الأربعاء، أبريل ٢٣، ٢٠٠٨

الدوا بقى اسرائيلى .... الحكومة بعتنا وقبضت التمن

انا قلت انهم رخصونا .....وباعونا .....

لما المرض بقى نسبه عاليه وفى فئه عمريه اقل ... هنقول قدرنا بالرغم من أن البيئة مليانه تلوث من اول الهوا

والاكل المتسرطن لحد الميه الملوثه وسببت الفشل الكلوى والكبد الوبائى ...

بس تخيل لما يبقى فى مرض ....والعلاج فى ايد اكبر عدو ليك ....

عدو على المستوى الشخصي والعربي والإسلام......

عدو كان محتل بلادنا وسبب ازمة امتنا ....وسبب فى سلب كرمتنا ....وزل شعبنا ... وعبوديه حكمنا ليهم...

تخيلو لما الحكومة تبيع شركات الادويه لشركات اسرائليه وشركات امريكيه....

تخيلو لما يبقى مصير الملايين فى أيد عدو بيقتل فينا كل يوم ....

اسم النبى حرصه وصاينه وزير الصحه....طلع قرار بعدم تحليل منتجات الشركات

اللى بتسجل أدويتها إلا بعد التسجيل أل أيه علشان تسهيل الإجراء....


انا كنت قرات من فتره غزو الامريكان للدوا فى مصر وعلى الاساس دى اتباعت شركة امون

بس ان اسمع ان شركات اردنيه مدعمه من شركات يهوديه اسرائليه

ودخول شركة تيفا الاسرائليه للسوق فى مصر... وغيرها من نفوذ اسرائيلى وامريكى

وبيع شركات ادويه زى( سيد) اللى ربحها السنوى 30 مليون جنيه وشركة( الكان)ربحها 60مليون جنيه

ومن غير ان يسببو اى خساره خالص...

غير ان الشركات الاجنبية دى بتعمل ضغوط على الادويه المصريه وبتشكك فى فاعليتها....

نفهم لما شركات اسرائليه وامريكيه للادويه تتحكم فى حياتنا ....

انا عارفه ان العمر واحد وفاهمه اللى هيتقال كله....

دا علشان القمح ....اللى بنستورده من امريكا ...وكانت السبب فى سعره عالى ...حصل ازمة العيش


امال لو كان الدوا..... وايه اللى ضمنا ان الدوا هيكون سليم اصلا ... ومانكونش حقل تجارب ليهم ...

سمعنا كتير ان وزارة الصحه جابت ادويه من بره وطلعة فاسدة ....ومفعولها منتهى ...

ايه هيكون قلبهم علينا يعنى ... طبعا استحاله...

بلاش دا ...فرضنا ان حصلت مشكله وقامت حرب .... ولا الست امريكا غضبت علينا

هيكون موقفنا ايه ...؟

زل ....وضعف ....وموت ...موت ...موت ....

واستحاله طبعا هيكون بنفس السعر ....وطبعا هتزود فى السعر براحتها ....والمرضى الغلابة يولعو...


ومن ناحيه تانيه .....هيساعد زياده الغش فى الدوا ....وطبعا الناس هتشتريه لو سعره اقل..

مهيا كدا موته .......وكدا برضو موته...

بلاش دا ....ليه نحط رقبتنا فى ايدهم ....ليه نخليهم يتحكمو فينا وفى حياتنا....

هيا الحكومة دى ...حكومة وطن وشعب

ولا حكومة ..... عبد ....وزل ....

ياناس ....مفيش حكومة فى الدنيا .... تخلى حد يتحكم فى مورد مهم واساسى زى الدوا ...

ودى مش اسماها سياسة ....دا غباء .....وخيانه .... ويلعن ابو دى سياسه اللى مدخلينها فى كل حاجة...

هيا حكومة خاينه .......خاينه ......وباعتنا ....

كانت سبب فى المرض ....وبقت سبب فى الموت ....

هنستنى لحد امتة,,,,,,,,؟؟؟؟







هناك ٥ تعليقات:

ولد مصري يقول...

يعني انا اغيب يومين ارجع الاقيكي عاملة كل الغاغة دي ينفع كده

مش كان واجب برضه تقوليلنا عشان يتحرق دمنا معاكي بصراحة مالكيش حق

اشمعنى الدوا يعني اللي انتي زعلانة عليه ونفسك يبقى عدل ما كل حاجة في البلد بتتباع مافضلش غير شوية العبيد اللى اسمهم الشعب ودول كمان هيجي عليهم الدور بس الحكومة مستنيه لما يجيلها فيه سعر كويس وهتبيع على طول

إنا لله وإنا إليه راجعون

همس يقول...

وتغيب ليه كنت بتعمل ايه يا خلبوصة؟؟؟

لا طبعا انا خلاص انا دمى اتحرق وخلاص

انا خايفه يسمونى المحروقة كلى على بعضى يا خويا وما اتجوز ابدا

عااااااااااااا عااااااااا



انا عارفه ان البلد منيله وجبتلى ضغط

وسكر وحرحر دا طبيعى جدا وعادى

بس باه مش دا كلو محتاج علاج

ولا اروح فى الكزوزه

مش بزمتك ليا حق باه فى انى ازعل

ولا انت مش معايا


اما بالنسبه اننا اتبعنا دا كان ارحم وربنا

بس الحمد لله احنا بقينا فيران وارانب

فيران للتجارب وارانب يصطادونا شوية من على الحدود وشوية فى القنال

يعنى كدا كدا روحنا فى الكزوزة يا معنمى

أنت عارفنى وأنا عارفك يقول...

أينها العزيزة اللذيذة همس.وأنا على هذا المنبر ولذلك فانى استحلفك بكل ماهو غال وتمين ونفيس وعزيزوحيث أنى فى هذه الأيام المفترجة مقبلا مدبرا على الأمتحانات العملية تليها النظرية المطورة ولأن نفسى الأمارة بالسوء مصابة بالأكتئاب والأحباط والملل والزهق ولكل ذلك ومن أجل هذا فأرجوك لايميها شوية وفكيها ومافيش داعى لحرقة الدم بوستا بعد بوست ولكن خليها بوست حر ورطوبة وبوست طراوة كفاية موضوع السيكو سيكو اللى بينوا خلص قبل مايبدأووقانا الله واياكم شر القتال.

غير معرف يقول...
أزال أحد مشرفي المدونة هذا التعليق.
همس يقول...

بس كدا انت تاشر وانا اكل طبعا


حاضر هبطل غم

وهبطل السيكوسيكو