الأحد، أغسطس ٣١، ٢٠٠٨

كل سنه وانتم طيبين


اول شهر رمضان نكون مع بعضنا .... وان شا ء الله ديما مع بعض

لكل المسلمين فى العالم كله
وابوا وامى واختى واخويا الكبير والصغير وزوجة اخويا ومهند باشا اللى هيكون اول رمضان ليه معنا كلنا



لصحابى المدونين ....طبعا حبيبتى قلبى جنه ... وبرنسيسه ...وويفز ... وعاشقه القمر
والاستاذ طارق ...وتامرصلاح ... وحكيم النيل بلدياتى
جنى ...وهشام ...وولد مصرى ...وزهرة المفروسه اللى ربنا يرجعها بالسلامه ....
وصاصا اللى بقالى فتره معرفش حاجه عنه ويارب نطمن عليه قريب ويكون بخير
وعبد الرحمن الصيدلى المطحون الله يكون فى عونه من الطحن ...وخالو احمد ...وانت عارفنى وانا عارفك
والغزالى ...وانا مش سالبى ...
وكوووووووووووووووول المدونين ....
ومعلشى او نسيت اسم مدون .... سماح احنا فى رمضان باه


لكل اصحابى البنانيت .... وربنا يباركلى فيهم ....وما يحرمنى منهم ابدا

لرانيا صحبتى الفلسطنيه ...ولكل اهل فلسطين ...اللى الحمد لله رجعت لاهلها بالسلامه وهتبدا شهر رمضان معاهم
وان شاء الله رمضان الجي فلسطين تبقى حره ....قلو ااااااااااااااامين



وكل واحد فينا ...ربنا راضى عنه ...ويقبل باعماله فى رمضان ... ويحقق كل امنياته ....ويكرهو فى المعاصى ...ويغفرلو ذنوبة
ويهديه للطريق المستقيم....ويبعد عن قلوبنا الكره والحقد ....ويعفو عنا ويرحمنا ....
لمبارك والحكومة ...علشان ان شاء الله هيكون اخر رمضان ليكم .... وباذن الله مش هنشوفك وشكم تانى ...
فان شاء الله جايز ربنا ياخدكم مره واحده ..... فاستعدو لدعواتناااااااااااااا عليكم ....ولازم يكون ليهم نصيب من الدعوات
ومحدش يقول حرام ندعى عليهم ....وندعى ليهم بالهدى ....انا عن نفسى هدعى ربنا يخدهم وارتاح منهم قبل ما رمضان يخلص
قلو اااااااااااااااااااااااامين
لاى شخص زعلانى منى ... ايه في حد بجد زعلان منى ولا ايه ؟؟؟؟؟
طيب طيب لما يخلص رمضان وانا هوريه ....
متخفش هديك عديتك ....
لكل اللى بيدخل المدونة وبينفضلى ومبعلقش .... وربنا يهديه ويعلق بعد كدا ....
واشوفكم كلكم بخير وعلى خير ديما
سلامو عليكم
الا صحيح حد جالو فانوس رمضان ؟؟؟؟












































هناك ٢٤ تعليقًا:

غير معرف يقول...

وكل سنة وانتى طيبة انتى كمان بس بصراحة حلوة اصحابك البنانيت دى

Ahmed Al-Sabbagh يقول...

كل سنة وانتى طيبة وبخير

واسرتك بخير

ورمضان كريم

ودايما اشوفك وانتى شايلة فوانيس كدة ومزأططة

احمد

ahmed_k يقول...

لا والله محدش جابلي فانوس
ومش حزعل علشان مكتبتيش إسمي
علشان رمضان هههههههههه

كل سنه وإنتي طيبه يا همس
وتقبل الله منا ومنكم صالح الأعمال

تقبلي أخلص تحيه

عاشقة القمر يقول...

كل عام انتي يخير يارب سته جيه في بيتك زي سنه دي ساره في بيتها انا كويسه بس عندي مشاكل في ماجستر شكلوا كده ا رمضان مد سنه دي جيه مصر يجد غجباني قصه فانوس رمضان في مصر تجتية الي رنيا الي مامتك وبابك واخوانيك بوس الي منهد

ولد مصري يقول...

كل سنه وإنتي طيبة

رمضان مبارك

أعاده الله عليك وعلى المسلمين بالخير والبركة

تهنئة جميلة زي كل بوستاتك

بالنسبة للفانوس فدلوقتي سعادتك فيه فوانيس صيني ميه ميه بترقص وتغني وآخر دندشه

الله يرحم بقى الفانوس المصري الصاج ابو شمعة قولي آمين

كل سنه وإنتي طيبة مرة تانية

تحياتي

tamer.sala7 يقول...

كل سنة وانتي الي الله اقرب
كل سنة وانتي طيبة


المهم حتصومي ولا زي كل سنة ؟؟؟

زهرة الجنة يقول...

احلي شيء اني اول تعليق

أذيك همس

وحشتني والله

الحمدلله انا رجعت ومشكلتي عدت علي خير

كل عام وانتي بخير وأسرتك كلها بخير وسعادة

ربنا يقبل منا ومنك صالح الأعمال

اما بالنسبة للفانوس انا اشتريته لنفسي
حبيت اسعد نفسي بنفسي :D

ورمضان كريم

غير معرف يقول...

ازيك ياهمس مدونك جميله دايما زى ما بقولك علطول بس فين كل سنه وانتى طيبه بتاعتى داانا نــــــــــــــــــورا صحبتك حبيبتك ومغامرات سواقين التاكس مش هقبل اعتذارك انا زعلانه اوى

همس يقول...

طبعا حلوة اصحابى البنانيت

وانت طيب

همس يقول...

وانت طيب ديما يا خالو احمد

منورنى والله

ويارب تشوف الهنا والخير كله


وعقبال ما تجيبه لاولادك واحفاد احفادك كمان

وكل سنه وانت طيب يا خالوووووو

همس يقول...

انا اسفه جدا يا استاذ احمد

والحمد لله انك سامحتنى

ويارب يجعلك من المتسامحين ديما


وعلشان اصالح حضرتك خد فانوس من المتعلقين فوق دول

هيص يا عم احمد
وكل سنه وانت طيب

rovy يقول...

كل سنه وانتى طيبه

كل عام وانتى بالف خير

رمضان مبارك عليكى و علينا

تحياتى

همس يقول...

تسلمى يا عاشقه على الدعوه الجميله دى

وربنا يوفئك فى الدراسه

وسلامك هيوصل لكل واحد وبوستك كمان هتوصل لمهند باشا

منورانى يا قمر وكل سنه وانتى طيبه

حكيم النيل يقول...

ياستى كل سنة وانت طيبة وياريت ننسى السياسة شوية علشان ماتفسدش صيامنا

غير معرف يقول...

كل سنة وانتى طيبة همس ومش هازعل علشان مكتبتيش اسمى مع اصدقائك الغالين لاانى فعلا اكتشفت انى غالية عندك اوى

غير معرف يقول...

كل عام والشعب المصرى والامه الاسلاميه بخير



لذا نرجوا من الجميع المشاركه فى المنتدى الاسلامى الجديد



بمناسبه شعر رمضان الكريم

http://quran.7olm.org/


وفقنا الله واياكم الى الخير والثواب


المنتدى تحت الانشاء نريد المساعده

http://quran.7olm.org/

همس يقول...

وانتى طيبه يا روفى

بجد منوانى

ويارب تكونى بخير ديما وبصحه وسلامه

همس يقول...

وانت طيب يا احمد

حااااااااااضر ننساها

علشان خاطرك بس

رمضان كريم

همس يقول...

وانتى طيب يا غاليه

انتى اكيد توتة حبيبه قلبى

طب ليه جو الغموض دا

على العموم منورانى يا روح قلبى

واكيد غاليه عندى اووووووووووى

ورمضان كريم يا عمرى

همس يقول...

نورااااااااااا

طب هاتى راسك ابوسها

ما انا بقول اصحابى البنانيت اقصد بيها انتى وتوته وساره وايمى وسمية
وامل وشيماء

امال ايه طبعا انتو غالين عندى جدا

وكل سنه وانتم طيبين يارب

وديما مع بعض

وبلاش تسيح بموضوع سواقين التاكس دول

بدل ما هحكى فى بوست علنى كدا

واسيحلك

منورانى يا نوحى

nona يقول...

كل سنة و انتى طيبة اختى همس
و ربنا يتقبل منا جميع اعمالا و يجعلنا من عتقاء الشهر الكريم

princess يقول...

كل سنة وانتى طيبة ياقمر
معلش على التاخير
انا مبسوطة عشان شفت اسمى فى البوست ههههههه
انا كل سنة بجيب فوانيس اللى هيا زى الميدالية دى واقعد اوزع ههههه
بس محدش بيجبلى عشان انا انسانة معطاءة هههههههههه
تحياتى

همس يقول...

وانتى طيبة وبصحه وسلامه يا نونا

اسعدنى مرورك

وياريت اشوفك ديما بخير ومعانا

رمضان كريم

همس يقول...

يعنى لولا رمضان كنت عملت عمايل

بس يلا رمضان كريم يا عسل

وطبعا انتى واسمك منورنى ديما

اما بخصوص الفانوس يا معطاءه

يارب ديما تكونى فى عطاء

ومعلشى انتى زى

محدش جبلك فانوس

بس بالموناسبه فين فانوسى يا معطاءه

ولا هو كلام والسلام


منورانى يا قمر