اليومين دول واكلين دماغنا بموضوع هشام طلعت مصطفى
وكل يوم اشوف وشه فى الجرايد ...بس مش عارفه مستغربين ليه
يعنى انه حرض على القتل ولا حتى قتل بنفسه ...
مش هو رجل اعمال وملياردير ... وتبع الحكومه اوى
ليه مستغربين باه؟؟؟؟؟؟
يعنى اكيد اخلاقه من اخلاق الحكومة .... مهيا كل يوم بتقتل
فينا شوية ... حد استغرب ...ابدا ...بيموتو بس ...
اقربها اللى من يومين الناس اللى ماتو فى الدويقه ....
دول اتقتلو والحكومة هيا اللى قتلاهم ... فلما واحد من تبعها
يقتل حد عادى طبعا ...
بس الغريبة ان الراجل اتقبض عليه بسرعه والاجراءات فى الجون
والحكومة بتسهل الموضوع .... متقولوش حاسه بملل فقالت تفلسع
كام نفر وتدور على جديد ...
ولا يمكن مبارك والحكومة ...خايفين تضيع عليهم المنح
اللى الامارات بتبعتها ... من ضمنها منحة حاكم ابوظبى 180مليون
دولار علشان يتبنى بيها وحدات سكنية لاهالى الدويقه
والحكومة الحريمه الشحاته راحت تعمل بيها
مستشفى للكلاب البوليسية
وطبعا المليون طن قمح ...وغير البقششه بتاعة اللاعيبة ...
وما علينا فى دا كل نسمع فى اى مصيبه يطلع حد ويقلك
الرئيس مبارك يتدخل بنفسه فى اى مصيبة ....
يعنى مستنى المصيبة لما تحصل ويدخل ...
بجد بجد فقعتنى يا مبارك
واما بخصوصو تدخله فى موضوع طلعت اللى اعلاناته مليه
التلفزيون ...زى ما بتروج لواحد عظيم ...مش بتروج لقاتل
المهم مبارك قال مفيش حد اعلى من القانون ...هئه هئه
امال حضرتك وابنك وحكومتك وحزبك الواطى عالين ليه
ولا ميكونش لابسين كعب عالى
واحنا ظلمنكم ....
مره يدخل فى الكورة ومره يدخل علشان ست
وكل يوم اشوف وشه فى الجرايد ...بس مش عارفه مستغربين ليه
يعنى انه حرض على القتل ولا حتى قتل بنفسه ...
مش هو رجل اعمال وملياردير ... وتبع الحكومه اوى
ليه مستغربين باه؟؟؟؟؟؟
يعنى اكيد اخلاقه من اخلاق الحكومة .... مهيا كل يوم بتقتل
فينا شوية ... حد استغرب ...ابدا ...بيموتو بس ...
اقربها اللى من يومين الناس اللى ماتو فى الدويقه ....
دول اتقتلو والحكومة هيا اللى قتلاهم ... فلما واحد من تبعها
يقتل حد عادى طبعا ...
بس الغريبة ان الراجل اتقبض عليه بسرعه والاجراءات فى الجون
والحكومة بتسهل الموضوع .... متقولوش حاسه بملل فقالت تفلسع
كام نفر وتدور على جديد ...
ولا يمكن مبارك والحكومة ...خايفين تضيع عليهم المنح
اللى الامارات بتبعتها ... من ضمنها منحة حاكم ابوظبى 180مليون
دولار علشان يتبنى بيها وحدات سكنية لاهالى الدويقه
والحكومة الحريمه الشحاته راحت تعمل بيها
مستشفى للكلاب البوليسية
وطبعا المليون طن قمح ...وغير البقششه بتاعة اللاعيبة ...
وما علينا فى دا كل نسمع فى اى مصيبه يطلع حد ويقلك
الرئيس مبارك يتدخل بنفسه فى اى مصيبة ....
يعنى مستنى المصيبة لما تحصل ويدخل ...
بجد بجد فقعتنى يا مبارك
واما بخصوصو تدخله فى موضوع طلعت اللى اعلاناته مليه
التلفزيون ...زى ما بتروج لواحد عظيم ...مش بتروج لقاتل
المهم مبارك قال مفيش حد اعلى من القانون ...هئه هئه
امال حضرتك وابنك وحكومتك وحزبك الواطى عالين ليه
ولا ميكونش لابسين كعب عالى
واحنا ظلمنكم ....
مره يدخل فى الكورة ومره يدخل علشان ست
وتلك هيا من مهام مبارك العظيم
هناك ٢٧ تعليقًا:
هاى
حكاية طلعت مصطفى دى بيولعوا فيها ويهدوا فيها بمزاجهم
وهو كله تشويش على حاجات بتحصل ورا الكاميرا
اللهم ما ارحم شهداء الدويقة
امين
تحياتى
بصي هو النظام ضحي بـ هشام طلعت
وهشام طلعت كان ممكن يفضل برة مصر يس هو فكر صح
قال انا ممكن افضل برة مصر وحعيش ملك بس حبقي مطلوب من الانتربول ولو اتمسك ح يترحل علي الامارات مش علي مصر وفي الوقت ده ممكن يتعلق في المشنقة بسهولة
لكن هو حسبها بقي ازاي ؟؟
قال انا لو رجعت مصر ح اتحبس علي ذمة التحقيق شوية بس في الاخر لازم يطلع منها زيه زي ممدوح اسماعيل وهاني سرور
حاجة جميلة قوي حكومة واطية ولابسه كعب عالي
مش وحش
على العموم نظرا لاننا في نهار رمضان وعلشان الواحد ما يفطرش عليهم مش هقول غير حسبي الله ونعم الوكيل
تحياتي
في مثل بيقول
العجل لما يقع تكتر سكاكينه
وده اللي بيحصل بالضبط
يعني هشام طلعت ومن قبله محافظ الجيزه السابق من الناس اللي أصبحوا كارت محروق فإتاخدوا في الرجلين وأصبحت غلطاتهم جبال
طبعا مش ححكم على هشام طلعت فمازال للقضاء كلمته ولن أبرأه ولكن دي السياسهالعامه للبلد
اللي ماشي في طوع النظام يحموه ويبرأ مهما فعل ولكن من يغضب عليه تطلع عينه وعين اللي جابه
وسلااااام لأحسن أكتر من كده حتضطري
تجيبيلي عيش وحلاوه ده لو عرفتي مكاني
حسبي الله ونعم الوكيل في الحكومة دي، تقريبا كده مش هيرتاحوا غير لو الشعب كله طفش وسابلهم البلد يسرقوها زي ما هما عايزين، ربنا على المفتري
ايه ياهمس انتى لسه بترددى الكلام المغرض ده
مالقضية فى ايد القضاء وزى مالراجل قالك مافيش حد فوق القانون . حتى اسألى أيمن نور
اللهم امين
جايز تكون جكايته تغطية ولا يمكن استغنو عنه وما عادو محتاجينه
منورنى يا برنسيسه
فعلا ياتامر والله عندك حق
ومش بعيد خالص تكون الحكايه كلها تمثليه وبيعملو ها علينا
وان شاء الله هيولعو كلهم فى بعض
منور يا تامر
والله ما حاجه جميله الا تشريفكم كلكم ليا
وبعدين لالا مينفعش لازم تكثف دعواتك عليهم فى رمضان
يمكن ربنا يستجاب لينا
منورنى
ههههههههههههههههههههه
ياسلام يا استاذاحمد عيش وحلاوه بس
دا انت تؤمر
بس بعد الشر عنك
ياريت يعرف يطفش
صدقينى كان كل الناس طفشت
وبعدين يا ويفز هما مستنين يطفشو علشان يسرقوها
يا حببتى هما كدا كدا حرامين وسرقنها
فاحنا مش فرقين معاها
غربنا يخدهم
قولى امين
هيا القضيه فى ايدى القضاء اه
بس احنا باه اللى بقينا فى رجلين القضاء وبقى بيشوطنا بكل صدمه واختها
لحد ما اتخنقنا
انما حكايه ان مفيش حد فوق القانون
دى فعلا قالها بس نسى يقول
ان فيه سبت واتنين وتلات واربع وخميس وجمعه دووووووووول كلهم فوق القانون
وكل البلد تحت جزمتهم
وبعدين انا مش بردد كلام مغرض
انابس بتفقع وبتغاظ
اكتم فى نفسى اموت يعنى يا احمد ولا ايه
يرضيك كدا
بصى دا حكاية متكررة فى اغلب اعضاء المجلس الموقر
مرة اكياس دم مسرطنة
مرة عبارة
مرة قطار
بصى عادى يعنى انسى يا بنتى
وقولى حسبى الله ونعم الوكيل
اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة
لا تسلمى
بس الناس دى بتتصرف على اعتبار ان احنا عايشين فى العزبة بتاعة أبوهم أما مسألة القانون والدستور والكلام القديم ده فمش فى دماغهم ظول ما فيه ناس بتنتمى للقضاء امثال عبدالسلام جمعه وممدوح مرعى وغيرهم
اكدي مش قلت هما تبع الحكومة
وطبعا اخلاقهم زى الزفت
ومصايبهم تعتبر عاديه بالنسبه ليهم
وكارثه بالنسبه لينا
والله يكون فى عونا
امبا بخصوص الحضور
ان شا ءالله هاجى استنونى
عند البوابة
منور يا نهر الحب
ورمضان كريم
يااااااه يا احمد
اهو انت بنفسك قلتها كلام قديم
الله يكون فى عونا
منورنى ديما
فيان همس وحشتني تذكرتي امس الجمعهامس كان نفس اليوم تقبالنا فيه شكرا ياحبيتي وقدرتني جيتنا يارب نتجمع تاني بس مره جيه انتي تجيه السودان
الميل اللي كلمني هو
hams111981
وقاللي بالحرف
أنا همس مدونة مصريه لكن متغاظه آند مفروسه
يعني إنتحال شخصيه بتبجح
ولولا إني جالي ضيف كنت حكيت معاه
إلى ما شاء الله
بس أنا إعتذرتلله بكل ذوق وخرجت من الميل
طبعا كنت فاكره ميييييييين ؟؟
همس همس همس همس همس همس همس
ههههههه
ومستني تحكيلنا عن يوم
أبو الريش إنشالله يعيش
السلام عليكم
( كبش فداء )
هو ده اللي حصل
لما يحسو ان المصايب كترت لازم يضحو
وده كمان هيطلع منها زي اخواته
لو رجاله كانو اتشطرو علي الكيماوي المسرطن بتاع اخونا غالي
بس هما عارفين لو حد كلمه ربع كلمة
هيفضحهم
ربنا المستعان
وغيري الموضوع وغلوشي بقي
عشان منتحبسش
برقش
همس
مش فاكرة شفت الاسم دا فين فين ؟؟
هههههههههههه
وحشتينى يا بنت
بجد انت لماضة هانم الجميلة
شوفى انا كتبت اية عنك عندى
;;كل عام وانت بخير
اهلا ياسمية
ان شاء الله ديما متجمعين
منورانى
اهلا يا استاذ احمد
حلو تبجح دا
هو بس مش عاجبه انه يكون راجل
وحس ان هرمونات الانوثه طاغيه عليه
فانتحل شخصيه بنت
الله يشفيه ويصبر اهلو
حاضر انا هحكى طبعا
منورنى يا احمد
ههههههههههههههههه
حاااااااضر
غلوش علوش غلوش
مبسوط كدا يا برقش
انت تؤمر ياباشا
هههههههههههههههه
انتى برضو لسه مش فاكره
وبقى انا لمضة
مااااااااااشى
انا جيه وراكى اهو اشوفك كاتبه ايه عنى
بجد بجد وحشتيييييييييينى انتى ونسمة
منورانى ياقمر
وانت طيب
ورمضان كريم يا كلام على البلاطة
منورنى
إرسال تعليق