أيه اللي يجى على بالك أول ما تسمع أن السفير الاسرائيلى جالوا مرض خلاه متلقح فى الفرشه
وحياته مهدده بالانقراض ....أكيد هنحس بسعاده جدا ...وهنكمل وندعى عليه ....
شويه يدعو ان ربنا يعذبه فى
الدنيا وبعدها يموت ويكمل عذاب فى الاخره ...
وشويه هيدعو ربنا يكمل عليه بأمراض تانيه
لحد ما ما يلاقو ليه علاج ويتلقح لحد ما يعفن كدا ...
وغيرهم يدعو عليه ان ربنا ياخدو على جهنم عدل ....
بصراحة أنا من الناس الاخيره .... أولا معنديش صبر أصلا ...
وثانيا علشان سمعت ان اللى ربنا هيخدو كليته باظت خالص وعايز نقل كليه ضرورى جدا
والزفت كان عامل إعلان بيطلب متبرع بكليه مقابل مليون جنيه .... بس الإعلان ذكر انه رجل أعمال
طبعا فى ناس راحت بس عرفو من الممرضات انه الزفت الاسرائيلى فرفضو ومشو...رجاله والله ...
فدلوقتى متفق مع سمسار يجبلو واحد .....
يعنى دلوقتى بقينا بنتباع بالتجزئة .... على عينك يا تاجر ....وشغل على نضيف ....
يعنى ما يروحش يجيب من عندهم اى كلب ياخد منه
لا حسبها مع نفسه وقال عندنا اى كلب قمته أغلى من اى بنى ادم هنا ....
ومهما كان المبلغ هيبقى برضو ارخص
وارخص بكتير جدا ....من قيمه اى كلب فيهم ....
فقال اشترى بالفلوس .... وانا برضو الكسبان.... حتى لو زوت السعر ...
بس ياترى هيلاقى حد يبيعلو كليته ....وأنا متاكده أن هيلاقى كتير .... مش قصدى خيانه والله ...
الكل عارف الظروف .... فى كتير ليهم ألف مبرر ومبرر ....
واللى يقدر يمنع اى حد من يقوم بدا .... يبقى يديلو اللي محتاجه ....
وبعدين فين شيخ الأزهر يتحفنا بفتوه ويقول حرام ويعتبر جريمه ... وخاين كمان
طبعا ما يقدر واستحالة ينطقها .....
فى اى قانون فى البلد يعتبر اللى هيعمل كدا مجرم وخاين .... لا طبعا ...
يعنى مفيش قانون مشرع يمنع دا ....
نيجى على القانون الاخلاقى .... أخلاق أيه بظبط هنا .... مفيش أخلاق بتقول الناس تموت من الجوع
مفيش أخلاق تجعل سبب أن الناس ترتكب مصايب من قتل ورشوة واغتصاب وسرقه
علشان مش لاقيه العيش الحاف ....
فى بلد أصلا سبقت وبتبيعنا ليهم ....
لا قانون دوله ولا قانون اخلاقى ولا حتى قانون الرحمه تمنع اى حد يعمل كدا
طالما فى دوله مبتعرش و بتتعامل ألا بقانون الظلم والبيع
لو قلنا عليه خاين .... يبقى الحكومة خاينه أصلا ...وهيا اللى بدات بالبيع ....
أنا مش بشجع اه .... بس برضو ما اقدر امنع حد ...
عارفه كتير هيرفضو أصلا .... عادى كل واحد حر فى رايه ....
بس أيه رأيكم ....؟؟؟
وحياته مهدده بالانقراض ....أكيد هنحس بسعاده جدا ...وهنكمل وندعى عليه ....
شويه يدعو ان ربنا يعذبه فى
الدنيا وبعدها يموت ويكمل عذاب فى الاخره ...
وشويه هيدعو ربنا يكمل عليه بأمراض تانيه
لحد ما ما يلاقو ليه علاج ويتلقح لحد ما يعفن كدا ...
وغيرهم يدعو عليه ان ربنا ياخدو على جهنم عدل ....
بصراحة أنا من الناس الاخيره .... أولا معنديش صبر أصلا ...
وثانيا علشان سمعت ان اللى ربنا هيخدو كليته باظت خالص وعايز نقل كليه ضرورى جدا
والزفت كان عامل إعلان بيطلب متبرع بكليه مقابل مليون جنيه .... بس الإعلان ذكر انه رجل أعمال
طبعا فى ناس راحت بس عرفو من الممرضات انه الزفت الاسرائيلى فرفضو ومشو...رجاله والله ...
فدلوقتى متفق مع سمسار يجبلو واحد .....
يعنى دلوقتى بقينا بنتباع بالتجزئة .... على عينك يا تاجر ....وشغل على نضيف ....
يعنى ما يروحش يجيب من عندهم اى كلب ياخد منه
لا حسبها مع نفسه وقال عندنا اى كلب قمته أغلى من اى بنى ادم هنا ....
ومهما كان المبلغ هيبقى برضو ارخص
وارخص بكتير جدا ....من قيمه اى كلب فيهم ....
فقال اشترى بالفلوس .... وانا برضو الكسبان.... حتى لو زوت السعر ...
بس ياترى هيلاقى حد يبيعلو كليته ....وأنا متاكده أن هيلاقى كتير .... مش قصدى خيانه والله ...
الكل عارف الظروف .... فى كتير ليهم ألف مبرر ومبرر ....
واللى يقدر يمنع اى حد من يقوم بدا .... يبقى يديلو اللي محتاجه ....
وبعدين فين شيخ الأزهر يتحفنا بفتوه ويقول حرام ويعتبر جريمه ... وخاين كمان
طبعا ما يقدر واستحالة ينطقها .....
فى اى قانون فى البلد يعتبر اللى هيعمل كدا مجرم وخاين .... لا طبعا ...
يعنى مفيش قانون مشرع يمنع دا ....
نيجى على القانون الاخلاقى .... أخلاق أيه بظبط هنا .... مفيش أخلاق بتقول الناس تموت من الجوع
مفيش أخلاق تجعل سبب أن الناس ترتكب مصايب من قتل ورشوة واغتصاب وسرقه
علشان مش لاقيه العيش الحاف ....
فى بلد أصلا سبقت وبتبيعنا ليهم ....
لا قانون دوله ولا قانون اخلاقى ولا حتى قانون الرحمه تمنع اى حد يعمل كدا
طالما فى دوله مبتعرش و بتتعامل ألا بقانون الظلم والبيع
لو قلنا عليه خاين .... يبقى الحكومة خاينه أصلا ...وهيا اللى بدات بالبيع ....
أنا مش بشجع اه .... بس برضو ما اقدر امنع حد ...
عارفه كتير هيرفضو أصلا .... عادى كل واحد حر فى رايه ....
بس أيه رأيكم ....؟؟؟
هناك ٢٠ تعليقًا:
تعالي نتفق على أن الفلوس ممكن تخلي أي حد يعمل أي حاجه
في سبيل الفلوس الواحد بيخسر أخلاقه وأحيانا شرفه وحاجات تانيه كتير
انا الحقيقه مش عارف الموضوع ده غريب شويه
لأنه على الأقل لو كان يريد متبرع بكليه كان عليه بالذهاب إلى الصين مثلا أو أمريكا فكان هايلائي ناس ياما تعمل له ما يريد
لكنه بالتأكيد عمل اعلان هنا في مصر من أجل أن يتقدم احد المصريين بعرض ليبيع له الكليه وتصبح سيرتنا على كل لسان ويقول الأخوه العرب في كل مكان هاهم المصريين ينقذون السفير الاسرائيلي من الموت ويبدا الكلام اللي ملوش لازمه من اخوانا على الرغم من انهم جميعا يتعاملون مع اليهود تعاملات عاديه اقتصاديا وسياسيا وغيرها
...
وبالنسبة للمستشفى التي يجلس فيها الهباب، مشتركه معه في هذا الأمر، لأن بالتأكيد مدير المستشفى على علم تام بهذا الأمر والدكاتره اللي هايساعدوه في نقل الكليه، وأكيد طبعا هناك من خطط له ونصحه بعمل اعلان على انه رجل أعمال، يعني هذا اليهودي مع الأسف ليس وحده، ولكن يقف بجانبه بعض المصريين الذين يسهلون له أموره
...
الموضوع حصل كتير مع ناس من الخليج
ومش فارق انه يحصل مع يهودي
فكما قلت لك
الآن طالما أن هناك فلوس يبقى مفيش مشكله
تيجي من أمريكي تيجي من يهودي تيجي من أي حد
المهم ان الفلوس تيجي وبس
وده سببه الازمه الاقتصاديه الموجوده عندنا
الله أعلم هاتتحل امتى
تقبلي مروري
عايز اطمنك من الناحية القانونية ان لايجوز نقل كلية المصري لأي جنسية اخري
من ناحية شيخ الازهر الفتوي اللي ممكن يقولها ان اللي حيتبرع لينقذ حياة انسان له اجران اجر التبرع واجر انقاذ حياة مريض والله ورسوله اعلم
من ناحية الدعاء ربنا يشفيه و يهديه للاسلام او ياخده
بالنسبة للظروف بتاعة اي مصري حيسمع عن مليون جنيه مكفأة ممكن يتبرع بالقلب والكلية والكبدة والفشة والطحال غير ان فعلا زي ما انتي قولتي اي كلب في اسرائيل ارخص من اي بني ادم مصري
السلام عليكم
*********
دى اول زياره ليا ومش الاخيره ان شاء الله لكن انتى عندك حق فى كل حاجه بس فى حاجه صغيره
واحد زى السفير الاسرائيلى احنا منعديش عليه هوا مش هييجى اشد من الى ازو الرسول وعزبوه وكان مع ذالك بيدعلهم بى الهدايا عشان ممكن ييجى من اصلابهم من يعبد الله ولا يشرك بهى شيأ صح ولما نزل الملك قال له
أئمرنى اطبق عليهم الاخشبين الجبلين قال لالالا عرفين الباقى اما باقى الى قلتيه انا متفق معاكى فيه والله الغنى ونحنو الفقراء اتمنالك المزيد من التصريحات
واتمنا زيارتك مدونتى
رايي نابع من التصرف اللي انا مقتنع به
طبعا لو هاموت من الجوع انا وعيالي لا يمكن اتبرع باي شئ ولا شعرة طالما ان هذا الشخص يمثل كيان معادي و مغتصب
ازيك يا اختى العزيزه همس
(بقى عارض مليون جنيه !!!يا نهار الوان
طب ما تعرفيش رقم التليفون بتاعه؟؟
انا مش هطلب منه مليون جنيه وبس انا كمان عاوز اسافر أسرائيل واخد الجنسيه وابعد عن الفقر ده
العيشه مع اليهود احسن مليون مره انى اكفر هنا)
ده هيكون رد معظم الشباب اللى فى الشوارع
للاسف احنا وصلنا لحاله الواحد يبيع ابنه عشان خاطر القرش
وحتى لو كان سفير اسرائيلى ممكن يتولد ليه احساس بالذنب شويه بس المليون هيموتوا ضميره خالص
معلهش..لكن فيه ناس مش لاقيه عيش حاف لو قولتيلوا مليون جنيه ميهموش المقابل خالص..ان شاالله يدى كليته للشيطان
شوفى عندنا كام واحد عايش فى الشوارع
انا كل كام شارع لازم الاقى واحد نايم
وساعات والله بشوف ستات نايمين بولادهم وبيعتمدوا _ربنا يغنينا ويغنيهم_على مخلفات الناس
الضمير بيضعف امام الجوع والفقر
ولما تيجى تحاسبى حد يبقى تحاسبى كبير الحراميه اللى خاربها
مش كده ولا ايه يا اختى؟
جزاك الله خيرا على مدونتك المتألقه دائما
السلام وعليكم ورحمه الله يا أختى
بص احنا فعلا متفقين
وبعدين هيروح ليه الصين ولا غيرها
هو اى نعم الكل مسترخصنا حتى احنا نفسنا بس حاجه غاليه جدا لما ياخد حاجه من مصر حتى لو كانت كليه دا مخطط ومعروف
وبعدين طبيعى انه متخطط ليه من جهات مصرية والسمسار اللى هيجبهالو متهم قبل كدا ببيع الاعضاء البشرية
ومرورك متقبلينو طبعا ويشرفنا
يا نامر انا سمعت عن القانون دا
بس هيعمل ايه قدام امر واقع قدام طمع ومرض اللى عايز كليه وقدام جوع
وفقر للى عايز فلوس
ولا حاجه
طب هقلك على حاجه سمعت ان واحد مصرى اتبعر بكليته لسعودى ب 15 الف جنيه
قلى هنا باه القانون هيعمل ايه فى الحاله دى
هيسجن السعودى ولا المصرى ولا ميكونش هيرجعلو كليته تانى
القوانين فى مصر زى قلتها اصلا
ولا بتمنع حد ولا بتحط حد لطمع الدول فينا حتى فى جزء من جسمنا
بس يا سيدى
منورنى
واهلا بيك يا سيدى
بصى يا ادم معاك حق طبعا
بس هقلك على حاجه احنا مش زى الرسول عليه افضل الصلاه والسلام
ولو قلنا احنا مؤمنين بسيرته وسنته طبعا
هقلك الرسول كان بيتحمل دا فى سبيل النهوض وانتشار الاسلام
وكان فى موقف القوه طبعا
بس للاسف احنا بنعمل كدا علشان ضعفاء
وظلم وفقر وحكومة ملهاش لازم غير انها
تفضل خدامه وواطيه
شوفت باه الفرق اد ايه ؟؟؟
فانت اهم حاجه منورنى
وياريت نبقى نشوفك ديما
الله يسلمك يا صاصا
ازيك انت ويارب تكون بخير فى الامتحانات
وعلى رايك يا صاصا
المليون مش هيموت الضمير بس
دا قبل منه هيموت الجوع والفقر للبنادم دا
اما من ناحيه نحاسب ربنا قادر اهو
يا خويا
وشية سخط من عندك يا رب عليهم
وينحرقو كلهم على بعضهم بجاز
معاك حق يا طارق
بس احنا مش بنتكلم عن نفسنا
بنتكلم عن ناس تعبانه جدا جدا فوق اى تصور
وشكرا لمرورك
وهى المليون جنيه دلوقتى تجيب ايه
مش يزودها حبتين
كمان بلد ايه اللى انتى بتكلمى عنها
ماهما دلوقتى بقوا اصحاب البلد واحنا ضيوف عندهم فى ظل السياسه الرشيده لرئيسنا الهمام مبارك بيه
همس
ازيك؟ يا رب تكونى بخير
الموضوع كالعادة يفرس ويغيظ ومش عارفة ليه اختاروا المصريين بالذات؟ شكل الموضوع فيه ان ويمكن اخواتها كمان
الصهاينة دول مبيعملوش اى حاجة بدون ما يكون لها هدف ومش فاهمة ازاى يسمحوا باعلان زى ده فى وقت الناس مش لاقية فيه مليون تعريفة!
قوليلى ازاى واحد اولاده مش لاقى يأكلهم هيفكر ان ده لواحد اسرائيلى ولا لواحد مصرى مش بيقولوا الجوع كافر وفى اوقات المجاعة كل شىء ممكن وساعتها الناس دى ذنبها فى رقبة مين؟
بصى انا فعلا متغاظة اند مفروسة وانتى عارفة انى حزينة على الهمسات فمن باب صداقة التدوين الله يخليكى يا همس شفيلى حاجة تفرح انا برضة اختك
تحياتى
المدونه اسمها همس بس الى شايفه مش همس خالص ده انتى ثورجيه على الاخر
على العموم كلامك فى الصميم و المدونه بتوصل رساله
لسه مجبتيش حاجه ساقعه على فكره انا مستنى
تحياتى و تقبلى مرورى
على رايك
ملوين جنيه ايه ..؟؟
بس مش هخليه يزودها حبتين بس
لا دا شريط حبوب كلو
يلا هيص يا اوعى تفكر
شكرا لمرورك العزيز
يا هلا يا حبيبتى قلبى يا جنه
وحشتينى والله
وعرفت موضوع همسات ... وفعلا حاجه تضايق
بس قدر الله وماشاء فعل
بس اوعدك ان شا ءالله افرحك
بس ازاى هدور هعمل اعلان جواز
ويمكن تفرج هههههههههه
بص يا Baker
اسم همس دلع ....اسمى احقيقى اعصار
دانا كنت هشلفط الدنا دلوقتى
لما لقيت ثورجيه دى
مش عارف تختار كلمه تانيه
ممكن حد يكون نفسويته فيها حاجه ياخد
المقطع الاولانى
اخ منك يا Baker
لاولا دى اول مرة بس منورنى
بس اياك ما تجيش تانى
انا عايزة افهم هو خلاص يعنى الاطفال اللى محتاجين كلية خلصوا ده من ناحية الثواب وكده
اما من ناحية الفلوس مش عايزة اكون مفترية الشخص اللى مستعد يضحى بجزء من جسمه عشان الفلوس اكيد حالته صعبة اوى
اما من ناحية الخيانة باه فاه بالنسبة ليا دى خيانة
تحياتى
هما الاطفال ما خلصوش هما عيانين بس
ومالو تبقى خيانه يا برنسيس انا اقدر اكسرلك كلمه يا ختى
منورانى
انا قصدى ثورجيه من ثوره ثوره زى 23 يوليو كده
بس على العموم هحاول اجى على طول بس اياك ميكونش فى مخبرين فى المدونه عاوزين نربى العيال يا همسايه
ههههههههههههه
ياراجل انت لسه فاكر
وانا فاهمه قصدك
ومتخفش مفيش مخبرين
وان شا ءالله يبارك فى العيال وهتربيهم
منورنى
إرسال تعليق