الجمعة، مارس ٢٧، ٢٠٠٩

ترنن ترنن ... قلة ادب

ليه اى حد يتصل سواء عن قصد أو بدون قصد على رقم وطلع الرقم غلط

يقوم يلقح جتت اهلو على اللي بترد

أكيد كتير منا جالو معاكسات تيلفون منها اللى بتبقى مره وتعدى

ومنها بتكون كلمها كويس حتى لو كانت معاكسه

ومنها اللى بتبقى بكلام سافل .... ولو ما رديت على الرقم يبعتلك رسايل

فى منتهى السفالة وقلة الأدب .... ساعتها تبقى متعرفش تعمل أيه غير أن يتحرق دمك

أنا عن نفسى قابلنى دا كلو

قابلني معاكسات عاديه مره واحده ....

قابلتني عالم سافلة اتصلت تسال عن حد ولما رديت قلت لا الرقم غلط شويه ألاقيها تبعت رسايل زى الزفت

قابلتني اتصالات مستفزة جدا وتغيظ لدرجه انك عايز تضحك .... بس طبعا بنمسك نفسنا بالعافية

زى مره كدا ....

ترنن ترنن ....

أنا .... الو مين ....

هو ... الدكتورة ياسمين معايا ....

أنا .... لا والله الرقم غلط ....

ورحت قفله السكه


شويه .... ترنن ترنن ....

أنا ... نعم تانى

هو ... مش انتى الدكتورة ياسمين اللي من المنصورة

أنا ... لا يا سيدى مش أنا

هو ... ازاى دا وكيل النيابه احمد باشا هو اللى مدينى رقمك

أنا ... تلاقى بس حضرتك لغبطت فى الأرقام

هو ... لا أنا متأكد مش الرقم هو .........

أنا ... ايوة فعلا بس يبقى فيه سوء تفاهم ولا حاجه

هو... ازاى

أنا ... زى الناس ...طاااااااااخ فى وشه


شويه ... وترنن ترنن

أنا نفضت المرة دى

لقيته بيتصل تانى .... ترنن ترنن


انا باه وانا شرار طالع منى

ودخله شمال فيه

أنا ... مش قلتلك الرقم غلط هو أنت البعيد مش بيفهم

هو ... بمنتهى البرود انتى بتفتحي ليه عليا أنا كنت بسمع الاغنيه اللي انتى حطاها أصلها حلوة اوى

أنا ... هو أيه الغلاسه هو حد قالك قبل كدا انك رخم ولا حاجه يا ضنايا

هو ... لا متغلطيش أنا هقول لأحمد باشا وكيل النيابه

انا ... طظ ... وكيا نيابه ولا بدنجان ...احمد باشا دا على نفسك انت يا بابا مش عليا وعلى الله تتصل هنا تانى

الله فى سما هتقى قبل ما تخلص رن عليا هتلاقى اللى شدك من قفاك ...حاجه تقرف

وطخخخخخخخخخخخخخ فى وشه


دا يحصل فى بلدك ماشى .... عادى يعنى

أنما تكون بره فى بلد غريبه .... وتلاقى معاكسات من غير ولاد بلدك برضو ممكن نخدها عادى جدا

عالم واطيه وبتتسلى

أنما تيجى مكالمات من ولاد بلدك بمعكسات تشل

أمبارح بليل لقيت تلفون بيرن ... كان الوقت متأخر ما ردتش

اصحي على نفس الرقم بيتصل

وأنا برد نعم .... مين حضرتك

هو ... أنا محمد

أنا ... نعم حضرتك عايز أيه

هو ... أنا كنت اتصلت بالغلط على رقمك أمبارح فقلت اتاسف

أنا ... اوك ولا يهمك

هو ... ممكن نتعرف

أنا ... لا والله مبتعرفش .... سلام .... طخ فى وشو


وأنام تانى واصحى بعد الصلاة على نفس الرقم

وأنا باه جبت أخرى ... ايوا

هو ... أنا محمد

أنا ... ايوا عارفه مهو أنت عرفتنى بيك قبل كدا ... خير في حاجه تانية

هو ... ممكن نتعرف ...

أنا ... والله حضرتك رديت عليك وقلتلك أنا مش فاضيه أتعرف

هو ... طب انتى منين

أنا.... هو مش فاهمنى انا مش عايزة اتعرف

هو ... طب انتى منين بس

أنا ... هو أنا بتكلم هيروغلوفي ... بقلك أنا مبتعرفش انت مش بتفهم

هو ... يبقى انتى من المنصورة

أنا ... طيب روح باه يا شاطر شوفلك حاجه تلعب فيه

هو ... يعنى انتى من المنصورة

أنا ... انت عارف أخر مرة تتصل هنا بدل ما اتصل على المغفر (الشرطه)
وخلى عندك دم شوية



أنا عايزة اعرف ليه يعنى يبقى فيه قلة أدب في الاتصالات

ولو فيه رفض يقلب الوش الخشب ويقول كلام زباله ... ولا يبعت رسايل فيها كلام قلة ادب

حاجه فعلا تغيظ ...

هناك ٣١ تعليقًا:

بسمة انور يقول...

والله يا مصريه

هيا فعلا بقت حاجه تغيظ جدا
كل كام يوم تلاقى اللى بيرن ومهما تتكلمى بادب هو مصمصم على قلة الادب

من وجهة نظرى ده بيبى فراغ من الشباب او ممكن ناس فاضية مسمعتش عن الاخترام حاجه من هذا القبيل يعنى

ربنا يهديهم

عاشقه الرومانسيه يقول...

نقول ايه بس ياهمس يااختشى
ناس معندهاش دم

معلش
روقى اعصابك واشربى المانجه الساقعه
ولو الموبايل قرفك قوى كده بيعيه
ههههههههههه
الا قوليلى صحيح
رقمك كام؟
هههههههههههههه
بهزر

بحبك ياقمر

simply me يقول...

هههههههههههه
ياستى
سيبك

ده بيحصل كتيييييييير اوى

ناس فعلا تناحه
يعنى انا اعرف ان واحد يتصل غلط ده يتفقع عشان اتحاسب علىه دقيقه على الفاضى

انما يتصل تانى ويعاكس يوم واتنين وتلاته

انا عن نفسى مابردش على اى نمره غريبه
بس لما بتغاظ منه بفتح واقفل فى وشه عشان بس تتحسب عليه
ههههههههههههههههه

ahmed_k يقول...

يوووووووووه في منده كتير أوي
والله ممكن تصادفي بنات كده عايزه تتسلى
ويغيظك أكتر لما تلاقي نمره رنت عليكي
ولما تطلبيها يرد الجانب التاني ويقولك أنا مرنيتش
أمال العفريت بتاعك هو اللي رن؟؟
وأكتر حاجه تغيظ فعلا
لما اكون بكلم حد عالشات ماسينجر
ويبقى عايز يتعرف بشكل غلس
يعني مره كنت بكلم واحد بشكل عادي جدا بس مش لدرجة الإتصال وتبادل أرقام التليفون وألاقيه كل شويه بيكتب رقمه ويقولي متنساش
01........فأقوله يا عم خلاص عرفت رقمك
وكل كام سطر يكتبه تاني
يا عم أتهد عرفناه
مش ناس تغيظ بجد


وعلى فكره أنا مش محمد ههههه
بس نقول ايه أرزاق


سلاااااااااااااام

مـجـنـووون يقول...

في ناس كتيرة بتكون بتتسلي وبتحسب دمها خفيف

بس بعتقد انك تفتحي وتقولي الرقم غلط هو احسن حل بدل ما تغلطي عليه وتخليه يتصل كل شويه ويقرفك

أنا بيحصل معايا كده اوقات بس بقول النمرة غلط وحصل خير وكده يعني

تقبلي مروري
مجنووون

همس الاحباب يقول...

حاجة تجيب القرف والصداع
يلا عديها يا ستى
ناس ناقصة رباية
وربنا وقعهم فى شر اعمالهم
وخلوهم يتصلوا بيكى
يستاهلوا اللى جرالهم
تحياتى

مخبر قمل دولة يقول...

انا لقيت مكتوب ع التعليق ان انتو بتوزعو مانجة ساقعه قلت الحق مكان ف الاول
المهم
كنت عاوز اقول لحضرتك انتي مش مفروض تردي ع الرقم اكتر من مرة
لانه مهما كان ردك ناشف ف المرة التانيه هو بيعتبر انك " بتتقلي " وبس
احم ... دا اللي قالوهولنا ف المدرسة
فانتي بكل بساطة لما الرقم من دول يتصل تاني مرة او يبعت رسالة خلي اخوكي او والدك ( خطيبك او جوزك لو حضرتك متجوزة ) ويديله هو اللي فيه النصيب
نصيحة : يستحسن تختاري صاحب اتخن وارعب صوت عندكم
والعاقبة عندكم في المسرات
اه صحيح
انا محمد ... ممكن نتعرف بقا ؟

غير معرف يقول...

ياحبيبة قلبى مترديش على اى رقم غريب لاان فعلا فى ناس سافلة جدا وانا كان بيحصلى زيك بس دلوقتى مابقتش ارد على اى رقم غريب واوعى تعصبى نفسك ابدا مافيش حاجة تستاهل

همس يقول...

اللهم امين يا بسمه


فعلا يا بسمه حاجه تغيظ اوى

يلا ربنا يخدهم قصدى يهديهم

منورانى

همس يقول...

ههههههههههههه
طب انا كنت هكتب لرقم

بس طالما بتهرجى

خلاص مسحتو


منورانى يا عاشقه

همس يقول...

ههههههههههههههه

والله انتى دماغ يا بندقه


بقى بتفتحى علشان تخسريه

لا ابعتيلو قنبله فى رساله

تتفجر فى وشه


منورانى يا بطة

همس يقول...

هههههههههههههههههههههههههه

فعلا يا احمد

بتحص انت هتقلى على الناس دى

فعلا تفقع

بس نفضلها

عادى تكتب الرقم اعمل ولا كانك شايفه



عادى هتقول ايه بنات محترمه هههههههه


يلا يا اللى انت مش محمد

همس يقول...

ما انا قلت يا مجنون

بس فى ناس بتحترم نفسها

وفى ناس عايزة تاخدلها وش جزم

يلا ربنا يخنقهم بالرباط

منورنى يا مجنون

همس يقول...

هههههههههههههههه

يعنى ايه خليهم يتصلو ويستاهلو اللى يجرلهم

ماشى ماشى

على اساس ان هكلمهم فى الضلمة

وعنيا حمرا

والله بس اصبر لما انزل مصر

لخنقه بنتك همس

واخليك تشيل زنبها

ههههههههههههههه

منورنى

همس يقول...

احم احم انت

انا مش متجوزة ولا مخطوبه ولا مرتبطه

بس ممكن افكر هما برضو قالولنا كدا فى المدرسه
ههههههههههههه

يا عم احنا سددين



اتخن صوت ورعب صوت هو انا

يعنى ردى عليه من الاول صح

هع هع هعععععععععععععععععع

صحه باه هوديها فين

لازم افترى بيها

بس

بجد انت محمد

مش مصدقه

لالا بجد مش مصدقه


هو المفروض بقى اطلعلك بطاقه ولا اجددلك رخصه عربيه

اه اه نسيت كنت بتقلى نتعرف

تعالى اخبطك تعارف يا سيدى

انا همس

(وش مكثوف اند احمر )


هتيجى تكلم بابا امته

همس يقول...

الله يخليكى يا بطة

حاضر انا مش هتعثب


انا هاديه اهو

عاااااااااااااااااااااااا

غير معرف يقول...

ممممممممممممممممممممم
اكتب كوومنت
ولا بلاش
اكتب ولا
ولا ااقوللك مش هكتب عشان ردى ممكن يزعللك اوا اكيد هيزعللك
وخصوصا انى دة اول مرة ازور مدونتك فممكن مش تتقبلى منى الكومنت
اكيد مش هتكون اخر زيارة
تحياتـــــــــــــــــــــــــــــــــى

فكرة من الزمن ده يقول...

والله حاجة تغيظ
واكتر حاجة تغيظ لما التليفون يرن وتردي
تلاقي اللي اتصل ساكت لو فضلتي فاتحه الخط سنة هو ساكت بيسمع صمتك ولا يمل ولا يزهق ويعاود الاتصال مرات ومرات
طيب استفاد ايه
ناس فاضيبة
تحياتي

شفـقــة و إحســــان يقول...

ناس بجد تعل بس انا لو منك افتح كل شوية ومردش واهو تدفعى حق المكالمة وهو طبيعى يا اما الكارت يخلص ييزهق ويطق يموت جته موته
المهم انتى بس هدى اعصابك يا مجنونة انتى علطول متوترة
وحشتينى جداااااااااااااااااااا
وزعلت اوى لما عرفت انك سافرتى الكويت
بس قوليلى انتى هتستقرى هناك ولا ايه؟؟

كيكى عوووووو يقول...

همسسسسسسسسسسسسسسسسسسسسسسسس
وحشتينىىىىىىىىىىىىىىىىىىىىىى
بكل لغااااااااااااات العالم بعيد عنك النت كان بيعاقبنى
عااااااااااااااااااااااا
وكمان معيش رصيد علطول او لو معايا على الاقل لازم يكون معايا فوق الخمسة جنية عشان ارنلك بس
***يالهوى على التسيح الى بسيخة لنفسى دة**
طب ياختى مفيش حد من الى بيتلصوا غلط يكلمونى ويبعتولى رصيييييييييييييد
**ونبى قولى لمحمد**
عوووووووووووووووووووووووو

كيكى عوووووو يقول...

استنى يابت
هو انتى من المنصورة؟؟
عوووووووووووووووووووووو

الميكروباص يقول...

يااااااااااااااا ستي
ناس فاضيه
مرة واحده اتصلت بيا الساعه 1 صباحا
بس من قبلها بعتت لي رساله وقالت لي كلمني لأني واقعه في مصيبه
اتصلت بيها
قالت لي يا معتز انا عندي مشكله
قلت مالك يا ستي وانتي مين
قالت كده بردو اكون في كارثه وتسيبني
قلت لها يا ستي انتي مين
قالت مش عارفني؟ انا هبه رأفت - مش عارفني ازاي؟
قلت يا ستي اقسم بالله ما اعرفكم
وجنبها حد كان عمال يضحك
بعدها جربت اني ادي رقهما لأخويا لأنه شغال في شركة محمول ويشوف دي مين
بعدها كبرت دماغي وقلت ناس فاضيه

همس يقول...

اول ما قلتيلى انك اول مره تدخليلى مدونة يا بنوتة

بالرغم ان اسمك عارفاه

بس لما دخلت مدونتك ما طلعتش انتى

تشابه اسماء يعنى

اما بخصوص تعليقك كنتى تعلقى براحتك خالص الديمقراطيه مكفوله هنا

وسيبى ليا موضوع الزعل دا

والله لو كان قصدك بالزعل يكون ردك مستفز بس فى نقاش او استفهام منك هرد عليك بالرغم ان البوست مفهوش اى نقاش اصلا دى كان واقعه وحكتها

الخلاصه رد باحترام هرد باحترام

انما لو قصدك انك تردى رد فيه اى تطاول

انا بعترف ان بزعل وزعلى مهبب ولسانى انيل
فهرد بنفس الاسلوب

وهعتبرو موقف رد حق ليا مهو النت عباره عن كلام وحورات


الخلاصه ردى غير هتلاقى رد غير

ويوم مش اعرف هرد عليك ( ودا نادر جدا مش هقول مستحيل هتقولى ببالغ ولا حاجه )

هبقى احذف تعليقك

الخلاصه هديكى ودنى اللى بتنفض



وخلااااااااااااااصة دا كلو

منورانى يا بنوتة



ومستنيه زيارتك اللى جيه

همس يقول...

طب مش يمكن بيكون مبيعرفش يتكلم

وبيضربلك بالاشارات هههههههههههههه

فعلا فضى يا فكره

منورانى

همس يقول...

مهو يا شفيقه يا نوحى

اللى بيتصل ما بيهمو خساره ماديه


وحاتررررررررر انا ريلاكس اهو

انما لسه مش عارفه موضوع الاستقرار دا

الله اعلممممممممممممم



اشوفك على خير ان شاء الله

همس يقول...

يا مساء الحول اللى للركب

انا كفرااااااااااويه صميمه

بس مش عارفه اشمعنى قل المنصورة

وبصراحه كان عندى فضول اسالو

بس لسانى متبرى منى باه



وبعدين يا حببتى من يوم ما عرفتك وانتى بتسيحى لنفسك بخصوص الرصيد دا

ديما مفلسه وبيجى على قفايا فى الاخر


بس بجد انتى وحشااااااااااااااااااااااانى مووووووووووووووووووووووووووووووووووووووووووووووووووووووووووووت

وساعات كنت بفتكرك فى مواقف هناانتى وزهرة دا كنا عملنا عمايل
يالهووووووووووووووووووووى

اكيد كنا هنترحل تانى يوم
هههههههههههههههه

وحشانى يا بطتى

غير معرف يقول...

ولية انشاء الله تعلقى بى كلام يزعلها يالى اسمك بنوتة انتى اصلا ما حد يقدر يزعلها ولى مش عجبو كلامها مايدخلش اصلا المدونة بتعتهاويعلق تـــــــوتة

همس يقول...

تعرف بصراحه

انا لما كنت فى مصر واى رقم غلس

كنت بوزع رقمو على ولاد خالتى

وولاد خالتى يوزعوة على كل اصحابهم فى الجامعه

ويفضلو يرنو ويبعتوا رسايل كلمنى

لحد ما يجى يوم ونلاقي فيه رساله مسجله

هذا الموبيل قد يكون صاحبه اتشل او انتحر او مات منقوطا

هههههههههههههههههه


منورنى يا لورنس

عاشقه الرومانسيه يقول...

همس
ليكى عندى تاج ياقمر
تعالى خديه بقى

بحـــــــــبك

حكيم النيل يقول...

لا المسالة مجرد تلااجع فى الدوق والاخلاق بيظهر فى مواقف كتير ونتمنى ان الحال دا يتغير

Ranim Ayman يقول...

هههههههههههه فكرتيني بمره كان في واحد عمال يكلمنيفي الموبيل ويعاكسسسسس أخرمره هزفته فلان تاني رحت فتحا عليه واديت الموبيل لبابا راح بابا هزقه وبهدله وقاله متتصلش هنا تاني فأنا علطول أيحد يعاكس أدي الموبيل لبابا عاوزه سؤال هو أنتي من المنصوره؟؟؟؟؟؟