السبت، فبراير ٢٨، ٢٠٠٩

عايزة اروح لامى

ازيكم يا جماعه ...اتحدث اليكم من الكويت الشقيقه

اللى الظاهر عليها هتفرسنى بزياده

الحمد لله الجو مستقر بس انا لسه ما اخدت عليه خالص

وصولى للمطار كان الحمد لله كويس

بس الكرسى بتاعى كان فى مكان غبى

كان جنب جناح الطياره بظبط ... وجه فى دماغى جميع

اافلام الطيارات اللى راحت هباء

وخاصه باه وانا قاعده جنب المحرك قلت اخ هلاقى باه حاجات تنفجر

وهضيع وكل شويه استغفر ربنا افتكر لقطات من افلام مهببه

بس يا جدعان الطيران ما اختلف كتير على ما كنت اخر مره ركبته

كان يجى كدا من قيمه تسعتاشر سنه

بس ايمها مكنتش بفكر فى افلام عااااااااااااااااااااااا

عموما غير تتنيحى فى المحرك اللى

فيه ست بعيالها فى الكرسى اللى وريا كلو ودانى من كتر المناهده مع عيالها

وصداع وقرف اشتغل ....

عموما انا قلت بلاش اتعصب عليهم واسترخى كدا واقول اذكار احسن

وشويه لقيت الجرايد بتتوزع بصيت ما لقيت الا حكومى كلو

قلت بلاش علشان عايزة احتفظ بمررتى ...

بس الراجل اللى قدامى كان فاتح الجرنال ... وعنيا ضربت فى خبر

شلنى ... قلت انا مارضيت ابص فى جرنال لازم وانت بتقرا يا عم الحج تنشر الجرنال

ولا كان عندك غسيل ....

الخبر يا اسيادنا ان الحكومة المصريه العبقريه بتقول ان حجم

الاستثمارات فى مصر فى الدواء اللى مدة صلاحيته انتهت مليار جنيه تقريبا ودا بيعاد تدويرة وبيتباع

دا مش اللى غايظنى ولا حاجه بالرغم انه خبر يشل فى حد ذاته

الا ان اللى يشل ان الحكومة ادت فرصه اه والله مكتوب فى الخبر

مهله لاول ابريل تقريباعلشان تتخذ تقريبا اجرائات علشان تقضى على التجاره دى

يعنى على ما الناس تخلص بياعه فى الدوا والناس اللى بتشترى تاخد الدوا

وتمرض وتتكسح .... ويدور على مكان فى مستشفى ما يلاقو

شوفتو الهنا مهله لزياده الفساد والمرض والموت للناس

مش تاخد اجرات بتفتيش ودور على الدوا الفاسد وتعدم واحراقه

لا بيديهم فرصه .... الله يحرقهم ولاد المحروقين

بس يا اسيادنا .... روحت مغمضه عينى قلت بلاش انا اللى افجر الطياره

وروحت وطلعت لفيت ... ودانى باظت جدا من اللغات الغريبه

والهنود والبنجلاديش والبدنجان

ودانى باظت خالص ....عاااااااااااااااااااااااااا

اول يومين ودانى باظت ............

بس على فكره وحشتونى جدااااااااااااااااااااااااااااا

ومفتقداكم جداااااااااااااااااااا جداااااااااااا

وماما وبابا وحشونى اوووووووووووووووووووى

انا عايزة اروح لامى عاااااااااااااااااااااااااا

متنسوش تدعولى ان يجعل السفريه خير ليا وكثفو الدعوات وبلاش بخل فيها
عاااااااااااااااااااااا

هناك ٤٥ تعليقًا:

غير معرف يقول...

حمدلله على سلامتك وربنا يطمنى عليكى توتة

mahasen saber يقول...

يا حبيبتى ربنا ييسرلك كل الامور
وترجعى بالف سلامه ان شاء الله


وحاولى تغتنمى السبع فوايد للسفر
ربنا يصلح حالك دوما ان شاء الله

أمل حمدي يقول...

ربنا معاكي حبيبتي وان شاء الله يصلح حالك ويقويكي على الغربة
وانت كمان وحشتينا قوي
خلي بالك من نفسك
سلام

حفيدة الصحابة يقول...

السلام عليكم
حبيبتي والله انتي زي العسل والله سكر

بس تعرفي كفايه انك كنتي بتجاهدي نفسك و انتي في الطيارة انتي جميلة

و بالنسبة لخبر الدوا الفاسد
فحسبي الله و نعم الوكيل
مش هتيجي على الدوا ما كله لا تعليق
حياة الناس مبقتش تهم قد المصلحه

ربنا يوفقك لما يحب و يرضى حبيبتي و ترجعي بالف سلامه و يرضى عنك و يغفرلك

فاتيما يقول...

يا حبيبتى أنا لسه عارفة حالاً إنك سافرتى
ربنا يجعلها سفرية الهنا و السعد
و ترجعيلنا منها سالمة غانمة مجبورة الخاطر بإذن الله
إنتى بس روقى كدا و إستهدى بالله و خلى بالك و نفسك طوييييييييل
عشان الغربة بتكثف الاحاسيس و تخلى كل حاجة زايدة عن حدها
يعنى معلشى تضغطى على روحك حبة لحد ما تتعودى على المكان و الناس الجداد
و حطى فى بالك إن دا مجرد شغل
يعنى كأنك متعينة فى مصر بس فى حتة بعيدة شوية
و التليفونات و النت بيوصل المقطوع و بيقرب المسافات
المهم تخلى بالك من نفسك
و متتطمنيش لحد إلا بعد مدة و حذر شديد ...
و ربنا يطمنا عليكى دايما
هبقى ىجى كل شوية اشوف اخبارك إيه ..
ماشى ؟
سلام يا حبيبتى

Mony يقول...

ربنا يعملك اللي فيه الخير يا همس
و يرضيكي بيه يا رب

princess يقول...

انتى رحتى الكويت ليه يا بنتى انتى
الله يكون فى عونهم ههههههههه
وراحة تتفرسى كمان هناك:))
ربنا يرجعك بالسلامة ان شاء الله

Ramez يقول...

هواء محمل بتراب الكويت بيرحب بيكي

Mafrousa يقول...

انا شامة ريحة فرسة
ههههههههههههههههه
انا جيت على سيرة الفرسة
اللهم انى اسألك ان تعيها من خير رحلتها و تكفيها شرها
و افتح بينا و بين قومنا بالحق و انت خير الفاتحين

د.خالدأمين يقول...

ايه ده بجد

انا اول تعليق

مش مصدق








هههههههههههههههههههههههههه





عالعموم انا لسه خالع ضرس وتعبان موووت


بس دلوقتي انا ارتحت

د.خالدأمين يقول...

علي فكره انا ضيفت مدونتك عندي


ده بعد ازنك يعني


يابوبه

عاشقه الرومانسيه يقول...

حمدالله على سلامتك ياقمر
بس انتى قلتى
ماما وبابا وحشونى اوووووووووووووووووووى
يعنى انتى سافرتى لوحدك
(وش مزبهل)
انا بقى مصره اكتر من الاول اعرف انتى عندك بتعملى ايه وسايبه مصر بنيلها وسماها وارضها واهلها وطوابيرها

غلاسه بقى تقولى ايه؟

انتى ليه مش بتزورينى؟
انتى زعلانه منى؟

عموما وحشتينى ويارب ترجعى بالسلامه

Unknown يقول...

السلام عليكم

لو مكنتيش عامله تحكم في التعليقات
يبقي انا اول تعليق

وده شرف كبير ليا


المهم

يارب تكون سفرية موفقه بأمر الله
وترجعيلنا بمليون سلامه
وتشوفي ماما وكل الناس اللي بتحبيهم


ربنا يوفقك

اخوكي

برقش

مـجـنـووون يقول...

حمدالله علي السلامه

وربنا يوفقك يا ررب في حياتك

تقبلي مروري
مجنووون

غير معرف يقول...

حمدالله علي السلامة

اخبارك ايه يارب تكوني بقيتي احسن

مشكلتك في السفر انك مش حضرتي للكام ساعة دول

عموما

بتمنالك من قلبي التوفيق

وانشاء الله تشوفي ماما قريب

مشعارف الفكرة دي جات في بالك ولا لا


المفروض تخللي المدونة

كويتية متغاظة ولا ايه

تحياتي

عاشقة القمر يقول...

كده ياهمس مش موتقعه منيك داه
تصديقي انا حملت انتي في كويت فعلا حلم طلع صح بس زعلان جدااااااااااااا
كان ممكن ترك رساله عموم حمدالله علي سلامه انا اهكون في مصر الاحد انشاءالله بس بجد كان نفسي اشوفيك اهو اهقعد في الشقه انام عايزه دعواتك فتش لي معاكي شغل في الكويت

همس الاحباب يقول...

حمدلله على سلامتك
وربنا معاكى
وبالتوفيق ان شاء الله
وكبرى دماغك يا بنتى
انتى فى غربة دلوقتى
وصحتك على قدك
هههههه
ربنا يطمنا عليكى دايما
تحياتى

غير معرف يقول...

السلام عليكم

حمدا لله على السلامة

هههههههههه
حلو أوي العنوان

كلها أرض الله عزيزتي
إجمدي أومال وافتكري اللي بيحصل هنا من غير مقابل
لكن عندك بمقابل يبقى مين أحسن ؟
وكله بتمن فالغربة لها تمن والصبر له ثمن والتحمل له ثمن لكن هنا في مصر غربة وصبر وتحمل بدون ثمن

Gannah يقول...

ازيك يا همس؟
حمدا لله على سلامتك
ربنا يكرمك وتقضى وقت حلو من غير اى فرسة
عايزين نقل حى من هناك
فين يا بنتى نمرة تليفونك
مش قلتلك ابعتيهالى
مش هعلق على خبر الدوا من كتر ما انا مش عارفة اقول ايه
البجاحة ليها ناسها
تحياتى

بذرة امل يقول...

ازيك ياهمس عاملة ايه
انتى كمان وحشتينا يابنتى جدا
بقولك
هتيجى امتى ان شاء الله ؟
ياريت تعرفينا
ومش تقلقى هندعيلك كتير
ربنا يوفقك يارب

أحــوال الهـوي يقول...

يعني لازم حتي و انت مسافرة تشربي سيجارتين فرسه و غيظه
ارحمي نفسك شويه انت قاصدة و جه كريم
ربنا يوفقك و تدرسي لعيال اكثر تخلف من تلاميذك السابقين
و بطلي تنكشي في الجرايد علي اخبار المصايب علي فكرة التلفزيون المصري كل ليله بيقدم و جبات فرسه علي قناة دريم الحياه المحور بيحرقوا دمي من كم البلاوي اللي ناسنا في مصر عايشينها

رغيت كتير يظهر بدات توحشينا

تحياتي

tarek momen يقول...

البلد مضلمة من غيرك ورايحة تنوري الكويت
يلا زي بعضه ماهم اشقاءنا برضه
وتحيا الوحدة العربية
وان شاء الله ترجعي بالسلامة

همس يقول...

الله يسلمك يا يا حبيبة قلبى

وحشانى جدااااااااااااا

همس يقول...

اللهم امين

ويسلمك يا محاسن

منورانى

همس يقول...

ربنا يخليكى يا ماما اموووووووووله

وانتى وحشانى

منورانى يا ماما

همس يقول...

الله يسكرك بزياده يا حفيدة

واللهم امين

وتسلميلى ويرضى عن الجميع

منورانى يا حفيده

همس يقول...

اللهم امين

تسلميلى يا فاتيما

وحشانى والله


واخبار خالتك ايه يارب تكون بخير

واشوفك ديما على خير

همس يقول...

اللهم امين يا مونى

منورانى يا جميل

وبوسيلى اختك

منورانى

همس يقول...

اه يا برنيس

انا قلت اغير الفرسه علشان الملل


منورانى

همس يقول...

اه فعلا رمزى

ان شاء الله هبقى انفضو قبل ما اشمه

ولا اقلك هركب فلتر فى مناخيرى

منورنى

همس يقول...

اللهم امين يا مفروسه

تسلميلى يارب

وسلمتك من الفرسه

معلشى ادمنا الفرسه يا حببتى

منورانى

همس يقول...

هعتبر انه اول تعليق يا دكتور عادل

معلشى خميتك

والف سلامه على الدكتور قصدى على دروسك

ومنحرمش من اضافاتك

منورنى

همس يقول...

هههههههههههه

والله هو المفروض جيه لشغل

فادعيلى ربنا يسهلها

وبعدين انا اقدر ازعل منك

وحاضر جيه على عينى يا نوحى

وسامحينى

همس يقول...

وعليكم السلام ورحمة الله وبركاته

ازيك يا برقش فينك

تسلملى على زيارتك

منورنى

همس يقول...

الله يسلمك يا مجنون

منورنى واياك تعقل هههههه

همس يقول...

لالا انا مصريه صميم

وتسلملى يا رب يا جود

منورنى

همس يقول...

زعلك على دماغى يا عاشقه

معلشى باه

سماح

منورانى

همس يقول...

ماشى يا همس الاحباب

انت بتدخل تغظنى وتطلع

ماشى ماشى

محوشالك لما انزلك

منورنى يا ابو هموسا

همس يقول...

فهلا يا مجداويه

ربنا يصبرنا باه


منورانى

همس يقول...

وحشانى يا حنتى

حاضر من عنيا يا نوحى

ووحشنى جداااا
منحرمش منك ابدا

همس يقول...

انا الحمد لله تمام يا امل

وان شاء الله

ربنا يسهل هو انا لحقت اقعد ياختى

ههههههههههههه

منورانى وبوسيلى بنات الزقازق وحشونى اوىىىىىىىىىىىى

همس يقول...

ههههههههههههه

ربنا يخليك يا هوا

وانتم كمان وحشتونى اوى


ويعنى هو بمزاجى مهو اللى كان ناشر الجرنال

عموما منورنى يا هوا

همس يقول...

ازيك يا باباتى

تسلم يارب

دى مصر منورة بيكم

محمود الدوح يقول...

اميييييييييييين
يارب
ويارب
ويارب
امين امين امين
وصلى الله على سيدنا محمد

حكيم النيل يقول...

تسافرى وترجعى بالف سلامة
وان شاالله ما تغيبيش بكتاباتك علينا