قبل ما أقول كدا .......
أيه الحاجات اللي عايزين تتغير فى بلدنا ...؟؟
أيه الحاجات اللي عايزين تتغير فى بلدنا ...؟؟
أظن كل حاجه عايزة تتغير ... مفيش اى وجه إصلاح ولا عارفين نعيش فى مستوى محترم
ولا عارفين ناخد حقنا ولو فقدناه مش عارفين نرجعه ...
طب مين السبب فى دا .....؟
طبيعي أنها تكون الحكومة والحاكم ...
ولو قلنا بلاش نظلم ....يبقى مجتمعين كلنا أنهم السبب فى استمرارية الوضع
اللي أحنا عايشين فيه ومش كدا وبس لا فشلت فشل زريع فى الحلول
طب أنا عايزة اعرف التغير ازاى ...؟
أننا نختارهم ودا عن طريق الانتخابات وبما أن الحكاية دى
تزوير وكدب فى كدب وتمثيل ....
والحاكم حابب ومتمسك بشعبة أوى لمده 27 سنة
لدرجة انه مش مصدق أننا عايزنة يرتاح ويحل عنا ...
وبما أن حصل تغير فى الدستور والاستمرارية العمل بقانون الطوارئ
اللي الكل بياكد أن كل اللي بيحصل دا تمهيدا لتوريث الحكم ....
فانا عايزة اسأل سؤال محشور فى زوري
إل الدستور دا معمول لمين بظبط .....؟
يعنى مش هو محطوط علشان يحدد مسئوليات الحاكم
ويضمن حقوق الشعب ولا أنا غلطانة ...
يبقى مش قدمنا ألا الدستور يجبلنا حقنا
ودا يخليني أروح أسال سؤال عايزة حد يجاوبى عليه ....
هل الدستور بيدينا قانون نحاكم الحاكم لو اثبت عليه تقصيره فى حق شعبه والوطن ....؟؟؟
وطبعا مش محتاجين أسباب انه يسال السؤال دا ...!!!!
طب لو فيه
ليه ما نستخدم القانون دا ....
ولو فى حاله انه يدينا الحق فعلا لدا ....
هل نقدر فعلا يحصل دا .... ؟؟؟
ونبقى ناس متحضره زى ما بيقولو ونتعامل بالديمقراطية
هل فيه قدرة شعبيه وقياديه تطالب بالحق دا طب لو مفيش ...؟
أظن أن دا ظلم جامد لينا .... ازاى القانون والدستور يدى حق الاستمرارية لحاكم
مع ارتكابه أفعال أو سمح بحدوث أفعال نتيجتها تخلى البلد
ترجع لورا وتعيش حاله فوضى وفقر ...
دون ما يدينا الحق فى عزله ومحاسبته ....وعقابه لو وصل الأمر لكدا ....
طب لومقدرناش نعزله ......
واستمرت الحياة فى مصر كداوهو فضل مكانه والخراب استمر ...
هل الحل هو سيطرة عسكرية ؟؟؟
هل الحل هو سيطرة عسكرية ؟؟؟
هل نقدر نعمل دا....هل الحياة فى مصر أصلا تسمح بدا ....؟
ولا هنلاقى ناس تقول هنلاقى نفسنا زى العراق ونلاقى أمريكا محتليانا وبتقتل فينا ...
لا طبعا مش هنعمل زى العراق ....
أولا: معندناش سبب مباشر وحتمي زى حكاية النووي دى فى تدخل أمريكا فى الموضوع دا
وبعدين دا شأن خاص داخلي ولازم قيادات التغير يبقوا على قدره فى التحكم والسيادة
ثانيا: أحنا لما هيبقى فيه تغير أكيد هيتحط جميع الظروف فى الحسبان ....
علشان يبقى فى تغير قايم صح ومش عشوائيولا هيكون اندفعنا نحو التغير ....
لمجرد التغير ...أو ناس حاسة بملل ..... دا مستقبل بلد يا رجاله ولا أيه ...؟؟
ثالثا : الله يرحمك يا صدام .... أرجو قرأت الفاتحة على روحه .....
ولا فكره التغير والانتصار على الظلم واخذ الحق .... هو بالضرورة يتطلب تدخل عسكرى ....؟؟؟
مينفعش سلمى كدا .... مش علشان هقول أحنا متحضرين وبس ( احم احم ) ...
على الأقل مفيش حد ليه سلطه أو تأثير على الجيش أصلا
ولا فكرتى دى وخداها من تاريخ مصر أن اى مرحله تطلبت ثوره وتدخل عسكري .... جايز صح
ولا هنغلط ونعمل زى الحكومة واى حاجة نحشر الأمن ....
ولا هيجى اليوم اللي فعلا يجى التغير من الشعب ....والقرار قرارنا أحنا ...؟؟؟
يعنى ندخل على اى حاكم كدا ونقلو معلشى أصلنا عايزين الكرسي اللي أنت قاعد عليه ....
الموضوع طق فى بالى ....حبيت أقولوا ....
تعتبر نتيجة يأس ( 27 سنه صبر كفايه باه)....
وحبيت أشوف هو فى حد فكر فى الموضوع زى ... ولا لاء
ولا هيا الحكاية مش مستاهل تغير أصلا .....والدستور كتر خيرة ....
متظبط على المقاس بظبط .... يغير اللي مش عاجبه واللي فيه مصلحته ....
زى قانون الطوارئ ....وديتها استفتاء .....
والله شكلي هيست على الأخر ....
وأحلام اليقظة والمخمودة وخده حقها معايا على الأخر ....
هناك ١٤ تعليقًا:
مفيش ثورة مفيهاش خسائر ومفيش خسائر بدون اسلحة ومفيش اسلحة بدون ترخيص ومفيش ترخيص علشان مفيش حد مؤهل انه يستخد السلاح ومفيش حد مؤهل انه يستخدم السلاح علشان احنا معندناش ثقافة خد حقك بدراعك والثقافة دي مش موجودة علشان الحكومات زرعتها فينا من زمان والفرخة عايزة قمحة والقمحة عند العلاف
واللعبة حتفضل شغالة لغاية ما نصحي من الغيبوبة
بس اهم حاجة ان احنا دلوقتي في مرحلة الضغط والضغط يولد الانفجار
مدونة جامدة جدا
اول زيارة ولن تكون الأخيرة
بص انا معاك فى اللى قلتة
بس ما تنسى ان الرسول صلى الله عليه وسلم قال فيما معناه ( اسفه مش حافة النص) ان خير جنود... جنود مصر
وبعدين الانفجار جى
وكفايه 80 مليون ينفجرو تخيل هيعملو اباده لجميع الحكومات فى العالم مش هنا بس
بس على فكره انا هفجر مش هنفجر
انا لسه عايزة اعيش يا خويا
منورنى يا تامر وياريت ما تبقى الاخيرة
اهلا بيك يا طارق فى اول زياره
ويسمعها منك ربنا ما تكون الاخيره
وتسلم على ذوقك
الثورة الدموية قادمة و احنا معملناش ثورة عملنا انقلاب عسكري مشتركش فية الشعب
و ب التالي لازم تفشل
التغير مش من الجيش او كدة التغير من الشعب
همس
ادينى جيت يا حبيبتى وزورت مدونتك
مدونة هايلة
عارفة احلى حاجة عاجبانى حاجتين
اولا البانر بتاع لا للإعتقال عشان البانر دة تصميمى وكنت باعتاه لنوارة واتبسطت جدا لما لاقيته عندك ومش عارفة انتى ختيه منى ولا منها
تانى حاجة عاجبانى شجاعتك
بس خافى على نفسك شوية
زمان لما كنا بنعمل مظاهرات كان الظباط هم اللى بيعملوها
دلوقتى الظباط اتظبطوا ونايميين فى العسل نوم
ولو الشعب الجعان الفقران المرضان حاول يعمل مظاهرات هالظباط هايظبطوا تمام وبالتالى انتهت المظاهرات قبل ما تبدأ زى ما حصل فى المحلة
تحياتى ليكى وبالتوفيق ان شاء الله
على فكرة عندى مدونة اسمها باب النجار اتمنى انك تنوريها مفيدة لكل المهتمين بديكور والاخشاب هى لسه جديدة وطبعا ملاحظتكم تفرق معايا كتير
دة اللينك بتاعها
www.babelnagar.blogspot.com
ربنا يسهل وتيجب باه
علشان مليت الموضوع كلو
وان شا ءالله مفيش حاجه هتفشل
واهر بيك يا مواطن
يا اهلا يا سبهلله
بجد كوي سوالله بس فعلا انا اخدته من نورارة
وفعلا امال قانون الطوارئ ليه ال ايه
علشان يمنع الجريمة جتهم خيبة بعيد عنك
منورااااااااااااانى
ما انا اقولتلك من الاول يا همس ان البلد دى مش هتنضف غير بالدم والسلميه ما تبقاش مع الاشكال دى بس المره دى لازم اللى يعمل الثوره هو الشعب ومن خلفه الجيش مش كل مره نلاقى الجيش طالع والشعب واقف وراه
والحمد لله انى ماطلعتش لوحدى مؤمن بموضوع الدم ده
hgsghl ugd;l dh hojn
بس امتى باه يا صاصا هيحصل دا
بدم... بصلصة
المهم يحصل
ويارب يكون عن قريب
همس
وحشنى كلامك اللى بيخلينى متغاظة اند مفروسة
احنا جربنا الثورة اللى كانوا بيقولوا انها هتحررنا و هتلغى الملكية و ادينا راجعين لملكية مقنعة. الثورة فى الوقت ده هتدى الفرصة لكل اعداء مصر ياكلوا فيها و فى النهاية الغلابة هما اللى هيتضرروا و يبقى الحال كما هو عليه
الحل اننا نغير من انفسنا من غير ما نستنى تغيير الدستور ولا الحاكم و ساعتها ربنا هيحلها من عنده ومن يتقى الله يجعل له مخرجا
تحياتى
همس
فرعون حكم مصر 60 سنه مستعجلة لعى ايه لسه بدري...
فيه بوست في همسات عن الموضوع ده وكمان فيه واحد تاني في اليوميات يا ريت تزورينا ونسمع رأيك
نحياتي
ياربنا
انت عايز عيالى بعد الشرعنهم
يبقو متغاظين اند مفروسين
لا طبعا
وحاضر انا جايه حالا
يا جماعه انا نفسي بجد نعمل حاجه في مصر تتغير على ايدينا طيب ليه منبقاش مجموعه ونبدا ونغير بجد والله نبدا تنوعي الناس الي مش داريه بنفسها والله العظيم لو كونا مجموعه كبيره كبيره اوي هنغير بلدنا هنغيرها من كل النواحي بس نغيرها من غير ضرب ومخانقه وصدقومي هننجح انا عايش في االسعوديه وبسال وحده معايا في الفصل بقولها انتي رحت مصر قبل كدا قلتلي رحت ومش عايزه ارحلها تاني قللها ليه قلتلي كلهم فقراء وشحاتين ونصابين انكسفت من نفسي سعتها بس قعدت ادااافع عن مصر لحد مقلت بس ياريت تردو عليا
إرسال تعليق