ايه الهنا دا ....طول عمرى نفسى افهم وزير التضامن يعنى ايه ....؟
والحمد لله ...فى موقع البديل ...عرفت اهم مهامه ووظيفته .... الراجل كتر خيره ...كلف نفسه
واهدى العرسان فى فرح جماعى شوالين دقيق .... شوال للعرورة وشوال للعرير... مهو هيعمل ايه ...؟
مجهود ذهنى جامد بصراحه ....وكلف جامد ....مهو اصل الدقيق بقى اغلى من الدهب ...
وبعدين ميصحش العرير يقف من اول يوم جواز فى طوابير ....افرض مات .... يلا كتر خيره على كل حال...
انا باه بطالب ان الوزارة دى تتلغى اصلا ...او تتغير اسمها وتتسمهى وزارة الاشوله....
________________________
بمناسبه الاجازات انا بصراحه مش عارفه المره اللى فاتت خلانى اتكلم فيها ...مش نق ...ولا انى بتبطر عليها
لسمح الله ....بس حاجه طقت فى دماغى وكتبتها ....ويارتنى ما كتبتها ...
النهارده سمعت فى برنامج الطبعه الاولى بيتقال ان الاستاذ ملط بتاع جهاز المحاسبات ....قرر انه هيلغى
يوم اجازة يوم السبت ...ويبقى اليوم الاجازة الوحيد للموظف هو يوم الجمعه ....وبيقول ان مصر بتاخد فوق
ميه وستين يوم اجازة فى السنه ...وبكدا معدل الانتاج فى مصر هابط ...ال ايه فيه اصلا انتاج ..
ربنا يصبرنى يعنى ما كل العالم بياخد اجازات يومين فى الاسبوع ....بدل ما تلغى يوم السبت
ما تلغى الاجازات زى بتاع عيد العمال دا ...ولا متقدروش على انكم متشوفوش الريس والفرح بتبظ من عنيه
وهو بيقابل العمال والنفاق شغال على ودنة ...وقرفنا بيه فى ام التلفزيون....
يعنى الاجازات مش لينا ...دا علشان سيادة الريس يعمل الفتين بتوعوه اللى بيعملنا ايحاء ان الكل فرحان بيه
طيب الله يخليك يا ريس ...علشان الملل بتاع كل سنه ...ويبقى فيه حاجه جديدة....ياريت تروح
تزور العمال اللى معتقلين ....ومتنساش العيش والحلاوة...بس قبلهم تروح تقف فى الطوابير بتاع العيش
اهو برضو هتبص بصه على عمال الفرن .... وحلاوة العيش...
يلا لما نشوف هيبقى فيه جديد ولا الملل بتاع كل سنه ...
اللى هو سلام على كام نفر ورفعت الايد وبيباى مع نفس الابتسامه اللى من سبعه وعشرين سنه
مع نفرين ويدوها نفاق للمنى روكب فى وشه ...وبرضو الفرحه مخلياه منشكح...
ربنا يزيد الانشكاح ......
هناك ٨ تعليقات:
تصدقي إن انا كمان اول مرة اعرف موضوع التضامن الإجتماعي ده الحمد لله العلام حلو يا ولاد بس السؤال اللي بيطرح نفسه ايه العلاقة بنها وبين شوال الدقيق مش المفروض إن شوال الدقيق يكون تبع وزارة التموين والتجارة الداخلية؟ أمال وزارة الشئون الاجتماعية بتعمل ايه؟ يا عالم أنا مابقتش فاهم الطب ده خالص.
*****
يا نهار أبيض الملط عاوز يلغي يوم السبت، طب ده لو عمل كده الناس هما اللي هيقلعولوا "ملط" قال يلغي يوم السبت قال.
*****
موضوع بقى عيد العمال ده كوم تاني أهو ده لا يمكن يتلغي أبدا طب ده ريسنا أحلى كلمة بيحب يسمعها في الدنيا دي كلها "المنحة يا ريس" اللي بتتقالوه في اليوم ده!!
رغم مالدينا من وزارات من المفترض انها تعمل على توفير الخبز وتساعد على التضامن الاجتماعى الا ان هناك مدن بل بلاد بل قارة باكملها لايتاح بها مثل هذه الوازارات؟؟
وكان أكثر مايدهشنى هو كيف يتوفر الخبز بهذه السهوله يوميا على موائد الناس في لندن ونيويورك ? وغيرها من دول العالم الحر؟..وهم معتفسين يناضلون ويكافحون من اجل ان يصل الرغيف لهم! مع أنه ليس هناك وزارة تموين ولا تضامن اجتماعى ولا اي شيء من هذا القبيل في هذه المدن ..كيف يصل الخبز لوحده للناس؟ ..كان سؤالا محيرا بالفعل
انه الفساد الادارى بعينه !!!!!!!!
ياخرابى وزارة تموين ايه ووزارة تجاره ايه
توف من بؤك احنا عندنا تموين ولا تجارة برضو
عادى باه كبر هو حد فاهم حاجه اصلا
اما الملط دا ....هيبقى يوم ملط وعريان لما يلغى يوم السبت
اسم البنى حرصه على المنحه
اللهى يجيلو منحه من ربنا مستعجله
قولو ااااااااااااامين
ايوة ايوة انا عارفه لندن ونيويورك دى تانى بلد بعد بلدنا ...
ياسيدى انت هتقارن بينا وبين الجماعه دول كمان فى العيش ....بجد دا احباط جدااااااا
طب قارنا بروسيا اللى كانت قبل تفكك الاتحاد لحد قبل بيوتن كانو فى مجاعه وعندهم ازمة العيش
بس فى عهد بيوتن بقو تالت دولوله بتصدر القمح
شوفت الفرق هما بقو فين وحنا بقينا فين
دوا الريس اللى بجد
مش اللى ربنا يتوب علينا منه
اجتماعية..تموين ولا تجارة متفرقش ما حكومة الجدعان اللى مش عارفة توفر للناس العيش بلاش اوروبا ولا امريكا احنا فى البلاد العربية عمرنا ما سمعنا عن ازمة عيش ولا طوابير
وبعدين هو يعنى الاجازة هى اللى هتزود الانتاج مش لما يبقى فيه انتاج اصلا هما بيضحكوا على مين
همس عندى ليكى رجاء يا ريت المرة الجاية تشوفيلنا موضوع لا يفرس و لا يغيظ حاجة كده خفيفة لحسن انا ابتديت احس ان الضغط هيعلى بعد ما شلنا المرارة و صحتنا بالدنيا يا أختى
تحياتى
انا قلت كدا وربنا انتاج ايه وهو مفيش انتاج اصلا
بس اعمل ايه غصب عنى بكلم على اللى غايظنى
انتى مش واخدب الك انى متغاظة اند مفروسة
وسلمتك الف سلامة يا جميل من الضغط
عزيزتى متغاظة اند مفروسة (حلوة اند دى) انا مستغرب جدا من اعتراضك على وزارة التضامن مع ان الوزارة قايمة بدورها على اكمل و جه و محققة التضامن الاجتماعى باسمى صوره فى تلاحم و تكاتف ابناء الشعب الكادحين فى طوابير العيش ..بصى كده على اى طابور عيش و قوليلى و بامانة..فيه اكتر من كده تضامن اجتماعى
اما بالنسبة للاجازات فلو عايزين يلغوا عيد العمال يلغوه اما يوم السبت فانااصورلهم قتيل ..الا يوم السبت ده الواحد بيفضل شغال طول الاسبوع و بينام يوم الجمعة و ياخد اجازته اللى بجد يوم السبت
بصراحه انا مقدرش اخالفك فى اى
التحام قصدى اى كلام
فعلا قايمه بدورها ياخويا
انما الاجازة انا معاك اقتلك واحنا وراك المهم نشوف دم وقتيل
متخفش حجبلك حلاوة انما االعيش قلى قبلها علشان اعمل حسابى
واتضامن ان شاء الله
منورنى يا هشام
متبقاش تخليها الاخيره وتنورنا
إرسال تعليق