بجد بجد ..فيه سؤال محشور فى زوري... ونفسى ابثقه ... أل مين الفالح للست والدته وقال قمة عربية ...
انهي قمة دى ...؟ دى تتسمى بيير سلم عربية ... بدروم عربية ... بدنجان عربية ..
عمه عربيه ...اى حاجه غير قمة طبعا...ما دى تتسمى قمة ...امال الخيبة تبقى ايه ...؟
قرفنا كل يوم الزعماء يعبوا الشنط بالسندوتشات والزمزمية يروح جرى على اى ..بتاع من اللي بيعملوه دا..
تيجو تشوفوا هما بيعملو أيه أصلا ...ولا حاجة ....
فالحين فى الكلام وبس...أنما فعل ويطلعوا رجاله أبدا ...يبطلوا باه لبس طرحه ...أبدا برضو...
وبعدين بيلمو بعض ليه ...علشان ينصلح حال ألامه .. طب لو عايزين كدا فعلا ....كل واحد يتلم فى بلدو
ويعدل حال شعبه ...ويقول بؤين للحرمية بتوعه كفايه سرقه... يعنى كل واحد يبدا بنفسه ... مش يسيبو غسلهم الوسخ ...ويروح يتمخطرو ويدوها صياعه فى بلد غيرهم ....
وبعدين فيه يجى 9 رؤساء ميروحوش ولا يعبرو ...منهم ريسنا العزيز ...وملك السعودية ...دول أل أيه الأهم ..
وكوبرات القعدة ...أل أيه أن الدنيا من غيرهم مش هتمشى... وهتقف ...
أل حتى لو راحو هيعملو اللي متعملش ...ما حضرو ميت بدنجان محدش شاف فلاحتهم يعنى ...
وبعدين أكيد ليهم اعزار ..... مش خوف مثلا ..ولا جالهم اوامر بكدا ...ولا تهديد كفانا الشر .... يعنى أكيد سيدنا الريس ...تعب من اللف ...والعضمة كبيره زى ما انتو عارفين يعنى ...... اى نعم لو كانت إسرائيل طلبتو ولا أمريكا كان هيروح صاروخ ...بس برضو ...ميمنعش انه هيتعب على الفاضى ...ياريتو يكون بفايدة حتى...
وبعدين مش وراه بلد ...بتتخرب لازم يشهد الاطلال الواقع .. اللي طايح فى البلد فى عهده العظيم ...
جايز أل أيه يتفاجئ من اللي شافوه وهيحن علينا ...
ولا هو مش وراه بيت ...وأب برضو ... يعنى يشوف جيمى ماسبش أيه فى البلد ألا وحاطت مناخيرو فيه ... وجاب ضلفها وخربها .....هو وعز اللي اللهى نسبة الحديد ترتفع فى الدم عنده ويبقى عمود خرصانه ...
يعلموا ازاى يخرب البلد قصدى يمسك البلد بعد عمر طويل طبعا ....
وبعدين خلاص يا جماعه بلاش وجع دماغ الله يخليكم ...وكبرو لافيه حاجه هتتعمل منهم ولا تنتظرو حاجه أصلا ...دول مش فالحين جوه هيفلحو بره ... انهي عقل يصدق كدا ...
دول أتلم المتعوس على خيب الرجى ... راحو بوشهم رجعوا بقفاهم ......
تيجو أعملكم قمة من قممى .....وربنا هتنجح نحاج... نجاح الموجى ... الله يرحمو ..
انهي قمة دى ...؟ دى تتسمى بيير سلم عربية ... بدروم عربية ... بدنجان عربية ..
عمه عربيه ...اى حاجه غير قمة طبعا...ما دى تتسمى قمة ...امال الخيبة تبقى ايه ...؟
قرفنا كل يوم الزعماء يعبوا الشنط بالسندوتشات والزمزمية يروح جرى على اى ..بتاع من اللي بيعملوه دا..
تيجو تشوفوا هما بيعملو أيه أصلا ...ولا حاجة ....
فالحين فى الكلام وبس...أنما فعل ويطلعوا رجاله أبدا ...يبطلوا باه لبس طرحه ...أبدا برضو...
وبعدين بيلمو بعض ليه ...علشان ينصلح حال ألامه .. طب لو عايزين كدا فعلا ....كل واحد يتلم فى بلدو
ويعدل حال شعبه ...ويقول بؤين للحرمية بتوعه كفايه سرقه... يعنى كل واحد يبدا بنفسه ... مش يسيبو غسلهم الوسخ ...ويروح يتمخطرو ويدوها صياعه فى بلد غيرهم ....
وبعدين فيه يجى 9 رؤساء ميروحوش ولا يعبرو ...منهم ريسنا العزيز ...وملك السعودية ...دول أل أيه الأهم ..
وكوبرات القعدة ...أل أيه أن الدنيا من غيرهم مش هتمشى... وهتقف ...
أل حتى لو راحو هيعملو اللي متعملش ...ما حضرو ميت بدنجان محدش شاف فلاحتهم يعنى ...
وبعدين أكيد ليهم اعزار ..... مش خوف مثلا ..ولا جالهم اوامر بكدا ...ولا تهديد كفانا الشر .... يعنى أكيد سيدنا الريس ...تعب من اللف ...والعضمة كبيره زى ما انتو عارفين يعنى ...... اى نعم لو كانت إسرائيل طلبتو ولا أمريكا كان هيروح صاروخ ...بس برضو ...ميمنعش انه هيتعب على الفاضى ...ياريتو يكون بفايدة حتى...
وبعدين مش وراه بلد ...بتتخرب لازم يشهد الاطلال الواقع .. اللي طايح فى البلد فى عهده العظيم ...
جايز أل أيه يتفاجئ من اللي شافوه وهيحن علينا ...
ولا هو مش وراه بيت ...وأب برضو ... يعنى يشوف جيمى ماسبش أيه فى البلد ألا وحاطت مناخيرو فيه ... وجاب ضلفها وخربها .....هو وعز اللي اللهى نسبة الحديد ترتفع فى الدم عنده ويبقى عمود خرصانه ...
يعلموا ازاى يخرب البلد قصدى يمسك البلد بعد عمر طويل طبعا ....
وبعدين خلاص يا جماعه بلاش وجع دماغ الله يخليكم ...وكبرو لافيه حاجه هتتعمل منهم ولا تنتظرو حاجه أصلا ...دول مش فالحين جوه هيفلحو بره ... انهي عقل يصدق كدا ...
دول أتلم المتعوس على خيب الرجى ... راحو بوشهم رجعوا بقفاهم ......
تيجو أعملكم قمة من قممى .....وربنا هتنجح نحاج... نجاح الموجى ... الله يرحمو ..
هناك ٤ تعليقات:
وكبرو لافيه حاجه هتتعمل منهم ولا تنتظرو حاجه أصلا ...دول مش فالحين جوه هيفلحو بره ... انهي عقل يصدق كدا ...
صدقتي أما أنا فأظن أنها قمة المهزلة ومسرحية مضحكة...؟؟
أنا لاأتوقع منهم أن يأخدو موقف شجاع ؟؟
يشاهدون كل مايحدث بالشعب الفلسطيني من دمارودل ومهانة وموت وأغتصاب لأراضيهم لا وبل أستمرو حتى في تدنيس القدس الشريف.لم يكتفو بعد من مشاهدة غطرسة الأسرائلين..؟
ألا يكفي انا قرارتهم لم تعد تهم شعوبهم؟أليس هدا بمخجل ومخزي هلهيلي يأمريكا ويأسرائيل لن يتحد العرب أبدا على أي قرار في الحين...
ألا يحق لشعب الفلسطيني أن يسترد أراضيه
ألا يحق لهم ان يكون لهم جيش قوي يدافع عنهم..هذا هو حال العرب وجودهم وبقائهم يكمن في اختلافهم ونفاقهم على بعضهم هم يريدون أن يحترمهم الآخرين بدون أن يحترموا أنفسهم
للأسف ...؟؟
ماانا قلت لازم يبقو عدلين الاول فى بلدهم
وبعدين مش لما الفلسطنين يحترمو نفسهم
ويبطلو قتل فى بعض
ويجلهم زعيم راجل يرفض الزل اللى شعبه فيه
وبعدين نشوف الفلحين البقين هيعملو ايه
كلو كلام فى كلام
منوره يا ملك
الكلام جميل وفيه أهداف واضحه
ومؤتر جدا أتمنى لكى التوفيق
بس فى بعض الأشياء فى الديزاين ويب سايت عاوز شويه شغل أكتر من كده
لجذب الأهتمام
وكتاباتك من أجمل ما قرأه
أمير الحب
اهلا بيك يا امير
ان شاء الله هبقى اتعلم وانفذ الكلام
ونورتنا
إرسال تعليق