النهارده سمعت فى الطبعة الأولى أن الاقتصاد فى الخليج بطئ
فافتكرت اللي قرأته فى أخبار اليوم عدد السبت
وكان بعرض صفحتين كاملين شاملين عن عناوين تجيب ضغط وصور
تكسف وتعر والله
كان العنوان ( ضربة معلم من الرئيس مبارك أنقذت مصر من الأزمة العالمية )
أنا والله على أد ما انفقعت فى مررتى على أد ما ضحكت كنوع من الشفقة والسخرية من العالم الهبله دى
يعنى الدنيا كلها مخروبة ومتنيله وأنظمة بتنهار .....وال إيه المعلم أنقذ مصر
وياريته أنقذها فعلا عن طريق اقتصادنا أحنا ..... لا المعلم بعت رشيدى يدور على دول الخليج يشحت منهم
وال إيه المعلم بعتلهم رساله خطيه .... علشان يشجعهم على الاستثمار
وبصرف النظر عن منظر رشيدى وملك السعوديه فى الصورة اللى تخليك ما تقدر تعمل حاجه غير التف عليهم
واللى شاف الصورة والرشيدى بيدى الظرف بالايدين الاتنين
والملك عبد العزيز بيبصلو كانو بيقلو بزمتك أنت منتش مكسوف أنت ولا معلمك اللي بعتك
المهم أنا في تخيلي أن الرسالة دى محتواها بينص على التالي
ازيك يا عبد العزيز يا خويا ..... والله أنا مزنوق فى قرشين كدا ..... وشوفلى حاجه من تحت الطربيزة كدا
وأنا هظبطك يعنى هبعلك شركة ولا قطاع ولا ابعلك حتت ارض ولا انشالله ابعلك كام نفر من هنا
تخدهم تهين فيهم زى ما يريحك وعادى اضربهم بالجزمة وابق رحلهم برحتك
يلا باه أبعت مع رشيدة .....
أدى المعلم اللى بيصر على أهانت شعب بأكمله...
استثمار ايه اللى باعت يتكلم فيه .....
هو شايفنا دقين عصافير .... دى السعوديه من كام
يوم رحلت مصرين من هنالك ... وقرفانه منهم
ولا لاقى حاجه تتباع فى البلد فقال يستغل الظروف
ولا حكايه أن مصر بتشهد نهضه فى الصناعه الغذائيه فى فرنسا .....
ناس بتاكل هنا حمير وكلاب ..... وبتاكل حاجات مدة صلاحيتها انتهت ..... وبتاكل من مقالب الزباله
ويقل نهضه ..... الله يحرقهم .....
وال إيه باريس معجبه بالصناعه الغذائيه فى حين أن السودان ولبيا نفضت
لحكايه انها تستورد مواد غذائيه من مصر
ولا دا كلو علشان إدمان مبارك لفرنسا ..... اللى تعتبر اكتر دوله زارها مبارك فى عهده
ويقلك استثمار وعلاقات دوليه .... يا ترى علاقات من اى نوع ؟؟؟؟
إيه علاقات زى علاقات ساركوزى إياها .... ال بيقع على كل واحده
يمكن بيباصى حاجه للمعلم
واللى يشل فى الكلام أنهم بيصرو أن معدل النمو زاد والاستثماري زاد
وما كملو ويقلو ....
وزادت السرقه ...زادت بيع البلد ....
فيارب يزيد من
نهضة الطحال والقلب والكبد والشلل والضغط والسكر عندهم
قلو ااااااااااااااامين
فافتكرت اللي قرأته فى أخبار اليوم عدد السبت
وكان بعرض صفحتين كاملين شاملين عن عناوين تجيب ضغط وصور
تكسف وتعر والله
كان العنوان ( ضربة معلم من الرئيس مبارك أنقذت مصر من الأزمة العالمية )
أنا والله على أد ما انفقعت فى مررتى على أد ما ضحكت كنوع من الشفقة والسخرية من العالم الهبله دى
يعنى الدنيا كلها مخروبة ومتنيله وأنظمة بتنهار .....وال إيه المعلم أنقذ مصر
وياريته أنقذها فعلا عن طريق اقتصادنا أحنا ..... لا المعلم بعت رشيدى يدور على دول الخليج يشحت منهم
وال إيه المعلم بعتلهم رساله خطيه .... علشان يشجعهم على الاستثمار
وبصرف النظر عن منظر رشيدى وملك السعوديه فى الصورة اللى تخليك ما تقدر تعمل حاجه غير التف عليهم
واللى شاف الصورة والرشيدى بيدى الظرف بالايدين الاتنين
والملك عبد العزيز بيبصلو كانو بيقلو بزمتك أنت منتش مكسوف أنت ولا معلمك اللي بعتك
المهم أنا في تخيلي أن الرسالة دى محتواها بينص على التالي
ازيك يا عبد العزيز يا خويا ..... والله أنا مزنوق فى قرشين كدا ..... وشوفلى حاجه من تحت الطربيزة كدا
وأنا هظبطك يعنى هبعلك شركة ولا قطاع ولا ابعلك حتت ارض ولا انشالله ابعلك كام نفر من هنا
تخدهم تهين فيهم زى ما يريحك وعادى اضربهم بالجزمة وابق رحلهم برحتك
يلا باه أبعت مع رشيدة .....
أدى المعلم اللى بيصر على أهانت شعب بأكمله...
استثمار ايه اللى باعت يتكلم فيه .....
هو شايفنا دقين عصافير .... دى السعوديه من كام
يوم رحلت مصرين من هنالك ... وقرفانه منهم
ولا لاقى حاجه تتباع فى البلد فقال يستغل الظروف
ولا حكايه أن مصر بتشهد نهضه فى الصناعه الغذائيه فى فرنسا .....
ناس بتاكل هنا حمير وكلاب ..... وبتاكل حاجات مدة صلاحيتها انتهت ..... وبتاكل من مقالب الزباله
ويقل نهضه ..... الله يحرقهم .....
وال إيه باريس معجبه بالصناعه الغذائيه فى حين أن السودان ولبيا نفضت
لحكايه انها تستورد مواد غذائيه من مصر
ولا دا كلو علشان إدمان مبارك لفرنسا ..... اللى تعتبر اكتر دوله زارها مبارك فى عهده
ويقلك استثمار وعلاقات دوليه .... يا ترى علاقات من اى نوع ؟؟؟؟
إيه علاقات زى علاقات ساركوزى إياها .... ال بيقع على كل واحده
يمكن بيباصى حاجه للمعلم
واللى يشل فى الكلام أنهم بيصرو أن معدل النمو زاد والاستثماري زاد
وما كملو ويقلو ....
وزادت السرقه ...زادت بيع البلد ....
فيارب يزيد من
نهضة الطحال والقلب والكبد والشلل والضغط والسكر عندهم
قلو ااااااااااااااامين
هناك ٣٧ تعليقًا:
تحياتي علي البوست الرائع
طب وليه ما يبعتش رشيد شحت ما الباشا لما كان لسة نائب السادات كان بيروح هوا كمان يشحت منهم
في مصر وبقية الدول المتخلفة فكريا كل انجاز يتحقق أو تجنب حدوث إخفاق يتم نسبتهما إلي القيادة السياسية بل يتم اختراع انجازات لم تتحقق تنسب إلي رأس الدولة الذي لا يفعل شيئا أكثر من زيارات خارجية يمثل فيها الدولة الغلبانة.
من عادة الصحف القوميه نسب أي شيء إلى الرئيس ومدحه به حتى لو لم يطلب منهم ذلك وحتى لو لم يفعل شيئا
تماما كما حدث في أمر الازمة الاقتصاديه
المهم في الأمر أن يكون الرئيس له دور ودائما ما يكون الدور إيجابي
حتى أيام الزلزال عام 92 هناك من الصحفيين من أطلق على الزلزال أسم "زلزال مبارك" ظنا منه أن مبارك سينبسط من هذا الأمر
ولكن أحمد رجب ظهر وقال انه عيب أن نطلق عليه هذا الاسم
لكنه لازم يجامله لأنه من أتى به في هذا المنصب الصحفي
أو أتى برئيس التحرير الذي بدوره قام بإختيار من يصلحون للمهمة ويكتبون ما يرضى عنه الرئيس
.....
اما بالنسبة لزيارة رشيد
فدائما ما تكون الزيارات المعلن عنها شيء والمتفق عليه بين الاثنين شيئا آخر
فالله أعلم لماذا سافر رشيد وفي أي شيء تحدثوا من الأساس
يمكن بالفعل يكونوا اتكلموا في شغل واتفاقيات
والاتفاقيات بتتعمل مع مختلف الدول من سنين
لكن احنا مش باين علينا حاجه لأن الارباح بتروح لصاحب نصيبها
ااااااامييييييين يارب
اول تعليق انا حجزته خلاص ثوانى وراجع تانى
السلام عليكم تخيلك لمضمون الرسالة رائع هو فعلا معدل الاستثمار زاد دة حقيقى بس لو نظرنا هنلاقى نسبة العطالة زادت سعر العملة قل تخيلوا سعر الجنية السودانى بقى اعلى من الجنية المصرى حسبى الله ونعم الوكيل
مفيش فايدة فيك
ابعت قاموس الحكومات تاني
ياسيدتي كل هذا الكلام للتخدير المحلي و طمأنة السذج علي ثبات الاقتصاد و قوة السوق المحلي
ثم ان ملك السعودية اسمة الملك عبد الله و الملك عبد العزيز و الد كل الملوك السابقين
خففي من حدة نقدك شويه و انتقي تلميحاتك و لاذاعة لسانك يابنتي عايزيين نجوزك
تحياتي
تحياتي
عارفه الحل
فى ادينا احنا
مش مصدقه اه والله
لو رجعنا لربنا وتبنا وعارفنا دينا
حق المعرفه
ربنا هيولى علينا خيار الناس
لما جه واحد لسيدنا على وقاله
لماذا كثرت الفتن فى عصرك ولم تكن كذالك
فى عهد ابو بكر وعمر
فقال له
لان ابو بكر وعمر كانوا
اولياء على مثلى وانا ولى على مثلك
لازم ندور فى نفسنا ونشوف فين
الغلط
ونصلحه علشان ربنا يرفع عنا العذاب
فما نزل بلاء الا بذنب وما رفع الا بتوبه
فمالنا لانتوب
دمتى بحفظ الله
هههههههههههه
والله ما عارف بتجيبي الكلام ده منين
بصي يا همس
مسلسل الشحاته اللي منتهجه النظام منذ تربعه على عرش العزبه أصبح مفضوح وريحته فيحه
ويكفي بعد وفاة الشيخ زايد ما قاله العمده عن المكرمات والعطايا التي كان الراحل العظيم بيمن بيها بطيب نفس
هو والسيده حرمه !!!!!
بقا ده كلام مش حاجه تكسف
ما هو لو طلع العيب من أهل العيب
ميبقاش عيب
طيب فين هذه الهبات والمنح اللي بيتحاكوا عنها؟
طبعا البطون واسعه والزمم خربانه
أذكر أيام السيول التي إجتاحت مصر في أواخر التسعينات كانت السعوديه أرسلت
طائره محمله بمواد إغاثه ومن ضمنها بطاطين
وفوجئ الجميع ببيع هذه البطاطين في الأسواق ولم يتكلفوا عناء إزالة الورقه الداله على أنها منحه سعوديه
وتم إعطاء المضارين بطاطين من بتاعت الجيش اللي الواحد لو إتغطى بيها يجيلو
سعال ديكي من صغرها وخشونتهاونحافتها
بالله عليكي مش أنا طلعت مفروس اكتر منك
طب وسعي بقه للمفروس الجديد وسسسسسسع
يا همس هيا فعلا ضربة معلم بس الضربة جت فينا احنا
انت ايه اللى رجعك تكتبى فى الحاجات اللى تجيب الضغط دى
هههههههههههههههههههه
امين يا سيدتى بس ربنا يستجيب
بجدد بوست رائع
هنقول ايه بعد كلامك .
بس أنا عندى تعليق صغير فى بجد راجل عامل حاجة لازم الإقتصاديين يرفعوا القبعات ليه وفعلا فرق كتير مع الإقتصاد المصرى انه مينهرش خالص
وهو فاروق العقدة محافظ البنك المركزى
لانه منع البنوك من انها تحط فى البنوك الأجنبية أكتر من 11% من ودائعها ولو مكنش عمل كده كانت بقة مصيبة لانى طبعا نسبة الفايدة فى البنوك الخارجية كبيرة ولو البنوك ودت فلوسها هناك كان هيبقى العوش على الله فى فلوس البنوك وراحت فلوسك يا صابر
تحياتى
امييييييين
امييييييييين
اميييييييين
اى خدمة
انتى ادعى بس واحنا وراكى انامن
عجبنى قوى نص الرسالة الخطية
انتى كنتى معاهم ولا ايه
بوست فى الجووون
تسلم ايديكى
تحياتى
الله المستعان والله دخل البلد لا باس بة انا تفكرت بكل ما حولى وجدت ان كل شيى بالفلوس طابع معرفش بكام استمارة بكام ودمغات ووووو كل شيئ بفلوس حتى السيارات لها ضرايب ومخالفات بيدخل للدولة اموال طائلة بس دى ناس مبتشبعش ربنا يصلح حالى وحالهم عشان الاجيال الغلابة
جزاكم الله خيرا
ههههههههههههههههههههههههههههه
امين ياختى امين
اتغاظى واتفرسى براحتك ياختشى دى عالم غريبه
يا خواطر انا مش عظلمو
اصلى اتولدت اول سنه بقى الريس علينا
شوفتى النحس
وبعدين فى حد يطول يتفسح وياخد فلوس
وكمان يلم هدايه على قلبو اد كدا
ويقول لاء
وبعدين الفه دى كلها صعبه على واحد فى سنه انتى عارفه العضمة كبرت
استرى عليهم الله يسترك
يااااااااه
زلزال 92 لا يا خويا اناكنت فى الاعدادى لسه وكان كل اللى افتكره عن الزلزال انى فرحت لما خدنا كام اسبوع اجازة
اما بخصوص الاتفاقيات يعنى هما مستنين لما تخرب ويعملوها وبعدين دا خراب عالمى
مش محلى بس
وبعدين لو جينا على الزيارات علشان اتفاقيات
مهى اكتر دولة زارها فرنسا وقارن باه بعدد الزيارات وحجم الاستثمار
يعنى كلووووووو هجس يا لورنس
قصدى شحاته وبيع فى البلد
منورنى يا استاذ طارق
معلشى يا عمرو .... مطلعتش اول تعليق
اما بالنسبه للزياده دى زيادة تعتبر
معدومة بالنسبه للوضاع المهببه اليومين دول
اما بالنسبه للسعر العمله
دى بقت اوطى عمله فى العالم
بس والله مش مقياس
متشوف عملة الصين بكام وبالرغم من كدا مستواهم ازاى
ايه رايك نقلب صينى؟؟
منورنى يا عمرو
يعنى اكتم فى نفسى لحد ما اطق واموت
اما بخصوص الجواز
امممممممممممممم ( وش مكسوف )
طب شد حيلك وباصيلى عريس وشوف انا هعمل ايه
فهعتبر دا وعد
ههههههههههههه
الرميصاء عندك حق
بس ما اعتقد ان كلنا غلط
ولا حتى حد فينا بيعمل حاجه غلط وما يتوب عنها
وبرضو الرسول قال ( عليه افضل الصلاة والسلام) فيما معناه
من راى منكم منكرا فليغيره
وبالرغم من ساعات بقول دا غضب من ربنا
بس برجع واقول دا بلاء من ربنا وان شاء الله ربنا هيرفعو عنا
منورانى يا قمر
الرميصاء عندك حق
بس ما اعتقد ان كلنا غلط
ولا حتى حد فينا بيعمل حاجه غلط وما يتوب عنها
وبرضو الرسول قال ( عليه افضل الصلاة والسلام) فيما معناه
من راى منكم منكرا فليغيره
وبالرغم من ساعات بقول دا غضب من ربنا
بس برجع واقول دا بلاء من ربنا وان شاء الله ربنا هيرفعو عنا
منورانى يا قمر
اهلا اهلا بالمفروس الجديد
تعرف من الشرع ان اى هدايه زات قيمه ماديه عاليه الحاكم بيخدها
لازم تتحط فى خزانة الدوله
علشان لازم تبقى من حق الشعب علشان لولا الشعب ما كان هيبقى فى المكانه دى
ولا كان حد هيعبرو بربع جنيه لب
بس طبعا على رايك دول زمم خربانه
ويطفحوها بالسم الهارى ان شاء الله
فرستنى بزياده الله يسامحك يا مفروس
اللهى تجلهم ضربه فى قلبهم
بس هعمل ايه يا احمد اتفرست يا خويا
منورنى
يا اهلا يا اهلا
ايه النور دا يا غزالى
ما نورتنا من زمان
ان شاء الله هيستجيب
بس قول امين من اعماق اعماق قلبك
منورنى يا غزالى
تعرف انا هروح اضخه
ياريتو منع اصلا ال 11% دول كمان
تعرف احنا خسرنا ايه
140 مليار جنيه تقريبا
مش بزمتك كنا فى امس الحاجه ليهم
بس برضو الحمد لله
منورنى يا محمد
ياسلام يا ابو هموسه لو كنت معاهم
كنت تتوقع انى هسيبهم يشحتو
لوحدهم
ههههههههههه
منورنى يا ابو الغاليه
ربنا يستر وما يفرضو ضرايب على الكام نفس هوا الملوث اللى بنعيش بيهم
منورنا يا حالك
حاضر يا حببتى هتفرس اند هتغاظ
منوانى يا مصريه
أختى العزيزة
ليكى تاج عندى ياريت تقبليه وتجاوبى عليه
دمتى بود
فى إنتظار إجاباتك
امييييييييييييين يا رب
فعلا والله حاجه تكسف وتعر
الناس دى فاكرينا فى غيبوبه باين
ربنا يحرقهم فعلا او يخسف بيهم الأرض المهم يغوروا من وشوشنا وخلاص
هههههههههههههههههههههههههههههههههههههههههههه
بصراحه أنا مش شايف اي ازمات اقتصاديه في مصر دي مصر أم الدنيا :P
عمو مبارك مزبطنا انتوا حاقدين ليه ^^
اضحك والا احزن؟
شر البريه ما يضحك!!
ع العموم الى الامام
تحت ظل (انجازات)سموه!!
اخى العزيز محمد
انت ما قراتش موضوع التيجان دا
وقلت ان لو حد بعتلى تاج هطخه
يعنى انا بكدا هطخك
وعلى العموم هبص عليه
وبعديها هطخك
منورنى
اللهم ما امين يا بلو
اللهم امين
ادعى كمان ان شاء الله هيستجاب
منورنى
علشان قلبنا اسود يا هيثم
خلى قلبك الابيض كدا يا متظبط
صبرنى يا رب
منورنى يا ابو قلب ابيض
الامام ايه بس يا قصقوصه
دا كدا يبقى العكس
الى الوراء
منورانى
إرسال تعليق