الاثنين، يونيو ٣٠، ٢٠٠٨

حاجه ساقعه على حسابى

كنت بعيد مشهد من فيلم التجربة الدنماركيه .... ااااااااايه دمغكم رايح فين يا خلبيص

مش اللي بالى بالكم يا أشرار .... هقلكم


أمبارح كانت اختى جايه من الكويت المشققه ( شقيقه )وكان ميعاد وصولها بالكتير واحده ونص بليل وبكتيره تلاته

أنما اللي حصل أن سيستم الكمبيوتر وقع فى أم المطار ...ورجعنا لأيام الناقة وكل حاجه يدوى
وتاكد ان تاثير اختى جامد على اجهزت المطار فكهربته ...ياجامد

وقعدت شوية أنا وخالتى ..وفاجئه شافت اتنين ستات لابسين ابيض في ابيض زى الملفوفين بملايات

سرير بيضة ...وخالتى بتسالتى دول أيه يا بت .... كان شاكلى وحش روحت قلتلها وبكل ثقه

دول يا خالتو اتنين ملايكة رايحين يطلعو لناس فى الحلم ...راحت بصتى بصمش اوى وقلتلى يارخمه

مش فالحه ألا في التريقه .... وإذ فجاءة طل علينا أتنين سووووووووود جدا

فرحت قيلالها خلاص يا خالتى عرفت دول لابسين كدا ليه بجد ...فبصتلى ...روحت قلتلها

شايفه دول( السمر) ...اهو البيض ( ملايكه ) وكانو بيدورد عليهم ( السمر )

ولولا الفضايح كانت خبطتنى بحاجه ...

وبعدين زهقت فرحت عند الحاجز وفضلت واقفه مستنيه اختى باه....

والناس يا عينى واقفه مستنيه من جميع العالم ... وكان فى واحده كانت مخنوقه دلع اعدام قبل كدا كام مرة

ومش طايقه نفسها وكان هاين عليها تنطح وكل ما اتحرك تنفخ ... وأنا ساكته ومش عايزة اشد قدامه

علشان أنا أصلا مخنوقه من الوقفه والانتظار دا ..وفى الأخر مسكة طرحتى

وتقلى امسيكيها كدا ...قلتلها ليه ... قلتلى أصلها حولتنى مش شايفه .... قلت اقل ادبى عليها

افرض حد معجب ولا حاجه فى القاعده دى ... اثبتى يا بت بلاش فضايح ...

روحت مبتسمه فى وشها وقلتلها ياااااه بقى من الصبح واقفه وبتبصى فى قفايه ... غريبة

كانت طبعا هتنشل ويجلها حرحر ...ونفضتها خالص بعد ما خرستها والناس اللى جنبها ضحكت عليها


وشوفت شئ غريب ان معظم الناس ماسكة ورقه ومكتوب عليها اسامى محسسنى أن اهليهم فاقدو الذاكره

مش عارفة ...وفيه واحد يا عينى ماسك وارقه مكتوب عليها اسم على بسيونى تقريبا وكل واحد طالع من البوابة

يرفع الورقة ويساله سواء عربى اجنبى هندى موزنبيقى حتى يسالو وفى الاخر واحده ست اللى قلتلو ايوة

واتااااااااارى على طلع واحده ست ....ياحلاوه يا ولاه
وعيله كامله واقفه وكل شوية ناس تيجى من طياره يسلمو عليهم كانو محسسنى ان واخدين المطار لحسابهم
خمستلاف نفر سلمو عليهم ...وانا اقول خير يا جماعه هيا العيله كانت طفشانه فين ... ولا فيه فايدة

وانا باه عامله زى الراجل فى الفيلم التجربة الدنماركيه اللى مستنى اخوه من عشرين سنه

ويسال اى حد يطلع عن طيارة الكويت ... وأنا أسال اى حد شكلو مصرى ... اللي يقلى اثيوبيا

وجيبوتى والسعودية وامستردام ...قلت أيه دا المصرين وصلو لجيبوتى وأثيوبيا اللي فيها حروب اهليه

ومجاعات ...لاولا ولا قوة الا بالله ....البركة فى مبروك افندى

وأخيرا بعد ساعتين ونص تأخير ويمكن اكتر اختى هلت عليا كدا وشوفتها وهيا بتتفتش
وخالتى تقلى اشمعنا هيا دون عن زمايلها اللى واقفين بتتفتش
فقلتلها اكيد كشفوها ... انا قلتلها بلاش حشيش خليها حبوب او سلاح
دا كلو فيه عسكر واقف وسامع ومتنح ومسبهل ...عادى
والحمد لله وصلت بالسلامة

وسلمت عليها طبعا وروحت قايله ليها

يلا أنا اطمنت عليكى أرجعى وادخلي النت مستنياكى فى ميعادنا

فطبعا ضحكت بس من غيظها ..... اختها هتعمل ايه .....؟؟؟
عزماكم على حاجه ساقعه بس شرط ترجوها قبل الفتح ....








هناك ٢٢ تعليقًا:

غير معرف يقول...

حمد الله على سلامه اختك ومش مهم التأخير ده شيى طبيعى عندنافى كل حاجه مش المطار بس

tarek momen يقول...

اولا حمدلله علي سلامة الوصول لشقيقتك اما بقي المطار فده يمثل احدي حلقات الفشل الذريع لحكومتنا السنية
واعتقد انه لايختلف كثيرا عن محطة باب الحديد للسكك الحديدية بالقاهرة
بس المصيبة ان ده واجهة البلد و اول حاجة بتقابل اازائر الأجنبي ويعطي انطباعا في منتهي السوء لحضارة ال 7000 سنة الي ان يدخل الزائر الي القاهرة ويتاكد اننا نعيش حضارة ال 27 سنة في حكم الأسرة المبار-كية الأولي

عمرو (مواطن مصرى)0 يقول...

الأول شكرا على زيارتك ليا فى مدونتى المتواضعة وتواصلك مع القصة..

ثانيا, شعارك فى المدونة ضحكنى
عاطلة بلا فخر ,,علشان حكومتى الفقر,,

ثالثا سردك للموقف ظريف جدا , وشكلك
كومديانة كبيرة ,..

رابعا حمد الله على سلامة أختك وهتشوفينى كتير بس لو إختلفنا ماتزعليش منى انا معلق مشاكس شوية...d:

تحياتى وإحترامى

عاشقة القمر يقول...

سلام عليكم انا سميه لبسين الابيض يافلحه بيكون راحين عمرة رجب عقبالك اما سود تقصدي لون او لبسيين ثم حمدالله علي سلامات اختك ان شاءالله تكون جبيبت ليك الكويت كلها

princess يقول...

اول كرسى ههههههه
مبدئيا خالتك ليها حق فى التهريج بتاع الملائكة ده عارفة فيلم مطب صناعى لما عزت ابوعوف قال لاحمد حلمى اقفل الموبايل بس اوعى يقفل على صباعك فرد احمد قاله امسح رقمى ههههههههه
كويس انها متبرتش منك ده اولا
ثانيا الغربة بتغير ليهم حق يرفعوا ورق عليه اسامى وغالبا بتكون اسامى غلط اصلا ههههههه
ثالثا هيا اختك زعلت ليه يمكن علشان لسه منزلتش الماسنجر ههههههههه
بالنسبة للحاجة الساقعة هرجها فى المدونة بتاعتك:))
تحياتى

جنّي يقول...

لأ بقى دول داخل المطار قبل الجوازات كمان واقفين موظفين المطار ورجال أمن ورافعين اسماء ولاد ال... المسنودين على الجدران .. اللي له صاحب ولا عسكري ولا حتى لواء ولا شيال كاهم منتظرينهم علشان الجمارك والذي منه ..


-------------------------------

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460


http://la3lahakhier-2.blogspot.com/


ساهم معنا ولو بوضع إعلان الحملة فى مدونتك

Unknown يقول...

انت كل شويه تقوليلنا هاعزكم على حاجه ساقعه وتنفضيلنا ولا بنشوف منك حاجه
وكل شويه تقوليلى علق لحد ما تجيبى حاجه ساقعه وانا اعلق واقعد مستنى ولا حاجه بتيجى وبتزوغى مننا
عيب يا همس نشفتينا ريقنا خليك جدعه المره دى وهاتى الحاجه الساقعه بس شويبس عشان مقاطع
يلا باى
يا أختى

أنت عارفنى وأنا عارفك يقول...

1478912369ده تقصير وتسيب أمنى ازاى سيادتك وأخت سيادتك وكمان خالة سيادتك تكونوا فى المطار ومايتمش اعلان حالة الطوارئ.أما السيستم فطبيعى يوقع مش عملتوا عليه حصار حضرتك من جوه وأخت حضرتك من بره.
وبالنسبة للمصريين فهم موجودون بالفعل فى كل خن فى هذه الدنيا أنا شخصيا بفكر أطلع على الصومال وأعملى مليشيا هناك تيجى معايا وتمسكى رئاسة الأركان

همس يقول...

الله يسلمك يا رومنسى

وعلى رايك كل حاجه


منورانى

همس يقول...

الله يسلمك يا استاذ طارق


هو فعلا ما اختلف كتير عن محطة مصر من ناحية الهرجله اما من ناحيه النظافه

لا انضف شوية وكان شبة محطة مصر لما نضفوها عند زيارة الوزير اياه

وفعلا والله اتفضحنا

الاجانب كان فى حاله من الزهق والملل علشان التاخير

بس اختلف معاك من ناحيه الاسرة المباركية دى مش حضارة دى وكسة وخيبة


منورنى

همس يقول...

اهلا يا عمرو

اولا / الشرف دا ليا اكيد علشان مدونتك الجميله طبعا

ثانيا / الحمد لله انه عجبك الشعار

وتصدق اول واحد يعلق عليه ودا شئ يفرجنى اكيد


ثالثا/ الحمد لله كنت سبب فى ضحكة ليك
مش غيظ اند فرسه

رابعا / الله يسلمك وتنورنى فى اى وقت
ورايك يهمنى طبعا ومش هزعل طبعا

طالما هبقى فيه حوار محترم بنا واحب جدا النقاش علشان على الاقل افهم اللى مش عارفاه


تحياتى يا معلق يا مشاااااكس

همس يقول...

اهلا يا سميه

لا يا حببتى ما كانو لعمره

انا كنت بهرج بس هما اتنين راهبات تبشيرين

والله يسلمك يا سمية

اما بخصوصو الهدايه بلاش العين الحلوه دى

وانامش هقول هيا جابت ايه

وهغيظك هههههههههههه

منورانى يا قمر

همس يقول...

هعتبره اول كرسى ولا تزعلى يا قمرى


ثانيا يا بنتى هيا خلتى اللى بتهرج

انا كان هاين عليها فعلا تخبطنى بحاجه

علشان مش بكلمها جد


اما بخصوصو الغلط دا اكيد محسسنى الناس جيه فاقدة الزاكره


واختى زعلت مش علشان الماسنجر

لا علشان النت فاصل يا غيظانى

ههههههههههههههه


منورنى يا برنسيس يا نوحى

همس يقول...

اكيد بيفوتو حاجات

منورنى يا جنى

وشكرا على التنويه

وان شاء الله هشترك

Wael Salem يقول...

المطار المصري وما أدراك ما المطار المصري

مطارات العالم كلها ممكن تروحي قبل الطياره ما تطلع بربع ساعه ... الا المطار المصري .... لازم تكوني هناك قبلها ب4 ساعات عشان تعرفي الصاله اللي هتسافري منها
وكمان تأخير مواعيد الطيران دي شئ روتيني ... بقي غير مستغرب بالمره
مره كنت مسافر لمدريد ... الطياره كان معادها 12:45 بالليل ... طبعاً روحت المطار بدري لغاية لما لقيت الطاله اللي هطلع منها ووصلت قبل ميعاد الطياره بشوية
ولما جه ميعاد الطياره روحت أسأل هي الطياره هتتأخر ولا ايه؟
اللي شغالين هناك قالولي ... حضرتك استريح ولما الطياره هتبقي مستعده احنا هنادي عليها .
فبسأل واحد من اللي قاعدين ... قالي ممكن تطلع الساعه 2 أو 3 .... وفعلاً الطياره طلعت الساعه 2:30 الصبح
ثمة المأساه يعني .

تحياتي

همس يقول...

طب انامشغولة مع الضيوف اللى جين من المدونات التانيه

انت غريب يعنى
ادخل على التلاجه اشرب اللى نفسك فيه

بس على فكره انا مقاطعه المياه الغازية كلها وما بشربها

المشروب هو مانجه وبس

علشان بحبها جدا

ايه رايك فيها

ولا برضو مصر على الشبسى يووه قصدى الشويبس

فكر يا صاصا

صحيح كفاره يا سيدى الامتحانات خلصت

مبروك وعقبال النجاح ان شاء الله

همس يقول...

عندك حق

بس بينى وبينك علشان ما اظلمش حد

انا ما عرفت حد انى فى المطار

ممكن تسميه تواضع باه

وما تكثفنيش باه بخصوصو الموضوع دا

وطبعا السيستم ما استحملش انا واختى فعلا صحه يابنى امال انت فكرك ايه


اما بخصوصو الصومال

انا موافقه طبعا علشان اسمع انا الموز هناك جامد جدا

وانا باه ما بقدراقاوم لا المانجه ولا الموز

فانا موافقه يا معنمى

وانا اكل وازحلق الاعداء ايه رايك

هقوم بمهمة الاركان دى على اكمل وجه وقفا كمان

همس يقول...

فعلا محسسينك انك هتركب قافله مش طياره

يلا المهم تروح وتيجى بالسلامة ان شاء الله

وديما بخير يا مهاجر

ونورتنى جدا فى المدونة

Gannah يقول...

همس
حمدا لله على سلامة اختك
حاجة ساقعة بس ايه البخل ده؟؟
وبعدين ليه بتفكرينى بالمطار وسنينه وانا قربت اسافر
ارحمنى يا رب
عارفه مطار هيثرو فى انجلترا من حلاوته تتمنى الطيارة تتأخى علشان تقعدى فيه اكبر وقت ممكن
لنا الله
تحياتى

همس يقول...

الله يسلمك يا نوحى

الحاجه الساقعه دى بس على ما احط الاكل

قوليلى بس حابه تاكلى ايه واناتحت امرك

وان شا ءالله تيجى بالسلام على مطار هيثرو القاهره مش انجلترا

توصلى بالسلامة

انشاء الله

محمد حلمي مخلوف يقول...

معلش انا شفت صورة دول فلسطينين عملنالهم ايه احنا المصريين اتغاظت وقررت اني اعلق هنا لا من ناحية عملنالهم عملنالهم
دخلوا رفح المصريه والعريش قلنا لهم اطلعوا بره يا كلاب يا لمامه يا حشرات انتوا هتبظوا البلد
ده غير البورجوازبه المصريه ربنا يخليها كانت بتبيع لهم الحاجه اللي بشلن بجنيه
+ السيد عمر سليمان مدير المخابرات بسم الله ما شاء الله ربنا يخليه بيبيع في دمهم
عايزين ايه اكتر من كده هينهبوا
منه لله اللي كان السبب يا رب يكون بتشوي في نار جهنم يارب انتي عارفه كان رئيس مصري مات ده غير الزعيم خالد الذكر جمال عبد الناصر طبعا

همس يقول...

ليك حق والله

كتر خيرنا اوى

ابدعنا معاهم اوى

وقمنا باحلى واجب

تشكورات

وانا مش عارفه حاجه

انت داخل تلبسنى تهمه ولا ايه

من اولها