بصو حكايه مصنع الكيماويات اللى عايزين يتنيلو ويعملوه فى دمياط ... وعلشان هيسبب مصايب وامراض
الدنيا والاخره ... غير الناس اللى هتسبي البلد اصلا علشان هيبقى الجو متسرطن
فى نفس الوقت الناس قامت باعتراض حضارى زى ما سمعت وال ايه هيقدمو للريس
مطالبهم فى وقف المصنع وهو بنظرت الاب الجنون قصدى الحنون هيوافق..... الناس دى هتفقعنى ...
المهم راح اسم النبى حارصه محافظ بتاع دمياط قال بناء على توجهات الريس ان خلاص مش هيتعمل المصنع
رجع تانى وقال لا دا كلامى اتفهم غلط ...ولسه متقررش حاجه ....بخصوصو الغاء المصنع
اللى فى نفس الوقت برضو كان رئيس الوزاء نضيف بيه كان هيروح دمياط بس تراجع علشان ميحصلش
مواجهه بينه وبين اهل دمياط ....وطبعا هيبقى شكلو بااااااااااااااايخ ....
ام ايه باه طلعو فى حاجه جديده بعدها ودخلو فى سياسة الاستعطاف الواطى ال ايه لو ما اتبناش المصنع
فى شرط جزائى 400 مليون مش فاكره دولار ولا جنيه مش مهم ....وهتبقى خساره لمصر ....
ياخى طظ ...دلوقتى يا ولاد الجزم بدورو على الفلوس دا ضوفر طاير من رجل عيل من الناس اللى فى دمياط
برقبت اخن تخين فيكم لالالا ضوفر ايه وعيل ايه .....لا دا قطع جزمه فى رجل عيل من عيلهم
يشتريكم ويشترى اللى جين يعملو الزفت دا .....
هو التخلف خلاص اتركب مع الغباء عندكم ... ولاد الجزم دول اللى جاين يعملو مصانع كيماويات عندنا
وغيرها من مصانع الاسمنت والاسمده ....اللى هما مش عارفين يعملو مصانع فى بلدهم اللى تولع بجاز فيكم وفيهم
علشان كمية السموم والامراض اللى بتخرج منها ....
فهما هيجو يقرفو فى اهلينا وانتو بتاجرو فينا يا حكومة عيانه ومريضة .... الناس كتر خيرها اعترضت
باحترام وبطريقه حضاريه اللى وكلين ودنا بيها ...مفيش فايده ...بتشقطو الناس من هنا لهنا ......
هو ايه دا ... لالا واللى زاد وغطى سمعت ان برضو نفس المصنع هيتعمل فى مطوبس
ودى بلد فى كفر الشيخ بلدى ...... ياخى طظ فيكم .....
سبونى محدش يمسكنى ...... بصو باه لا انا بتاع ورق ولا حضاره ولا بدنجان ....احنا من بلد
يضرب فيها الحمار يمشى عدل فاهمين ......
دا انا اقوم بدور موس حلاقه واشرحكم ....اه ...( ياخوفى ما الاقى حد ورايا والنداله تشتغل )
سبونى ....خلونى اطلع غيظى ....قرفنى احنا ناقصين امراض ...مش كفايه البلهارسية....
وبعدين محافظتى بلد زراعيه ايه اللى جاب ام الكيماويات والزفت عليكم بدرى عندنا ....ضاقت فى وش اهليكم
ما تروحو فى دهيه تخدكم وتاخد اللى جابكم .....
شورو عليا اعمل ايه ...؟ اناضل ازاى لو الخبر طلع صحيح....
انا فدائا ليكى يا كفر الشيخ .....يا لهووووووووووووووووتى
لا هيبقى شغل ولا جواز ....انا قلت الرجاله انقرضت بس مش معقول هتنقرض بالمبيدات ....
شورو عليا ياناس هعمل ايه لو مفيش حد دافع عن الكفر ...؟
ممكن تيجو عندنا ....متخافوش هديكم الجنسية الكفراوية ...استرو علينا الله يستركم ....
ومتخفوش هردها فى اى خناقه ....اى وقفت طابو عيش .... اى اعتصام ....
المحافظات لبعضيها برضو .....
يا عينى عليا ....ضعنا يارجاله ....
كشفت راسى ودعيت عليك يا نضيف انت وكل اللى وراك ....
اشوفك مبقع ولا غلي ولا كلور ولا اضافات تحوق فيك يا طويل .... ولا حتى بونكس ...
هناك ٦ تعليقات:
اول تعليق
يا حالولى يا حالولى
اول مرة ازورك
و عايزة الحاجه الساقعه بسرعه
بصى
هى بلدك كدة
و هما شكاهم مش بيجوا بالزوق
يبقى بـــــــــ...
انتى عارفه بقه
و ربنا عليهم الظلمه دول
و دمتــــــــــــــــــــــم
ياااااااااااااااااه اخيرا نورتينى يا قمر
مش عارفه كان عندى يقين انك هتشرفينى
المهم انت منورانى بالجامد اوى
وياسلام دا ساقع وسخن وبفلتله كمان
الكل عارف البلد
بس ما قلتيش هتساندينى ولا ...
انشالله تصوتى حتى
دمتى بخير يارب
هههههههههههههه
حلوة أوى اشوفك مبقع دى ,,,طيب أنا فرج بتاع سنبل وحاجيب رجالتى لأنى من كفر الشيخ وبلدنا بعد مطوبس بكام كيلو بعد القناطر بس انتى قولى يا فرج وأنا أنزل بالرجالة على طول ,,بس اللى أنا سمعته انهم حيبنوه فى الويس عشان لازم يكون جنب مينا هو فيه مينا فى مطوبس ؟؟؟هى القناطر حيقلبوها مينا يعنى مينا وبطرس وجورج هههههههه ميناء أقصد
بس سيبك انت لولا حوشناكى كنتى شرحتيهم وراحوا المشرحة الحمد لله جات سليمة المرة دى لكن المرة الجاية لامممنكن
طب والله وما ليكى عليا حلفان انى فرحت اوى جدا خالص لما لقيتك كفروية
ايه السيطره الجامده دى
ماشى انا قلك على ساعه الصفر ونتجمع انا وانتى والرجاله ونقوم بالازم
على رايك لولا اللى حاشونى كنت شرحتهم
بس المره الجيه لا ممممممممكن ابدا
منورانى يا جميل
عاجبتني قوي جملة احنا في بلدنا ينضرب الحمار فيمشي عدل ..
دلوقتي بس أنا فهمت السياسة اللي بتستخدمها الحكومة مع الشعب جايبنها منين أتاريها مستوردة من عندكم من كفر الشيخ
الله يسامحكم بقى
لالالا
دا سياستى انا
انت عارف قصدى ايه ؟؟
إرسال تعليق