مين يا حلوين هيركب مراره بلستك زى .....انا لسه حالا جيه من قدام التلفزيون كنت بقلب القنوات
لحد ما لقيت قدام على القناه الارضيه احتفال سينا
وريسنا والمدام قاعد وطول الحفله ما شوفتش ابتسامه توحد ربنا.....
وال ايه عندو وقت يحضر احتفاليات .... ومفيش وقت انه يصلح فى البلد ..... المهم
انا مبداتهوش من الاول بس اول ما جيت القناه لقيت اسم النبى حرصه تامر حسنى لابس بدله ظابط
وبيغنى وشويه لقيت هيثم شاكر ....قلت ايه الاقناع دا اتنين كانو طفشانين من الجيش وزورين
واتقبض عليهم جين يغنو لمصر والوطنيه والبدنجان ....قلت ومالو نفضى
واشتغلو باه من ايام غزو الهكسوس لحد والانجليز والفرنسين والبدنجان برضو اللى كل سنه بنفس الطريقه اسمعو
لحد ما لقيت قدام على القناه الارضيه احتفال سينا
وريسنا والمدام قاعد وطول الحفله ما شوفتش ابتسامه توحد ربنا.....
وال ايه عندو وقت يحضر احتفاليات .... ومفيش وقت انه يصلح فى البلد ..... المهم
انا مبداتهوش من الاول بس اول ما جيت القناه لقيت اسم النبى حرصه تامر حسنى لابس بدله ظابط
وبيغنى وشويه لقيت هيثم شاكر ....قلت ايه الاقناع دا اتنين كانو طفشانين من الجيش وزورين
واتقبض عليهم جين يغنو لمصر والوطنيه والبدنجان ....قلت ومالو نفضى
واشتغلو باه من ايام غزو الهكسوس لحد والانجليز والفرنسين والبدنجان برضو اللى كل سنه بنفس الطريقه اسمعو
قلنا عادى وشوية دخلو باه على انجازات الريس وازاى كان هو عنصر مهم جد لانتصارنا ...جامد من يومة
وازاى مصر غرفانه بالقمح والناس لاقيه عيش بالهبل ( اللى قرات انهم بيوزعو عيش فى عربيه الزباله
وواحد متصور برغيف عيش فيع فار كامل .....اه وربنا ).....ونسو يعملو اغنيه للى ماتو فى الطوابير
ازاى التعليم عالى جداااااااااا ( اللى انا شوفت مدارس اصلا العيال مش بتروح ....نص مدارس مصر قايله للسقوط..... الفصل الواحد فيه فوق 45 تلميذ...... ان فيه قانون بيقول ان العيل من دول لو سقط سنه لازم ولابد
وباى طريقه ينجح السنه اللى بعدها ....واسالونى عن نبيه (واحد كنت بدرسله هبقى احكلكم عليه).....
وغنو لمحو الاميه ....وهيا بتزيد كل سنه ......
وغنو للمصانع اللى ملت البلد .....ونسو يقولو انها اتباعت وسبب فى تلوث النيل والهوا وبتسبب امراض الدنيا
والناس تخفى اقربها اللى هيتبنى فى دمياط ......
غنو لتوشكى ......ونسو يقولو ان مشروع توشكى دا اتعملتلو فوق 300 دراسه واثبت انه اهدار للمية وللوقت
غير انه اتعرض على السادات وتم رفضه علشان اثبت انه فاااااااااااشل واهدار للمال
ونسو يغنو للناس اللى ارضها بتنتج فعلا وهيخدوها غصب علشان يخربوها ....
غنو لوقفتو مع العرب .......ونسو سلبيته مع صدام والعراق .....نسو انه رافض فتح المعبر للفلسطنين
اللى بيموتو كل يوم سواء جوع او قتل اوهتك عرض ......
وغنو للطرق والمحاور ....ونسو يغنو ل 37 الف واحد اتقتالو عليها بمعدل كل سنه .....
غنو للصحه .....ونسو يغنو لنص المصرين اللى بيشربو ميه مش بيتعالج منها غير 20% بس
وبقى الكل عنده فيرسات وفشل كلوى وكبد وبائى .....
نسو برضو يغنو لناس لحد دلوقتى بتشرب من ترع صرف صحى .....
غنو ان الشعب اختاره..... ونسو يغنو اننا مش طيقينه .....والانتخابات كانت مزورة وكدب.....
غنو على النهضة .....واحنا كل يوم بنرجع لوره والخيبة قوية .....
ويلا سمعونى اغنيه ......بلا خيبة بلا واكسه بلا نيله ياريسنا .....
هناك ٩ تعليقات:
همس حبيبتى بعد كل اللى قلتيه ده و لا اى مرارة بلاستيك هاتنفع احنا احسن نشيلها بدل ما تحصلنا مضاعفات و نروح فيها و خلينا نبقى كووووووووووووول
بس بجد ازاى يختاروا اللى هربوا من الجيش يغنوا لمصر دى مش بس خيبة دى مليون خيبة.
تحياتى
اممممممممممم انتى شايفه كدا
انا كنت بقول نركب البلاستك
بدل ما غظنا يبوظ اى حاجه تانيه
لحد ما نلاقى اى حاجه
بس طالما دا رايك انا استحاله ارفضلك طلب
وادى ياستى هه ....رمتها
وبقيت كووووووول
اما حكايه تامر وهيثم دا ان دل
دا بيدل على ان اللى بيقلوة كدب فى كدب اصلا .... ومتعرين بالجامد اوى
وشكلهم وحش وزباله كمان
فجيت على اللى بيغنو يلا من ضمن الكدب
والقرف
بس سيب منورانى وما تبقيش تغيبى علينا يا قمر
يا عالم ياهو انا مش عارف انتو عاوزين ايه بالضبط يعني مش كفاية الحكومة مكلفة نفسها وجيبلكم تامورة وهيثومة يغنولكم وبتتفرجوا عليهم حاجة ببلاش كده
وبعدين فيها ايه لما يكونوا هربانين من الجيش مش احسن ما يجبلكم الناس اللي خدمت في الجيش زي سويلم وناجح وولد مصري يشندفوا ودانكم وودان سعادته وودان ماما سوزي
جتكم الغم شعب غاوي نكد
لا بيغديني ولا يعشيني
ولافيش مصلحه بينه وبيني
لكن كلمه هقولها ورزقي على الله
اخترناه اخترناه
وابقي قابليني بقى لو فيه مرارة حتى لو كانت فولاذ تستحمل
همس
معلش ولو فيها سآله مني ممكن تشيلي موضوع تأكيد الكلمة اللى مطلع عنينا في كتابة كل تعليق وخصوصا عنين الناس اللي زي حالاتي اللي مابيعرفوش يقروا
يودم العز مقدما
معلش طلب أخير
نزلت بوست جديد في اليوميات فيا ريت بعد ما تخلصي عملية تغيير المرارة ابقي زورينا ولو ان ده واجب علينا ان شاء الله هنبقى نجيلك زيارة ونجيبلك معانا اتنين كيلو برتقان
أنت اللى غلطانة .ايه اللى يخليك تتفرجى على القناة الأرضية او الفضائية المصرية وكويس انها جت على المرارة يعنى ماقلبتش بشلل تخلف عقلى غيبوبة ,بس مش كل مرة تسلم الجرة وياريت تجرب التعليق فى الصندوق وتقوليلى ايه اللى حصل وكمان فى بوست قديم عندى هعمله اعادة نشر ياريت تقوليلى رأيك فيه
ياخويا بلا هم تامر مين وبدنجان مين
هو اى نعم ليه اغانى حلوه
بس بصراحه ماكنوش دا ماكنهم ولا دا وقتهم
جيبنهم يبقو مثال للشباب انهم يطفشو من الجيش
واديها وطنيه يا معنمى
اما بخصوص الكلمة انا لا بحط ولا بشيل
وبرضو هيا بتقابلنى ساعات ونظرا
لخبرتى الصغنطوطة فى الحاجات دى قلى اشيلها ازاى انا اشيلها يا خويا
وانا هوا جيه حالا على مدونتك
الله اكبر
ايه يابنى كميه الامراض دى
بس الحمد لله ربنا سترها
وحاااااااضر جيه حالا على المدونة
ان شاء الله
وجزاك ربى كل خير
إرسال تعليق