اتكررت تانى حكايه دبح جواهرجى فى عز ( اى حاجه فيها عز تلاقيها فقر وخراب ) الظهر
والمره دى فى كفر الشيخ (بلدى حببتى ) اللى مسيطانا ....
بصراحه مش عارفه تفاصيل ...
وهنبدا نسمع فتنه طائفيه ... اصلهم قالو اللى دبح الراجل المسيحى صاحب محل الدهب مسلمين
وحتى لو اتقبض عليهم .... عادى هيتسجنو ا.... وينام الموضوع زى اللى قبلو واللى قبلو ....
بس اللى عايزة افهمو ... الموضوع دا صدفه .... ولا مترتب ليه ان كل فتره شوية مسلمين يدخلو واحد
مسيحى صاحب محل دهب.... ولا فيه ناس بتستغل الحكايه دى ... وشاغله سرقه والقتل جه بالغلط
مش عارفه حظ المسحين نحس كدا ليه .... كل مره تيجى فى حد فيهم ...
ومش عارفه فين ام الحكومة الزفت دى اللى قرفتنا بقانون الطوارئ .... يعنى ما عرفتش تمنع حاجه
وتمنع تكرار الموضوع دا ....ولا توفر امن للناس ....
ولا هيا مبسوطة من اللى بيحصل ....ولا يمكن عندها فكره مسبوقه عنه ....
يلا بكره يبان كل حاجه ...
هناك ١٢ تعليقًا:
أنا سمعت فعلا عن الحادثة دي واستغربت أوي من العنف اللي الناس بقت فيه يعني مش يقتلوه ويسرقوا وخلاص لأ دبحوه، والغريب برده إنه محل دهب زي المحل اللي فات اللي اتسرق ومحدش عرف إيه اللي حصل ومين اللي عمل كده.
وطبعا الحكومة نايمة في العسل وتقريبا قانون الطوارئ ده كلام على الفاضي وبس
تحياتي
الحل لهذه المشكلة العويصة ان الحكومة تلغي عز وتلغي الظهر و الأسهل تلغي الظهر واهو بالمرة الواحد يصلي العصر لما يروح
أنا أول مره أدخل المدونة هنا
وان شاء الله هزورها دايما
وبالنسبة لحادث السرقة في كفر الشيخ (بلدنا)
فهو بعيد عن الطائفية والتفاصيل كلها هنا على مصراوي
http://www.masrawy.com/News/Cases/General/2008/july/24/jewlery.aspx
وبالنسبة لقانون الطوارىء فهو فاشل بدرجة إمتياز
وملوش أي علاقة بالحادث الا بعد وقوعه
والداخلية أصلا كوزارة تحللت تماماً
قيادة فاشلة
ضباط ساديين
تخصص فقط في التعذيب
غياب جوانب التوعية
ارتكاب مجازر ضد المتظاهرين
سلخ المعتقلين
ودي جرائم ضد الإنسانية
ومفيش حاجة اسمها تجاوزات فردية
مش معقول كل يوم عشرات الحالات وتبقى فردية
لا دي منهجية بقى
ومنظمة
وبدم بارد كمان
والداخلية طبعا بتعتبر ان
الشعب في خدمتها
وتحت أمرها
وعبيد لظباطها
اللى غالبيتهم بيعاني من أمراض نفسية
ومركبات نقص
الا من رحم ربي
وبالنسبة لموضوع الفتنة فالداخلية شريكة أصيلة فيه
لانها عاوزة تمرر قانون الارهاب
وعاوزة تقول إن الشعب المصري _يا حرام_
ارهابي
ومتوحش
ولازم يكون تحت السيطرة والا
هتقوم فتنة _خطيرة_
؟؟؟!!!
معالجة سينمائية فاشلة على طريقة فيلم حسن ومرقص
كلام وبس
لكن في أرض الواقع الدنيا ملتهبة ومفيش تدخلات
ولا مصالحات
ولا مواثيق
الامور ماشية وكله مستفيد
والقضايا بتزيد
والمرتبات كمان
والرشاوي بالمرة
وأهو كلهم هايصين
أنا نفسي أشوف العادلي بره الوزارة
والله ما يساوي أي حاجة
هيحمل لقب وزير سابق
والوزير السابق في مصر
بيتعامل نفس معاملة البواب السابق
كلهم سواء
مفيش أي فرق
بس هو أكيد مش شايف كده
تحياتي
هاى هاى
انا بحب الدهب الابيض ههههه
بصى هيا الحكاية فعلا اتككرت بنفس التفاصيل حاجة غريبة صح؟
المهم انهم كل مرة بيقى فى حجة شكل
قبل كده قالوا مختل عقلى هو اللى عمل كده ودى بقى اشهر حجة فى مصر
تحسى ان البلد كلها مختلين هههههه
وساعات يقولك مشاكل عائلية
وساعات سرقة
عموما بكرة نشوف
تحياتى
اهلا يا ويفز وحشتينى
فعلا الناس بقت فيها افترى وبقى المبرر الوحيد اليومين دول مش عارفين نعيش والدنيا بقت غاليه والكلام دا
اما بالنسبه للحكومة اللهى تنام عليها حيطه
منروارنى
هههههههههههههههههههههه
والله يا استاذ طارق انت دماغ عسل
تصدق فكره
انت فينك ياراجل مستنى لما يحصل قتل كمان علشان تقلنا الحل
بس فين الحكومة الفقر دى علشان تنفذ
منورنى بالجامد
اهلا اهلا يا استاذ احمد
انتى بلدياتى ايه النور دا
وبصراحه كلامك كلو مظبوط ومعروف للكل
بس هتقول ايه لحكومة فاشله ومتخلفة
منورنى وان شا ءالله اشوفك ديما عندنا
تعرفى يا برنسيسه احلى حاجه عندى ضحكتك والله
عسللللللللللل ومنورانى
وبعدين انتى زى بظبط انا برضو احب البلاتين
تعرفى سر التكرار ايه
ان اى مصيبه فى مصر تلاقيها بتتكرر
متعرفيش ليه
زى حادثة مطروح مفتش يومين الا وحصلت واحده تانيه
وبعدين انتى بتقولى فيها
اى حد عايز يخلع من مصيبة يقولو مجنون
يلا ربنا ياخدهم
منوره يا قمر
قانون الطوارىء عمره ما كان لحماية المجتمع والدليل المخدرات الى بتتباع زى الفجل فى مناطق كتير.
أما حكاية الفتنة الطائفية فالموضوع مالوش علاقة بالحكاية دى.
يا ستى ...عارفة المشكلة اية ان دايما الحكومة بتقول ان فى مختل بيعمل الحجات دى...
سوبر مخاليلول
فعلا يا احمد البانجو متوفر اكتر من القمح وارخص حتى
اما بخصوص انه الفتنه مش داخله فى الموضوع
يعنى هيا كانت دخله فى اللى قابله
ولا اللى قبله
منورنى
اهلا اهلا يا غزالى
حمدلله على السلامة
اما بخصوص الخولل
فدا ينطبق على الحكومة نفسها
حكومه خولل
منورنى
إرسال تعليق