الأحد، مارس ٠٨، ٢٠٠٩

أسأله فى الحب ...

أزاي تتأكدوا أنكم بتحبو الحب الحقيقي ؟؟؟

أزاي تتأكدوا أن في حد بيحبكم فعلا حب حقيقي ؟؟؟

أزاي تتعايشوا مع الحب دا ؟؟؟

أزاي تحافظوا على الحب دا ؟؟؟

أزاي تخلو الحب دا نقى ديما ؟؟؟

أزاي تخلو الحب ديما في زيادة مستمر ما يتوقف ولا يقل ؟؟؟

أزاي تخلقوا حب ماحدش حبو قبل كدا ؟؟؟

أزاي تحبوا بطريقه مختلفة وخاصة بيكم لا حد حبه قبل كدا ولا حد هيحبو بعد كدا؟؟؟

إحساسنا أيه لما نسمع كلمة بحبك أو بعشقك ؟؟؟

إحساسنا أيه لما بنقول أنا بحب ؟؟؟

هناك ٣٥ تعليقًا:

د.خالدأمين يقول...

والله

احساني بحب بجد



لما احس ان ربي واهلي والناس كلها راضيين عن الحب ده

لما احس اني مقدرش اعيش من غير اللي بحبه ده


ولما احس اني ممكن اموت لو بعد عني

ولما احس اني ممكن اتحدي كل الظروف علاشن نبقي لبعض


وشكراليك اكتير اكتير


منورانا دايما

”*°•.˜”*°•..سونه..•°*”˜.•°*”˜ يقول...

السلام عليكم .
اول زياره مع اول تعليق .
الامتحان ده صعب اوىىىىىىىى
والاسئله دى حلها عاوز تفكير وقلب كبيرر
وكمان حد يكون بيحب حب حقيقى وبيتحب حب حقيقى !!!!!!!!! وده نادر الوجود
هحاول احل حتى ولو جزء من الاسئله واعود من تانى اكيد .
بقول ايه طب مفيش اختيرات هههههههههه
تقبلى مرورى تحياتى ((**سونه**)).

عاشقه الرومانسيه يقول...

حب ايه
مفيش حب
ولو فيه فده عند اللى زيى وزيك واللى بيقدروه وده بقى نادر
جداااااااااااااا
احنا بقينا فى زمن المصالح

لما تلاقى اجابه على اسئلتك ابقى قوليهالى

وحشتينى

princess يقول...

ايه كل الاسئلة الصعبة دى
ده الثانوية العامة اسهل:))

الشموع البيضاء يقول...

معقول اكون اول تعليق؟
الحب حاجه كبيره فحياتنا وفنفس الوقت بسيطه ورقيقه اوى عاوزه محافظه وعاوزه حكمه فى التعامل معاه الحب عشان يعيش عامل زى مايكون عندك بذرة صغيره بتزريها محتاجه تتروى ومحتاجه اهتمام ومحتاجه الجو الملائم ليها وفيتامينات للتربه بتاعتها عشان تكبر وتفضل جميله ومتموتش
دايما رايى فى العلاقات طويلة المدى من صداقه وحب وزواج وابناء بتحتاج تعامل من نوع خاص تعامل محتاج يكون لينا رصيد عند بعض نقف عليه ولما نحتاجه محتاج تتحط طوبه على طوبه من اول يوم ومشاركه وتعاون
لا للانانيه لا للكبر وحب الذات لا للكذب لا للاستهتار بالمشاعر او الوقت لا للاتكال على الاخر وتحميله فوق طاقته لا لحاجات كتير
معلش طولت
تحياتى

بسمة انور يقول...

اسئلتك منطقيه
وفعلا بدور جوا اى حد

بس ياترى فين الاجابات

romansy يقول...

الحب احساس جميل اوقات مش بنعرف هو جالنا امتى ولا ازاى بنحب لما نلاقى حبيب يخاف علينا يحس بينا يقدرنا ويفهمنا ويعرف ايه ما بينا
بنحب لما نكون اقويا ونحس بضعف بس الضعف دا بيكون جميل
بنحب نعيش احلامنا ونحققها مع اللى نحب
هو دا الحب

مـجـنـووون يقول...

اسئلة صعبه قوي وتحتاج يتكتب فيها كلام كتير قوي

بس ممكن ااقول

أن الحب حاجه كبيرة قوي ومش اي حد يحسس الأحساس ده
ولكن لو لقيت نفسك بتشاق لواحد ومتقدرش تبعد عنه وبتخاف عليه من الهواء الطاير يبقي أكيد بتحبه

وتعرف انه بيحبك لما يكون عنده نفس الشعور الي عندك

تقبلي مروري
مجنووون

جنّي يقول...

السلام عليكم

هما اللي راحو الكويت ها يتكبروا ويمتنعوا عن زيارة اخوانهم .. ساعتها مش ها تلاقي اللي يستقبلك وانتي جاية حاجة ولا معتمرة .. اه خدي بالك كويس ..

الاسئلة كتير وانا اليوم مشغول ولكن الخصها لكي في جملة واحدة : الحب الحقيقي هو الايثار وتفضيل من احب على نفسي ..

تحيتي

همس يقول...

كل دى احاسيس

بس بجد احاسيس حلوه

ربنا يكتر يا دكتور



دا انت اللى منورنى

هسيبك تعيش احاسيسك

همس يقول...

ما اظن انك هتلاقى الحب

وعايزة اختيارات

بس انا عندى ودا علشانك

هو لاما تحبى لاما تعشقى

اختارى يا قمر

منورانى

واشوفك ديما فى حب

همس يقول...

وانتى اكتر يا عاشقه

اكيد فى حب

يبقى نادر ولا منقرض باه

ربنا يسترها على الكلمة نفسها


وبعدين فيه طبعا

امال انا بحب ازاى

منورانى يا بطتى

همس يقول...

الثانويه يا برنسس

بقلك حب تقليلى بدنجان

اصوت

بس خدى هنا قليلى غطسانه فين يا خلبوصه


وحشانى

همس يقول...

طولتى ايه بس

كملى يا حببتى

الحته فسحه خالث

انتى تقعدى كدا وتخدى راحتك

على ما اروح اجيب المانجه واجى اشربها جبنك اهو اسليكى ههههههه

منورانى وتسلمى على الكلام العثل دا

همس يقول...

والله يا بسمه انا كنت منتظره الاجابه منكم

بس الظاهر

مفيش حد يجاوب زكلكم شايلين ملحق

يلا حصل خير


منورانى

همس يقول...

ضعف الحب بيدى قوه لحياتنا

بس هنقول لمين ومين يسمع ويقدر

اسكت يا رومانسى يا خويا

خلينى سكتم

منورنى

همس يقول...

اممممممممممممممم

هوا الطاير بس


منورنى يا مجنون

ويارب يديم جنانك بس فى الحب باه

همس يقول...

وعليكم السلام ورحمة الله وبركاته

لا طبعا ازاى

ربنا يجعلنا من المتواضعين

وربنا يسمعها منك نحج ولا نعمل عمرة



وانا جيه ازورك

وسعلى السكه يا عم



منورنى يا جنى

ahmed_k يقول...

مش عارف يعني هو المطلوب نجاوب
على الأسئله دي
طيب مفيش إختيارات ؟؟
أو إستعانه بصديق ؟؟

بس سبحان الله الكويت بدأت تأثر أهوه
هههههه


دمتي بكل خير

فكرة من الزمن ده يقول...

لما احس اني عايزة اقول له بحبك
ولما الاقي الدنيا من غيره زي الماية لا طعم ولا لون ولا ريحة
لما الضحكة منه تنور حياتي
لما ما اتحملش اشوفه في موقف الاعتذار ليا وبسرعة اقوله سامحتك عشان ما يضطرش يقولها
لما مجرد احساسه بحزن يقتلني واعمل المستحيل عشان يخرج من حزنه
لمااخاف عليه كانه ابني اللي باحميه من اي خطر
لما اشوفه كل رجال الدنيا وما اعرفش اشوف غيره
لما نحس بنفس الحاجة ونقول نفس الحاجة مع بعض
لما الاقي كل اللي حبيته في ابويا ربنا يخليه ليا الاقيه برضة فيه
اقول تاني ولا انتي مستعجلة؟
تحياتي على البوست الجمييييييييييييييل اوي ده

سحساوي يقول...

تعرفي الخرفات البشرية الثلاثة ، هما أسطورتين عارفة إيه ( الحب )
تقبلي مروري

همس يقول...

هههههههههههههه

ماشى يا احمد

بس كنت تجاوب حتى

منورنى يا ك

همس الاحباب يقول...

ههههههههه
بسم الله ماشاءالله
ماذا ارى
من المتحدث الينا
الاخت متغاظة اند مفروسة
هههههههههه
بركاتك يا كويت
وبما انى متغاظ ومفروس من الاسئلة
فاحب افرسك واقولك مش هجاوب
ههههههه
المهم انك بخير
ربنا يطمنا عليكى دايما

hasona يقول...

السلام عليكم

كل دي أسئلة
طيب اللي هيطلع البرشام
هيروح هناك هناك هناك
،،،،
الحب موجود
لكن كلا منا يفسره من وجهة نظره الخاصة

همس يقول...

لالا انا مش مستعجله خالص

كملى

وبعدين الجميل هو حضورك يا فكرة

منورانى

همس يقول...

المفرضو ان اضحك على التخفيضات اللى انت بتقولها

ايه تلات تخريف

وبقو اسطورتين وبقى الحب


محسسنى عمر افندى وعمل تخفيضات دخول المدارس


يلا حصل خير

سلامات يا سحساوى

همس يقول...

شوفتنى وانا رومانسيه ( وش مكثوف )

وايه رايك مش هتغاظ علشان مش هتجاوب يلا باه هههههههههههههه


وبعدين هوا الكويت حلو اوى


منورنى

DreamHany يقول...

احم احم احم أيه الأسئلة الحلوة دى
البقاء لله فى الفرسه بقى ولا تكونى مفروسه من الحب الوقتى
أنا بقى هخلى إحساسى وقلبى هو اللى يرد عليكى


أزاي تتأكدوا أنكم بتحبوا الحب الحقيقي ؟؟؟
إنى أحس إنى مالك الدنيا كلها فى إيدى . وان الدنيا كلها وبكل ما فيها متسواش نظره واحده من عين حبيبتى ولا بسمه واحده من شفايفها ولا دمعه واحده من عيونها

أزاي تتأكدوا أن في حد بيحبكم فعلا حب حقيقي ؟؟؟
الحب هو الحاجة الوحيدة فى الدنيا اللى ممكن تتأكد منها من غير ما تقولها اوتسمعها
الحب إحساس بيتحس
احس انى بالنسبه للى بحبها زى المياه والهواء وانى اغلى عندها من النفس اللى بتتنفسه

أزاي تتعايشوا مع الحب دا ؟؟؟
نتعايش معاه فى اننا ندخل جنته الحب هو جنة الدنيا والحبيبه هى الحور العين

أزاي تحافظوا على الحب دا ؟؟؟
اننا نكون دايما صرحا مع بعض
مهما كانت الصراحه دى مؤلمه
اهم حاجه فى الحب هى الصراحه والصدق

أزاي تخلو الحب دا نقى ديما ؟؟؟
الحب فى حد ذاته هو النقاء
الحب بينقى الانسان ويطهر روحه ويمحى منه كل المعانى الوحشه
وميفضلش الا كل المعانى الجميله والرقيقه بس

أزاي تخلو الحب ديما في زيادة مستمر ما يتوقف ولا يقل ؟؟؟
الحب زى الورده الجميله
الورده محتاج المياه علشان تكبر وتفتح
ومياه الحب هى المشاعر .. لازم دايما نعبر عن مشاعرنا واحساسنا

أزاي تخلقوا حب ماحدش حبو قبل كدا ؟؟؟

انك تؤمن بالحب ده
وتفتخر بيه قدام الدنيا كلها
وانك تبقى مقتنع ان الحب ده نعمه من ربنا لازم تحافظ عليها وتخاف عليها

أزاي تحبوا بطريقه مختلفة وخاصة بيكم لا حد حبه قبل كدا ولا حد هيحبو بعد كدا؟؟؟
اننا نعيش الحب بكل جنونه ورومانسيته
الحب ده شىء غريب جدا جدا
بيجمع بين متضادات كتير جدا
الحب زى ما هو هدوء هو فى نفس الوقت جنون
زى ماهو عطاء هو كمان اخد

إحساسنا أيه لما نسمع كلمة بحبك أو بعشقك ؟؟؟
احساس الملك يوم ما يلبس تاجه ويتوج على عرشه

----------------------------------------------------------
فى أخر الأسئلة عايز أقول حاجه
الحب ده أغلى وأقيم وأندر شىء فى الوجود
واستحالة انه يتكرر فى حياة أى إنسان غير مره واحده بس فى العمر
واللى يقابل الحب ده ويسببه أو يتجاهله أو يدوس عليه . عمره فى حياته ما هيعرف معنى السعاده . لان الحب هو السعاده نفسها . هو الحياة نفسها .
ومهما اتكلمنا عنه او حاولنا نوصفه استحالة هنقدر نوفيه حقه
الحب ممكن يرفع الإنسان لسابع سما لما يكون صادق
وينزله لسابع ارض لما يكون وهم

DreamHany يقول...
أزال أحد مشرفي المدونة هذا التعليق.
DreamHany يقول...

حريتك كعاشق
= = = =

حرية قلبك . عقلك . روحك . إحساسك .. حرية كيانك
حرية روحك فى أن تحيا نقيه لا تحوى إلا الحب والوفاء
وان تحلق فى سماء الحب مع من تهوى
حرية قلبك فى أن يسكنه من يأنس وحدته
حرية عقلك فى أن فى أن يعيش حالة الحب الصادق النقى البرىء
حرية إحساسك فى أن يحتويه من أحس به
حرية كيانك كله فى أن يتخلله اطهر الحب وأنقاه
حريتك هى حقك فى أن تحب من ستقضى حياتك معه
وان تقضى حياتك مع من تحب
تلك هى الحرية التى يفتقدها كل من ليس بعاشق
وكل عاشق لم يعرف معنى الوفاء والإخلاص
كل عاشق لم يقدر الحب الذى وهبه الله تعالى له
فهى نعمه لا يتمتع بها إلا الإنسان
الانسان الذى يتمتع بكل جزء فى إنسانيته
إنسانيتك هى شخصك
وشخصك هو إحساسك
وإحساسك هو روحك
وروحك هى حبك
فتمتع بحبك واعرف قيمته تتمتع بإنسانيتك
أتريد التخلى عن حبك.هيا تخلا عنه
ولكن اعلم انك بذلك قد تخليت عن إنسانيتك وعن نفسك
ومن تخلا عن نفسه تخلت عنه نفسه وروحه وإحساسه تخلى عنه كيانه كله
وسيتخلى عنه كل من فى الدنيا !!
إذن ما فائدة الدنيا؟!
فهنيئا للعاشق بحريته
وويلاً لمن لم يتمتع بعد بحريته التى وهبها له رب العزة
فانتهز فرصت حياتك وتمتع بحريتك . بإنسانيتك . بدنيتك
واعلم أن الحب الصادق الطاهر المطهر من أى غرض هو أندر ما فى دنيا الواقع
فاقتبس من دنيا الخيال ,العشق ,وحوله إلى واقع تنعم به وتحيا فيه
فيا أيها العاشق
هل تذوقت بعد حريتك وتلذذت بها .. أم سترضى أن تحرم منها
وتعيش سجيناً ...

دعاء مواجهات يقول...

فى الحب فلتسألينى انا ولا تثقى فى غير رأيى

(( الحب هو ان يكون لنا رصيد عند بعض .. فاهمين بعض من نظرة عين .. قادرين نسامح بعض بجد على اى خطأ .. مش متخيلين الحياة بدون بعض .. ))

اما عن كيف يكون حبا مختلف

فحبك لة هو بالذات واختيارك اياة دون سواة سبب كافى ليكون الحب مختلفا ذو مذاق خااص ..

منك انتى ينبع الاختلاف ..
فحافظى على دقات قلبك بعناية .ز

--------------

وحشييينى اوى اوى اوى

بيس

همس يقول...

يارب يدوم حبك يا حسونة

منورنى

همس يقول...

ايه دا


اهلا يا هانى

ايه الزمة دى كلها فى الاجابه



تعرف هخليك انت الاول عليهم

علشان انت ما سبت سؤال الا وجاوبت عليه


شاطر

شكلك مزاكر اوى

هههههههههه

منورنى يا هانى

همس يقول...

منك انتى ينبع الاختلاف

فعلا ليكى حق يا دعاء

الاختلاف بينبع مننا

وانتى وحشاااااااااااااااانى جدا

سحساوي يقول...

أنا حاسس من ردك أني غير مرحب بي في مدونتك تقبلي اعتذاري
و كان قصدي من تعليقي السابق أني أقول ان الحب خرافة ، و لولا ذلك ما كانت لقصص مثل روميو و جوليت و قيس و ليلي و كثير عزة قيمة .
تقبلي اعتذاري مرة اخرى