فى حد فيكم بدأ أى حاجه وكان ماشى فيها كويس جدا بس فجأه وقفت بدون مقدمات
ويكون سبب عدم التكمله والاستمرار صدمة ليكم .... دى حاجه
حاجه تانيه .....فى حد قابله موضوع يخصه ... وحسبها كويس ...
وقال لا بلاش .... يقلولو ايه السبب
تفضل تقلهم فى اسباب ... وفى الاخر يقلولك جرب دا شئ كويس ليك وتوكل على الله
ترد وتقول عارف ان تكالى على الله .... بس ربنا عرفو بالعقل ... فى اسباب ان الموضوع مش هيتم
يردو هما ويقولو .... لالا انت مشائم .... انت غلط .... بلاش التفكير دا .... احنا اكبر منك وعارفين
انت .... تسمع الكلام .... حاضر
النتيجه ..... طاطاطا تششششششششش.... طلعت زى ما انت توقعت بالظبط
الحاجتين دول ديما بيحصلو معايا ...
انا احب افكر فى اى شئ هعملو ... من حيث الاسباب اللى هقوم بيها .... النتيجه اللى هتترتب
هتعامل مع مين ... زى ما تقولو كدا تخطيط .... والحمد لله فى البدايه بخطط كويس
واسعى انى احقق اللى عايزاه ... والحكايه تمشى كويس جدا ....
وفجأه تقف ... تفشل .... اتصدم ... اتخنق ....ألخ....
اى موضوع سواء يخصنى انا ... او البيت ... او اصحابى ... نكون بناقشه ....
واقول هيحصل كذا.... والنتيجه مش حلو .... واقول الاسباب ....
يفضلو يقولو ليا .... انا عنيده .... الحوار معايا صعب .... انا معقده
يا جماعه والله مهو انا عنيده ... وبعدين الحوار بتاعى صعب ليه مهو لاما تقنعونى لما تقتنعو بكلامى
رد فعل اللى بتاقش معاهم ( بابا مثلا يتعصب عليا ولو كانت تحت ايده حاجه
يخبطنى بيها ويقلى ما بتسمعيش الكلام ليه
ماما تفضل تتناقش معايا ولما ما تلاقى اى رد تسبنى ... اصحابى اخر ما يزهقو يسكتو ويقلولى يا عنديه
واعملى اللى شيفاه .... خالتى تقلى الحوار معاكى معقد وهسيبك وهمشى )
انا رد فعلى .... على بابا مثلا لما القيه اتعصب اوى .... اقوم مبتسمه فى وشه واقول حته تضحكو
يهدى شويه ... ارجع تانى للنقاش ... واتكلم براحتى ....
وهكذا لحد ما يخلى حد يجى يشلنى ويدخلنى اوضتى ويكسر ورايا قلة اند زير ( مش هقول بيحدف جزمة )
ماما مثلا .... اللى ما تلاقى رد عليا ... اى حاجه بتحتاج نقاش خاصه مع بابا تقلى اتكلمى مع ابوكى
انتى بتعرفى تتناقشى كويس وبتخدى حقك حتى من ابوكى .... انا باه اقلها اشمعنى دلوقتى ما انتى ياما بتنفضيلى
اصحابى باه .... انتى كنتى الصح اللى فينا ..... اصلك شيخه حضرتك ( تريقه طبعا )
النتيجه .... بالرغم ان معظمها م شهقول ديما تكون فى صالحى .... ورأى كان صح ....
ومعظم توقعاتى فى محلها
الا بحس انى نحس .....
بس زهقت كلام .... وزهقت نقاش .... طالما كل حاجه بتوقعها بتطل وحشه ...
هيا اى نعم فى حاجه توقعتها وحشه ونجتنى من مواقف .... والحمد لله
بس ايه النحس دا .... اللى مضايقنى كل ما افتكر كلام ربنا لما بيقول انا عند حسن ظن عبدى لى
وانا ديما بقول ظنى اكيد هيبقى خير فى ربنا بس اللى بيحصل فى الواقع بياكدلى ان جايز ظنى مش خير فى ربنا
والموضوع ينحس فى الاخر .... والفشل يبقى على ودنه .....
ساعات اقول دا يمكن عقاب من ربنا ليا .... ان اى حاجه تفشل كدا وتعتبر مهم جدا بالنسبالى
ماما ديما تقلى قولى الحمد لله ودا يعتبر بلاء .... وان شاء الله ربنا عاين ليكى الخير وبيعوضك
اقلها لو انا اتاكد انه بلاء مش غضب من ربنا عليا هرتاح .... بس ازاى اعرف
تقلى لالا خلى ثقتك فى ربنا اكبر .....
انا عايزة اعرف ....
اولا :
دا فعلا يبقى نحس .... ولا قريب من ربنا ....
بالرغم ان اى موضوع بمربيه بيبقى نسبه كبيره تفكير وتحليل تصرفات للناس ورد فعلهم
مش حكاية ذكيه ولا حاجه .... بس محبش حد يستغبانى ... ولا يستغلنى ولا يضحك عليا
ثانيا :
اى فشل بيحصل فى كذا موضوع مش عايزة اقول لمدة سنين تفتكرونى ببالغ
دا يعتبرغضب من ربنا عليا .... ولا فعلا بلاء زى ما ماما بتقلى
اللى خلانى احكى عن الحكايه دى ان لسه مقابلنى موقف وحصل زى ما انا توقعت برضو
ودا خلانى بطلت اكلم فى اى حاجه جاده ... مقضياها تهريج وبس ...
وما بقيت اتكلم مع اصحابى سواء واقع ولا نت ولا حتى لفلفون
بصراحه استنو كدا ( ببص شمال ويمين ) وبوشوش ....
كلام فى ودنكم اند سركم .... محبطة ومقضياها تفريج على افلام رعب
واكره جدا لما احس انى غمامه ونكديه ... انا نفسى بتخنق من نفسى
محبش الغم اعمل ايه ....عااااااااااااااااااااااااااااا
اه صحيح ... هبقى احكيلكم على الافلام بعدين ......
واياكم حد يقول عليا نحس .... انا اقول على نفسى
انما انتم جاملونى وانا مش هقول يا كدابين يا منافقين .... انتم اصحابى وبحبكم برضو
وبلاش لاتوقع لحد فيكم حاجه .... وعفريتنى تطلع
حبشتكون اند عفرتكون ..... هكمل التحضيره بعدين هسبكم باه
سلاموزززززززززز
ويكون سبب عدم التكمله والاستمرار صدمة ليكم .... دى حاجه
حاجه تانيه .....فى حد قابله موضوع يخصه ... وحسبها كويس ...
وقال لا بلاش .... يقلولو ايه السبب
تفضل تقلهم فى اسباب ... وفى الاخر يقلولك جرب دا شئ كويس ليك وتوكل على الله
ترد وتقول عارف ان تكالى على الله .... بس ربنا عرفو بالعقل ... فى اسباب ان الموضوع مش هيتم
يردو هما ويقولو .... لالا انت مشائم .... انت غلط .... بلاش التفكير دا .... احنا اكبر منك وعارفين
انت .... تسمع الكلام .... حاضر
النتيجه ..... طاطاطا تششششششششش.... طلعت زى ما انت توقعت بالظبط
الحاجتين دول ديما بيحصلو معايا ...
انا احب افكر فى اى شئ هعملو ... من حيث الاسباب اللى هقوم بيها .... النتيجه اللى هتترتب
هتعامل مع مين ... زى ما تقولو كدا تخطيط .... والحمد لله فى البدايه بخطط كويس
واسعى انى احقق اللى عايزاه ... والحكايه تمشى كويس جدا ....
وفجأه تقف ... تفشل .... اتصدم ... اتخنق ....ألخ....
اى موضوع سواء يخصنى انا ... او البيت ... او اصحابى ... نكون بناقشه ....
واقول هيحصل كذا.... والنتيجه مش حلو .... واقول الاسباب ....
يفضلو يقولو ليا .... انا عنيده .... الحوار معايا صعب .... انا معقده
يا جماعه والله مهو انا عنيده ... وبعدين الحوار بتاعى صعب ليه مهو لاما تقنعونى لما تقتنعو بكلامى
رد فعل اللى بتاقش معاهم ( بابا مثلا يتعصب عليا ولو كانت تحت ايده حاجه
يخبطنى بيها ويقلى ما بتسمعيش الكلام ليه
ماما تفضل تتناقش معايا ولما ما تلاقى اى رد تسبنى ... اصحابى اخر ما يزهقو يسكتو ويقلولى يا عنديه
واعملى اللى شيفاه .... خالتى تقلى الحوار معاكى معقد وهسيبك وهمشى )
انا رد فعلى .... على بابا مثلا لما القيه اتعصب اوى .... اقوم مبتسمه فى وشه واقول حته تضحكو
يهدى شويه ... ارجع تانى للنقاش ... واتكلم براحتى ....
وهكذا لحد ما يخلى حد يجى يشلنى ويدخلنى اوضتى ويكسر ورايا قلة اند زير ( مش هقول بيحدف جزمة )
ماما مثلا .... اللى ما تلاقى رد عليا ... اى حاجه بتحتاج نقاش خاصه مع بابا تقلى اتكلمى مع ابوكى
انتى بتعرفى تتناقشى كويس وبتخدى حقك حتى من ابوكى .... انا باه اقلها اشمعنى دلوقتى ما انتى ياما بتنفضيلى
اصحابى باه .... انتى كنتى الصح اللى فينا ..... اصلك شيخه حضرتك ( تريقه طبعا )
النتيجه .... بالرغم ان معظمها م شهقول ديما تكون فى صالحى .... ورأى كان صح ....
ومعظم توقعاتى فى محلها
الا بحس انى نحس .....
بس زهقت كلام .... وزهقت نقاش .... طالما كل حاجه بتوقعها بتطل وحشه ...
هيا اى نعم فى حاجه توقعتها وحشه ونجتنى من مواقف .... والحمد لله
بس ايه النحس دا .... اللى مضايقنى كل ما افتكر كلام ربنا لما بيقول انا عند حسن ظن عبدى لى
وانا ديما بقول ظنى اكيد هيبقى خير فى ربنا بس اللى بيحصل فى الواقع بياكدلى ان جايز ظنى مش خير فى ربنا
والموضوع ينحس فى الاخر .... والفشل يبقى على ودنه .....
ساعات اقول دا يمكن عقاب من ربنا ليا .... ان اى حاجه تفشل كدا وتعتبر مهم جدا بالنسبالى
ماما ديما تقلى قولى الحمد لله ودا يعتبر بلاء .... وان شاء الله ربنا عاين ليكى الخير وبيعوضك
اقلها لو انا اتاكد انه بلاء مش غضب من ربنا عليا هرتاح .... بس ازاى اعرف
تقلى لالا خلى ثقتك فى ربنا اكبر .....
انا عايزة اعرف ....
اولا :
دا فعلا يبقى نحس .... ولا قريب من ربنا ....
بالرغم ان اى موضوع بمربيه بيبقى نسبه كبيره تفكير وتحليل تصرفات للناس ورد فعلهم
مش حكاية ذكيه ولا حاجه .... بس محبش حد يستغبانى ... ولا يستغلنى ولا يضحك عليا
ثانيا :
اى فشل بيحصل فى كذا موضوع مش عايزة اقول لمدة سنين تفتكرونى ببالغ
دا يعتبرغضب من ربنا عليا .... ولا فعلا بلاء زى ما ماما بتقلى
اللى خلانى احكى عن الحكايه دى ان لسه مقابلنى موقف وحصل زى ما انا توقعت برضو
ودا خلانى بطلت اكلم فى اى حاجه جاده ... مقضياها تهريج وبس ...
وما بقيت اتكلم مع اصحابى سواء واقع ولا نت ولا حتى لفلفون
بصراحه استنو كدا ( ببص شمال ويمين ) وبوشوش ....
كلام فى ودنكم اند سركم .... محبطة ومقضياها تفريج على افلام رعب
واكره جدا لما احس انى غمامه ونكديه ... انا نفسى بتخنق من نفسى
محبش الغم اعمل ايه ....عااااااااااااااااااااااااااااا
اه صحيح ... هبقى احكيلكم على الافلام بعدين ......
واياكم حد يقول عليا نحس .... انا اقول على نفسى
انما انتم جاملونى وانا مش هقول يا كدابين يا منافقين .... انتم اصحابى وبحبكم برضو
وبلاش لاتوقع لحد فيكم حاجه .... وعفريتنى تطلع
حبشتكون اند عفرتكون ..... هكمل التحضيره بعدين هسبكم باه
سلاموزززززززززز
هناك ٢٧ تعليقًا:
يااااااااه تعبيرك عن اللي جواكي جامد ما شاء الله
قبل اي حاجه اعرفي بس ان المؤمن مصاب
و ان زي مام ماما بتقول انه ابتلاء
انتي جاوبتي بنفسك ظني دايما الخير بربنا و متيئسيش من روح الله
و لو جه حاجه تضايق يبقى ابتلاء و ربنا بيغفرلك بيه ذنوب و حد يطول
بجد ارجعي ناقشي تاني وصلي تفكيرك حتى لو ميرضيش اللي قدامك
اختلاف الرأي لا يفسد للود قضيه
بتفكريني لما مكنتش ببدي رأيي و بوافق على اي حاجه تتقالي كنت ببقى في العيون طيبه و صافيه
بس لما ابتديت اتكلم و ارفض و اناقش بقيت عنيده و لمضه
يمكن مش الكل شايفني كده بس كفايه و لو واحد يشوفني كده ده لوحده يضايق و يحبط
**************
فى حد فيكم بدأ أى حاجه وكان ماشى فيها كويس جدا بس فجأه وقفت بدون مقدمات
ويكون سبب عدم التكمله والاستمرار صدمة ليكم .... دى حاجه
*******************
اه جامد خاصة لما يكون ده احباط و تحسي ان نفسك مكسورة اوي و زعلانه اوي و نفسك تبقي نايمه علطول
بس ترجعي تستغفري و تقولي لا انا راضيه باللي ربنا قسمهوللي مش يمكن ده الخير
بس يظل كسرة النفس جواكي مأخراكي اوي
بس علطول الحمد لله
لعله خير
وعسى ان تكرهوا شيئا وهو خير لكم
حاجة اسمها نحس يا بت
وبعدين انتى صح فالغالب زى ما بتقولى هو صحيح كست ( بنت يعنى ) مش مستحب فى مجتمعنا العزيز انك تكونى ذو عقلية
يعنى ما تشغليش الطاسة عمال على بطال
بس انا شخصيا ما بعملش بالكلام ده لان ربنا خلقنا كبنى ادمين وميزينا بالعقل وامرنا نشغله
نخلينا فى موضوع
اوعى تكتئبى ولا تتضايقى ولا تحسى انك نحس فيه حاجات ربنا بيمنعها للخير وبرضه حاجات ربنا بيبعتها للخير
الرك على بصيرتك وبعدها عقلك
روقى يا بت
سلامنجة
تكونش دى هى الحاسه السادسه اللى بيقولوا عليها يااوختى؟
ثم انتى قلتى
لو انا اتاكد انه بلاء مش غضب من ربنا عليا هرتاح .... بس ازاى اعرف؟
هو ده بقى
لازم يكون عندك حسن ظن بالله
وماتقوليش موجود
لانه لو موجود ما كنتيش قلتى كده
واسمعى كلام ماما لان ربنا شايل لك الاحسن دايما
وبيلهمك حسن التصرف واتخاذ القرار
احمدى ربنا انتى فى نعمه كتير من الناس محرومين منها
وانتى ولا نحس ولا حاجه
كل الموضوع ان الانسان بيشوف شئ شيطانه يصور له انه كويس
بس ربنا علشان رايد لك الخير بيشيل عنك البلاء ده
محدش عارف لو تم ممكن المنحه تنقلب لمحنه
سيبى تكالك على الله
ههههههههههههههههه
عادى
عادى
انضمي يا اوختي فى الصف
يظهر و الله اعلم ان كل المفروسين هكذا
انا بسميها الحادثة السادسة
و ديه نعمةة من ربنا انه بينور بصيرة الواحد على نتيجة معينة
و غيره مش شايفينها و لا عاوزين يصدقوه و يعيدوا تفكير
دماغنا ناشفة تفتكري؟؟؟
ههههههههههههه
ده اكيد
بس عارفة ر|أينا ووجهة نظرنا بتبقى صائبة بس بعد ايه....
بعد ما اللى حوالينا يفرسونا و يوقفوا الكلام اللى جوانا
هههههههه
انا برضه مقضياها تهريج و فرجة على افلام الرعب
هههههههه
آخر فيلم شوفتيه ايه؟؟؟؟؟؟؟؟؟؟؟
انا كمان كدة والله
كتير اوى توقعات بتبقى صح
بس محدش بيقتنع بيا خاااااااالص
فببقى مضطرة انفض وما اتكلمش ف حاجة تانى
بطلى تتفرجى على افلام رعب وكل حاجة هتبقا تمام
ههههههههه
وانشاء اللة كل حاجة تعمليها تتحقق
وبلاش تقولى كلمة نحس علشان بتفكرنى بناس
ههههههههه
حاشا وكلا طبعا
مين يقدر يقول عليكى نحس
يا بنتى ده انتى على كده النحس جنبك محظوظ
هههههههه
بجد متخيل منظرك وفطسان على نفسى من الضحك
هههههه
شوية جد بقى احسن شايف فيه زير هيتبهد فى نافوخى
بصى يا ستى
قل لن يصيبنا الا ما كتب الله لنا
والحمد لله على كل حال
جايز انه يكون ابتلاء وامتحان من الله سبحانه وتعالى
واكيدربنا هيكرمك باذنه
بس لا تقنطى من رحمة الله
وربنا يسعدك دنيا واخرة
تحياتى
هاي همس ازيك .. ربنا يخليكي يا حبيبتي لا بس انا مش مصريه على فكره واللهي العظيم. هتقولولي طب وتحلفي ليه مصدقاكي من غير ما تحلفي .. هقولك اصل مش عارفه ليه حسستيني انها تهمه اني ابقى مصريه ههههههه .. على العموم انا معنديش تعليق على البوست بتاعك علشان انا مش بعرف احسبها بالورقه والقلم زيك كده وعمري ما هعرف دا غير ان ظروفي غير ظروفك يعني انا عايشه لوحدي في الغربه علشان كده تلاقيني سايباها تيجي زي ما تيجي واللي ربنا كاتبه هيحصل شئنا ام ابينا بمعني ان احنا ساعات بنخطط ونرسم طريق معين وبيبقى فيه هدف معين عاوزين نوصله بس ربنا سبحانه وتعالى تخطيطه لينا بيبقى من سكه تانيه خالص وعلشان كده انتي بتشوفيه فشل واحباط بس لو بصيتيله من الناحيه التانيه هتلاقي كل حاجه بتحصلك في حياتك سواء انتي شايفاها خير او نحس هيا في الاخر خير ليكي صدقيني يا همس والرسول عليه الصلاة والسلام قال لنا اني لا املك لنفسي نفعا ولا ضرا ولو كنت اعلم الغيب لاستكثرت من الواقع. مين عارف ربنا كان مخبيلك ايه في الهدف او السكه اللي انتي كنتي ناويه تمشي فيها ومخططالها وعلشان كده ما ارادش. حاولي تبصيلها من الناحيه دي هترتاحي صدقيني مريح اوي الانتماء لقوه اكبر مننا بتوجه حياتنا للي فيه الخير دايما. مش هوه دا اللي اسمه القدر؟ سلامات يا قمر :)
سبحانه الله كنت عايزه اكتب موضع ثريب منوا ياريت ترودي علي سؤال ضرويه جداااااااااااااااااااااااااااااااا
انتى برضو يا حفيده بتنامى
فعلا احساس كسرة النفسدى صعبه اوى
ربنا يكرمك يا حفيدة
منورانى
حاضر يا دريم
روقت خالص
بوجودك معايا طبعا
منورانى
طب يارب يبقى بلاء
ويدينا صبر وقناعه
وتوكلنا على الله
منورانى يا عاشقه
هيا الحادثه الثادثه
هههههههههه
انما اخر فيلم امممممممممممم
كان امبارح بس قديم شويه
وبداته من نصه كدا
اصل كنت شوبه اتفرج على ايمن نور
وشويه اتفرج على فيلم تانى
بتاع نيكولاس كيدج كان اكشن
والرعب كان بيحكى عن عربيه مسكونه
وبتموت فى الناس
فهمتى حاجه ههههههههه
الافلام دخلت فى بعضها
منورانى
حاجه غريبه كل احكى
الاقى فعلا كتير يقولو كدا
خلاص يا بسمه ننفض يا حببتى
ونهرج وبس
احلى حاجه الضحك ....
منورانى
اللهم امين
بس بجد اسمك جميل اوى
بس لا الافلام
دا انابعيش فيها الصراحه
هههههههههههه
منورانى يا احلى ضحكة سما
طب تصدق انا ضحكت على ضحكك يا ابو هموسا
كتر خيرك ضحكتنى والله
بس لما هشوفك هوريك الغيظ على اصوله
ما علينا
اللهم امين
ويكرمك ويسعدك
جميعا يارب
منورنى يا همس الاحباب
لو كانت انك مصريه تهمه
تبقى احلى تهمه فى الدنيا
واحلى مصريه
بس كل الحكايه ان لهجتك مصريه ميه ميه
عموما
الحمد لله على كل شئ
واكيد ربنا بيعين لينا الخير ديما
بس اهو فضفضت شويه من الغيظ
منورانى يا نانسى
اولا حكاية النحس دي حرام شرعا
طب ممكن تنظري للأمر من ناحيه تانيه
بخلاف كونه إبتلاء
مش ممكن يكون ربنا من عدله ولصالحك بيقلب الأمور على عكس مرادك أو لمرادك الغير ناجح لدفع ضرر ما عنكي
فكري في الأمر بالمنظور ده حترتاحي فعلا
دمتي بكل خير
أزيك يامفروسة
واضح النهاردة أنك مفروسة جدا
بصى ياستى
لحظات الكآبة دى للأسف لابد منها
تعاملى معاها برفق
بس أهم حاجة ياريت ما تطولش
وأهم حاجة كمان أنك تطلعى منها قوية وأقوى من الأول
هذا امتحان ربنا عايزه شوف مقدار الصبر والتحمل الصبر مفاتح الفرج
انتي عايزه تعملي زي انا هربت من صحابتي زمان في واقع من اهلي عشان مفيش احد يسالني عن جاجه بضايقني انتي بتعرفي تناقشي ام انا هبل بعياط ههههههههه عشان كده فضلت هروب الله ياهمس انتي صبرتي ان شاءالله مفتاح الفرج قريب
بركاتك يا عم الشيخ
المهم القلب الطيب و انت مكشوف عنك الحجاب
يا بنتي في حاجه اسمها الراي الاخر و ليس كل من يتصلب برايه عنده حق بل يجب الوصول الي ملتقي الطريق و الانصات الي الراي الاخر
و الدليل تفادي اقرب الناس للنقاش معاك
شكلك فرسه الدنيا كلها مش انا بس
تحياتي
انت عارف ايه الغلط
انك مختفيه رغم تصاعد الكثير من الاحداث المفرسه يعني التي تدعو الي الفرسه
و لاني حالف ما اتعديش منك ساكت و كاتم في قلبي
اظهر و بان و عليك الامان
انا خايف يكونوا افرجوا عن ايمن نور و فضي عندهم مكان خبوك فيه
تحياتي
معلشى يا احمد
عارفه انه حرام
بس كنت متغاظة
وربنا يغفر للكل
منورنى
الحمد لله بحس بالقوه نوعا ما
هو انا مفتريه من شوية يا امل
ههههه
منورانى
الحمد لله ربنا فرجها يا سمية
وهتوحشينى يا سمية
اشوفك على خير
منورانى
بببببببببببخ
انا ظهرت اهو يا هوا
معلشى كنت بفرفر يا خويا
تعب موت
وهو يا سيدى هسافر
لو عايز تشترى عيش من الكويت ولا حاجه
قلى هقلك على فرن ميه ميه
هههه
منورنى يا هواااااا
إرسال تعليق