يامساااااااااا التماسى ...معلشى اصلى متسلطنه شوية بعد ما شوفت النقوط نازل يرف النهارده...
هتقلولى نقوط ايه ....؟
هقول ليكم يا معنمينى ..... النهارده سونسون ....ريسنا العزيز حسنى ....فى الكلمة بتاعته للعمال
اسم النبى حارسة وصاينه ....بصرف النظر من عن انبثاق الملل والحرحر زى كل سنه وفى كل مناسبة برضو
من التلفزيون ( بصراحه انا كنت بقول ان السبب فى تليفزيونا القديم ولما ربنا كرمنا واشترينا واحد جديد لقيت
مفيش فايده الملل واحد والانبثاق واحد وقد ايقنت ايه السبب .......!!!)
لقيت ريسنا فاقعنا بؤين انما ايه فى الجووووووووووووووون...
بيقول انا ضغطت على الحكومة ان تزود العلاوة مش 15% لالا ولا 20% انا خلتهم يزودو 30%.....
لولولوووووووووووووووووووووى
دى زرغوته فقعتها بعد ما مرارتى اتفقعت ..... طبعا طبعا من فرحت ودانى بعد الخبر ...
يعنى لو واحد مرتبه تلتميت جنيه ودا يوم ما يبقى فى العلالى يبقى الزياده تسعين جنيه ياااااااااااااافرحتى ...
ولقيته بيكلم عن ازمة العيش وبيوصى انها تتحل برضو فرحت جداااااااا قلت الله ما هو عارف اهو
مستنى باه عيد العمال علشان تدينا احساس بانجازاتك ولا حل طابور العيش من ضمن الجدول الانتخابى
يالعبك يا سونسون يا لعبك بالاتارى وانت مش دارى .....
انما سعتها سونسون حسسنى انى بتفرج على فرح ....
والريس حاضره وفيه رقاصة بينقطها ....وصبى الرقاصه هم العمال المنافقين اللى حضرولو وهاتك يا
هتافات ( اعتقد انها جيه من هتف دلع خبل ) ....
يعنى عرفتو ان الريس هو اللى بينقط (15% لالا ولا 20% انا خلتهم يزودو 30%) وعرفتو اللى بيلم النقطه
انما الرقاصه هيا مين .....طبعا عارفين ....الحكومة ...
اسمالله عليكم يا خالبيص ....(بتتسطلو لما تسمعو سيرة الرقاصه ....ياوحشين )
هيا اللى بعد ما الريس ينقط ...هيا باه توزع ..... والناس فرحانه جدا اللى حضرو ليه ...
بس سيبكم من دا كله ...اللى شدينى اوى حتة انه ضغط على الرقاصه ( الحكومة )..... ال ايه مهو مش بيده حيلة
وميقدرش يعمل حاجه .... برضو نفضولى ماانا طقة .....
بس من ساعة ما شوفتو لحد دلوقتى .....هموت(تفوتفو بعد الشر عنى طبعا ) واعرف حكايه الضغطة دى ....
شوفو باه لما واحد بينقط ورقاصة بترقص ( الله ما الرقاصه بتعمل ايه ...مش بترقص برضو ...)
الضغطة هتبقى من اى نوع .....اكيد ضغطة طررررررررريه اوى اوى خالث مالث.....
هيئ هيئ هيئ هيئ هيئ هيئ ( رد الحكومة من بعد الضغطة )
يا دلعك يا دلعك يا حكومة ........اشطة
هناك ١١ تعليقًا:
شكلك مفقوعه قوى من الريس والحكومه
طب ما كلنا كده
بس ليا اعتراض على تشبيهات الرقاصه والنقوط والهز وكلام تانى
وفى النهايه كل واحد حر فى رايه
ربنا يباركلك ويحقق اللى انتى بتتمنيه
انا من ناحيه مفقوعه انافعلا كدا
اما من ناحيه اعتراض طبعا ليك حق تعترض وكلو وجهات نظر
بس دا التشبيه المثالى ليه ودا برضو من وجهت نظرى
وشكرا على الدعوه الحلوه دى
جميعا ان شا ءالله
المرة دى يا همس ضحكت...تشبيهاتك ضحكتنى مع انى زيك اتفرست لما سمعت الريس و الله انا مش عارفة ولا عمرى سمعت فى اى دولة من الدول ان رئيس يضغط على الحكومة ولما يضغط ع الحكومة بسلامتها هتجيب فلوس منين هتبيع ايه تانى ولا هتحط ضرايب على ايه تانى طب كان ضغط عليهم يمسكوا الحرامية اللى عمالين ينهبوا فى البلد يمكن احوالنا تتصلح.
الظاهر انى هغير اسمى لى متغاظة اند مفروسة 2 و نعمل لنا حزب و انا متأكده ان من بكرة هنصيف زى اسراء و هنوصى حد يجبلنا حاجة غير العيش و الحلاوة اصلى مش بحبهم
تحياتى يا جميل
هههههههههههه
دا انتى شكلك هتفرقعى .اهدى كده وقولى هديت.......كويس
يل ستى الريس بتاعنا معودنا على النقوط من زمان بس يا ريت الاسعار منضربش لان طول ما الاسعار بتغلى مفيش فايده انا اعمل ايه بعلاوة 30% اذا السعار زادت50%
وليكى تاج عندى خشى المدونة وشوفيه
يا اهلا يا جنتى
لا انا مش معاكى يا جنه انتى مش واخده بالك ان ضغطه عن ضغطة تفرق
ولا ايه....؟
بس ايه دا تشرفينى فى الحزب يا جميل
ومتخفيش انااصلا محبش الحلاوة كمان
ان شاء الله هنقضيها مصاصات
بس على فكرة ضحكته حلوة
طبعا تشريفك ليه خلانى هديت
بس اسعار ايه اللى زادت 50% انت مش فى الدنيا الاسعار زادت بنسبة 170%
وانا جايه حالا
دا واضح ان كل الناس اتضايقت من حة النقوط دى اتصورى انا كنت متخيل ان انا بس اللى لاحظت هذا الأسلوب السىء
ولكن دعينى اقول لكى
كل إناء ينضح بما فيه
مستنية إيه من حكومة أمين تنظيمها كان طبال (أحمد عز)
فلازم يكون أسلوبهم كده اسلوب العوالم
بعيد عن السامعين
لكن نقول إيه
حسبنا الله ونعم الوكيل
تقبلى تحياتى
دا واضح ان كل الناس اتضايقت من حة النقوط دى اتصورى انا كنت متخيل ان انا بس اللى لاحظت هذا الأسلوب السىء
ولكن دعينى اقول لكى
كل إناء ينضح بما فيه
مستنية إيه من حكومة أمين تنظيمها كان طبال (أحمد عز)
فلازم يكون أسلوبهم كده اسلوب العوالم
بعيد عن السامعين
لكن نقول إيه
حسبنا الله ونعم الوكيل
تقبلى تحياتى
لووووووووووووووووووووووووووووولى
زغرررررررررررررررررررررردة
المهم يعنى يا مفقوعة مرارتك
انا أمى قعدت تحسبها كدا وهيا فرحانه
بس لقيت فى الىخر الى هيا هتأخذ كمان مية جنيه بس
وعمى قالها هيخصموا الفلوس دى ..
يعنى مهدىىىىىىىىىء
ربنا يكون فى عووووووووووووووووونا
تشكرى على البوست الرائع دا
أخوكى
لا ماتخفش الناس كلها لاحظتها
اسلوب زباله وفقعنى اوى جدا خالص
بس قلى احمد عز كان طبال وانا اللى كنت فاكره انه ماسك الساجات
اتقدم الائيم
وماشى يا سيدى قبلت تحياتك
وبجد نورتنا وابقى تزورنا على طول
بصى يا خويا
بلاش ممتك تحسبها خليها بس تحسبن عليهم
اما عمك فعلا كدا كدا هتتخصم لاما خصم فى المرتب فعلا لاما زيادت اسعار
يعنى كدا كدا هترجع فى جبهم ولاد الكلب
منورنى يا اخوانى
إرسال تعليق