طبعا دلوقتى ما عاد حد مشتى وفيه ناس كتيره اوى بتاجل انها تصيف الا بعد شم النسيم علشان تتاكد
ان الجو مش هيرخم ....المهم انا باه قلت ارتب الهدوم الشتوى ...وجيت عند التى شيرت الاصفر
والتي شيرت دا بعزة اوووووووووى علشان انا بحب اللون الاصفر جدا ودا لونى المفضل ....
ومحدش يعملى فيها فكاكه ويقلى دا لون الغيرة والحقد ....لا طبعا انا قرات كتير عنه
دا لون للتواصل الفكرى ...ومثلا لو اهديت لشخص ورده صفرا معناها انك بتقله انت شمس حياتى
المهم ان انا الحمد لله لا بحقد ولا بغير الا الغيره الحميده طبعا ....
نرجع تانى للتي شيرت الاصفر ..... هو عباره عن تي شيرت ( انتم مركزين اوى كدا ليه ) ليه ظنط
وجبين وبسوسته من قدام ومليان بتجات من كل لون حركات باه ...ويوم ما اشتريته اشتريت معاه
بنطلون جينز ازرق وطرحه صفرا وكوتشى اصفر فى ازرق...ليه انا قلت الوصف دا
علشان الشيرت دا جبلى كلام ....وتريقه .....لما بتغاظ زى عادتى
ومن ضمن المواقف دى ...
****ايامها كنت بدرس دورات تخاطب فى تربيه عين شمس ولقيت وانا ماشيه واحد بيعاكس وبيقلى
اموت انا فى نادى الاسماعليه ....اتارى لبس فريق الكوره التي شيرت اصفر والشورت ازرق
بس انا كان عندى اعتراض انا اه لبسه اصفر وازرق بس النادى شورت مش بنطلون ....واد رخم صح
وما كان ردى عليه الا ابتسامه صفرا علشان اكمل الطقم.....ظرف
****تانى موقف لقيت واحده من الدفعه وقفتنى فى مسجد الكليه برضو وتقلى خدى هنا
مالك بتدخلى المدرج وانت مناخيرك فى السما ومش عاجبك حد ليه ....
اقلها انا ...قالتلى ايوا مش انتى اللى بتلبسى تي شيرت اصفر .... ايوا ...يبقى انتى ...
البت بطه صحبتى تقلها همس متكبره ....دى اوطى من الرصيف ( دى صحبه صالحه معفنه ) بس اهو دافعت عنى
قلت ساعتها يادى ام التى شيرت ....
بطه قلتلى مالك ....قلتلها انا قلقت على مناخير هيا كبرت اوى كدا لحد ما وصلت للسما ..... مش هتجوز
لولو باه قلتلى انتى متعرفهاش... قلتلها لا داانا اول مره اشوفها اصلا...قالتلى ازاى بتكلمك كدا ....قلتلها حقد
علشان احلى منها طبعا ...ولا ايه ( محدش ينطق)
*****موقف تالت ... فى المدرج باه كان فى واحد برضو فى الدفعه قعدت قدامه فضل يقلى ايه دا
لون اصفر ...وانا اقول الناموس ملموم ليه ...وانا كان نفسى اهبدو روسيه ...بس خفت على راسى طبعا
تانى يوم يقلى مش انتى اللى كنت لابسه التى شيرت الاصفر ...
قلتلو ايوا ...اصلى كنت قايمه بدور لمونة يا ظريف ....مش ناموس
****موقف رابع .... قلت اروح اوثق الشهادات بتاعتى من الكليه .....وانا ماشيه فى الطرقه بتاعت المبنى
لقيت عامل هناك وانا ماشيه من قدامه بيقلى ايه لبس الاطفال دا ...
.
فقعنى ...لولا بس انه كبير فى السن ....كنت بهدلت الدنيا .....
دا اللى انا فكراه ...ليا حق باه احبه ....جدا ...ولا لاء ....عشرى اوى .....وبالرغم من كدا بتفائل جدا بيه
واى مشوار ببقى قلقانه منه ....البسه بيدينى ثقه وتفائل اوى .... بس ما بسلم من الظرف بتاع الناس
يلا الى اللقاء يا تى شيرتى اشوفك الشتا الجى .....حد يقلى لسه في شتا جى
اه طبعا لا التي شيرت دا ...لوفضل قرن عندى هلبسو برضو ....حد عندو اعتراض.....
يلا هروح اكمل باه ترتيب الهدوم
فميش حد يساعد ....
هناك تعليقان (٢):
الواحد مش عارف يبتدي منين
ابتديها تريقة على اللون الأصفر وأقولها ده لون المرارة المفقوعة اللي بيعكس حالتها النفسية بس ممكن همس تزعل هي أينعم مرحة وتفهم الضحك بس ممكن تاخد على خاطرها وخصوصا ان شكلها كده بتعز التي شيرت الأصفر أبو زنط ده - يا نهار أزرق لون البنطلون تي شيرت أصفر وكمان بزنط!! أحسن حاجة أصبح عليها وماجبش سيرة الموضوع خالص
همس
صباح الفل!!
يا صباح الياسمين
بقى دا كلو وما اتريقتش
بس عادى هنفض دا تي شيرتى حبيبى
وكنت فين يا خويا شغل ولا خلبصة
إرسال تعليق