قرأت النهارده خبر أن المتحف المصري اللي هيشغلو بعد كدا
شركه عالمية اجنبية ....
شوفتو الهنا .... ودا دليل قاطع على فشل بتاع وزارة الثقافه
فاروق حسنى و صاحب الاراء الحقيره والمتخلفة
سواء راية في الحجاب ولا انه بيدادى فى إسرائيل والحوارات
اللى هيا نتيجتها الوحيده انه باين مستوى تفكيره اللي أصلا مينفعش
يبقى وزير ثقافه
واللى متحنط فى الوزاره بقاله اكتر من عشرين سنه
وأخر إنجازاته العبقرية انه يخلى شركة عالمية تشغل المتحف ....
يعنى أنا نفسي افهم حاجه ايه لزمتة لما مش عارف يكون لجنه أو
مجموعه من الناس اللي تدير المتحف
والشلل يطلع دقيقتين ويطس الخبر وال ايه الشركة هتعرض التحف
بشكل حضارى ومميز ...
مميز يعنى إيه ؟؟ هيوقف جنب كل تحفه واحده بمايوة ...
ولا يوقف جنبها واحد يقوم بدور مروحة على اى اجنبى يتفرج عليها
يعنى كل اللى فى وزارة الثقافة مشلول علشان مش عارفين يعرضو
طيب بلاش طالما هما معوقين ميجيبو خبراء لمده معينه كفتره
تدريبية لمصريين .....
ولا نعتبر بيع لتاريخ وأثار بلد بشكل مقنن ....
يعنى بيع على المستغطى ..... والقبض دافى
وبعدين ازاى ناس أجنبية تدير تاريخنا وحضارتنا واحنا
المصريين ممنوعين من دا ....
أنا مش بقول شعارات ...ولا هقول أن كل مصرى
اللي بيروحو المتحف بيحافظو عليه
ولا بيقدروه أو بمعنى اصح أن الناس في العهد المنيل دا
مش فايقه تقول يا حضاره ولا يا تحف .... مش تقليل من قيمتها
لا بس الواقع والجوع واليأس بيخلى الناس تفقد اى إحساس باى
حاجه ليها قيمة ولا اى حلوه
وبعدين إذا كنت أخر مره دخلت المتحف من يجى سنه تقريبا
كانت التذكره باتنين جنيه ... هما مش حاجه ... بس لما تبقى شركة
أجنبية هتمسكها هدفعنا كام ...
وبعدين هتكون كاداره فقط ...بمعنى عماله اجنبيه ( اللي بتكلفنا
مليارات ) ....ولا كاداره ودخل المتحف المادى يدخل جيبها
وتراضى الحكومة باى حاجه ....
ولا هتجيب نفرين تلاته الروس الكبيره وهيخلو العماله المصريه
اللى فى المتحف وبرضو تدكن العائد المادى ....
ولا الحكومة هتاخد نسبة من الفلوس ....
ولا معنى الاداره إيه مش فاهمه فى الحوار دا ....
يعنى خلاص الحكومة علشان هيا فاشله ومنيله بنيله تبيع
كل حاجه فى البلد ....
بدل ما تدرب كوادر وتستغل الشباب فى أن نلحق البلد
من الخراب المستمر اللى فيها .... لا بتعلن للعالم كله فشلها كاداره
تعرفو الحكومة دى عامله زى الشحط وهايف
ومعندهوش استعداد للشغل .... فيفضل يبيع فى أملاكه ....
يعنى الحكومة دى شحط عااااااااااااطل ...
يعنى ملهمش لازمة لا حاكم ولا وزراء ....
من الأخر حكومة شحط ....
شركه عالمية اجنبية ....
شوفتو الهنا .... ودا دليل قاطع على فشل بتاع وزارة الثقافه
فاروق حسنى و صاحب الاراء الحقيره والمتخلفة
سواء راية في الحجاب ولا انه بيدادى فى إسرائيل والحوارات
اللى هيا نتيجتها الوحيده انه باين مستوى تفكيره اللي أصلا مينفعش
يبقى وزير ثقافه
واللى متحنط فى الوزاره بقاله اكتر من عشرين سنه
وأخر إنجازاته العبقرية انه يخلى شركة عالمية تشغل المتحف ....
يعنى أنا نفسي افهم حاجه ايه لزمتة لما مش عارف يكون لجنه أو
مجموعه من الناس اللي تدير المتحف
والشلل يطلع دقيقتين ويطس الخبر وال ايه الشركة هتعرض التحف
بشكل حضارى ومميز ...
مميز يعنى إيه ؟؟ هيوقف جنب كل تحفه واحده بمايوة ...
ولا يوقف جنبها واحد يقوم بدور مروحة على اى اجنبى يتفرج عليها
يعنى كل اللى فى وزارة الثقافة مشلول علشان مش عارفين يعرضو
طيب بلاش طالما هما معوقين ميجيبو خبراء لمده معينه كفتره
تدريبية لمصريين .....
ولا نعتبر بيع لتاريخ وأثار بلد بشكل مقنن ....
يعنى بيع على المستغطى ..... والقبض دافى
وبعدين ازاى ناس أجنبية تدير تاريخنا وحضارتنا واحنا
المصريين ممنوعين من دا ....
أنا مش بقول شعارات ...ولا هقول أن كل مصرى
اللي بيروحو المتحف بيحافظو عليه
ولا بيقدروه أو بمعنى اصح أن الناس في العهد المنيل دا
مش فايقه تقول يا حضاره ولا يا تحف .... مش تقليل من قيمتها
لا بس الواقع والجوع واليأس بيخلى الناس تفقد اى إحساس باى
حاجه ليها قيمة ولا اى حلوه
وبعدين إذا كنت أخر مره دخلت المتحف من يجى سنه تقريبا
كانت التذكره باتنين جنيه ... هما مش حاجه ... بس لما تبقى شركة
أجنبية هتمسكها هدفعنا كام ...
وبعدين هتكون كاداره فقط ...بمعنى عماله اجنبيه ( اللي بتكلفنا
مليارات ) ....ولا كاداره ودخل المتحف المادى يدخل جيبها
وتراضى الحكومة باى حاجه ....
ولا هتجيب نفرين تلاته الروس الكبيره وهيخلو العماله المصريه
اللى فى المتحف وبرضو تدكن العائد المادى ....
ولا الحكومة هتاخد نسبة من الفلوس ....
ولا معنى الاداره إيه مش فاهمه فى الحوار دا ....
يعنى خلاص الحكومة علشان هيا فاشله ومنيله بنيله تبيع
كل حاجه فى البلد ....
بدل ما تدرب كوادر وتستغل الشباب فى أن نلحق البلد
من الخراب المستمر اللى فيها .... لا بتعلن للعالم كله فشلها كاداره
تعرفو الحكومة دى عامله زى الشحط وهايف
ومعندهوش استعداد للشغل .... فيفضل يبيع فى أملاكه ....
يعنى الحكومة دى شحط عااااااااااااطل ...
يعنى ملهمش لازمة لا حاكم ولا وزراء ....
من الأخر حكومة شحط ....
ووزير ......!!!!
هناك ٢١ تعليقًا:
اعترضي بقي علي حكمة ربونا
جيت بس عشان اقولك كل سنة وانتي طيبه ويارب دايماتممر علينا الايام بسلام وحب
ورمضان كريم
ربنامعاكي
السلام عليكم
تفتكري ايه لسه ما باعهوش ؟
آه ترعة المحمودية عبد الفتاح القصري عايز يشتريها ..
ووزارة الشحوطه الموكوسة هاتبعها غصب عنا ..
واللي مش عاجبه يشرب من ترعة الاسماعيلية
شكرا
كل سنه وانت طيبه
وعلي فكره مشاريع كتيره في البلد تبع الحكومه بيدرها شركات اجنبيه
مترو الانفاق لوقت قريب كان بيدار بشركه فرنسيه ولما المصريين ادربوا حلو محلهم
ودار الاوبرا الجديده كمان نفس الشئ اليابان دفعتها وبنتها وسلمتها لمصر بعد استقرار الوضع
وحاجات تانييه كتير
يعني مش حاجه جديده
لا طبعا
لا اعتراض على حكم ربنا يا تامر
وكل سنه وانت طيب
يا اهلا يا عبد الرحمن
وانت طيب يارب
وقريب من ربنا اكتر
تسلم يا مطحون
يااااااااه
ترعة الاسماعيليه
طالما كدا انا اروح طبعا
وكل سنه وانت طيب يا جنى
اهلا يا شمس النهار
وانت طيب
على فكره انا هاخد رد على كلامك من كلامك نفسه بيثبت العكس فى ردك
انت بتقول
كان مترو النفاق تبع الفرنسين
ودار الاوبرا يابانى
وبعدين راحو للمصرين
دلوقتى بقى العكس
كان المتحف للمصرين دلوقتى بقى للاجانب
يعنى فى تدهور وانيل
وبعدين برضو لما المصرين خدوها
مبتسمعش عن الاعطال المتكرره فى المترو
وكم الاهمال وعدم الصيانه
يعنى كدا خربانه وكدا خربانه
ما علينا
انت م نورنى لاول مره
وتشرفنى ديما
طيب ياهمس دي خطوة كويسة
معني كدة انه في المستقبل القريب هايتعاقدو مع شركة اجنبية تدير الحكم في البلد
واهو السيد الرئيس و السادة الوزراء يستريحوا وهم مطمانين ان كل شئ تمام
وبالمرة الشركة دي تتعاقد مع مواطنين اجانب ييجوا يعيشوا في مصر و يشتغلوا بدل المواطنين المصريين
ونعيش كلنا عيشة هنية من غير لا شغلة و لا مشغلة
كوميديا هاهاهاها
أولا كل سنة وانتي طيبة ورمضان كريم وربنا يتقبل منا الصيام والقيام وصالح الأعمال
ثانيا المتحف ده بداية لبقية آثار مصر اللي هيدخلوا يديورها كلها بعد كده يعني هتلقيهم دخلوا على الأهرامات وأبو الهول ثم الأقصر وأسوان وآخر حاجة هيدخلوا يديروها المعبد الكبير اللي كله اعمده وفي أخره قاعده الملكه سوزانتيتي وجنبها الملك مبارك رع
تحياتي
كل سنة وانت طيبة يا همس
بالنسبة لمشروع المتحف ده انا حاسس انه هايبدا بمشروع ثقافى كبير وينتهى مجرد زفة زى بالضبط ما حاصل لمكتبة الاسكندرية
أما حكاية الادارة الاجنبية وبيع كل حاجة فى البلد فماتفكريش فيها كتير علشان ما تتعبيش, يعنى هافكرك مثلا برئيس الوزراء "الهمام" السابق عاطف عبيد "ربنا يكرمه زى ما كرم صدام حسين" كان مجلس الشعب عامل جلسة بخصوص فلوس التامينات و حجم الدين العام والدين الداخلى اللى وصل لدرجة الخطر فحب يطمن النواب المحترمين وقالهم بالحرف الواحد احنا عندنا مشروعات كبيرة وكبارى ومرافق وقناة السويس !! وكان ناقص يعدلهم الاهرامات والنيل أو يعمل زى هانى رمزى فى فيلم عايز حقى.
فالناس دى تتوقعى منهم كل حاجة.
لكن فيه نقطة مهمة بخصوص المتحف ده , كل خبراء التخطيط قالوا ان موقعه هايسبب مشكلة للقاهرة
بالمناسبة يا همس نخلى المدونة على بلجسبوت مؤقتا ولا نشوف موقع عربى زى مكتوب او ماشى؟
كل عام وانتم الى الله أقرب
وعلى طاعته أقدر
وكل عام وأنتم بخير
رزقنا الله العفو والمغفرة ودعوات لا ترد
لا تنسونى من صالح دعائكم
أدامكم الله لى صحبة طيبة
انى احبك فى الله يا احلى همس
تحياتى
ههههههههههههههههه
ايه الدماغ العاليه دى يا استاذ طارق
طب كل حاجه معقوله
بس ممكن نتعاقد مع ا جانب يجى يجوعو
ويتفرسو بدلنا
ينوبهم ثواب فى شهر رمضان حتى
كل سنه وانت طيب يا استاذ طارق
وديما اشوفك على خير
وانت طيب يا ولد يا مصرى
تصدق فكره
بس ممكن سؤال
قاعده الملكه سوزنتيتى
قاعده بلدى ولا افرنج
ومبارك رع ....قصد بلقب رع بتاع الفراعنه
ولا رع دا دلع اقرع
يلا ما علينا
منورنى ديما
وانت طيب يا احمد
وبعدين اى حاجه فى البلد بتبقالها زفه فى الاول وبعديها تنام
اما بخصوص عاتفى عبيد بلاش اجيب سيرته
وانا ناويه اربط لسانى شوية اليومين الجين دول
بس موقع المتحف ... مسبب مشكله من ناحيه ايه بظبط
وبخصوص المدونة
بصراحه مش عارفه
بس اظن يعنى نخليها زى ما هيا احسن
وكل سنه وانت طيب
وانتى طيبة يا جنتى
تسلمى يا جنه على الدعوات الجميله دى
ولكم بمثل ما دعيتم به ان شاء الله
وانا كمان بحبك يا جنه
وكل سنه وانتى طيبة
يعنى هى جت ع المتحف ما هو كل حاجة إدارة اجنبية الا البلد ادارة متنقية ..
أنا باتكلم ان المتحف ده هايتعمل فى أكتر موقع مزدحم على مداخل القاهرة.
اما بخصوص المدونة فانا كان اقتراحى ان يكون الاستضافة على موقع عربى لأنى بدات اسمع حاجات مش ظريفة عن شركة جوجل.
وعموما كل سنة وانت طيبة
على رايك يا واحده
مهيا كل البلد كدا
كل سنه وانتى طيبة
رمضان كريم
اها بخصوص الزحمه يعنى
جايز
بس لو فرضنا انهم نقلوه لمكان تانى
مهو عايز تكلفه عاليه
غير ان هيبيعو المكان برخص التراب لحبايبهم
اوك يا احمد
طالما فيها حاجات مش ظريفه خلاص اللى تعملو
بس انا جالى فضول عتيزة اعرف ايه هيا
اللى مش ظريف دا
منورنى
إرسال تعليق