يوم 17-7-1981 ....يوم ميلادى يا جماعه ....
كان أمبارح أخر يوم في السنه 27 من عمرى
وبدأت اليوم أول يوم في سنه جديده لحياتى ....
وعلشان دى مدونتى ...وأنا حره اكتب فيها اى حاجه .....قررت أنى أهيص هنا شويه وايه كمان هحطها تبع المناسبات الحلوه
كان أمبارح أخر يوم في السنه 27 من عمرى
وبدأت اليوم أول يوم في سنه جديده لحياتى ....
وعلشان دى مدونتى ...وأنا حره اكتب فيها اى حاجه .....قررت أنى أهيص هنا شويه وايه كمان هحطها تبع المناسبات الحلوه
واعمل كانى مش شايفه السنه اللي فاتت من عمرى ... وهخلى عندى أمل في سنه جديده بدأتها أن شاء الله
بس بصراحة معنديش اى خطط للسنه دى ...يعنى هعمل فيها أيه ...أفضل زى ما أنا
ولا أغير فيها حاجه ....مع العلم أنى ما بعملش حاجه طبعا ....
أو بمعنى اصح مفيش عوامل تساعد على التغير دا حاليا ...
و لانى أنا بقيت واقعيه جدا جدا .... وبطلت احلم ... فانا قررت أنى أسبلكم حق الأحلام
وأنكم تحلمو بدالي اعمل أيه في السنة الجديدة أن شاء الله
مع العلم أنها أحلام ممكن تتحقق أو أحلام لمجرد الأحلام ....يعنى لو اقتراحكم في الأحلام كان خيال
أنا عندي استعداد كامل وتام أنى اسمع أحلام غير حلمها بدالى ....جايز تتحقق
وهعيش اى حلم بس طبعا حلم حلو... أجازة اليوم من اى حاجه غم ....
أنا عايزة كل حلم لونه بمبى اصفر اخضر احمر مكركرومى ....
اه صحيح ...محدش يخلى شوشو يضحك عليه ويقول خلاص عيد ميلادها عدا
والهديه راحت .....لا يا خلابيص كل واحد يسبلى ورده ...
عايزة المدونة تتملى ورووووووووووووود لحد ما الكمبيوتر ينفجر ويغرق اوضتى
وووووووووووررررررررررررررررررووووووووووووووووووووووددددد
معلشى بحب الورد باه ....متخفوش مهيش رومانسيه ولا حاجه ....أحنا وش كذالك برضو
المهم محدش يعمل فيها ناصح ويتخيل فيه شمع وينفخ لالا أنا خاسه وممكن أطير فيها
ولا حد يعمل فيها ناصح ويدخلى بشموع يروح ويولع فى المدونة دا بصرف النظر
عن اللعب بالنار بييعمل ايه بليل .... فاهمين طبعا هههههههههههه
المهم والاهم أنا مشتاقة لكل حلم هسمعو منكم ....ومشتاقة اكتر لكل ورررررررررده ....
وان شاء الله نتقابل السنه الجيه فى نفس اليوم على خير وابقى اقلكم اى الاحلام تحققت ....
وكل سنه وانتم طيبين وديما معايا في المدونة بأذن الله ....
هناك ١٦ تعليقًا:
كل سنة وانتى طيبة يا همسسسسسسسسسس
يارب السنة دى تحققى كل حاجة انتى عايزها وربنا يوفقك لكل خير ان شاء الله
اوعى تبطلى تحلمى
على رالى منير لو بطلنا نحلم نموت
انا جبتلك شمع وورد وكل حاجة حلوة
احلى عيد ميلاد لاحلى همس
تحياتى
يلا حالا بالا هنوا ابو الفصاد
عيد ميلاده الليلة اسعد الأعياد
فليحيا ابو الفصاد
اتمني لك احلام سعيدة من الأخوة والأخوات المدونين و المدونات
احلمي ان بكرة احلي من النهاردة احلمي ان ربنا ازال الغمة من علي قلبنا
احلمي ان مصر رجعت تحضن ولادها المخلصين و تضلل عليهم
احلمي فالحياة من غير حلم ليس لها معني
كل سنة وانت طيبة ياهمس.
بس ما قولتيش كدا يبقى عندك كام سنة؟؟
كل سنة وانت طيبة يا همس وعقبال 100 سنة.
وانتى طيبة يا برنسيسه يا حببتى
اى نعم الحلم حلو بس الواقع مريح مهما كان
وتسلمى على الشمعه والوردة
منورانى
انا ابو فصاده يا استاذ طارق
مااااااااشى
ويارب يحقق الاحلام اللى قلت عليها
ومنورنى
وانت طيب يا احمد
وربى يخليك
اما بخصوص السؤال عن السن
مانا كتبت السنه يا احمد انت مكسل تحسبها ولا نظام احراج
بس على العموم مش بتكسف اقول سنى يا خويا
انا عندى 27 سنه ويوم
منورنى
كل سنة وأنتي طيبة يا جميلة وعقبال سنين كتير تحققي فيهم أحلام أكتر وتوصلي لكل اللي إنتي عايزاه،
احلمي بالحب والخير والسلام واحلمي إن الناس تحب بعض وتحب المكان اللي بيعيشوا فيه وتطبق الحب ده في كل أفعالها.
أما بالنسبة للورد والشمع فالجنينة كلها تحت أمرك شجر وورد ونجيلة
كل سنة وإنت طيبة يا همس وعيد ميلاد سعيد
تحياتي
طبعا انا مش اقولك كل سنه وانتي طيبه لان انا هنتيك في نفس اليوم علي مدونتيك وعلي تلفون بارغم انو زعلان منيك جدا بس اعمل ايه عشان انتي اختي انشاءالله تكون لك سنة الخير وبركه لازم يكون عندي امل في الحياه لازم تغير حياتيك شويه وتبطلي كسل ممكن لو بطلت الحلم تلقي عوامل تساعد ههههه وانشاء الله نزح الغم والهم مش لو حدك لي جميع ناس نزح منهم الهم والغم اهقوليك ياربيارب السنة دى تحققى كل حاجة انتى عايزها وربنا يوفقك لكل خير ان شاء الله
وتكوني معاي في السودان يارب
همس
ازاى فاتنى التهنئة
كل عام وانت الى الله أقرب
يارب العام القادم تكون اتحققت كل احلامك
آسفه على تقصيرى بس قربت اسافر وانت عارفة التحضيرات اللى قبل السفر
وحشتينى
فين التورتة ؟؟؟؟؟
تحياتى
يا يا ويفز
حلو الاحلام اوى
ويارب تتحقق للكل يا قمر
انتى وحشتينى فعلا
اشوفك ديما على خير
وانتى طيبه باذن الله
قبل ما اقول اي شيء أقولك يلا حلا بالا حيوا ابو الفصاد..هه
كل سنة وانتي طيبة ياهمس عقبال مليون سنة
بس لازم تحلمي الحلم اكيد هيريحنا شوي
والا عاوزة يبقي ولا حلم ولا واقع كمان
الحلم هيخفف حدة الحياة شوية
وبعدين مش ممكن الحلم يتحقق..ربنا قادر علي كل شيء
اما عن حلمي فنفسي ابطل اتفرس شوية ههههه
لا بجد بحلم ان المشاكل اللي بمصر تنتهي ونرجع احسن من ايام زمااان
اما حلمي الشخصي نفسي ابقي مراجعة حسابات قد الدنيا ههه قولي يارب
عقبال مليون سنة
وانتى طيبة يا سومة
وحشتينى معلشى انا اليومين دول مشغوله على الاخر
ويادوي بطل على المدونة اشوف تعليقات او انزل موضوع
وبلاش تسيح باه كسل ايه بس
اصوت يا سومة
وتسلمى يا قمر
وحشتينى جدا جدا يا جنه والله
وانا اللى مقصره والله معاكى انا اسفه
بس مشغوله اليومين دول
وانا سيبالك حته تورته يلا باه تعالى
وربنا يوفئك وتوصلى بالسلامه يارب
ونسوفك بخير ديما
تانى ابو الفصاد
ماشى يا زهورتى
وانتى طيبه يارب ويما معايا
احلامك هيا احلامى طبعا
وياااااااارب يحققها
ويوفئك يا جميل
منورنى
إخواني أخواتي الأعزاء
السلام عليكم ورحمة الله وبركاته
استودعكم الله الذي لا تضيع ودائعه
إجازة من التدوين ...
ولكني سأكون على تواصل معكم بزيارة مدوناتكم ...
أرجو أن تسامحوني على تقصيري في حقكم ...
وتفضلوا بقراءة البوست الأخير ...
إلى اللقاء والسلام عليكم ورحمة الله وبركاته
أخوكم
said
إرسال تعليق