الثلاثاء، مايو ٢٠، ٢٠٠٨

مليون طن قمح شحاته من الامارات ....

بوش شادد حيلو على مبارك ليه ....؟؟؟؟

فى برنامج العاشره مساءا قال الديمقراطية فى عهده حسنى بتتقدم خطوه وترجع عشر خطوات

وفى منتدى الاقتصادي مبارك لقح كلام بخصوص بوش واللي قاله على إسرائيل

وقال إحنا العرب مش هنبقى غطاء ليهم ...حلو أوى كدا


فا بوش ما عبرش حسنى وحضر كلمته .... واتاخر ساعة

فمبارك راح منفضله وساب الافتاحيه ومشى ....


ياترى حصل ايه ...؟؟؟

شكل حسنى بقى وحش أوى .....

بس باللي عمله اهو حاول يحسسنا انه مسيطر على الوضع ....وبينى وبنكم حركه حلوه انه مشى وسابه


ما علينا .....اهو قفشو فى بعض ....وياخوفى تكون تمثليه .... حتى لو كان فعلا حقيقي ياترى أيه السبب

ميكونش حسنى بيعمل كدا علشان يكسبنا فى صفه نتيجة لكرهنا وخنقتنا من الزفته أمريكا ....

ميضرش ...بس هذه نقره ...وتلك نقرة أخرى ( حتة عربي فى الجون ....اسمالله عليا....ياتعليمك يامصر)

خدو راحتكم خااااااااااااالص ......ايكش تولع على الأخر .....


بس ما حدش لاحظ حاجه .. ...أن جيمي ومراته حضرو المؤتمر....

شايفين الشغل اللي على أصوله

محسسنى أن العيله طلعه رحله ....

الراجل بيثبت نفسه ....وبيفرض نفسه هو ومراته .....وال أيه زى ما بيقولنا كدا....

أنا بقيت أمر واقع عليكم ....أنا راجل بكره .... ومظبط نفسى اهو ....

حد يقدر يعترض ... نفضوا دا كلو هجس ...


*-------------------*

بس سبكم النهارده قرأت خبر وكان بدايه الشحاته اللي فى صوت هديه ...

وانا قلت ان من ضمن اهداف المؤتمر الشحاته علينا .....

وبقى الشغل اللى على ميه بيضه....

ورئيس الأمارات فتح باب التبرع لينا ..... بمليون طن قمح
ويقلك اشترى واهدى ....شايفين الاهانه .....وال ايه اخوه...وعرب...
طب ما يروحو ياه يعملو كدا مع الفلسطينين .....
ولا خلاص احنا رخصنا اوى كدا ...

فيلا مييييييييييييييين يزود ......

هناك ٩ تعليقات:

ولد مصري يقول...

بالنسبة لموضوع المؤتمر إطمني على الآخر طبعا الموضوع تمثيلية وفيلم بايخ واتكرر قبل كده كتير وطبعا الغرض منه واضح جدا زي ما قلتي عشان بابا حسني يبان انه سيد قراره

بالنسبة لجمال ومراته خليه ياخد خبرة أمال انتي عايزاه يحكمنا وهو خام كده مش واجب يتعلم اصول الشغلانه أما أمرك غريب صحيح

وأخيرا بالنسبة لموضوع الشحاته فهو ده حال الدنيا الناس دول في وقت من الأوقات كنا احنا اللي بنبعتلهم القمح والعلم ودلوقتي بقوا هما اللي بيبعتولنا كل حاجة .. يللا دنيا غرورة

Unknown يقول...

يا همس حال البلد دى بقى يقرف وبقينا بنشحت من كل الدول ..دلوقتى فى الخليج المصرى ده شحات وبتاع فلوس ومادى
مبارك مهما عمل محدش هيحبه الا اذاصلح احوال البلد الداخليه مفيش حد عاوز شعبه يسانده ويحارب معاه وهو مجوعه
جزاك الله خيرا على المدونة الرائعه دى
وادعولى انا فاضلى حوالى اسبوعين على امتحانات الثانوية
ادعولى

Unknown يقول...

ربنا معانا
لان حالنا بقى يصعب على الكافر

Dr. Ahmed Wagih يقول...

انتي عارفة ان مصر على شفا مجاعة؟ مش علشان الحكومة بتسرق والبلد مليانة نصابين والكلام الفارغ ده، ولكن علشان المصريين بيخلفوا زي الأرانب!!! نصيب الفرد من المياه سنة 1950 كان 3000 م3 ميه، انهاردة نصيب الفرد من المياه 750م3 (قارني مع 4000م3 للفرد في اليابان). احنا حالياً بتزرع بكل نقطة ميه ومفيش مجال ان احنا نزود الزراعة. المياه الجوفية غير متجددة، يعني متنفعش. لو استمرت زيادة السكان في مصر، الناس هتأكل بعضها وساعتها مش هيفرق كتير ان الإمارات تشحتنا او لأ لأننا احتياجاتنا من القمح هيبقى مستحيل الوفاء بيها لما عدد سكاننا يبقى 100 مليون كمان 10 سنين. لو انا رئيس جمهورية، كنت اصدرت قانون بفرض تحديد الحد الأقصى للأسرة بطفلين فقط ومعاقبة من يتجاوز...

هشام علاء يقول...

هههههههههههههه

ايه البوست الجامد ده يا همس

ده انتى شرحتى الجوز ان كان حوس و لا بشبوشتى

و هتخلينى افكر اكتب المكالمة التالتة بينهم بعد الواقعة المؤسفة بتاعة دافوس

ولا كانهم عيال صغيرة مقموصين من بعض

بس على فكرة رغم كل اللى بيحصل بينهم

العلاقة بين مصر و امريكا هى هى

مصر بتنفذ اللى امريكا عايزاه فى المنطقة

او بمعنى اخر كده احنا الراجل بتاعهم فى المنطقة

و مش احنا بس

الخليج كله و اولهم السعودية

الا بعض الدول اللى لسه محافظة على كلاامتها شوية

لكن احنا بقى يمين يمين و شمال نروح شمال

و لو خطوتنا ماعجبتش بسلامته بوش

يفتكر اذ فجاة و على حين غرة ياعينى

ان مصر مافيهاش ديمقراطية

و ان ايمن نور فى السجن

و ان الشعب المصرى مش مبسوط

و الحقيقة ان الشعب المصرى لايهم بوش و لا يخطر على باله

اما بالنسبة لجيمى و ديجة

فسيبهم عاملين جو

و اهو جيمى برضه بيتمرن على الرياسة فينا عشان لما يمسكنا يبقى عنده خبرة

تحياتى على البوست اللذيذ

هش

همس يقول...

طب الحمد لله انك متفق معايا يامصرى


وياسيدى ماغريب الا الشيطان

همس يقول...

يارب يكرمك يا صاصا

وبعدين ربنا يسترها علينا

همس يقول...

اولا فيه اهدار كبير للميه اوى عندنا

ثانيا ممكن نعمل خطوات نوفر بيها الميه دى

تخيل مثلا لو قلنا اننا هنحدد احتياجات كل اسره من الميه كل شهر كميه معينه وهيا حره


بس الحمد لله انك قلت على حكايه الخلفه دى عقاب ما قلتش غرامه

ايوة كدا متعملش زى الحكومة اى حاجه يقلك اللى يخالفها هيدفع غرامه اهم حاجه الفلوس تتلم


ومنورنى كتير

همس يقول...

طب كويس ياهشام انت انضميت ليا انا والمصرى ان الحكايه كلها تمثيل


وافلام علينا

اما جيمى ياخد ياخويا خبره ومالو

لما نشوف