بصو انا مش هتكلم عن أيه اللي حصل علشان الكل عارف .... وكتير منكم شارك وشاف بعينه لاما فى الاخبار
لاما على النت ..
بس الحمد لله جلنا تأيد من عند ربنا ....وغضب عليهم ...واهو انتو شوفتو الجو عامل ازاى ....!!!
والحمد لله نجح الإضراب ... عارفين ليه ... علشان لأول مرة من زمااااااااااااان
قدرنا تفق على حاجه واحده ... من غير حد يتريس علينا ... ولا لحد فضل علينا .... يعنى لو بصينا شوية لقدام
ممكن فعلا نتجمع علشان نغير البلد دى ...
ونكنس العالم الزبالة والقرف اللي مالي البلد ونحطو فى اقرب صفيحة زباله
لا اللي يضحك فعلا أن بتابع الأخبار على الجزيرة حيدر البغدادي نائب حزب وطني
وبيقول أن اللي حصل وقف لمصالح الشعب ... مصالح أيه يا أبو مصالح ...بلا خيبة والبلاوى السوده اللي حرقين بيها البلد مش يدوسها بيها على الشعب نفسو...
وبيقول فيه مظاهر من غير ناس ... ليه اتعميت مش شايف اللي فى المحله ...
مش شايف الأمن اللي مالي البلد علشان يموت اى مظاهرة ...
وبعدين لما بيحصل مظاهرات ماشين تقفشو فى الناس وترموهم فى السجون ...
وبعدين أصلا الإضراب قايم على أن الناس تلزم البيوت ومحدش ينزل منها ...
مش تعمل مظاهرات ... افهموا باه ...
وبيقولو أن المصالح الحكومية والمدارس شغاله ....واصلا الشوارع فاضية والجامعات فاضية ...شايفنا دقين عصافير ... أمال أيه بيان وزير الداخلية اللي هدد أن هيعاقب اى حد يقدم على الإضراب ...
.دا فى حد ذاتة نجاج ...
وبعدين الأمن حجز المحامين فى نقابتهم ...واقبضوا على ناس فى حركات كفايه ...يعنى سجنو الناس من قبل ما اى حاجة تحصل ,.... أحنا هنقرى على بعض....
وأيه اللي فيه مظاهر من غير نا س ...والموظفين شغالين عادى ..... هو حول ....
وبعدين متستعجلوش دى بداية ... بس ان شاء الله مش النهاية ...
يعنى المره دى إضراب...... شوفو المرة الجيه هتبقى أيه ....؟؟
هناك تعليق واحد:
بينى وبينك هذا الرجل مثله مثل الاحمق المدعو مجدى الدقاق والاحمق الآخر والمدعو نبيل لوقا بباوى كلامهم كله بنفس النمط ونفس الكيفية وهو كلام يعمل على رفع الضغط لمن يسمعه وعلاوة على ذلك فهو يثير الغثيان واحيانا القيئ ...
من الآخر عالم معندهاشى اى دم ولو القليل منه
إرسال تعليق