طبعا اكيد معظم الناس شافت اوبريت الضمير العربى ...
شافت ازاى اطفال اتقتلت....
شوفت ستات اضربت واتهانت...
شوفت كلب بيهجم على ست وفية عساكر يهود واقفين ....
اغتصاب ما فرق بيت ست او راجل ...
فى هدم بيوت....
فيه رجاله رجولته اتهانت ....
شوفت رجاله عرب بيضربو بالقلم وبالرجل وبالجزم....
شوفت الفلسطنين بقتلو فى بعض وكمان العراقين ولبنان ....
شوفت فتنه فى كل مكان ....
شوفت دموع طفل وطفلة ....دموع ام وست عجوز .....دموع شاب وراجل عجوز
شوفت موت ما فرق بين طفل ولا ست ولا شاب ولا عجوز...
شوفت زل .... شوفت حسره ...شوفت الم ووجع ...
شوفت بلادنا بتحتل ...وشوفتها مدمره ...
وبرضو شوفت مغتصبى الحكومات .....ملهمش اى شرف نطلق عليهم زعماء امتنا .....
حكام عار علينا .....رخصونا .... باعونا ....خانونا....
شوفتهم بيسلمو وحاطين اديهم فى ايد ولاد الكلب والابتسامه ما تفارق وشهم...
باعونا وقبضو التمن .....
لو بادي كنت جبت كل واحد فيهم ....وخليته يحس بمعنى الالم....
لو بادي كنت جبت كل واحد فيهم ....وخليته يحس بمعنى الالم....
يضرب قلم ....يداس بالجزمة....يجوع ...
فين ضاميرهم وسايبين شعوب حياتهم دمار وموت والم .....
لو مش رجاله ...سيبو الحكم للرجاله ....
مش خايفين من ربنا .......
حسبنا الله ونعم الوكيل فى كل حاكم عربى ......
هناك ١١ تعليقًا:
همس
سعدت جدا بزيارتك لمدونتى و شكرا على كلامك الجميل يا جميل.
الحقيقة دى برضة من الموضوعات اللى تفرس و تغيظ. هو لو كانوا دول حكام بجد كان دا بقى حالنا مش عارفة الناس دى بتنام ازاى و بتفكر ازاى؟ و الغريبة انه زى ما يكونوا لا بيشوفوا و لا بيسمعوا والله الحساب هيكون عسير لكل واحد فيهم.هنقول ايه ربنا يهدى الحكام و الشعوب ماهو برضه كما تكونوا يولى عليكم يعنى لو حاولنا كلنا نتقى الله اكيد ربنا هيرزقنا بناس تعرف معنى العدل فإن الله لا يغير ما بقوم حتى يغيروا ما بأنفسهم.
تحياتى
قوليلهم يسيبوها وليك عليا امسكها كلها من المحيط الى الخليج واتفرج ياشعب على أحلى وأروع حكم .هيكون هدفنا الأساسى هشتكة المواطن وهندلعه وهانوريه اللى عمره ماشابه.أما الصندوق فلن يغمض لى جفن ولن انشغل باعجاب او حب حتى يكون الصندوق علما بارزا فى مدونتك العزيزة وهابعتلك وصفة تانية
جنه فعلا كلامك صح
وانا بكتب دا اللى قادره اعملو وحتى لو اضعف الايمان
وربنا يهدى الكل فعلا
ونورتينى ياقمرى
ههههههههههههههههههههه
هتهشتك الشعب مش لما يشبع الاول
وبرضو سيحتلى بالصندوق اصوت ويقلو الناس اتجننت منك
لما نشوف الوصفه يا خويا ....
بس برضو ما قلتش عملت ايه فى ميعاد السيكوسيكو
الامير المجهول
بص انت مش تدخلى المدونة علشان تعلق على صوره ولا بدنجان
لما تعلق ياريت تعلق على الموضوع نفسه
لاما ما تتعبش نفسك بالظرف دا كلو
علشان التعليق بيدل على مستوى تفكير وشخصية الشخص نفسه ...ودا وضح من تعليقك طبعا
وثانيا انا حطه صوره بمزاجى وبراحتى
ودا مش اعتراف انها ليا اصلا وحتى لو ليا انا برضو حره
وكان من الممكن ان اشيل تعليقك
بس انا بحب اواجه ومهربش وفى نفس الوقت اضبط
وبرضو علشان تفهم مدونتى ليها احترامها ...
فالتعليقات اللى من النوع دا احتفظ بيهالنفسك احسن
ومعلشى اتعب تفكيرك وافهم كلامى وظبط كدا مع نفسك
بمناسبه سنانك اللى انت بينتها فى الضحكه انت بتستعمل معجون ايه ؟؟؟
حتتصرفى مع عم الأمور المجهول ده ولا اتصرف أنا معاه.ماهى مش حرقة دم من الحكومة ويجى هو كمان يتنح
لا بقولك ايه على رأي المثل سكتناله دخل بحماره كمان بتجيبي سيرة الناس الأكابر أهو كله الا كده
إحمدي ربنا وبوسي إيديك وش وقفا إن ربنا سبحانه وتعالى أكرمك ومخلكيش من الحكام دول يا عالم لو كنتي مكنهم كنتي عملتي ايه
يا جماعة أنتوا فاكرين الموضوع سهل وإن أي حد ممكن يحكم كده لأ يا سيدي أنت وهو وهي مايحكووووومشي الموضوع محتاج شوية سياسة وتريث وتدبر وتعقل وضبط نفس وهدوء لحد ما تيجي الفرصة المناسبة (ابقى قابلني) علشان تحصل الانتفاضة وهتبصي تلاقي حكامنا دول متعرفهومش من الوحدة الوطنية اللي هتنزل عليهم مرة واحدة والهوية العربية اللي هتدب في عروقهم ووسع يا جدع وعشرة يكتفوني وهتشوفي أحلى شغل.
يا عالم انتوا بس مستعجلين على ايه لسه بدري
يا خوفي يا بدران يا ترى الدور الجاي على مين فينا!!!
ياسيدى وربنا عارفين ان الحكم دا مش سهل.... ولا عمره هيكون سهل
بس برضو عمر ما كان الحكم يكون غباء
وزل وظلم
وبعدين حرام عليك بعد دا كلو تقلنا مستعجلين
اصوت يقولو عليا اتجننت
وبعدين اهو احنا قاعدين لما نشوف
منورنى ياباشا
إرسال تعليق