بجد بجد انا مت من الضحك على الشعر دا ...
هو مش بتاعى بصراحه ...هو جيلى على الايمل ....
قلت انزله تشوف احنا بيقى فى عز( مش عز حديد ) خنقتنا بنبدع ازاى....
اناب صراحه مش عارفه مين اللى كاتبه ... بس عجبنى ... قلت اورهلكم ...
واللى كتب الكلام دا ...ال ايه متقمص الدور بتاع ريسنا ... فبيقول ...
شعر حسني مبارك .. اهداء الى شعب مصر
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
أحبك محشش مفرفش مطنش ودايخ مدروخ وآخر انسطال
أحبك مكبر دماغك مخدر ممشي أمورك كده باتكال
وأحب اللي ينصب وأحب اللي يكدب وأحب اللي ينهب ويسرق تلال
وأحب اللي شايف وعارف وخايف وبالع لسانه وكاتم ماقال
وأحب اللي قافل عيونه المغفل وأحب البهايم وأحب البغال
وأحب اللي راضي وأحب اللي فاضي وأحب اللي عايز يربي العيال
وأحب اللي يائس وأحب اللي بائس وأحب اللي محبط وشايف محال
وأحبك تسافر وتبعد تهاجر وتبعت فلوسك دولار أ و ريال
وأحبك تطبل تهلل تهبل عشان مطش كوره وفيلم ومقال
وأحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن أسيبك وراح تبقى عبره وتصبح مثال
حبهدل جنابك وأذل اللي جابك وحيكون عذابك ده فوق الاحتمال
وأمرمط سعادتك وأهزأ سيادتك وأخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجبلك جمااال
هناك ٤ تعليقات:
بجد يأختاه شعر جامد ونشكرك على كل مواضعك التي تجعلنا نسمع وكأننانرى ونشاهد مايحدث لأخواننا بمصر من معانات وو وووو ليس بمصر فقط يحدث هدا بل بكل الدول العربية فيكفيكم أمتصاص دم الشعب كفى وكفى وكفى
أختك ملك الجزائر......
هلا ملك
بصراحه كان نفسى اوري حاجه عدله
بس على عينى والله
تسلمى على مرورك
الشعر جميل بلا كلام عليه
رائع حقا
بس له تكلمله الشعر ليس كامل
وكان من الأفضل أن تكتبى أسم الشاعر لانه شخصيه عامله
أمير الحب
والله حاولت الشعر جالى الجزء دا بس
وحاولت اعرف مين اللى كاتبه بس ما عرفتش
بس كان من الافضل انك طالما عارفه اللى كاتبه وفاضل كلام تكمله ليه
كنت تتفضل وتقول
التعليق مش ثناء او زم للموضوع اللى مكتوب وبس
لا طبعا التعليق لطرح افكار مكمله ليه او تايد ليه او التناقض معاه مع شرح وجهة نظرك علشان اانابرضو استفيد والكل يستفاد
وشكرا ليك ولمرورك
إرسال تعليق