الجمعة، أكتوبر ٢٤، ٢٠٠٨

فيا لقسوتك ....



سمعته قد أتى....

فسارعت بالخروج لأراه...

فامتلاء صدى بمسك هواه

تنفسته.... فأبيت أن يخرج منى

فواجه أشياء بداخلي

مددت يدي لملامسته ... فالتقيا بحب

واقتربت بوجهي منه ... فهمس لي

فسقط بردا عليا .... أطفئ نارا ...

ودخل صدري .... أيقظ نبضا ...

أبعد هما ألما بي....

وأتى بأملا كان يأبى المجئ أليا

وجدتنى معه قد أغرقت ...

زلزل أعماقي ...

أبرق أحلاما تناسيتها ....

دثر ذكريات طالما تمنيت محوها...

فأغمت عينيا ...

ابتسمت شفاهي ...

خفق قلبي ...

فطالما تمنيت أن يمتزج بكياني

ولكني وجدته يتباعد ويتلاشى

رجوته أن اذهب معه ...فتركني

فأجبرت عيني على الوميض

أيقنت أنه واقع ..

حقيقه ....ليست بحلم....

أبتسامه ....ليست ناضجة

إحساس لممت به قد انتهى

وصدر تنفس ليموت

وقلب خفق ...فأخفق ...ليودع

أكانت أحلامي مستحيلة...!!!


أكانت ابتسامتي قبيحة ...!!!


............!!!



فيا لقسوتك عليا

يا مطر ......!!!!!

هناك ٣٥ تعليقًا:

خواطر ليست عابرة يقول...

لقد قرأت القصيدة بتركيز شديد
وأجمل ما فيها أنني لم أتوقع أبدا أن يكون موضوعها في النهاية المطر
لقد أحسنت في التصوير جدا (واقتربت بوجهي منه ... فهمس لي

فسقط بردا عليا .... أطفئ نارا ...

ودخل صدري .... أيقظ نبضا ...

أبعد هما ألما بي....)


هذه بالفعل صورة جميلة لتأثير المطر الجميل علينا

تحياتي لك

Unknown يقول...

فامتلاء صدى بمسك هواه

تنفسته.... فأبيت أن يخرج منى

فواجه أشياء بداخلي

مددت يدي لملامسته ... فالتقيا بحب

واقتربت بوجهي منه ... فهمس لي

فسقط بردا عليا .... أطفئ نارا ...

ودخل صدري .... أيقظ نبضا ...

أبعد هما ألما بي....

وأتى بأملا كان يأبى المجئ أليا


الله يا ست ......كمان
بجد موهبه ومتميزه كما عهدتك

همس الاحباب يقول...

كلمات رائعة جدا
جميل جدا اسلوبك يا همس
احساس لممت به قد انتهى

وصدر تنفس ليموت

وقلب خفق ...فأخفق ...ليودع

أكانت أحلامي مستحيلة...!!!


أكانت ابتسامتي قبيحة ...!!!
جميلة تلك الكلمات استفهام وتعجب
تسلم ايديكى

nona يقول...

باة بعد دة كلة يطلع المطر
ماشى يا همس
كلماتك جميلة مع انى كنت فاكرها لحاجة تانية

mohamed ghalia يقول...

هو المطر بالقسوة دى !
هههههههههههه
بس إحساسك عالى قوى بالأشياء الى حواليكى
تقبلى تحياتى
دمتى بود

tarek momen يقول...

بجد انت اللي كاتبه الكلام ده

أحــوال الهـوي يقول...

مطر
انا اللي مفروس دلوقت
قرات القصيدة و انا اتخيل شئ و اعيشه و احاول ان احسه الي ان جاء الخبر كالماء البارد

مردوده لك قريبا برقا و رعدا

تحياتي

عاشقة القمر يقول...

هههههههههههه يابنتي هو كاتبه انتي انا عارفه مش انتي اهتلقيك سرقها من اختك ههههههه انا اهقول لها سرقت منيك الخواطر ههههههههههههههه
بس حلو بس المطر برضو لو فاسيه برضو بينفعنا في الاشيا

nora يقول...

جميله جدا جدا ودى مش اول مرة اقولك كدة يا همس يا حبيبتى لانى قولتلك رأيي وانا لسه بقراها على الورق في المفكرة بتاعتك وانتى بتاخدى رايي .... متعدده المواهب وان شاء الله في تقدم مستمر...اصحاب العمر كله

ahmed_k يقول...

أيه الجمال ده
بوست كلله رومانسيه وعاطفه
كويس برضو بعد الشحن السياسي
لقراء مدونتك
بس خللي بالك لتاخدي على كده ههههه

بوست جميل وكلمات جميله
وإخص عالمطر القاسي

momken يقول...

المطر
المطر............المطر

بعد الدوخه دى يطلع الكلام للمطر

انتى خلتينى هحب على روحى
وعمال التخيل

طبعا وعارفه القاذورات الى بتيجى فى الدماغ والواحد يسرح بقى

وفى الاخر افاجاء انه المطر

يابختك يا مطر
يابن الذين يامطر

البوست جميل جدا

تحياتى

همس يقول...

اهلا يا خواطر

والحمد لله انه عجبك ال الباقى مفقوعين

منور

وخلينا نشوفك ديما

همس يقول...

اهلا يا صاصا ازيك

فكك من البؤين البكش دول

انتى فين اراضيك دلوقتى

طمن عليك

همس يقول...

الرائع فعلا مرورك الطيب هنا

يا ابو هموسة


اشوفك ديما على خير

همس يقول...

اهلا يا نونا

لاياختى

كان على عينى بس منين يا حسره

هههههههههههه

منوره يا بطة

همس يقول...

ماشى يا عم محمد

اتريق بس لما اجيلك مدونتك

اه قاسى اصلو كان قايم بدور راجون

بس منورنى برضو

همس يقول...

ايه يا استاذ طارق

يعنى هيبقى حد مشربنى حاجه منكرا


اهى حته على الماشى اهى علشان

متقولش انى حرماكم من حاجه

منورنى يا كبير

همس يقول...

هههههههههههههههه

على ايه دا كلو يا هوا

ديما نيتكم مش تمام

ويا خويا بدل ما تتفرس باصيلى عريس

ههههههههههههه

ومبروك على الترقيهمن هوا الى رعد وبرق

شوف الزمان ياما بيغير

منورنى والله

همس يقول...

ايه يا عاشقه

بقى انا سرقاها من اختى

لا انا ليا حاجات تانيه

بس العبقريه ما بتيجى الا فى الغم

فبكتب غم ومسيرى هغممكم بيها

ههههههههههه

منوره يا مضروبة

همس يقول...

اللهم امين يا نور

وتسلمى لرايك فى المرتين يا بطة

همس يقول...

مبلاش سيرة جمال خالص يا احمد

وهيص يا عم وعيش اهو

مش حرماكم من حاجه

منورا يا ك

همس يقول...

ايه دا

وتحب على روحك ليه انت قاعد فى صحرا

وبعدين يا خويا تفكركم هو اللى مليان قازورات على رايك
يعنى متعملش حجه خاطرتى العظيمة ههههه


وبعدين مالو المطر

مهو زى الفل


ما علينا منورنا يا ممكن

حكيم النيل يقول...

ايه ياهمس المواهب المتعددة دى
لكن سيبك بلا سياسة بلا وجع قلب

غير معرف يقول...

خدعتنى كلماتك الرقيقه الحالمه

وظننتك تحدثين توأم روحك المنتظر

ولكن فى النهايه وجدتك تحدثين المطر

فليكن لأن توأم روحك المنتظر سيكون

بردا وسلاما أن شاء الله

مدونتك جميله ورقيقه ومعبره

وسأعود لأستكمال جولتى بين ضفافها

وتقبلى تحياتى ومرورى

همس يقول...

دى يا احمد حركايه صغيره كدا


ودا اقل حاجه علشان شعور الزملة بس

منورنى يا حكيم

همس يقول...

يا اهلا يا واحد

عادى يا سيدى ممكن برضو نمشيها


توئم روحى المنقرض قصدى المنتظر

وتسلم على الدعوه الجميله



وسعيده لمرورك الطيب
ونشوفك على خير

ولد مصري يقول...

ايه الكلام الجميل ده

احنا متفقناش على كده

بجد كلمات معبرة جدا

ولا النهاية

حسيت إني خت مقص حرامية

بصراحة أنا لو منك أسيبني من الفرسة وحرقة الدم واخليني في الجو ده

بس معتقدتش إنك تقدري تستغني عنهم

تحياتي

همس يقول...

مقص حرميه

اخ منك ومن تفكركم

بس انا قلت يا جماعه العمليه على البلاطة

ههههههههههههههههه


بس مش انا اللى مقدرش استغنى عن الفرسه

دى هيا اللى مش راضيه تستغنى عنى والله


منورنى يا مصرى

Gannah يقول...

همس
اول لما قريت مصدقتش معقولة همس تكتب حب ورومانسية
بس لما طلع المطر اطمنت انك لسه بخير
ما انتى حلوة اهو يا همس متسيبك من الحكومة شوية وبلاها فرسة
كلماتك رقيقة
عايزين من ده كتير
وحشانى يا جميلة
تحياتى

romansy يقول...

وقلب خفق ...فأخفق ...ليودع

أكانت أحلامي مستحيلة...!!!


أكانت ابتسامتي قبيحة

لا يا سيدتى احلامك ليست مستحيله
ولا ابتسامتك قبيحه

فدعى قلبك يخفق ويخفق
فانكى تحييين

THE BOSS يقول...
أزال أحد مشرفي المدونة هذا التعليق.
بنت مصريه يقول...

لا دا احنا كده اللى متغاظين اند مفروسين
تضحكى علينا كده وتطلعى بتكلمى المطر ف الاخر
يا شيخه حرام عليكى وانا اللى كنت فاكراه الحبيب المنتظر طلع ف الاخر مطر

شكرا هههههههههه
اتمنى تنورينى

همس يقول...

وانتى اكتر يا جنتى وحشانى والله

بس حتى انتى ظنك بيا كدا

مكنش العشم

وبعدين مالو المطر مهو زى الفل يا جنه

هههههههههه


منورانى ديما

همس يقول...

اهلا يا رومانسى


شكرا لايضاح انى لسه عايشه

ههههههههههههههههههه

منورنى

همس يقول...

معلشى يا مصريه

وعلى ايه الفرسه شيلى المطر وحطى الحبيب المنقرض قصدى المنتظر


وحاضر هجيلك يا بطه

وانتى اللى منورانى