بصو عايزاكم تدعو معايا على بتوع التوكيلات والصيانه دول ...علشان خلاص قرفت منهم خالص
وحسبنا الله ونعم الوكيل فيهم هما كمان ....
ليا موقفين مع بتوع الصيانه دول والاتنين تحسو انهم حرميه وما بيتقو الله فى اى تصليح
اول موقف كان من فتره يجى سنتين تقريبا او اكتر فى توكيل نوكيا فى المنصوره قابلتنى مشكله
فى الموبيل بابا مقتنع ان أحسن حاجه التوكيل .... المهم رح الموبيل للتوكيل ....قعد يجى 15 يوم
التصليح كان بكام 200 جنيه تقريبا المهم بابا وهو جبهولى لقيتهم كسرو الكافر ومركبينو غلط أصلا
بالرغم اللى نفس المشكله قابلتنى تانى وديتو محل صيانه عادى خدو منى 35 جنيه بس ....
دا كان اول موقف ... ومش مهم خالص .... فى دهيه الموبيل ....
تانى موقف هو الساعه بتاعتى الرادو بابا بصراحه وداها لواحد سعاتى قلو عايزة قطعة غيار
قال طالما محتاجه قطعه نوديها برضو للتوكيل علشان يجبها أصليه ....
وكانت صحبتى الفلسطنيه راحه القاهره ودتها للتوكيل فى العتبه فى عماره الاوبرا
( أنا عايزة اى حد يفوت من هناك يحدفهم بقال طوب فى دماغهم ويقلهم دى من همس )
المهم خدو 300 جنيه مش مهم .... اجى البس الساعه برضو بتقف وكانى متصلحتش
ودتها تانى لصحبتى توديها ليهم .... فضلت عندهم ... وبنت خالتى قلتلها هتيها
تتصل بيا من هناك ....وتقلى مش لاقينها .... نعم ...دا أنا أخلى سنتهم سوده ...
طب خدى كلمى الراجل .... هاتى يا ختى
هيا لونها أيه يا أبله .... مدهبه .... حريم ولا رجالى .... حريمى
طب متقلقيش هنلاقيها أن شاء الله ..... إهمال وغباء ...
طبعا يومها رجعت من غير ما تلاقيها .... وعلشان شهادة الضمان
كانت مع صحبتى الفلسطنيه ...رحتلهم ....وجابتها ....وللاسف برضو اشتغلت يومين
ووقفت .... يادى النيله .... مفيش فايده
بابا شك باه .....راح موديها للسعاتي المعرفه ....راح قالو ما تعملش فيها اى حاجه
وناقصه من جواها قطعه ....
بابا يتصل بيهم ....يقلهم ازاى اساعه ميتعملش فيها حاجه وكمان ناقصه من جوة قطعه
عرفت ازاى يا حاج ... الساعتى قالى لما لقتها مش شغاله بعد ما بعتها كذا مره
طالما اتفتحت بره يبقى مالناش دعوه وضمانك ملهوش لازمة عندنا ....
ولمابابا دخل فيهم شمال .... راحو قيلين ليه تعالى بس وهنرضيك ....
الحرمين كان بابا قاعد قدام جامع ....ز متخلفين حتى فى الرد
شوفتو يعنى الساعه باظت ....وما عدش حد عنده ضمير ....وسرقه ..
علشان الناس واثقه ان دا الضمان يبقى عندهم زمة ... وزمتهم أصلا بايظة
وال ايه يقلك مؤسسة الشرق الأوسط للساعات ...المركز السويسرى
جتكم القرف ....يا كدبين ...يا حرميه ....
وحسبنا الله ونعم الوكيل فيكم .... انا عايزة كل واحد داخل المدونة
ينشهم دعوه يصبحو الصبح مسروقين .... ومتلاقو حتى مفك تصلحو بيه
وكل واحد يكتب الدعوه فى تعليقه .... علشان غيظى وفرستى ترتاح شوية
لما اشوف باه .... مين دعوته مستجابه ....
يلا ادعو بزمة كدا ....شدو حيلكم معايا .....
هناك ١٦ تعليقًا:
يا سلام ما هو نص البلد حراميه و البلد كلها بتتسرق عاوزه بتوع التوكيل يبقى شرفاء وبعدين دى كل فلوسهم حرام لو كل تعاملاتهم كده
مع انى لسه صاحى ومبحبش ادععى على حد الصبح بدرى انا هدعيلك دعوه حلوه ومش عليهم
يارب يرجعلك مجموع ما صرفتيه 535كلها حسنات يوم القيامه ويديكى اكتر منهم فى دنيتك ويرزقك برزق الطير يا قادر يا كريم وحسنه قليله تمنع....عاجبك كده ،أدينى خرفت بس بيتهيألى انى أول تعليق انا مش متأكدطبعا
يلا بقى
السلام عليكمورحمه الله يا أختييييييييى
علي فكرة انا شغال في شركة كبيرة زي اللي انتي بتقولي عليها دي وفعلا مفيش حاجة بتتعمل في الجهاز اللي بيدخل صيانة مش اكتر من انه بيتمسح وتروق ويتحط في كيسة شيك عليها اسم الشركة
الوحيد اللي بياخد حقه هو العميل اللي بيدخل يزعق ويعمل فيلم ويقول كلام كبير زي جهاز حماية المستهلك والغرفة التجارية وشعبة التجارة والصناعة في مجلس الشعب وبالنسبة للشركات بتاعة الاتصالات يعني الموبايلات والانترنت وكدة في المركز القومي لتنظيم الاتصالات يعني اي حد بيدخل يقول الكلام بيتعمل معاه الواجب وميت فل وكمان جهازه مش بيدخل صيانة ده بيتبدل خالص
لو ليكي حاجة في اي توكيل في اسكندرية قولي وانا حخلصهالك انشاء الله ومنهم لله هم والحكومة اللي فتحتلهم الباب علي البحري وخليتهم يجيو عندنا ينصبو علينا ويعبو فلوسنا ويضحكو علينا ويمشو
أولا قبل الدعاء والشتيمة ممكن أعرف بس الساعة الرادو دي موديل سنة كام
لأن معلش ساعة رادو لسه بالضمان بتاعها يعني المفروض إنها ماكملتش سنتين ومعنى انها تبوظ يبقى أكيد إنها مش أصلي
وعلى فكرة لو حلفتيلي على جميع أيمان المسلمين إنها أصلي مش هصدق لأني شفت ساعات رادو تقليد شبه الأصلي بالظبط
معلش تعيشي وتاخدي غيرها
الله عليك يا صاصا
احلى دعوات فعلا
تسلم يارب
ويارب يوفئك وتنحج ياصاصا
وعليكم السلام ورحمة الله وبركاته يا خويا
يا تامر مليش الا اقول حسبنا الله ونعما الوكيل
وتسلم يارب ياتامر
وان شاء الله نتعبلك كدا فى اكبر حاجه تتمناها
هيا من سنه 3000 قبل الميلاد يا مصرى
ولما جبت سيره الضمان قلت مده التوكيل اللى ادهونى بعد التصليح بشهاده ضمان ...ولو فهمت غلط بكدا يمكن وضحتهالك شوية ...
وطبيعى جدا ان اى ماركه بتيلك سنه سنتين ضمان بالكتير مش طول العمر ...
والساعه عندنى من اكتر من سنتين
وبقالها فتره
وجيه من بره مش من مصر من عمان اللى جنب الامارات عارفها طبعا ...
ومش هقلك هيا فو ق العشر تلاف
لا دى حاجه على ادى كدا
فى حدود بالمصرى فوق 3000 بحاجات بسيطة
اما بخصوص الحلفان انا طبعامش هحلف
ولا كان فى دماغى احلف اصلا
علشان مش مطلوب منك تصدق او ما تصدقش
دى مواقف قابلتنى حكتها
وانا مش متعوده اكدب علشان اولا
مفيش حاجه تجبرنى على كدا او انا محتاجه
اتظاهر بكدا وقلتلك يا عم على سعرها
ممكن تكون برضو مش اصليه او تكون بالنسبه ليك رخيصه بس بالنسبه ليا غاليه جدا عندى
اصلك بره محسسنى محدش سافر الا انتى
وعلى فكره انا كنت بره
وابويا راح اليمن وعمان والامارات والسعودية ...
اما بخصوص الضحك
ومالو يضحك علينا ياسيدى
بس اتاكد وكون على يقين انه بمزاجى
خدمة ما بعد البيع
أكبر كدبة عند توكيلات الدول العربية
لا حول ولا قوة الا بالله
شعور صعب جدا إن الواحد يتفهم غلط
يعني إنتي بتتكلمي عن عدم الأمانة في التصليح وأنا كان قصدي عدم الأمانة في البيع يقوم الموضوع ييتفهم بالصورة اللي رديتي بيها دي
أنا آسف إذا كان كلامي اتفهم غلط وفعلا حزين جدا لأني ماكنتش أعتقد أبدا إنك ممكن تفهمي كلامي بالصورة البشعة دي
فعلا عن تجربه يا جنى
منورنى
السلام عليكم
================
فى البدايه ايه ده شكلنا متراقبين ده كفايه اسم المدونة
اتكلم ولا متكلمش اقولها عشر مرات اتكلم ولا متكلمش
تبقى كملى انتى
بس بصى بينى وبينك ومفيش حد سامعنا واحنا فى نص الليل انتى شكلك انضحك عليكى كتير لمؤاخذه
بدون زعل
اسف للازعاج فى زيارتى الاولى
===========================
وصلطح صلطح ياعم الحاج
مبدئيا بعد كده لما تبوز حتجة منك ارميها وهاتى غيرها هههههههه
احم احم
ندعى باه
يا ربـــــــــــــ
انا مش هقول انا دعيت بايه
والله المستعان تحياتى
التوكيل ماتفكرنيش
فى حاجات رمنيها احسن من تصليحها فى التوكيل
وربنا يستر
الاسف متبادل يا مصرى
وشكرا لتعليقك للمره التانيه
اهلا يا صلطح
متخفش منتش متراقب ولا حاجه يا خويا
اما بمناسبه الضحك المصرى سبقك باه وقالها بقة قديمة
وبعدين ازعاج ايه
طبعا مفيش ازعاج خالص
وتنورنى ديما يارب
كفايه بفتكر من اسمك فيلم اشاعة حب
برنسيس هيا الظاهر كدا
طالما الذمم خربانه
ومفيش ضمير
منورانى يا برنسيس
كعلشى باه يا ريس فكرتك
وربنا يعوض على الكل
شرفتنى بزيارتك
إرسال تعليق