بالرغم أن الأسبوع دا جميل جداااااااااااااااااااا علشان فيه مناسبتين حلوين أوى أوى خالص
بس هاجل الكلام عنهم لليومين الجين وهنزل صور ليهم .... فانتظروناااااااااااااااااا
برغم أنى ضاربه دماغ جامده وموووووووووووود حلو .... ألا وأنا قاعدة قدام التليفزيون
لا بيا ولا عليا وهشوف برنامج العاشره مساء ... قلت بقالى كام يوم معرفش حاجه عن اى حاجه فى البدنجان
أشوف أحوال المخروبة قصدى البلد .... ألاقي الموضوع الاساسى عن زفت الطين منتوح إسماعيل
قلت أيه القرف دا .... بعد سنتين ونص قال أيه برئ..... يا حلاوة
والراجل المحامى ... كان هيجيلو البواسير من كتر العصبية ..وعروق رقبته كانت هتفرقع...
وقال أيه جى أدافع عن الحق .... أيه دور الهطل دا .... ياشيخ أتلهى وروح اقعد جنب أمك ...
بس ارجع وأقول .... روقى روقى .... عادى جدااااااااا ... دلوقتى اللى يعمل كارثه ولا يقتل
ناس فى أم البلد دى بيطلع براءة .... وبيخدلو يومين والموضوع يناااااااام قصدى يدفن ...
زى ما حصل مع زفت الطين التانى هانى بتاع الدم .... وطلع برائه ...اشمعنى منتوح ....
يلا اللهى يولعوا فى روس بعض كلهم .... عالم قذره وزباله .... علشان الحكومة الجزمة ترتاح ...
وشوية لقيت جرنال جنبى .... كان بتاع الجمهورية يوم الاتنين .... ببص ألاقى مبارك تفضل جاهدا
ومجهودا وحزينا ومحزونا وشاطرا ومشطورا ويرسل تعازيه لأسرة زفت الطين التالت يحيى شاهين
علشان مات .... أيه قمة العاطفة دى ... أيه حنان الأم دا .... يعنى خلاص مفضلناش ألا نعزى فى واحد
افلامة بارده وتجيب الضغط ... أصلى بكره أفلامه كلها جداااااااا... جوها ممل ويشل ...
ومحدش يعملى فزلوك ويقلى دا ليها قصه وهدف وبدنجان .... أقول فى دا كلو طظ وشكرا لرأى حضرتك
وافتكران العلاج بتاعه على نفقة الدوله علشان واحد عامل أفلام مسخره وكلها مبوسة ....
وكان ايمها توفى الدكتور عبد الوهاب المسيرى .... اللى كان قدم طلب للعلاج على نفقة الدولة واترفض
واتعالج على نفقة شيخ سعودى .... يعنى خلاص لما يبقى فيه ناس محترمه ومحتاجه تتعالج يترفض
طلبها ويروح اى كان يعالجو على حسابه .... فى حين أن واحد ملهوش فايده أصلا ويقلك فنان عظيم
فى أيه مش عارف ..... يسافر فى طياره مخصوص ومجهزة على حساب البلد من فلوسنا يعنى
غير ان مفيش اى حد من الحكومة الزباله دى راحة تعزى فى الدكتور عبد الوهاب
بالرغم ان دا احسن والله فى نظرى .... الدفنه والعزى كان جوه نظيف ومحترم طالما فهوش اى حد من الحكومة
ولا لقينا مبارك بينشطر العزاء و مكتوب زى ما أتكتب باسمه يعزى شاهين ....
بجد بجد قرف.... عالم حوله .....
بس هاجل الكلام عنهم لليومين الجين وهنزل صور ليهم .... فانتظروناااااااااااااااااا
برغم أنى ضاربه دماغ جامده وموووووووووووود حلو .... ألا وأنا قاعدة قدام التليفزيون
لا بيا ولا عليا وهشوف برنامج العاشره مساء ... قلت بقالى كام يوم معرفش حاجه عن اى حاجه فى البدنجان
أشوف أحوال المخروبة قصدى البلد .... ألاقي الموضوع الاساسى عن زفت الطين منتوح إسماعيل
قلت أيه القرف دا .... بعد سنتين ونص قال أيه برئ..... يا حلاوة
والراجل المحامى ... كان هيجيلو البواسير من كتر العصبية ..وعروق رقبته كانت هتفرقع...
وقال أيه جى أدافع عن الحق .... أيه دور الهطل دا .... ياشيخ أتلهى وروح اقعد جنب أمك ...
بس ارجع وأقول .... روقى روقى .... عادى جدااااااااا ... دلوقتى اللى يعمل كارثه ولا يقتل
ناس فى أم البلد دى بيطلع براءة .... وبيخدلو يومين والموضوع يناااااااام قصدى يدفن ...
زى ما حصل مع زفت الطين التانى هانى بتاع الدم .... وطلع برائه ...اشمعنى منتوح ....
يلا اللهى يولعوا فى روس بعض كلهم .... عالم قذره وزباله .... علشان الحكومة الجزمة ترتاح ...
وشوية لقيت جرنال جنبى .... كان بتاع الجمهورية يوم الاتنين .... ببص ألاقى مبارك تفضل جاهدا
ومجهودا وحزينا ومحزونا وشاطرا ومشطورا ويرسل تعازيه لأسرة زفت الطين التالت يحيى شاهين
علشان مات .... أيه قمة العاطفة دى ... أيه حنان الأم دا .... يعنى خلاص مفضلناش ألا نعزى فى واحد
افلامة بارده وتجيب الضغط ... أصلى بكره أفلامه كلها جداااااااا... جوها ممل ويشل ...
ومحدش يعملى فزلوك ويقلى دا ليها قصه وهدف وبدنجان .... أقول فى دا كلو طظ وشكرا لرأى حضرتك
وافتكران العلاج بتاعه على نفقة الدوله علشان واحد عامل أفلام مسخره وكلها مبوسة ....
وكان ايمها توفى الدكتور عبد الوهاب المسيرى .... اللى كان قدم طلب للعلاج على نفقة الدولة واترفض
واتعالج على نفقة شيخ سعودى .... يعنى خلاص لما يبقى فيه ناس محترمه ومحتاجه تتعالج يترفض
طلبها ويروح اى كان يعالجو على حسابه .... فى حين أن واحد ملهوش فايده أصلا ويقلك فنان عظيم
فى أيه مش عارف ..... يسافر فى طياره مخصوص ومجهزة على حساب البلد من فلوسنا يعنى
غير ان مفيش اى حد من الحكومة الزباله دى راحة تعزى فى الدكتور عبد الوهاب
بالرغم ان دا احسن والله فى نظرى .... الدفنه والعزى كان جوه نظيف ومحترم طالما فهوش اى حد من الحكومة
ولا لقينا مبارك بينشطر العزاء و مكتوب زى ما أتكتب باسمه يعزى شاهين ....
بجد بجد قرف.... عالم حوله .....
فاكيد هيجى يوم ونلاقى بوزهم فى الارض ....
هناك ١٧ تعليقًا:
همس
انا اتفرجت زيك واتحرق دمى برضة واتفرست
انا كنت مقاطعة البرنامج فى السعودبة علشان اعصابى بس ماما مدمنة عليه ولازم كل يوم نشوفه
كل كوم وموضوع براءة ممدوح اسماعيل كوم تانى
حسسنى ان مافيش امل
ربنا يرحمنا
تحياتى
ازيك ياعتمتو همس يارب يكون ايشبهك يارب اسمع عملت زي ر بدون اسم عقبالك اما عن تعليق سلامتك يابنت انتي دايماضربه دماغ خطي بالك ممكن مرهجيه مش اهتلقي دماغيك هههه علي فكرها شوفتها كفر الشيخ في تلفزيون جيبنا سرق ذهب بس كان اهامي كل اشوف كفر الشيخ طلعة والله جميل بس كنت يقول فيان منزل همس اشوف عماره في بلكون قول دي بلكون بتكلمم منها همس ههههههه طبعا بهرج بس بجد جميل ام موضع انا في اسبوع شوفت شي كثير في قنوات مصر بجد انامش مصري بس بحرق دم شوفت بتاع العباره طلع برئ شوفت طفل عمر ست سنين مدرسه بتاع عمل فيه ايه شوفت بنت بتقول عمل لها عملية كانت بانج نصف ودكتور قال لي مرضه كلمي اهلي يجبو بنج قالت له مسافه اهل جيبو بنج انت خلصت فعلا قالت طلع دكتور مرضه قالت له عايزه تسحملي عشان عمليك خياطه قالت ربطو لها يداها عامل من نظافه ماسك رجليه اعطها عامل كف علي خدها عللي اساس يكون تخديرطبيعا وتانيحضرت برماج بتاع العباره بتقول واحدها من الاهل ضحيه انو في هذا اليوم وحيدمش حاضرو محامين فيه شكلهم كانو وثاقين انهم يطلع برئ بعادين عايزه اسالك هومات داه اسمو يحي ولا يوسف اصلا حكام بتهاموا بشخاص زي دوال اما موطين مسكين يموت يحي مش مهيام عندهم ميهيم علي كل الحال تعالي يومعلي مدونتي سلام
همس اخبارك ايه
و حشتنى بوستاتك المفروسة و الله
:)
و اتفق معاكى فى كل اللى قلتيه بس ظلمتى يوسف شاهين شوية
تعرفى ان يوم ما مات يوسف شاهين و تم الاعلان عن براءة محمود اسماعيل انتشر على النت كليب جزء من فيلم اسكندرية ليه بتاع يوسف شاهين من فيلم اسكندرية ليه
الكليب ده فيه حوار بين العبقريان محمود المليجى و احمد زكى بيعبر عن حال البلد حاليا رغم شوفى الفيلم ده من كام سنة
و لنك الكليب ده اهو
http://www.youtube.com/watch?v=jGEQacmjNts
و نصيحة من اخوكى هش
فى احوال الغيظ و الاخبار المنيلة بنيلة زى خبر العبارة...تبتعدى عن اى وسائل اعلامية او صحف حكومية عشان ضغط الدم و السكر
العمر مش بعزقة
تحياتى
هش
طب الزفت الأولاني منتوح والزفت التاني هاني ودول مفضوحين وواضحين زي الشمس حرامية واكلين البلد والناس
فاهماهم و قارياهم
انما شاهين مين يفهم شاهين ده كان بيعمل افلام عبقرية بدليل اني ماكنتش بافهم فيها اي حاجة
ايه يا همس التعليقات المرة دى قليلة انتى لغيتى تعليقات كتير ولا ايه.
انا باتفق معاكى فى كل اللى قلتيه وحتى عن افلام يوسف شاهين, لكن بالرغم من كده هو كان مخرج ليه مكانته.
جنه
سلامتك من الفرسه يا حببتى
انا حسيت نفس احساسك يا جنه والله
خاصه انها حكايه متكرره
وفعلا ربنا يرحمنا
منوره
اهلا يا عاشقه منوره
اما بخصوص كفر الشيخ ما انتى عارفه ان انا مش هناك فبطلى لماضة
اما بخصوص المصايب لالا دا بقى عادى جداا
ولسه تابعى اخبار مصر وديما هتلاقى اجدد حاجه فى الخراب والمصايب
منوره
اهلا يا هش باشا
والله محد واحشه الا طلتك علينا
والحمد لله انك بخير ويارب ديما
وبرضو رعم رايك فى شاهين
بكره افلامه وبحس انها جردل ميه ساقعه
فبخصوص الضغط بحاول ابعد بس اهو انت شايف المود كان عالى ولا يا خويا الاقالك حاجه طلعه فى وشى وفى ودانى
ادعيلى ربنا يتوب علينا
هههههههههههههههههههه
والله انت دمااااااغ يا استاذ طارق
وديما بوصل من تعليقك لحاجات ماكونش واخده بالى منها
بقا من درجه العبقرية اننا منفهمش منها حاجه
الحمد لله انا قلت ان عدم فهمى حاجه لقدر الله فى مخى وبطئ فهم ولا حاجه
الحمد لله ... الحمد لله
تسلم يا استاذ طارق يا منورنى
اهلا يااحمد
انا مش عارفه محدش بيعلق ليه
تلاقيهم بيصيفو واللى بره مصر اخدو اجازة
ولا يمكن تقصير منى اليومين دول ولا بود المدونين
ولا ترجيحى الاخير وهو تنفيض
يلا الله اعلم بظروف الناس
المهم البركه فيك منورنى ديما
والحمد لله اننا متفقين وربنا ما يجيب اختلاف ابدا
اما بخصوص المكانه انهى مكانه دى هيا لو موجوده تلاقيها عند الممثلين
بلا فقعه دول عالم رخمه رخامه
ما علينا
منورنى
لماضة يابنتي مهيم في نهاية كفر الشيخ يعني حتي لو مش بلدكم عن قريب اهزروكم
اهلا يا همس
معاكى حق يابنتى المحتلرمين فى البلد دى ملهموش سعر بجد
مش عارفة ايه يوسف شاهين مين ده اللى طالعين بيه السما ده
حسب الله ونعم الوكيل
وبتاع العبارة ده كمان محاميه جبلى شلل وانا قاعدة
منتهى الاستفزاز والنفاق اللى فى الدنيا
ناس بدافع عن الباطل كانه حق
حسب الله
تحياتى
همس بجد انا مش كنت قصد حاجه من لماضه بتقول انتي عارفين كويسه عشان بجد ان شفتها وعجبني تبقي لماضه طيب اسفه بس بجد عجابني
أذيك همس
أنتي دايما تنصحيني بعدم الفرسة
بس انتي كمان بيتحرق دمك ولما باجي ليكي دمي بيتحرق
بس المرة دي اكيد كل الكصرين حصلهم نوع من الفرسة وحرق الدم
مش عاوزة اقولك مفيش اي أمل
بس ربنا موجود هو المنتقم الجبار ومش عشان مفيش عدل بالدنيا ننسي أن ربنا هو العدل لا أكيد ربنا هياخد بحق كل طفل وأمرأه ورجل كانوا بالعبارة دي
فربنا يمهل ولا يهمل
تحياتي لكي
وربنا يكفينا شر حرقة الدم
تسلمى يا سميه
دى عيونك هيا اللى حلوه
وتنورى فى اى وقت
كفر الشيخ هتحلو اكتر بيكى
اهلا يا برنسيسه وحشانى والله
بعد الشر عنك
ان شالله هما
مش بزمتك ليا حق اتفرس
منورانى
الله عليكى يا زهره
بحب جدا
ان الله يمهل ولا يهمل
وديما بمشى عليها ومبداى
وسلمتك من الفرسه
دا حتى اسم مدونتان فيه الفرسه
منورنى يا قمر
إرسال تعليق