انا اسفه جدا للتاخير ...بالرغم ان كنت ناوية اجى من القاهره اكتب الموضوع على طول قبل ما انام
بس الكمبيوتر كتر خيره لما شافنى مبسوطه قلى افوقها وافكرها انها متغاظة اند مفروسة
وعلى ما اتظبط ....وجيتلكم يا خلابيص ....
انا طبعا لقيت كتير حكو على اليوم ...بس برضو هحكى عليه اشمعنى انا
الاول اللى عرفتنى على اليوم دا الدكتوره جنه حبيبة قلبى (جزاها الله كل خير )
اللى كنت مشتاقه اشوفها جداااااا ...ومعرفتى بيها مش من خلال النت وبس لا كنت حابه اتعرف عليها
المهم انا وصلت القاهره الساعه تقريبا واحده ونص بس بعد ايه مجالى جفاف وكل الميه اللى فضلت اشرب
فيها قبل ما انام اتبخرت منى وخلااااااااااااااص انا عايزة ميه ....
وكنت انا وجنه مع بعض على التليفون وكانت اول واحده اشوفها من المدونين واتقابلنا قدام المستشفى
وكان اول لقاء لينا واول مكان يجمعنا (هيمانه فى جنه حضرتى ) وكانت زى ما متخيلها بظبط طيبة
وتحس انها مليانه حنان وخير وحب ....
المهم شوية واتعرفت على باقى قافلة بورسعيد ....اللى انا فعلا سعيده جدا بمعرفتهم
واتعرفت على بابا ابوخالد ...وبصراحه كان عندو حماس اكتر مننا احنا بجد بجد راجل زى العسل
واتعرفت على النهر الحب ....ايناس ....وغرقت فى النهر وشبعت حب منها ومن حبة الهوا ( نسمه اختها)
وايناس كانت محسسانى ان عندها زهايمر مستمر من ناحيه اسم مدونتى ...علشان كل ما تيجى تعرفنى على حد
وتجى تقلو اسم مدونتى تتلغبط لدرجه ان انا نفسى اتلخبط بعد كدا وربنا عدتنى الله يسامحها
بجد لذيذه جدا ودمها خفيف ...ولا نسمه اختها كنا هنحدف نفسنا فى النيل ناخد دوش من الحر بس للاسف
معرفناش علشان كان ناقص الليفه والصابونه لزوم التليف فقاومنا ...
وبعدين اتعرفت على سوما ( مجنونة فى بلد عاقل) تصدقو والله ما باين عليها الجنان خالص
بالعكس كانت هاديه جدا وطيبوبة كدا وعلى الطبيعه غير االلى فى المدونة خالص شكلها بتقوم بشخصيتين
جايز متراقبه ولا حاجه ولا يمكن عليها قسط تلاجه ...الله اعلم بعباده ...
وبعديها اتعرفنا على شيماء مدونة من السويس واتعرفنا على مجموعه بنات مدونات انا اسفه مش فاكره الاسامى
بظبط علشان انتو عارفين اتزهيمرت من ايناس الله يبارك فيها
وبعديها دخلنا على المستشفى وبقو يهلو علينا المدونين واحد ورا واحد ووحده ورا واحده وكان عدد كويس والله
مش هكدب وهقلكم انى عديت الرقم لالالا ...مش لاسمح الله انى مبعرفش اعد ....لا طبعا بعرف اعد رقم لاباس
بيه ...لكن كنت بدور على حاجه اقعد عليها اصلا كانت خلاص كانت رجلى بتنقح عليا وكانت نويا تفضحنى وتنقع على اللى جنبى
وبالفعل بلطنا على الارض انا وسوما ...
واحنا قاعدين باه هلت علينا مين .... بخ عوووووووووو ....كيكى ....وكنت مبسوطه اوى انى عرفتها
وفضلت ابصلها وابتسم وفى الاخر وقفنا مع بعض بصراحه دمها زى العسل ...هى اى نعم روشتنى
من كتر بصاها كل شوية فى السقفه ( نظام الاشتغالت) لدرجه انى حسيت انها بتنادى
على الواوا ( بتاع محمد هندى مش هيفاء)
بس بجد بجد دماااااااااغ وانا بحب الناس الدماغ اوى ....
وعايزة اعترف اعتراف امام الله والجميع كانت بتحرضنى ياجماعه
اننا ندكن الظرف اللى فى الفلوس علشان الفطار
وندى العيال الشنطه وبس وكنت موافقها مش لانى عايزة الفلوس لا لان شوشو كان بيلعب فى دمغنا بمفك
بس جالى هاتف وقلى بلاش احنا فى رمضان ..... فنصحتها فقبلت النصيحه والحمد لله
انتصارنا على شوشو .... (كان تهريج طبعا على الاقل منى الله اعلم بخ عو كانت نيتها ايه انا بس بهدى النفوس )
بس اهم حاجه مش كنت بنادى عليها الا ببخ عو ....حتى لما طلبت رقم موبيلها
تقلى موبيل من اول تعارف كدا ...قلتلها هو انا هسيبك ( بجد بجد تتحب من غير اى مقدمات ) وادتنى الرقم
وسجلتها ببخ وعو ...ودلوقتى كل ما ترن عليا واسمع اسمها بتنطق اموت من الضحك ....
وبعديها كدا واحنا واقفين هيا اعجبت ولقت روحها بتخبط على الروح ...لالا تفكركم ميروحش لبعيد ....
شافت مدونة وعايزة تتعرف عليها
وتقلى عرفينى عليها ...والمشكله انى معرفهاش اصلا ....وبعد كام زقه منها ...روحت قلتلها ماشى تعالى
نتعرف ...ولسه بقول ياهادى وراحه اقلها لوسمحتى المحروسه قلتلى ثانيه واحده لوسمحتى
تخيلو باه الحاجه كانت عملالى مهمه وتقلى ثانيه واحده وكيكى موقفها سليم وانا اللى كان شكلى وحش
المهم طلعت اودى الشنطه وجيت بقلها الحاجه هناك اهى ....قلتلى انا اتعرفت عليها اسمها زهره
ضرب فى ودانى الاسم روحت عليها وقلتلها انتى اسمك زهرة مدونتك اسمها واحده مفروسة
قلتلى ايوة قلت والله حمدلله على سلامتك عملتنا بوست سيبتى اعصابنا فيه وروشتينى معاكى
وعرفتها انا مين باه ....وبكدا تتاكدو اننا اتعرفنا تعارف (ثانيه واحده )
على فكره مش انا لوحدى اللى كانت بتقلى ثانيه واحده ....داانا لقيتها شغاله كدا ...كل شوية ثاينه واحده
لدرجه مره بتقلها واحنا واقفين فى مجموعه ومشت شوية قلتلها هو كل حاجه عندك ثانيه واحده ....
رجعت وقلتلى انا رجعت علشان سمعتك بتقلى وبتضحك الظاهر خافت تضحك وهيا ماشية الناس تقول فى
سرها ربنا يشفيها
ادى الحاجه المهمه ...صاحبة تعارف ....ثانيه واحده
وبعدها شوفت احمد الصباغ ....واتعرفنا .... وانا طبعا عارفه انه مدمن تصوير ....فضل يصور
واتعرفت على امبراطوية (س) سمر صاحبة مدونة المفقوع مرارتها اللى ربنا يشفيها
واتعرفت على اخواتها البنانيت المدونات برضو
وكل اسميهم بداه بحرف السين .... بجد بنات عسولات وهاديات خالص
واتعرفت على ام البنين ...وكان معاها ولاده ربنا يبارلها فيهم
واتعرفت على نونا مدونتها المهاجر بجد بالرغم انها منقبه الا انها مش مكلكعه وكانت اجتماعيه جدا
ودمها عسل وميرا صاحبه مدونة امراه بعقل رجل ...اللى كان عندها حماس وكل ما الف
بوشة القيها فى كل مكان ما شاء الله صحه ...اللهم لا نق اند قر ...
بس الكمبيوتر كتر خيره لما شافنى مبسوطه قلى افوقها وافكرها انها متغاظة اند مفروسة
وعلى ما اتظبط ....وجيتلكم يا خلابيص ....
انا طبعا لقيت كتير حكو على اليوم ...بس برضو هحكى عليه اشمعنى انا
الاول اللى عرفتنى على اليوم دا الدكتوره جنه حبيبة قلبى (جزاها الله كل خير )
اللى كنت مشتاقه اشوفها جداااااا ...ومعرفتى بيها مش من خلال النت وبس لا كنت حابه اتعرف عليها
المهم انا وصلت القاهره الساعه تقريبا واحده ونص بس بعد ايه مجالى جفاف وكل الميه اللى فضلت اشرب
فيها قبل ما انام اتبخرت منى وخلااااااااااااااص انا عايزة ميه ....
وكنت انا وجنه مع بعض على التليفون وكانت اول واحده اشوفها من المدونين واتقابلنا قدام المستشفى
وكان اول لقاء لينا واول مكان يجمعنا (هيمانه فى جنه حضرتى ) وكانت زى ما متخيلها بظبط طيبة
وتحس انها مليانه حنان وخير وحب ....
المهم شوية واتعرفت على باقى قافلة بورسعيد ....اللى انا فعلا سعيده جدا بمعرفتهم
واتعرفت على بابا ابوخالد ...وبصراحه كان عندو حماس اكتر مننا احنا بجد بجد راجل زى العسل
واتعرفت على النهر الحب ....ايناس ....وغرقت فى النهر وشبعت حب منها ومن حبة الهوا ( نسمه اختها)
وايناس كانت محسسانى ان عندها زهايمر مستمر من ناحيه اسم مدونتى ...علشان كل ما تيجى تعرفنى على حد
وتجى تقلو اسم مدونتى تتلغبط لدرجه ان انا نفسى اتلخبط بعد كدا وربنا عدتنى الله يسامحها
بجد لذيذه جدا ودمها خفيف ...ولا نسمه اختها كنا هنحدف نفسنا فى النيل ناخد دوش من الحر بس للاسف
معرفناش علشان كان ناقص الليفه والصابونه لزوم التليف فقاومنا ...
وبعدين اتعرفت على سوما ( مجنونة فى بلد عاقل) تصدقو والله ما باين عليها الجنان خالص
بالعكس كانت هاديه جدا وطيبوبة كدا وعلى الطبيعه غير االلى فى المدونة خالص شكلها بتقوم بشخصيتين
جايز متراقبه ولا حاجه ولا يمكن عليها قسط تلاجه ...الله اعلم بعباده ...
وبعديها اتعرفنا على شيماء مدونة من السويس واتعرفنا على مجموعه بنات مدونات انا اسفه مش فاكره الاسامى
بظبط علشان انتو عارفين اتزهيمرت من ايناس الله يبارك فيها
وبعديها دخلنا على المستشفى وبقو يهلو علينا المدونين واحد ورا واحد ووحده ورا واحده وكان عدد كويس والله
مش هكدب وهقلكم انى عديت الرقم لالالا ...مش لاسمح الله انى مبعرفش اعد ....لا طبعا بعرف اعد رقم لاباس
بيه ...لكن كنت بدور على حاجه اقعد عليها اصلا كانت خلاص كانت رجلى بتنقح عليا وكانت نويا تفضحنى وتنقع على اللى جنبى
وبالفعل بلطنا على الارض انا وسوما ...
واحنا قاعدين باه هلت علينا مين .... بخ عوووووووووو ....كيكى ....وكنت مبسوطه اوى انى عرفتها
وفضلت ابصلها وابتسم وفى الاخر وقفنا مع بعض بصراحه دمها زى العسل ...هى اى نعم روشتنى
من كتر بصاها كل شوية فى السقفه ( نظام الاشتغالت) لدرجه انى حسيت انها بتنادى
على الواوا ( بتاع محمد هندى مش هيفاء)
بس بجد بجد دماااااااااغ وانا بحب الناس الدماغ اوى ....
وعايزة اعترف اعتراف امام الله والجميع كانت بتحرضنى ياجماعه
اننا ندكن الظرف اللى فى الفلوس علشان الفطار
وندى العيال الشنطه وبس وكنت موافقها مش لانى عايزة الفلوس لا لان شوشو كان بيلعب فى دمغنا بمفك
بس جالى هاتف وقلى بلاش احنا فى رمضان ..... فنصحتها فقبلت النصيحه والحمد لله
انتصارنا على شوشو .... (كان تهريج طبعا على الاقل منى الله اعلم بخ عو كانت نيتها ايه انا بس بهدى النفوس )
بس اهم حاجه مش كنت بنادى عليها الا ببخ عو ....حتى لما طلبت رقم موبيلها
تقلى موبيل من اول تعارف كدا ...قلتلها هو انا هسيبك ( بجد بجد تتحب من غير اى مقدمات ) وادتنى الرقم
وسجلتها ببخ وعو ...ودلوقتى كل ما ترن عليا واسمع اسمها بتنطق اموت من الضحك ....
وبعديها كدا واحنا واقفين هيا اعجبت ولقت روحها بتخبط على الروح ...لالا تفكركم ميروحش لبعيد ....
شافت مدونة وعايزة تتعرف عليها
وتقلى عرفينى عليها ...والمشكله انى معرفهاش اصلا ....وبعد كام زقه منها ...روحت قلتلها ماشى تعالى
نتعرف ...ولسه بقول ياهادى وراحه اقلها لوسمحتى المحروسه قلتلى ثانيه واحده لوسمحتى
تخيلو باه الحاجه كانت عملالى مهمه وتقلى ثانيه واحده وكيكى موقفها سليم وانا اللى كان شكلى وحش
المهم طلعت اودى الشنطه وجيت بقلها الحاجه هناك اهى ....قلتلى انا اتعرفت عليها اسمها زهره
ضرب فى ودانى الاسم روحت عليها وقلتلها انتى اسمك زهرة مدونتك اسمها واحده مفروسة
قلتلى ايوة قلت والله حمدلله على سلامتك عملتنا بوست سيبتى اعصابنا فيه وروشتينى معاكى
وعرفتها انا مين باه ....وبكدا تتاكدو اننا اتعرفنا تعارف (ثانيه واحده )
على فكره مش انا لوحدى اللى كانت بتقلى ثانيه واحده ....داانا لقيتها شغاله كدا ...كل شوية ثاينه واحده
لدرجه مره بتقلها واحنا واقفين فى مجموعه ومشت شوية قلتلها هو كل حاجه عندك ثانيه واحده ....
رجعت وقلتلى انا رجعت علشان سمعتك بتقلى وبتضحك الظاهر خافت تضحك وهيا ماشية الناس تقول فى
سرها ربنا يشفيها
ادى الحاجه المهمه ...صاحبة تعارف ....ثانيه واحده
وبعدها شوفت احمد الصباغ ....واتعرفنا .... وانا طبعا عارفه انه مدمن تصوير ....فضل يصور
واتعرفت على امبراطوية (س) سمر صاحبة مدونة المفقوع مرارتها اللى ربنا يشفيها
واتعرفت على اخواتها البنانيت المدونات برضو
وكل اسميهم بداه بحرف السين .... بجد بنات عسولات وهاديات خالص
واتعرفت على ام البنين ...وكان معاها ولاده ربنا يبارلها فيهم
واتعرفت على نونا مدونتها المهاجر بجد بالرغم انها منقبه الا انها مش مكلكعه وكانت اجتماعيه جدا
ودمها عسل وميرا صاحبه مدونة امراه بعقل رجل ...اللى كان عندها حماس وكل ما الف
بوشة القيها فى كل مكان ما شاء الله صحه ...اللهم لا نق اند قر ...
وعبد الرحمن صيدلى مطحون ....
المهم بعد كدا طلعنا وروحنا صلينا العصر فى مسجد ...الراجل قلنا اطلعو فوق اجى اطلع
احس انى بنزل خندق وسرداق ....مسجد من ايام فتح الاسلام لمصر
وصلينا وطلعنا على المطعم ... ولسه دخله المطعم لقت واحد وواحده بياكلو
قلت الحمد لله المغرب اذن هنا ولا ايه ..... وبعد السؤال اتضح انهم اصحاب دين اخر
وقعدنا باه فى المطعم وقعدت جنب التلاجه اللى فها ميه وحاجه ساقعه ولقت الراجل بيوزع عصير جوافه
وانا طبعا محبهاش الا باللبن غيرتها وجبت بالمانجه عصير المفضل ....ولقيتو بيوزع فى ازايز الميه
يا دى المصيبة فقلتلو لالالا احنا عايزن ميه ساقعه ....وحطيت اززتين ميه قدامى وبدادى فيهم وادعى ان الاذان
اذن علشان خلاااااااااااااص على وشك ان اى بنت سندت عليا كنت هتحول الى بودره
وجم بتاع المطعم علشان يشوفو الطلبات وجين يقولو كبابا وكوفته اقلهم يا جماعه انا من ساعة ما طلعت من
حدانا فى البلد لحد ما وصلت للقاهره ملقتش حمار او كلب ماشى بلاش كباب وكوفته
وبصراحه هو مفيش الا كباب وكوفته وحمام وانا مبحبش الحمام فاضطريت
اسفه ان اطلب كلب وحمار قصدى كباب وكوفته
وخلصنا اكل وطلعنا اتمشينا لحد قهوة البورصه .... واتجمعنا كلنا حولين الطربيزات
واتعرفت عن قرب على الاستاذ خالد همس الاحباب اللى كنت متغاظة علشان مسمى الاسم على اسمى
واتعرفت على الباحث عن الحقيقه وربنا يعينه ويلاقيها ...
واتعرفت على احمد سكر بالرغم اننا ما اتكلمنا كتير ....ودعاء موجهات ...
وطارق كوارث وكان معانا جنه واحمد الصباغ والمبراطورية (سى ) ونونا وبنوته مصرية
وكانت القاعده كلها مليانه ضحك وتهريج وحب وحماس .....وشاى وماية ساقعه ونسكافيه وحاجه ساقعه
برضو بالرغم ان احمد الصباغ قلبنى فى ازازة الميه علشان يغيظنى ...بس بالف هنا ليه ...
بس بصراحه كان شغلتو فى القاعده انه يغيظنى ... ويفرسنى ....
وجه اتصال تليفونى لاحمد سكر وكان من احمد ك صاحب مدونة دردشة عربية ....
وكلمتو وكنت مبسوطه والله بمعرفتو بالرغم انه قلى خبر يغيظ ....بس الحمد لله فهمته ....
المهم بصراحه مكنتش عايزة اروح خالص ....وكنت عايزة اتعرف اكتر عليهم ....
بس كان الحاج هيما هيطخنى .... واستاذنا انا وجارى طارق كوارث ودعاء موجهات وروحنا
وبجد طارق راجل محترم جدا واداها حته ابن البلد ماسبنى الا لما ركبت الميكروباص بتاع بلدنا ....
وبااااااااااس وعنيكم ماتشوف الا النور الراجل بتاع الميكورباص مشغل اغانى لابوالغم كلو
مصطفى كامل ....وخاصه اغنيه شكرا ..... اللى شبعتنى بالكلمه دى وحسيت ان ودانى ومناخير وبؤى
بطرطش بكلمه شكرا .....
وطول الطريق اتصالات للاطئنان عليا وصلت ولا لسه ...
والحمد لله وصلت البيت وكان فى استقبالى هيما ( ابويا ) واديتو التقرير وحكيتلو على كل شخصية
عرفتها ....وحكتلو اد ايه شباب وبنات كويسين ومثقفين واصحاب فكر ومواهب قيمه ومحترمه جدا
واد ايه ان لما كنت اشوف حد فيهم كانت الحاجه الوحيده اللى بعملها
انى ابتسم ويملانى فخر وكرامه انى عرفتهم .... بجد بجد انا مبسوطه ان عرفتهم كلهم
وان شاء الله نتجمع على خير .... فى قصر العروبة قدام كرسى مبارك ....ونشيلو من الكرسى
ولو لقيناه ملزوق فيه بغره ....نشيلو بالكرسى نفسه ....ونجيب كرسى
واقعد انامكانووووووووو.....والله هظبط مصر دى كلها
وكل سنه وانتم طيبين ....
ورمضان كريم ....
وبجد وحشتونى جدا جدا جداااااااااا
ملحوظة هااااااااااااااامه جدا
اه صحيح قبل ما انسى ....ايملى اللى على الهوت ميل نسيت الباسورد بتاعته فياريت كل صحاب المدونين
اللى عرفتهم يسبولى ايملاتهم على الياهو واللى كانو عارفين ايملى على الهوتميل هوهو على الياهو
يضفونى على ما ربنا يكرمنى وافتكر الباسورد او اعمل واحد جديد ...بس ياريت تسبولى الايملات فى تعليق
منفصل على المدونة ....
وايمل hams111981
دا مش ايملى دا ايمل واحد هرمونات الانوثه طاغيه عليه ومنتحل شخصيتى
وسلاااااااااااام
وسمعنى سلام كبير اوى ......شكراااااااااااااااااا
المهم بعد كدا طلعنا وروحنا صلينا العصر فى مسجد ...الراجل قلنا اطلعو فوق اجى اطلع
احس انى بنزل خندق وسرداق ....مسجد من ايام فتح الاسلام لمصر
وصلينا وطلعنا على المطعم ... ولسه دخله المطعم لقت واحد وواحده بياكلو
قلت الحمد لله المغرب اذن هنا ولا ايه ..... وبعد السؤال اتضح انهم اصحاب دين اخر
وقعدنا باه فى المطعم وقعدت جنب التلاجه اللى فها ميه وحاجه ساقعه ولقت الراجل بيوزع عصير جوافه
وانا طبعا محبهاش الا باللبن غيرتها وجبت بالمانجه عصير المفضل ....ولقيتو بيوزع فى ازايز الميه
يا دى المصيبة فقلتلو لالالا احنا عايزن ميه ساقعه ....وحطيت اززتين ميه قدامى وبدادى فيهم وادعى ان الاذان
اذن علشان خلاااااااااااااص على وشك ان اى بنت سندت عليا كنت هتحول الى بودره
وجم بتاع المطعم علشان يشوفو الطلبات وجين يقولو كبابا وكوفته اقلهم يا جماعه انا من ساعة ما طلعت من
حدانا فى البلد لحد ما وصلت للقاهره ملقتش حمار او كلب ماشى بلاش كباب وكوفته
وبصراحه هو مفيش الا كباب وكوفته وحمام وانا مبحبش الحمام فاضطريت
اسفه ان اطلب كلب وحمار قصدى كباب وكوفته
وخلصنا اكل وطلعنا اتمشينا لحد قهوة البورصه .... واتجمعنا كلنا حولين الطربيزات
واتعرفت عن قرب على الاستاذ خالد همس الاحباب اللى كنت متغاظة علشان مسمى الاسم على اسمى
واتعرفت على الباحث عن الحقيقه وربنا يعينه ويلاقيها ...
واتعرفت على احمد سكر بالرغم اننا ما اتكلمنا كتير ....ودعاء موجهات ...
وطارق كوارث وكان معانا جنه واحمد الصباغ والمبراطورية (سى ) ونونا وبنوته مصرية
وكانت القاعده كلها مليانه ضحك وتهريج وحب وحماس .....وشاى وماية ساقعه ونسكافيه وحاجه ساقعه
برضو بالرغم ان احمد الصباغ قلبنى فى ازازة الميه علشان يغيظنى ...بس بالف هنا ليه ...
بس بصراحه كان شغلتو فى القاعده انه يغيظنى ... ويفرسنى ....
وجه اتصال تليفونى لاحمد سكر وكان من احمد ك صاحب مدونة دردشة عربية ....
وكلمتو وكنت مبسوطه والله بمعرفتو بالرغم انه قلى خبر يغيظ ....بس الحمد لله فهمته ....
المهم بصراحه مكنتش عايزة اروح خالص ....وكنت عايزة اتعرف اكتر عليهم ....
بس كان الحاج هيما هيطخنى .... واستاذنا انا وجارى طارق كوارث ودعاء موجهات وروحنا
وبجد طارق راجل محترم جدا واداها حته ابن البلد ماسبنى الا لما ركبت الميكروباص بتاع بلدنا ....
وبااااااااااس وعنيكم ماتشوف الا النور الراجل بتاع الميكورباص مشغل اغانى لابوالغم كلو
مصطفى كامل ....وخاصه اغنيه شكرا ..... اللى شبعتنى بالكلمه دى وحسيت ان ودانى ومناخير وبؤى
بطرطش بكلمه شكرا .....
وطول الطريق اتصالات للاطئنان عليا وصلت ولا لسه ...
والحمد لله وصلت البيت وكان فى استقبالى هيما ( ابويا ) واديتو التقرير وحكيتلو على كل شخصية
عرفتها ....وحكتلو اد ايه شباب وبنات كويسين ومثقفين واصحاب فكر ومواهب قيمه ومحترمه جدا
واد ايه ان لما كنت اشوف حد فيهم كانت الحاجه الوحيده اللى بعملها
انى ابتسم ويملانى فخر وكرامه انى عرفتهم .... بجد بجد انا مبسوطه ان عرفتهم كلهم
وان شاء الله نتجمع على خير .... فى قصر العروبة قدام كرسى مبارك ....ونشيلو من الكرسى
ولو لقيناه ملزوق فيه بغره ....نشيلو بالكرسى نفسه ....ونجيب كرسى
واقعد انامكانووووووووو.....والله هظبط مصر دى كلها
وكل سنه وانتم طيبين ....
ورمضان كريم ....
وبجد وحشتونى جدا جدا جداااااااااا
ملحوظة هااااااااااااااامه جدا
اه صحيح قبل ما انسى ....ايملى اللى على الهوت ميل نسيت الباسورد بتاعته فياريت كل صحاب المدونين
اللى عرفتهم يسبولى ايملاتهم على الياهو واللى كانو عارفين ايملى على الهوتميل هوهو على الياهو
يضفونى على ما ربنا يكرمنى وافتكر الباسورد او اعمل واحد جديد ...بس ياريت تسبولى الايملات فى تعليق
منفصل على المدونة ....
وايمل hams111981
دا مش ايملى دا ايمل واحد هرمونات الانوثه طاغيه عليه ومنتحل شخصيتى
وسلاااااااااااام
وسمعنى سلام كبير اوى ......شكراااااااااااااااااا
هناك ٣٧ تعليقًا:
هههههههههههههههههههههه
ههههههههههههههههههههههه
ههههههههههههههههههههههوالله ةما عارفة اعلقك من كتر الضحك
هههههههههههههههههههههههه
ابطل وارجع اعلق
عووووووووووووووووووووووووو
كلاكيت تانى مرة ههههههههه
جزاكم الله خير على اللى عملتوه
انا كده اللى مفروسة عشا مكنتش موجودة تتعوض ان شاء الله
متبقيش تغيبى كد ه تانى
انا افتكرتك هاجرتى او اتخطفتى(كلها افكار سوداوية)هههه
تحياتى
عوووووووووووووووووو انا جيت اتخديتى
...............................
اةةةةةةةةةةةةةةةةة الحمد الله بطلت ضحك
يالهوووووووووووووووووووى
فاضحتينى يالهوووووووووووووووووى
انتى قلتى كل حاجة حصلت انا كنت فاكركى بتهزرى!!!!
مش كنتى تقولى الفقرة دى هتتذع
كنت هقولك لا متذعش يا استاذ ابراهيم
هههههههههههههههههههههههههههه
نسيتى لمة كنا هناخد الفلوس وانا وانتى وقلنا فى نفس واحد سامحينى ياااااااارب
هههههههههههههههههههههههههههههه
شوشو كان مسيطر علينا اووووووووى ساعتها
هههههههههههههههههههههههه
ماشى نيتى كانت بمبة مخططة بكحلى
هههههههههههههههههههههههههههه
والله والله دة كنت عايزة اكتب بوست ليكى لوحدك على الى حصل بينادة بس المشكلة ان معلقش ا ى حد فى دماغى غيرك فاقدة الذاكرة خالص..بس خوفت نتحسد والكلام يكتر علينا
ولازم نضع حد للشاعات دى..انا بنت ناس
ههههههههههههههههههههههههههههههه
انا من الصعيد الطار ولا العار يا جعايدى ؟
جعايدى مين
هههههههههههههههههههههههههه
بجد بجد بجد بجد والله انا عمالة احكى كل شوية عنك لماما واى حد بجد مبسووووطة انى اتعرفت عليكى اووووووووووى وبجد حسيت انى اعرفك من زمااان اوووووووووى
والله حبيتك انا خاااااالص...ياهموستى
وكفاية بقى كدة علشان الدمعة اهى فرت
اهى اهى اهى اهى
عوووووووووووووووووووووووووو
السلام عليكم
ياباشا
ايه داااااااااااا
الحمد لله ان انتي رجعتي لنا بالسلامه
وربنا يجعله في ميزان حسناتك
وربنا يوفقك ويوفقكم جميعا يارب
ويلا بقي اقفل اصل الوقت متاخر وبابا الظاهر كدا انه هيرميني من البلكونه هقللك السبب بعدين
السلام عليكم ياقمر انتي طب والله وحشتييييييييييييييييني
يلا بقي ربنا معاكي
السلام عليكم
ازيك يا همسه كل سنه و انتى طيبه
حمدالله على السلامه يا همس
وربنا يجعل مجهوداتكم في ميزان حسناتكم
ويتقبل الخير منكم جميعا
وأنا والله اللي سعدت جدا بالتحدث
ليكي
والخبر اللي يغيظ إنتي الحمدلله كشفتيه لكل متابعينك ومن ساعتها مفتحش ميله تاني
ويا همس إنتي وأحمد سكر حتلخبطوني في إسم مدونتي
دردشة عربي مش عربيه
يسمع من بقك ربنا وتبقى عربيه بس بشرط بي أم أو مرسيدس هههههههههه
وتقبلي تحياتي
يا سلام ما شاء الله سرد هايل
على الأقل مادام الواحد ما اسعدوش الحظ إنه يبقى معاكم على الأقل يعرف ايه اللي حصل
ربنا سبحانه وتعالي دايما يجمعنا على خير
تحياتي
ربنا يجعل في ميزان حساتنكم يارب دايما تجمع علي عمل الخير مش مره وحدة خالص لازم كل مره تشوف حاجه تعملوها يارب معرفتكم دي تكون دايما مفيش حاجه تفرقكم من بعض كنت اتمناه اكون معاكم
كان يوم جميل اوى...للاسف مقدرتش اتعرف عليكى..بس غريبة لانى كنت جمب طارق اصلا...وانا الى واصفلة المكان..
عامة اليوم فعلا كان رائع..
تحياتى
السلام عليكم ورحمة الله وبركاته
ايه حكايتك معايا
مرتين كتبت التعليق والكهربا تقطع
ربنا يستر ف التالته
نعيد التعليق من تااانى
اول شىء توصلى السلام دا للحاج ابراهيم
ابو همس
وقوليله شكرا انك سمحت لهمس تحضر وتشارك معانا فى عمل الخير دا
شكرا ان سمحتلنا نتعرف على عقليه زى عقلية همس
وقوليله كمان كل سنه وانت طيب ياراجل ياطيب
وخالى بالك انا هسئله هاااه
ثانيا بجد انا سعيد بيكى جدا
وعلى قطعك للمسافه دى كلها علشان تشاركينا فى عمل الخير
بجد كنت فرحان اوى وانا بتعرف عليكم
من محافظات تانيه
ميربطناش غير شوية اسلاك
وقدرت الاسلاك دى تجمعنا ليوم جميل زى دا
سعدت جدا بتعرفى عليكى
رغم اننا مش اتكلمنا
بس ان شاء الله تتعوض
كل سنه وانتى طيبه
ممممم
ومش عارف فين ايميلك علشان اضيفه
احمد سكر
انا اول تعليق
هية هية هية حاجة ساقعة هنا
همس باة يا جماعة حاجة كدة مالهاش وصف بنت خدعة و مصيبة و دمها خفيف و كانت ناوية تخلصلنا ماية النيل و تعمل مشكلة اقتصادية عندنا خليكم فاكرين لو حصل بعد الشر نقص فى الماية عندنا فى القاهرة الكبرى يبقا من همس
انا بجد سعيدة انى اتعرفت عليكى بجد شخصية جميلة و ربنا يكرمك بابن الحلال انتى و كل البنات عشان افرح فيكم اشمعنا انا لوحدى ابقا مزنوقة و انتوا تخرجوا براحتكم
و كل سنة و انتى طيبة
حرام عليكى يارب ما تبطلى ضحك ابدا ابدا يابطتى
وبعدين انامكنش بهزر
وبعدين بزمتك اسيب الحكايه تعدى كدا بالساهل
لكلا البتا
وبعدين هيا مشكله انك ما تفتكريش الا انا
يابنتى مش المشكله فى الزهايمر بتاعك
هو بس تاثير كان جامد حبتين على شويتين
ههههههههههههههههههههه
متخلى الناس تتكلم
سمعه برضو وصيت وطبيعى الشخصيات العامه اللى زينا يتكلمو
وياما يابنتى هتقابلنا مواقف وكلام
لازم نتحد لمواجهتها
وايه بنت ناس دى
انا افتكرت انك بنت اب واحد وام واحده زى كدا
سبحان الله الدنيا بتتغير
انا مخصوص ماما سلميلى عليها اوى
وبوسهالى من هنا ومن هنا
وقوليلها كل سنه وهيا طيبة
وحكايه عرفاك من زمان دى
محسسانى اننا عايشين منذ فجر الاسلام كدا
كدا تدى فكره للناس عن سننا ايه
الله يسامحك
بس والله انا كمان حبيتك ونفس المشعرير
عندى بظبط يانوحى
وشوفك على خيرررررر ديما
فى فرحك قريب يا عروره
سلام ياقمرى
منورانى لتانى مره
احسن اتغاظى ههههههههههههههههه
وان شاء الله هنتقابل
اما بخصوص الاختفاء ....جالى حبة ملل كدا
مش اختطاف
هو حد يقدر اصلا ...داانا همس
منورانى ياقمر
وعليكم السلام ورحمة الله وبركاته
اهلا اهلا يا نور
فينك يابنتى
يارب تكونى بخير
والله يسلمك
وماشى الحقى قبل بابامايجى
وابقى قبل ما تقعدى ياختى على الجهاز
اقفلى جميع البلكونات والشبابيك
واعملى احتياطاتك
سلاااااااام
اه صحيح انسيت اقلك يانور
لو باباكى قفشلك
اعملى حسابك فى علبة ريدبول
هديك جووووووو منيييييييييييح
ههههههههههههههههههه
يا اهلا يا بيكر
فينك يا راجل من زمان
وانت طيب يارب وبالصحه والسلامه
ورمضااااااااان كريم
الله يسلمك يارب يا احمد
وبجد كان نفسنا تكون معانا
مش بالتليفون بس تكون موجود بشخصك كمان
واكيد انا الاسعد بمعرفتى بيك وانى كلمتك
اما بخصوص الزفت اياه
انا قلت على الموضوع من زمان
اصل مش حضرتك اول واحد يكلمو على اساس انه انا
ومتابع مدونتى وكل ما يشوف حد جديد بيعلق
يجيب ايملو ويكلمو على اساس انا
واهو دا المستانث بعيد عنك
شخصيه مريضه
وانااسفه جدا ان حطيتك فى الموقف دا
بالرغم انه يشرفنى اكلمك بالايمل كمان
هو انا اطول ياخويا
ورمضان كريم يا باشا
عجبك يا ولد يامصرى
ياريت كنت معانا
بس طبعا كنت موجود بروحك ودمك
والارض لوعطاشنه نرويها بدمانا
فاصل اعلانى معلشى (حبكت )
المهم نتجمع على جير وتكون معانا يارب
منورنى
الله عليكى يا عاشقه
وشكرا على الدعوات الرائعه دى
ولكم مثلما دعوتم بها
وان شا ءالله لما تنزلى مصرى تشتركى معانا
منوره ياقمر
اهلا اهلا بالغزالى
للاسف فعلا ماجتش اتعرفت عليك
وبعدين انا عرفت طارق واحنا متجمعين فى البورصه وانت ما كنت معاه
جايز يكون قصدك جنبه فى المطعم
على العموم ان شا ءالله هتعرف فى فرصه تانى
واليوم جميل فعلا بوجودكم
ورمضان كريم
وعليكم السلام ورحمة الله بركاته
ياخبر ابيض النور قطع مرتين
دا اكيد مش عيب فى وزاره الطاقه
دا مدا تاثير نورك فى المدونة
وحاضر هسلم على الحاج هيما
وهوصلو سلامك طبعا
وانت طيب يارب ديما
والعفو والفعو انا كان شرف ليا طبعا بعرفتى بيك والله وبكل المدوينن
واكيد هتتعوض باذن الله
وحاجه فعلا رائعه اننا نتجمع على خير
ويارب يجعل ايمنا خير
اما بخصوص الايمل
سبيلى ايملك فى تعليق خاص فى المدونة
وانا هضيفو
وخلى بالك هتبقى كلمه السر جزر
منورنى يا احمد
ورمضان كريم
نونا حببتى نوحى نوحى والله
بس ايه الكلام دا كلو يابنتى
دا الجهاز هو كمان وش احمر من كتر تاثير وشى الاحمر عليه
لازم تكسفينى يعنى
وبعدين متخفيش عن مشكله الميه هيا اصلا موجوده انتو عتملو حجتى ولا ايه
وهتلبسونى تهمه ..وانا نسمه قصدى همس
وبعدين انتى سعيده ولا نونا
انا طبعا اللى مبسوطه جدا بمعرفتى بيكى
اما بخصوص ابن الحلال
هو انتى متعرفيش
هو انتى ما سمعتيش
هو انا ما قلتلكيش
ياحببتى هما انقرضوا
وبعدين مخصوص زنقتك ايه دور امينه اللى قايمه بيه دا
هو فيه راجل هيمشى علينا كلام ولا ايه
دى بقت مهزله
طب ركزى كدا فى الدعوه يمكن اتجوز فعلا
وابقى شوفى انا هعمل فيه ايه
هنفضلوا
ال رجاله تمشى كلمتهم علينا ال
دى تبقى فضيحه بدلادل
ههههههههههههههههههه
تسلمى يا نونا
منورانى
بنت يا قمر
والله لاقول للناس كلها عليكى
همس دى امورة وبحبها جدااااااااااااااا
وفرحت جدااااا انى شفتك يا هموسه
اصل انتى ليكى معزة خاصة عندى
وربنا يديم محبتنا
هنقعد نحب فى بعض كدا كتير
يالا روحى
سلام
شكرا يا ستنا علي التعليق و لان رمضان كريم انا مش راح اجادلك في موضوع اللي يييجي بالساهل
الغرض اللي عايز اقوله من الموضوع ان الزواج شراكة مش ملكية و لا استغلال و بلغتك المفروسة مش تملك و استعمار
شكرا علي زيارتك و لانك اول من زارني من خارج الوسط ف لك مني هدية اخر السنة اللي فاتت و اللي فات مات
السلام عليكم
كويس جيت لقيتك بتتكلمي في حاجة غير الحكومة وولاد ال ولا بلاش خلينا صايميين
المهم ربنا يتقبل منكم ويدخل البسمة عليكم كما ادخلتموها على شفاه اطفال ابرياء وربنا يجمعكم على خير دائما
أبنتي الغالية /همس
تشرفت بالتعرف عليك إنسانة راقية تملك روح جميلة و قلب زي الفل و جمعني الله و إياك علي عمل الخير و تقبل الله لقاء مستشفي أبو الريش في صالح الأعمال
و الحقيقة أنتي صورة مشرفة لبنات هذا الجيل ،دمتي علي عمل الخير حريصة
و سلام و تحية للحج إبراهيم أبو أرق بنوته ..
دمتي أبنتي دوما من أغلي الناس
ياهلا ايهلا يا جنتى
وحشتينى والله
شكلنا كدا هنتحسد من كلتر الفلفه
اشوفك على خير ديما يارب
ياهلا يا هوى
وانا برضو مش قادره اجادل علشان متقله فى الفطار
والله اكرم ياسيدى
وشكرا على الهديه الفشنك
منورنى
وكل سنه وانت طيب
وعليكم السلام ورحمه الله وبركاته
اهلا يا عم الشقى(جنى)
ال صحيح اخبار عم ضبو ايه
اللهم امين
وان شا ءالله المره الجيه تكون معانا
رمضان كريم
يا اهلا يا هلا يا بابا
ايه النور دا كلو
والله ليك وحشه جامده
داانا اللى اتشرفت جدا بيك
وحاضر من عنيا هسلملك على الحاج هيما
واشوفك ديما على خير وفى الخير
ورمضان كريم
الله على فعل الخير
اهم حاجه فى اللقاء الحب والتفاهم اللى بينكوا اللى انتى بتحكى عنه
بشكرك على كميه الحب اللى وصلت لينا
العفو
يارومنسى
وانا بشكرك لمرورك بمدونتى
ورمضان كريم
باحييكى على التجربة الجميلة دى.. لكن ليه يا همس ما قلتيش على الفكرة دى .
وبعدها شوفت احمد الصباغ ....واتعرفنا .... وانا طبعا عارفه انه مدمن تصوير ....فضل يصور
دى كل ملاحظاتك عنى ؟؟
مفيش مثلا ابو دم خفيف العسل
ماشى ماشى
ماشى يا منطقة
:))
معلشى يا احمد
مجتش فى بالى ان احكى عنها فى المدونة
على العموم ملحوقه
ان شاءالله
هههههههههههههههههههههههههه
لا طبعا ازاى
واحمد يا جماعه دمو زى العسل
مبسوط كدا
هيص يا عم وعيش
حد ادك
هههههههههه
انا اللى انتى قلتى عليها دى؟؟
ماشى يا همس وانت ولا همس ولا حاجة
دا انتى اعصار من الشقاوة
هههههههههه
عموما بصى يا ستى قبل ما نروح فى دوكر
ريمو اللى من السويس اسمها رحاب مش شيماء
صحيحى الخطأ شفتى بقى مين اللى عندة زهايمر .؟؟؟؟؟؟؟
إرسال تعليق