بصو الكل قال ان اربعه مايو ما نجحش دالو خلينا مقارنه بينه و بين سته ابريل ...
وبصرف النظر ودون الدخول فى الاسباب...نجاح دا ولا فشل التانى ...
وندى نفسنا مبررات ولا نحبط نفسنا ونقول فشلنا ....انا برضو بقول اننا نجحنا....
بصو لما كنا سالبين وما نقدر ناخد قرار فى حياتنا ولا نعرف حتى نطالب بحقنا ....
وبعدين بقينا بنتكلم وبندور على اى طريقه مناسبه ناخد حقنا ...حتى لو ما نجحنا فى حاجات ...
دا فى اعتقادى نجاح ....او بمعنى اصح بدايه نجاح ان شاء الله ....
على العموم دى وجهت نظرى .....وكل واحد حر ....
----------------
لما الريس قال فى عيد العمال عن الزياده وحسسنا انه لاما عمل بكدا انجاز لاما بيدفعها من جيبة ....
وخلنا نتاثر بطريقه كلامه اوى لما قال انا ضغطت على الحكومة علشان تتصرف فى الموارد علشان
ندفع بيها العلاوة ....وحسسنا انه اد ايه بيناضل .... والمصيبه ان الناس صدقت او على الاقل فرحت...
بس ما اظن انه وعدكم ان الاسعار مش هتزيد .... ونسى يقول انابدى باليمين وباخد تانى بالشمال ...
وعلشان الحكومة ما تطلعش الريس عيل قدامنا ....راحت موسعه فى قاعده الضرائب وفرضت على قطاعات جديده
وطبعا زيادة فى الاسعار من اول الواقود والسجاير وتراخيص العربيات
يعنى ترفع سعر فى البنزين بجميع انواعه فى حين ان اسرائيل يتاخد الغاز بتراب الفلوس
وطبعا احمد زفت ما خلاش الموضوع يطلع من تحت ايده وقال ينوبنى من الحب جانب وراح مزود فى سعر الحديد
يعنى لما البنزين يغلى ... مش هقول الناس اللى عندهم عربيات هيجيبو منين
بس فى الناس الموظفين هتجيب منين فلوس تدفع موصلات اللى هيا بطبيعة الحال هتزيد من السواقين الضعف
علشان زياده فى سعر البنزين وسعر الترخيص بتاع العربيه ولا سعر السجاير ....
بلاش الفلاح هيجب منين علشان يشغل ماكنة الرى علشان يروى الارض مش كفايه السماد اللى سعره متنيل زاد
ولا اى حاجه بتولع سعرها بيزيد .... نولع فى نفسنا يعنى .....
وبعدين الزياده فى السجاير هتبقى على السجاير المحليه ولا هتبقى على جميع انواع السجاير....
بالرغم انى مبسوطه من ارتفاع السعر دا فى السجاير ....احسن علشان اللى بشرب يبطل ...
يعنى نعتبر الكلام فى العلاوة اللى وصلت تلاتين فى الميه ....كلام عيال ....
ولا كلام جبناء قالو اهو هنخدر الشعب شويه .... علشان حكايه الاضرابات دى ....
انا مش عارفه الناس مش لاقيه العيش ...
والاراء اللى بتقول الموظفين راحو الشغل علشان العلاوة اللى لسه ما نزلتش اصلا....
كدا كدا هيقعدو غصبن عن عينهم
علشان مش هيلاقو حتى تمن الموصلات اللى هيروحو بيها الشغل ....
يعنى الريس مطلعش اد كلمته .....ولا عمره هيطلع ادها .... وكلو هجس ....
يعنى تلاتين فى الميه علاوة فى التهجيس .....وسبعين فى الميه كلام عيال .....
هناك ٥ تعليقات:
همس
أولا أتفق معاكي تماما إننا بنتغير وده في حد ذاته يعتبر نجاح لما الناس ماتبقاش سلبية وتبقى على الأقل بتتكلم وبتقول فده معناه نجاح حتى لو كان صغير
بالنسبة لموضوع زيادة المرتبات والأسعار المشكلة الأساسية إن الأسعار في العالم كلها زادت ومش في مصر بس والزيادة جاية في أسعار المواد الغذائية اللي إحنا بنستورد معظمها والكلام ده أنا شايفه كويس لأن من خلال شغلي بنستورد مركزات العصاير وحتى الفاكهة الفريش ودي كلها زادت بنسب بتتراوح من 20 إلى 40 % فأعتقد إن الموضوع مش في الحكومة ولا الريس ولو إني شايف إنهم ماعرفوش يعالجوا الموضوع كويس يعني عندك مثلا هنا في السعودية عملوا دعم على السلع الغذائية فبالتالي بعد ما أسعارها زادت رجعت تاني ونزلت وبعدين عملوا حاجة تانيه إنهم بقوا يعلنوا عن أسعار كل المواد الغذائية في الجرايد وبقوا يعرضوا كل سوبر ماركت من الهايبرز بيبيع بكام فبقى قدام المستهلك كل السلع وأسعارها في ورقة واحدة فبالتالي يقدر يختار المكان اللي فيه أرخص سعر ويشتري منه وده عمل منافسه ما بين الموزعين لأن كل واحد بقى سعره مكشوف للتاني
أنا شايف إن في حلول كتير بس محتاجة حكومة تفكر شوية بدل ما تروح تزرع قمح في السودان
طب الحمد لله اننا متفقين
بس حكايه الاسعار دى عارفه انها عالميه
بس لما نبقى نوصل لمستوى المعيشه بتاعهم
وبعدين الزياده عندنا ضعف بره
وكمان عب اوى لما يبقى فيه عجز فى العيش واحنا دوله زراعيه
والسعوديه او دول الخليج كلها مفيهاش زراعه اصلا
فيعنى مفيش وجه مقارنه من حيث مستوى المعيشه او الموارد
فصلى على النبى كدا وروق ياباشا
مش اول مره يطلع الريس مش اد كلمته
هو معودنا على كده
الحيبه ان احنا نصدق اى حاجه من الحكومه او منه برغم اننا معاشرينه من اكتر من ربع قرن
لا مش حكايه مصدقينه
الحكايه ان الناس بقى عندها لا مباله
وموت جواها
واستسلام
إرسال تعليق