الثلاثاء، مارس ٠٣، ٢٠٠٩

حيوان صينى وزير تعليم مصر

تم بحمد الله استيراد فرس البحر من احد حدائق الحيوان من الصين الشقيقه

وذلك لتولى وزارة التربيه والتعليم فى مصر

وذلك نتيجه ان البرسيم خلص قدام يسرى الحمار قصدى الجمل

وليس نتيجه تعديل وزارى اللى بقالنا كتير نسمعه عنه

ولا بنلاقى حد بيغور فيهم فى دهيه

طبعا هو الخبر دا شبه اكيد ان شاء الله والمفروض هيبقى قريب جدااا

هتقلولى ازاى ... هقلكم علشان فى الوقت اللى فيها مصر لسه بتحاول

تقضى على الاميه اللى هيا فى العكس نسبه الاميه بترتفع فيها لا قصدى فى

الوقت اللى بتحاول مصر تصلح التعليم فى الاساس

تلاقو العيال بتطلع ما بتعرف تكتب اسمها حتى

وفى نفس الوقت اللى فيها الصين مش قضت على الاميه بس بتاعة القراه والكتابه

ولا حتى اميه الكمبيوتر .....لالا دى بقت بتقضى على اميه الحيوانات

اه وربنا قرات خبر ان فى حديقه حيوان فى الصين استعانت بمدرسين علشان يعلمو فرس البحر

الكتابه .... حاجه تفقع صح

وعلشان احنا كل حاجه بقت مستورده من الصين فايه المانع يستوردو فرس البحر يشتغل مكان يسرى الحيوان

طب وربنا التعليم هينصلح حاله

وهنحترم الحيوان الصينى بدل ما يسرى الوزير


مش كدا ولا رايكم ايه ????

هناك ٢٤ تعليقًا:

رئيس جمهوريه نفسى يقول...

انتى شكلك مفقوعة من وزير التعليم خالص بس المنطق مش اننا نستورد وزير تعليم اصلا لاني بمنتهى البساطه مفيش في مصر تعليم علشان يبقى ليه وزير

د.خالدأمين يقول...

هههههههههههههههههههههههههههههههه



اول تعليق



انا عاوز سندوتش

ارجع اقري بقي

د.خالدأمين يقول...

حكايه موافقه مالك المدونه دي مضايقاني

Unknown يقول...

حمد لله على سلامتك
تصدقى مصر مضلمة من غيرك
يارب تكونى مبسوطة هناك يارب
يا سيدتى كل اللى هنا صناعة صينية غير متطورة
ولذلك نحن بفضل الله فى تطور مسمتر
مدقيئش

عاشقه الرومانسيه يقول...

والله عندك حق
اللى احنا فيه ده اسمه خيييييبه

Mafrousa يقول...

صينى؟؟؟!!!!!
ديه المنتجات الصيني مضروبة
و التعليم مش ناقص

الميكروباص يقول...

ذهبت إلى المقله عشان اشتري سوداني
لقيت كيس كبير وفيه شوية حاجات كده شكلها حلو
ولقيت الكيس مكتوب عليه مقرمشات صينيه والكيلو ب 26 جنيه
سألت صاحب المقله ايه الحكايه
قالي دي حاجات من الصين يا استاذ
وقالي جمله حلوه اوي
قال "ده حتى احنا بقينا صيني"
وبعد ما فعلته الصين بالعالم
فلا مانع ان اراهم يعلموا فرس البحر
أما الجمل بتاعنا فهو مسكين
وارث تركه ثقيله نتيجة فشل عشرات السنين

Dr.Mohammed Gohary يقول...

هما الناس خايفين يعلقوا ولا ايه؟؟

والله العظيم تلاتة بوست زي الفل

عجبتني اوي حته
فرس البحر اللي بيتعلم
ههههههههههههههه

يسري مش حيوااان
ما ينفعش كدا عيب
لا بجد عيب
يسري دا وزير
عيب
يسري دا وزير
عيب كدا بجد
لا والله بجد عيب
يسري وزير










من غير واااااااااااااو

هو وزير








وعيب أوي
عيب أوي

تظلمي الحيوان لييييييييييه؟؟
مش عيب
؟؟؟؟؟

مش علموكي زمان ان من صفات المسلم الرفق بالحيواااااااان؟؟؟؟؟

ينفع كدا
تغلطي في الحيوان؟؟؟؟؟


والله أنا زعلان منك
بس مش قوي يعني

ههههههههههههههههههه

بوست هايل
سلمت يداكِ

هبقا أجيبلك حلاوة حاااف في مارينا
ههههههههههههههه

simply me يقول...

ايه يا بنتى كل الزهق ده

معلش برضه ابن البلد احسن من الصينى
الصينى ده مضروب

DreamHany يقول...

اهو احنا كده دايما زى القرع نمد لبره
مفيش فى بلدنا اكتر من الحمير ومش اى حمير دى حمير حصاوى بيتعمل منها احلى والذ كباب وكفته اما الريش بقى مقولكيش حكاااااااااااايه نااااااااار يا حبيبى نااااااااااااااار
لحد ما البلد كلها قربت يطلعها ديول
ما بدل ما نستورد فرس البحر والحمير تتلم عليه وتلفقله اى قضيه تزوير او تخابر من العدو اللى مش عارف فى الزمن ده بقى مين بالظبط العدو ومين الصديق
ما احنا بناخد معونه بالمليارات من امريكا وكمان موقعين الكويز مع اسرائيل وبنصدرها الغاز يبقى اكيد دول مش هما العدو لاننا مش بنتعاون مع العدو
يبقى اكيد العدو هو سوريا هو حزب الله هى حماس
عدو الانظمه الوقتى هى الكرامه وعزة النفس
يعنى اى حد عنده كرامه وعزة نفس يبقى عدو
واى حد يدينا بالجذمه ويضربنا على قفانا لحد مانشبع يبقى هو الصديق
المهم مش عايز اخرج عن الموضوع بس الظاهر الفرسه اتنقلتلى من ارق متغاظه واجمل مفروسه
المهم احنا ممكن نعمل زى جحا ما عمل مع حمار الحاكم
نحط شوية فول دام الله عزكم من اللى بنفطر منه كل يوم نحطه فى كتاب ونخلى الحمار ياكل وهو بياكل بيحرك شفايفه
يبقى كده الحمار بيتكلم
ما احنا المصريين اسياد من يخترع الوهم ونعيش فيها علشان مبنقدرش نواجه الواقع
لان بارك الله لنا فيه وأدام عزه عشان يدلعنا كمان هو الفرس وهو الفارس
يعنى مصر مش ناقصها فرسان لان كلها فرسان هى عايزه بس حمير ومش اى حمير لازم حمير حصاوى
بس المهم متنسيش تدى توكيل اللجام لولى نعمتنا الحاج علاء مبارك
وكمان تمسكى اللجام للحاج جمال وكلابه المسعوره
وسلامتها ام حسن من العين ومن الحسد

فاتيما يقول...

ودينا فى داهية بقى و قوليلنا إيه رأيكم ؟؟
طبعا منتى فلسعتى ع الكويت يا جميل و إحنا اللى هنتعكش هنا
كله تمام يا فندم و التعليم زى الفل
إنتى بس اللى إتبطرتى على النعمة و سبتى الجنة و مشيتى
المهم طمنينا عليكى
ربنا يريح بالك و يحميكى من كل شر
خالص حبى يا حبيبتى

جنّي يقول...

السلام عليكم

ازيك يا همس لعلك بخير

انتي في الكويت دلوقتي ولا ايه .. يعني ها نبقى جيران .. انا في جدة بالسعودية المسافة بعيدة بس برضه جيران ..

بصراحة انتي بتظلمي فرس النهر ان وضعتيه في كفة مع عسري الجمل ..

سلام

همس يقول...

ايوى يا ريس

هو فهلا احنا نستورد تعليم بالمره

وطلبه بالمره


منورنى يا ريس

همس يقول...

معلشى يا دكتور خالد

هعملك سندوتش


ولا تضايق نفسك يا عم

منورنى

همس يقول...

الله يسلمك يا نهر

المشكله اننا مش بنتطور ولا نيله

احنا بنتكيف ونتعايش مع اى وضع

من غير اى رد فعل


منورانى يا نهر وبوسيلى بوسى

همس يقول...

سلمتك من الخيبه يا عاشقه

منورانى يا رومانسيه

همس يقول...

طب يارتنا نص الصين

بس هنقول ايه بس

منورانى يا مفروووووووووووسه

همس يقول...

سبحان الله

روحت المقلايه تشترى سودانى اشتريت صينى

شوف الدنيا بتعمل ايه


يلا الحمد لله انها جيت على قد كدا

منورنى يا لورنس

همس يقول...

دى كلها حلفانات علشان تقلى عيب بجد

طيب ما تنفعش عيب بالنعناع



بص تصدق ليك حق انا فعلا ظلمت الفرس

سااااااااااااااااامحنى يارب


وبعدين انا محبش الحلاوة

ممكن جبنه مع كوبايه شاى بحليب


منورنى يا جوهرى

همس يقول...

والله ما حاجه مضروبه غير دماغ يسرى

وكل حاجه ضربت فى التعليم

منوره يا بندقه

همس يقول...

الله يسلمك يا حاج هانى


مش ناويه امسك لجام الكلب دا


انت متعرفش ان الحمير انقرضت

واللى فاضل دا كحفاظ على النوع فقط

يلا ربنا يسترها على عباده اللى هو احنا


منورنى يا هانى

وسلمتك من الفرسه

همس يقول...

ههههههههههههه

متخفيش يا فاتيما

انتى لو اتعكشتى

انا رقبتى سداده

وربنا يطمنك ديما يا جميل

وبوسيلى ابن روح ماما

وحشتينى وربنا

همس يقول...

الله يسلمك يا جنى

اه انا حاليا فى الكويت

وعقبال ما انزل السعوديه للحج كدا


وانامعترفه يا فندم انى ظلمت الفرس


منورنى يا جارى

rovy يقول...

وحشانى يا همس قلت اسلم عليكى
ايه يا بنتى كل ده

و كمان عاوزه رأينا ..

احنا فى خير الاحوال و الدليل امامك و ورائك من الاجيال التى تنعم بالتعليم |لمجان !! و بعدين صينى هى الحكايه ناقصه عاوزه حتى التعليم صينى
هو التعليم ناقص ..
وحشانى جدا .. يارب تكونى فى خير حال

دمتى غاليتى بكل الخير

تحياتى