الخميس، أكتوبر ١٦، ٢٠٠٨

الحكومة دى نحس....

بالرغم أن أنا ضربه دماغ نوم على الأخر وقلت هبطل فرسه اليومين دول


وأكمل حكايات أفك المدونة شويه .... أن شاء الله هكمل بعدين ...

يس معلشى سمحونى فرسايه صغنونة كدا على الماشى ..... وبعدين عارفه اكيد

تلاقكى فيه منك اللى بيهرش وهيقطع نفسه .....ادمان باه ...حاسه بيكم هههههههه

المهم سمعتو طبعا عن الاجتماع اللى مبارك كان عملو علشان أل ايه يشوف اى إصلاح فى البورصة

غير تصريحات نظيف ان اقتصاد مصر تمام ومش هيتاثر وهجس من دا

أنا عن نفسى سمعت الهطل دا ...واه لو كنت طولت حد فيهم كنت هعضو حتة عضه هههههههههههه

اضرب بدماغى شوية بعيد بس مش اوى يعنى .... لما كل شوية الأسعار ترتفع

كان عليهم عفريت اسمه العالم كله عندو تضخم والأسعار فى العالى ....

بالرغم أننا كنا أعلى في التضخم تقريبا خمسه وتلاتين فى الميه .... وبالرغم من كدا يقلنا مش لوحدنا

ولما تبقى فى كارثه عالمية ....يطلع اخو العفريت اللى فات يقول دا أحنا تمام أوى

والمليارات اللى فسسسسسسسسس فى الهوا دى ....ظط

وال 140 مليار مدخرات البنوك المصرية فى بنوك اوروبا واللى من فلوس الناس وراحت

فى الطراوة ومش عارفين هيجبوها ازاى ؟؟؟؟؟برضو أحنا تمام ....

واللي فقعنى اكتر دا كلو .... الدنيا مخروبة فى العالم

ويقولك الأسعار السلع الغذائيه عندنا قلت بنسبه 40% .....

الظاهر دى التصريحات اللى خرجت من اجتماع مبارك....

والأسعار زى ما هيا وفى زيادة برضو ....ولاد الجزم بيتاجرو بينا ....

يعنى عالم حولا يوم ما نكون العالم الوحيده تقريبا فيها

تضخم عالى ...وبره اقل منننا فى الزياده دى .... يقولو لا دا بره زينا وظروفهم منيله

أنما لما العالم يجتمع أن فيه كارثه وخراب ...لالا مبارك وحكومتة يقلو لا دا كلو تمام

وكمان فيه تخفيض فى الأسعار .... وعيشو خالص ....


وكان نفسه يقول لينا ......يلا قومو اتحزموا وارقصو .....
واحب اقلهم من مقعدى هذا ....
وانا كاشفه راسى
غورو جتكم نيله يا عالم يا فقر نحستونا ....

هناك ٢٢ تعليقًا:

الرومـيصاء يقول...

عندك حق والله حاجه تفرس
الناس كلها بصوت وتشد فى شعرها
وكل ده ومفيش حاجه والدنيا عسل خالص
مش عارفه لو مكنتش عسل كان هيعملو فيناايه
الله المستعان
دمتى فى حفظ الله

حكيم النيل يقول...

يا ستى الحكومة دى مش بس حكومة نحس أو حكومة الكوارث زى ماقلت عنها قبل كده
دى حكومة الغيبوبة .. هما فى عالم لوحدهم ..جايين من كوكب تانى
أفكرك بتصريح جميل لرئيس الوزراء بيقول ان البورصة المصرية بعيد عنالازمة العالمية وتانى يوم المؤشر ينزل 16% ويحقق أكبر هبوط فى تاريخ البورصة. وكان أكبر مثال للغيبوبة دى العبقرى السابق عاطف عبيد اللى تلامذته بيكملوا مسيرة الغيبوبة اللى بدأها

princess يقول...

ايه يا همس قلنا مليون مرة احنا فى المريخ ملناش دعوة بالى بيحصل على الارض يعنى الاسعار ترتفع دى مشكلة كوكب الارض اما بلدنا الى فى المريخ كله تمام:)

romansy يقول...

هههههههههههههههههههه
اسلوبك برغم النقد اللى فيه
بس بيضحك قوى
مش عارف دا ايه
شر البليه ما يضحك!!!!!

عاشقة القمر يقول...

ههههههههههههه تصدق انا كنت اهكتب البورصة
عن موضع
هعضو حتة عضه هههههههههههه ماتروحي شو غالبك هههههههههه
دي كارثه عالمية
والله سمعن انا كمان قال هكذا طبعا استغربت من هذا كلام
يلا قومو اتحزموا وارقصو .....
واحب اقلهم من مقعدى هذا .... وانا كاشفه راسى غورو جتكم نيله يا عالم يا فقر نحستونا ....

حلو دي منيك
رينا يكون فيالعون

Gannah يقول...

كتبت تعليق والنت علق
اتفرست بجد
اسعار ايه اللى قلت ؟؟
وازاى يعنى مش هنتأثر؟؟
تحياتى

mohamed ghalia يقول...

يابنتى انتى رجعتنى تانى تتكلمى فى السياسة
إحنا زى الفل وحالنا عشرة على عشرة مش بنعانى من أى مشاكل إقتصادية
تقبلى تحياتى
دمتى بود

nona يقول...

مالك بس يا همس زعلانة كدة لية
ما الدنيا ربيع و الجو بديع و الاسعار زاى الفل دة حتى اسعار الشقق و الفلل رخيصة خالص
تعالى خديلك شوية ههههههههههههههه
بصى الاما هما بيتكلموا عن شعب تانى و حال بلد تانية
لاما احنا الاى سمعنا قليل و مش بنشوف كويس زاى ماهما شايفين
و على راى برنسيس احنا من كوكب المريخ مش من كوكب الارض يا بنتى
بطل تفترى على خلق الله يا بنتى هههههههههههههههه
حلوة قوى ادعى و انا كاشفة راسى

الميكروباص يقول...

احنا اساسا لا يوجد عندنا بورصه ولا نيله
اللي حصل ان الاجانب والعرب لما خسروا في أوربا باعوا أسهمهم في مصر والدنيا وقعت
أما بالنسبة للأسعار فإحنا لا علاقة لنا بالسوق العالمي
عندك مثلا البترول حاليا ب 70 دولار- المفروض ان اسعار البلاستيك تنزل النصف لأن الاسعار زادت لما كان البرميل ب 144
لكن انسي كل شيء زي ما هو
وكالعاده لا يوجد رقيب

أحــوال الهـوي يقول...

المشكلة انت مش فاهمة
علشان تترجمي الكلام لازم تعرفي لغة الحكومات يعني
ايوة = لا
تمام= مصيبة
اقتصاد متين= تفليسة
العالم عنده تضخم= بصوا بعيد عنا(شايفة العصفورة)
كارثة عالمية=كارثتنا علي الف
هزيمة=نكسة
خفض الاسعار=زيادة الاسعار
الدعم لمستحقية= يعني الدعم لاحمد عز

ايام 67 كنا بننضرب بالشوز و الحكومة بتقول احنا علي ابواب تل ابيب
اتعلموها بقي

راعى الناقه يقول...

غورو جتكم نيله يا عالم يا فقر نحستونا ....

ربنا يغورهم فى مليون داهيه

همس يقول...

كانو هيعملو مربى يا روميصاء

بس اهم حاجه الا الشعر اهى دى اللى ناقصه نبقى قرع ولا ايه

منورانى يا قمر

همس يقول...

مهيا بعيده فى درجه الخراب

معلشى عندو حول يا حكيم

وبعدين عاتييييييييييييف مين دا

دا دا راعى السطل فى مصر

منور يا حكيم

همس يقول...

بجد اول مره اعرف يا برنسيسه

بس هموت واعرف مين اللى شالنى وودانى المريخ من غير ما اعرف

ههههههههههههههه


منوره يا برنسيس

همس يقول...

ما علينا

اهم حاجه ضحكتك

وانااتفرس

عااااااااادى

منور يا رومنسى

همس يقول...

ياسلام سا عاشقه

طبعا سنانى بتاكولنى اوى

ههههههههههه

منوره

همس يقول...

اتفرستى من ايه يا جنه بظبط

النت ولا الكلام

ههههههههههههههه


سلمتك من الفرسه يا جنه

ومنورة يا نوحى

همس يقول...

انت رايك كدا يا محمد

طب اسمحلى باه بما انى مفروسة اجى اخنقك

هههههههههههههه


منورنى يا كلو تمام

همس يقول...

اهلا يا نونا

ايه دور سعاد حسنى دا اللى دخلالى بيه

شايفه الجو ربيع ياختى

بس على فكره بيبقى فيه هوا مليان تراب كل واحد باه يخلى باله من مناخيره

هههههههههههههههههههه


بس على فكره انا شايفه المريخ زحمه انا

هروح اشترى فى الزهره

وانتى الاحلى يا بطه

منوره

همس يقول...

حاضر يا لورنس

انا هاخد هشرب علشان هنسى

هههههههههه

لو انا منك الغم الميكرباص وادخل بيه

فى منطقتهم


منور يا لورنس

همس يقول...

يا لغتك يا احوال

شكرا على الترجمه

بس انا باه اترجملك شوز دى يعنى

جزمة ههههههههههه

وبعدين الحمد لله جزم زمان غير دلوقتى

كان زمان خير ومتانه ههههههههههه


منور يا هوا

وياريت تقفل كان منفذ عندك باه

علشان الجو برد خالص

همس يقول...

اللهم امين يا راعى

ومنورنى ديما