النهاردة فى برنامج الحقيقة على دريم كان فيه اسره احمد مبروك اللي فى تلته اعدادى
و أتقتل برصاص الامن
وهو فى تالت دور واقف فى البلكونة
المهم الأستاذ وائل كان بيكلم اللواه رئيس لجنه الأمن والبدنجان فى مجلس الشعب
بصراحة استفزني اووووووووى واه لو كنت اعرف ارد عليه وأكون معاهم
الأستاذ بناء عن الكلام اللي دار فى الحلقة لما قالو انه شهيد .....قال دول مش شهداء ولا حاجة
ليه كنت المفتى يا خويا .... ولا الإيمان خر منك لدرجه انك عارفه هو ميت شهيد ولا ميت دلع
وكمان كان معترض ليه طالع فى بلكونته وهو فى الدور التالت يتفرج
تناحت أيه دى ....؟ أنت مالك .... لما تبقو تطلعوا قانون منع الوقوف فى البلكونات ...
ولا اقلك قانون بلاش بلكونات خالص..... ابقى اتكلم يا خويا... بلاش هوا ...كتر كتمت حضرتك ...
والفرسه اللي بجد باه ...لما سأله الأستاذ وائل وقلو لو ابنك مات كدا هتعمل أيه ...؟
رد رد الله فى سماه لو كان قدامى مش عارفه كنت عملت فيه ايه ؟؟؟ رد الأب الحنين
وقال يروح فى ستين دهيه .....ولا راع مشاعر الأب واهل اللي أتقتل دا ...
آه نسيت أن باه فى ناس كتير معندهاش دم أصلا... هيبقى فيها مشاعر....
المهم بالرغم من كلام الناس والأهل والجيران أن الرصاص جه من عساكر الأمن ...
أن فضل الحاج هو لواه برضو حاجه سابقة كدا اللي قعد معاهم فى البرنامج يشكك ...
ويؤكد نزاهة التحقيق ...
وفية طب شرعى وبدنجان وبحث جنائى ممكن يعرفو ا نوع الرصاص ومنين اللى ضربوا
وال إيه يحققوا ....بجد بجد اقتنعت اطمنت ....
بلا واكسه الله يخليكم.....وانزلو من على ودنا كدا ....
بس اللى فهمتو من الانطباع اللى بان من كلام الباشا ....أن دا حق الأمن فى انه يقتل الناس وهما فى
البلكونات فى الظروف اللى زى دى ...... شوفتو المصيبة ....دمه ثكر....
أمال لما أن شاء الله مصر كلها لما تستجيب لدعوه إضراب 4 مايو و اللى من ضمن الأفكار اللي دعو ليها
للابتعاد عن الاحتكاك من وش الأمن أن الناس تهتف أو ترفع شعارات بطالب بحقوقها
وهما فى البيوت والبلكونات ....
يبقى معنى كلامه أيه ...؟ بيسبق مثلا .... بيخوفنا ...
ولا بيفرض علينا أمر ابن جزمة معفن ..... علشان لو حصل يبقى عادى من حقهم ......
لا صحصلنا كدا ...وفوق من الدور ...وبلاش اللون دا ...
سكوت ....شبعنا سكووووووت .... وهنطلع صوت ......وتوووووووووت
خوف ...بطلنا خوف بالجامد اوى .....
موت ...مستعدين ....دا لو ماكانش الناس ميته أصلا ....
بس أقول لسياده اللواء باه ...بص ياباشا ....
أن شاء الله هيجى يوم هنشوفك فى البلكونة ...فاهمنى يا معلم
وهنسمع برضو ملايين هيقولو فى ستيييييييييييييين دهيه للكل.......
وطظ فى كلام حضرتك .....
ملحوظة
اللى حابب يتفرج على الحلقة
هتتعاد الاحد العصر الساعه تقريبا الساعه أربعه ...
هناك ٨ تعليقات:
انا مش هقولك غير كلمة واحدة
اللى دايما بحس بيها لما باجى مدونتك
انتى خسارة فى البلد دى
واسلوبك رائع
وموضوعاتك جامدة جدا
تحياتى لكى
احمد الصباغ
ياباشا انا تلمذتك
وتسلم يا ابو حميد على ذوقك
لا حول ولا قوة الا بالله
تقريبا بيعملوا إختبارات دم في كلية الشرطة لكل المتقدمين للالتحاق بيها ولو مالقوش ريحةالدم بيقبلوك على طول
ايه البني آدم ده آسف ده مش ممكن يكون بني آدم مافيش احساس خالص ده بدل ما يطيب خاطر الناس بكلمتين او يقولهم انهم لازم يقتصوا من المجرم اللي عمل كده
الله يسامحك حرقتي دمي بالبوست بتاعك ده وانا دمي مش ناقص
الأعلام المصرى كله أخيرا اكتشفت ان استوديوهاته فى لاظوغلى مش فى مدينة الأنتاج الأستهبالى ومثال واضح العشاشرة مساءا بعد اضراب المحلة.بس على جنب كده قوللى فين صندوق المحادثة بين الوصفة مانفعتش وكمان ماشفكيش عندى ليه.
اقول ايه بس؟ الناس دى جايبنهم منين و الله احنا لو فى بلد محترم لكان سيادة اللواء مشرف دلوقت فى المصيف الخاص لوزارة الداخلية و بيبص من البلكونة زى ما قلتى. انا الدم غلى ف نفوخى و مش عارفة دول جايبيين السادية دى منين تكونش مادة فى كلية حاميها حارميها بتاعتهم و احنا مش عارفين. حسبى الله و نعم الوكيل و ربنا يورينا فيهم يوم
اسفه يا مصرى
وربنا مهو قصدى بس امال لما تسمعها وتحس بالعجز كدا تعمل ايه
اسكت يا خويا انا مفروسة من شوية
وانا عندى استعداد اجبلك مروحه تطرى على الدم اللى اتحرق
دا عزيز علينا كلو الا الدم محتاجينه اوووووووووووى
منورنى يامصرى
اصوت
ورنبا دخلت امبارح والنهارده قبل ما ادخل مدونتى علشان اطمن على السيكوسيكو
حتى اسال المصرى كان موجود قبلى
انماالصندوق احم احم
بلاش تسيح قلت جربت وما عرفت
اكيد المشكله فى الصندوق مش عندى
ومنورنى يا اللى هعرفك
هو من ناحيخ جاين منين جم اكيد من احسن كيس زباله
وسلامة دمك يارب يا جنه
منورانى
إرسال تعليق