_
بعد ساعة من الحريق بيقول ماس كهربائي
وأنت عرفت منين
فتحت الفنجان مثلا ولا وشوشت الودع
جهل وغباء ملوش حدود
وكمان استغفال للشعب
اللي هما بيستغفلوه بمزاجه
لانهم هما بيكدبوا والشعب عارف انهم بيكدبوا
ومبيعملش حاجة
فبيكدبوا تاني لانهم عارفين انه مش هيعمل حاجة برضة
والغريب انه في اليوم التالي للحريق
اتحفظ التحقيق في قضايا فساد الأهرام يعني ابراهيم نافع وحسن حمدي براءة
رغم كل المستندات والأدلة والبراهين
وادينا منتظرين حريق مجلس الشعب
قبل نظر الطعن في حكم براءة ممدوح إسماعيل
علشان يتم التأكيد على البراءة
فلتكن دعوتنا جميعا:-
الله يحرقهم كلهم زى ما حرق المجلس
انا مش اهعلق مش اهكتب في مدونتي ثاني عشان انا زعلان منيك جداااااااااااااااااااا عشان انتي عرفتني علي تدوين وناس بدخل عندي ماعدا انتي ام انتي مش دايم بتدعي علي حكومه تحرق بجازه هو ربنا استجاب لك
السلام عليكم
ما شاء الله بجد اسلوبك الساخر ده راااااااائع
طول مانا بقرأ بضحك
ربنا يباركلك
وده من مسلسل الاهمال الى عندنا فى مصر ماتستغربيش
بص يا تامر
احنا فعلا مش اللى ولعناه واحنا برضو مش مستفدين حاجه
بس حكايه الترميم دى
يقال ان رجال الاعمال من اعضاء مجلسى الشعب والشورى اللى هيتبرعو بتكلفة بناؤه
وكان تحليل احمد المسلمانى فى الطبعه الاولى عاجبنى ومتفقه معاه جدا
هو ان ان لازم يتم بناء المجلس من فلوس الشعب وميزانية الدوله
علشان المبنى كمبنى فى حد ذاته ومهامه ووظيفته للشعب
فمش شويه رجال اعمال يجو يعملوه
لازم يتعمل من الميزانيه وفلوس الشعب
ممكن زى مابتقول مش مستفدين منه بحاجه
بس انا من راى ان لازم بظرتنا ليه تختلف ولازم زى ما يتبنى من جديد
يبقى كل حاجه جديده حتى لو بظرتنا ليه
ويارب يجى بفايده
منورنى ديما يا تموره
تصدق يا استاذ طارق والله حصل كام مره حريقه فى بلدنا
ويتصلوا بالمطافى وكانت عربيات المطافى تيجى بعد ما ينحرق كل حاجه
ودا الطبيعى
بس اللى انيل منه اللى بتيجى مفيهاش مية
تخيل باه ....وربنا حصل قدامى مره من فتره كدا
دا احنا بلد الابداع
عربيات مطافى مفيهاش ميه
يا وعدى
منورنى يا كبير
اللهم امين
ولكم مثل ما دعوتم به
وانت طيب يا محمد
شرفتنى
بص يا استاذ احمد
محبش ابدا اقارن مصر باى مكان تانى
علشان هتخنق اكتر بجد
وبعدين من ناحيه شوفت فشوفت
اما من ناحيه الاطفاء
تخيل باه ان عربيات الاطفاء اللى كانت فى المنبى اتسحبت منه قبلها بتلت اسابيع
يعنى مدبرنها والحكايه مرسومه ولونوها بلون اسود على دماغهم
وبعدين سيبك يا احمد من تصريحات بتوع الحكومة دول عالم دماغهم فى الطراوة
ماس كهربائى ايه
والمصيبة انهم كانو بيجددو وخلاص شطبو
ومغيرين الالوان مسرمكين ومظبطين
يطلعو يقلو ماس
دى هيا اللى سلوك دماغهم ضربت
لا المره الجيه ان شاء الله يكون مبنى الرئاسه نفسه
منورنى
عاشقه انا بجد والله بدخل
على السريع ومش بلحق اعلق
اما بخصوص ان الحكومة هتنحرق
ومش بتتحرق
ولا بتستجاب الدعوه
فانا مش هياس هكثف دعواتى فى الايام المفترجه دى
وان شاء الله ربنا هيخدهم
منورانى يا قمر
ايه النور دا
بجد شرفتينى يا طالبه الفردوس
وان شاء الله هتنوليها وحنا معاكى
وياريت اشوفك ديما معايا
ويارب كمان اشوفك ديما بتضحكى
منورانى يا قمر
لا معلش بقي انا مختلف معاكي ومع احمد المسلماني
ليه لأن احنا دولة رأس مالية وده يعني ان رجال الاعمال اللي في الدولة ليهم امتيازات غير باقي الناس علشان هم اللي بيصرفو علي الدولة ومؤسسات الدولة وكلامك وكلام احمد المسلماني يبقي كويس لو الدستور متغيرش وكلمة اشتراكية دي فضلت موجودة لأن الاشتراكية هي ان كل مؤسسات الدولة ملك للشعب وفي الوقت ده يكون الشعب هو المسئول عن ترميم المجلس و اي حاجة تانية غير المجلس لكن بما ان كلمة اشتراكية اتشالت من الدستور يبقي مش احنا اللي لازم نعمل اي حاجة والا بقي ترجعو كلمة اشتراكية للدستور تاني وفي نفس الوقت تاخدو الفلوس من رجال الاعمال وتعملوا تأميم لكل المصانع والشركات الخاصة
وبالنسبة لأستاذي طارق مؤمن
عايز اقول لحضرتك ان القوات المسلحة عبرت قناة السويس وحطمت خط بارليف ورجعت سيناء في 6 ساعات و لما طفت مجلس الشوري طفته في 9 ساعات بعد ما الحريق فضل شغال لمدة 16 ساعة وعجبي !!!!!
يا همس .. فين التعليق ؟!
المشكلة الحقيقية ان احنا ماعندناش ادارة ازمات ومسألة الامكانيات دى بتبقى مجرد ديكور وتسديد خانات يعنى مثلا زى طفاية الحريق اللى لومش موجودة فى العربية تاخدى مخالفة, اما اذا كنتى بتعرفى تشغليها او لا فدى مش مشكلة والاخطر تصريحات المسؤلين اللى كان اغلبهم فى المصيف.
يا تامر
بص انا مش بعترف بمصطلحات بتاع السياسة دى
لا اشتراكيه ولا راس ماليه
ولا ليا فيها اصلا
احنا بنقول يا اصلاح فى البلد
ليه لما فى حاجه هتبدا من جديد منبقاش احنا اللى بدانها
وبعدين خد هنا قلى هخلينى برضو واقعيه
احنا كدا كدا مش بنطول حاجه من الفلوس دى
بالعكس احنا مش طايلين حاجه وكمان بندفع عن طريق كل يوم والتانى الاسعار
انما نيجى للدستور
هو فيه اصلا لينا دستور
ياسيدى صلى على النبى كدا
دستور ايه اللى مبارك مفصلو على مقاسه
اما بخصوص الاستاذ طارق
بجد خيبه اوى حكايه المطافى دى
دا اكيد معروفه انها مدبره
وعلى رايك هو نفس الوقت بس شتان بين ناس رجعت كرامه قبل ما ترجع ارض
وبين ناس ضيعت الكرامه وبتحرق ارض وشعب
فحسبيا الله ونعم الةكيل فيهم
منورنى يا تامر ويارب اشوفك ديما بخير
وكل سنه وانت طيب
بص يا احمد
بالرغم ان الحكومه دى بتتخد قرارات تستفز وبتعملها علشان مصلحتها وتلم منها فلوس مش علشان مصلحتنا احنا
الا ان فى ناس كتير بصرف النظر الحكومة الزفت
بس فعلا هيا صح ومنقدرش نقول غير كدا
ولما نشوفها بره فى دول اجنبيه بنحس برقى واحترام الشخص لذاته
مثلا
زى حزام الامان فى العربيه
هيا اى نعم الحكومة عملاه علشان تلم منه فلوس من المخالفات
بس مفيش حد ملتزم بيه وبكتيره يشدو لما يشوف فيه لجنه من بعيد
او االيومين دول علشان المخالفات
ولما الموضوع يهدى هترجع ريمه لعدتها القديمة
يعنى مش شده علشان سلامته الشخصيه
بالرغم انها حمايته برضو
يلا حصل خير
منورنى يا احمد
وابقى قلى على ميعاد نشوف هنعمل المدونة ازاى
إرسال تعليق