البلد دى تدى فى الهايف على تقيل ... وعلى راى المثل اللى بيقول
ادينى فى الهايف وانا احبك يا ننس.....
زى اشمعنى ليه احنا الدوله الوحيدة تقريبا اللى بتغير الساعه...شويه تقدمها ساعه لقدام
وشويه تاخرها ساعه لورا....ليه اصلا
ولا هيا مياعه ومياصه من الساعه ...؟
بس صحيح احنا فعلا الدوله الوحيده اللى بتعمل كدا ....ولا انا بقيت مدياها طراوة؟؟؟؟
ويامكتر اعيادنا ياحلوين.... بالرغم اننا البلد الوحيده عربيا الا اذا كان عالميا تقريبا بتحتفل
بشم النسيم ....وعيد العمال ....والبدنجان
واشمعنا بيسموها عيد تحرير سينا ....ميقلوش ليه عيد تحرير مصر ....انا احتج ولازم اسم يتغير...
ولا هيا سينا دى فى موزنبيق ....مش مصريه يعنى...
اهم حاجة وتلاقى الكل فرحان ....زى كدا زمان لما كنت فى المدرسة ....
بيبقى الاجازات من النوع دى دمااااااغ...
مهو اى حاجة تبعد عن الشغل والتنفيض يشتغل ...زى العسل على قلبنا .....
المهم هنلاقى عند الكل الريحه مديه على عفانه وبصل .... ربنا يسترها باه...
على العموم انا قلت اديها التماسى
ونقول للكل كل سنه وانتم ماجزين .....
ويلا مع السلام عليكم
هناك ٩ تعليقات:
كله كوم والأجازات كوم .يعني افرضى الحكومة سمعت كلامك ولغت شوية اجازات وانتى عرفة الحكومة بتحب العكننة والمبرر جاهز مواطنة طلبت والحكومة نفذت .نعمل ايه فيكى ساعتها.
أنا كنت بفصلك فى الدولة اللى طلبتيها بس بعد الكلام ده هرجع افكر تانى ألا اذا أعلنتى التوبة.
يا استاذه مش مهم اسم العيد ايه ولا بتاع ايه ان شالله لو عملوا عيد للشحاتين اهم حاجة ان احنا ناخد الاجازة ونديها طراوة زيك كده
وشكرا على البوست الطرى ده ومدونتك جميله ودى اول زيارة وان شاء الله مش اخر زيارة وياريت تشيلى تاكيد الكلمه
يا ستي مش لوحدنا إللي بنغير الساعة
كل اوربا و أمريكا و أستراليا بتغير
اللي أعرف انها مبتغيرش هي الصين و شويت دول في اسيا
makine
ياسلام يا خويا
انت جى تهددنى فى المدونة ماااااااشى
وبعدين انا قلت حاجه
دى احلى حاجة الاجازة
حلو كداااااااا
ساسا
منورنى وفعلا اهم حاجة الاجازة
وانا سعيدة بالزياره دى
ومنتظره تشريفك فى اى وقت
ايه الهنا دا
بقينا زى اروبا وامريكا فى تغير الساعه
عقبال ما نبقى زيها فى حاجة عدله
طب كويس انى سالت ...كنت مش متاكده
يلا الحمد لله
منورنا
مافيش فايدة
ماهو طول مانتوا مش عاجبكم حاجة كده هيفضل دمكم محروق على طول
لا عاجبكم أجازات ولا عاجبكم شغل ولا عاجبكم تغيير ساعة أمال عايزين إيه تغيير وزارة؟ مابتتغيرش .. تغيير رئيس جمهورية؟ قطع لسان اللي يقول كده .. تغيير اقتصاد للأحسن؟ عند خالة هنص يبقى نخلينا بقى في الأجازات وترويق المزاجات
مصر اليوم....
مصر اليوم في عيد هيه
مصر اليوم في عيد الله
مصر اليوم في عيييييييييييييد
يا دماغ انت يا كبير
على رايك نديها اجازات ال ايه حد بيشتغل اصلا
بلا خيبة
وبعدين مين عيد دا
مش قلتلك متجبش سيره الناس
ياساتر
إرسال تعليق