أنا عايزة اعرف أخرت اللي بيحصلنا أيه ...؟
اى مصيبة من الحكومة المعفنة دى بتعملها .... مثلا اى كارثة بتحصل فى مصر ....اللي بيحصل كالتالي
نعرف بعد ما المصيبة خلاص انتهت ....ونلاقى صحف ومعارضه وأعلام والناس حتى اللي فى الشارع
ونفضل نقول أيه دا ....ليه حصل كدا ....ونبقى عارفين اللي عملوا المصايب دى .... وعارفين أيه القوانين
اللي بتحرم وتجرم المصيبة دى ....(بقينا عباقره فى القانون .....ويمكن الدولي والعالمي كمان )
وعارفين كمان العقاب اللي لازم يتعاقبو بيه.....
والنتيجة .... ارتفاع عالى فى ضغطت الدم .....سكر .....شلل....جلطه ..... لمعظم الناس بعد ما تسمع أخبار
تخنق وتفقع وتغيظ .... دا شئ اساسى....
وتشوف الغضب ....وتلاقى الناس تبرطم بالكلام .....واللي ماشى يكلم نفسه..... واللى ينتحر ...واللى يسم عياله
بس للاسف الناس مش عارفه توجه الغضب دا بطريقه تاخد بيه حقها ,.......
يعنى مثلا لو قسمناها بالنسبة للازمات زى مثلا أزمة العيش بدل ما الناس توجه غضبها علشان تلاقى حل مع
الحكومة لا تلاقيهم بيقتلو فى بعض والمطاوي والضرب وناس بتموت ......
أو مثلا لما أسعار البنزين غلا ....تلاقى المواقف حصل فيها خناقه ....والركاب يضربوا السوقين ....
أما لو قسمنا الناس حسب مراحل عمرهم ازاى بينفسو عن غضبهم فى مصر
تلاقى الأطفال طلعين فى الطراوة نتيجه تعليم مهبب ومستقبل مفهوش أمل ...
الناس الكبيرة فى السن ... مشغولة فى الأمراض السكر والضغط
وتلاقيها بتبرطم ومتقدر تعلى صوتها حتى.....
أما نيجى باه على الشباب اللي هو أحنا أل أيه عندنا أمل أن البلد تنصلح بيهم.....
تلاقى شويه منهم بيجرى ورا بنات وجواز عرفي اللى كانت نتيجته 14
ألف طفل من الجواز العرفى دا .....وكلام
فى التليفونات ....وسمعان اغانى وتلاقى عنده موسوعة لاسامى جميع العالم الهبله اللي بضبش فى الكليبات ...
والواد الصغير بدل ما يقلك أنا عايز اطلع دكتور ولا ظابط زينا زماااااااااان حتى لو بالامانى
فيخدها من الأول ....دلوقتى يقلك اغني ولا العب كوره
وفى بنات عايز تحترف الرقص .....دا اللي يأكل ....ياااامستقبلنا اللي راح ....ملحقناش حاجه .....
وعلى راى اسلام ( صديق )
الرسايل اللي تقدر بملايين اللي تتبعت على الشات فى جميع القنوات.... واللي مسمى نفسه رومانسي
واللي مسمى نفسه بحبك موت ......وتلاقيهم أصلا طور الله فى برسيمه ....فاخره يحب فى حبة برسيم أحسن
ولا شرب سجاير ....ويقلك من القرف اللي هو شايفه .....وحياته الفاضية ....ويفتكر أن بيها يعتبر راجل ...
وتلاقى ملايين مدمنين ...وزى ما قلنا السنة اللي فاتت أتصرف بس على الإدمان 17 مليار جنيه ....
وتلاقى اللي كل هدفه فى الحياه يطلع من البلد دى ....
وأنا اعرف شخص طلع يجى ست مرات هجرة غير شرعيه
وشاف صعوبات الدنيا والاخره وبرضو محصلش نصيب ..... وبرضو عايز يطلع ( ليه حق والله )
وطبعا سمعنا ألف الشباب اللي راح إسرائيل .....والكل اعتبره خيانه وبدنجان ......
والناس اللي بتطلع بره دى لاما شغال فى مطبخ يغسل صحون
لاما عالم وعلمه كله يستفاد منه الأجانب علشان يطبقوه علينا
( وال أيه ميزانيه البحث العلمى فى مصر
اتخفضت متقلوش من بعزقت الفلوس فيها ... ولا الانجازات اللي بيعملوها )
وأخيرا وليس بأخر شبابا من قلة حيلتها وأكدي غباء منهم ....ويقينا يأس وإحباط جواهم ....
بتروح وتتجند فى الجيش الامريكى اللي بيقتل فى كل
بلد عربيه شوية .....عادى جدا بعد كدا يجى يوم من الأيام وتلاقى اى دوله أميركا نازله فيها طحن
وتلاقى الأخ يقتل أخوه ...ولا ابن عم يقتل ابن عمه .....وهكذا ....يعنى فى الأخر هنقتل فى بعضينا
يعنى بدل ما شبابنا يدافع عن بلده والامه العربية اللي منتمى ليها .... لا يروح يحارب علشان أمريكا
تحتلها وتدمرها .....
والحكومة .....هيا السبب ....لا تعليم كويس .....ولا بتفتح مجالات للشغل وتحتوى شباب عايز يبنى مستقبله
ويستقر فى أسره ..... واللي يكلم ويطال بحقه يلاقى اعتقالات واعتداءات زى اللي حصل مع المهندس
احمد ماهر صاحب دعوه 4 ابريل على الفيس بوك ....
أو بعد الاعتقال يطلعوه بأمراض الدنيا وحالته الصحية زفت وإيه بعد ما يستعطفوا حسنى
زى اللي حصل مع أيمن نوررررررر.....
دا غير الإحباط الشديد اللي مصر كلها فيها .....واى حد ينادى بأننا نعمل حاجه ....ابسط سؤال
يعنى أيه اللي حصل ولا هيحصل ....؟؟؟ ولا حاجه .....
مهو حصل إضراب ....حصل ايه ....؟ قتل .....والأسعار زادت ....وكل يوم أنيل من اللي قبله ....
أنا باه عندى حل طالما كدا كدا مفيش عيش ولا أكل وفيه مجاعة والناس بتموت كدا كدا بامراض ....
والمخدرات بالمليارات بتدخل البلد بمزاج الحكومة ......
انا بنادى الحكومة تخلى المخدرات زى السجاير كدا
ومش مشكله لما وزارة الصحة( اللي أنا بطالب أن اسمها يتغير وتتسمى وزارة الأمراض القديمة والحديثة
والمستوطنة ) تقوم بدورها وتضر بلك كام نصيحة وكام صورة مقرفه على العبوه
بتاعه المخدرات .....وكل واحد حر .....
رايحين فين ....مش كدا وبس لا دانا بطالبها أنها تدعمها كمان .....مخدرات مدعمه .... بلا تدع عيش بلا هبل ...
اه قبل ما انسى .....تطالب باه مفتى الخرابه المصريه .....يحلل المخدرات .....
ونخلى الحزب الواطى قصدى الوطنى يتحفنا بكام اعلان من حملاته الاعلانيه المؤثره اللى من شدتها يخلى
الواحد يرجع عليهم .....
بااااااااس كدا اتظبطت...
اى مصيبة من الحكومة المعفنة دى بتعملها .... مثلا اى كارثة بتحصل فى مصر ....اللي بيحصل كالتالي
نعرف بعد ما المصيبة خلاص انتهت ....ونلاقى صحف ومعارضه وأعلام والناس حتى اللي فى الشارع
ونفضل نقول أيه دا ....ليه حصل كدا ....ونبقى عارفين اللي عملوا المصايب دى .... وعارفين أيه القوانين
اللي بتحرم وتجرم المصيبة دى ....(بقينا عباقره فى القانون .....ويمكن الدولي والعالمي كمان )
وعارفين كمان العقاب اللي لازم يتعاقبو بيه.....
والنتيجة .... ارتفاع عالى فى ضغطت الدم .....سكر .....شلل....جلطه ..... لمعظم الناس بعد ما تسمع أخبار
تخنق وتفقع وتغيظ .... دا شئ اساسى....
وتشوف الغضب ....وتلاقى الناس تبرطم بالكلام .....واللي ماشى يكلم نفسه..... واللى ينتحر ...واللى يسم عياله
بس للاسف الناس مش عارفه توجه الغضب دا بطريقه تاخد بيه حقها ,.......
يعنى مثلا لو قسمناها بالنسبة للازمات زى مثلا أزمة العيش بدل ما الناس توجه غضبها علشان تلاقى حل مع
الحكومة لا تلاقيهم بيقتلو فى بعض والمطاوي والضرب وناس بتموت ......
أو مثلا لما أسعار البنزين غلا ....تلاقى المواقف حصل فيها خناقه ....والركاب يضربوا السوقين ....
أما لو قسمنا الناس حسب مراحل عمرهم ازاى بينفسو عن غضبهم فى مصر
تلاقى الأطفال طلعين فى الطراوة نتيجه تعليم مهبب ومستقبل مفهوش أمل ...
الناس الكبيرة فى السن ... مشغولة فى الأمراض السكر والضغط
وتلاقيها بتبرطم ومتقدر تعلى صوتها حتى.....
أما نيجى باه على الشباب اللي هو أحنا أل أيه عندنا أمل أن البلد تنصلح بيهم.....
تلاقى شويه منهم بيجرى ورا بنات وجواز عرفي اللى كانت نتيجته 14
ألف طفل من الجواز العرفى دا .....وكلام
فى التليفونات ....وسمعان اغانى وتلاقى عنده موسوعة لاسامى جميع العالم الهبله اللي بضبش فى الكليبات ...
والواد الصغير بدل ما يقلك أنا عايز اطلع دكتور ولا ظابط زينا زماااااااااان حتى لو بالامانى
فيخدها من الأول ....دلوقتى يقلك اغني ولا العب كوره
وفى بنات عايز تحترف الرقص .....دا اللي يأكل ....ياااامستقبلنا اللي راح ....ملحقناش حاجه .....
وعلى راى اسلام ( صديق )
الرسايل اللي تقدر بملايين اللي تتبعت على الشات فى جميع القنوات.... واللي مسمى نفسه رومانسي
واللي مسمى نفسه بحبك موت ......وتلاقيهم أصلا طور الله فى برسيمه ....فاخره يحب فى حبة برسيم أحسن
ولا شرب سجاير ....ويقلك من القرف اللي هو شايفه .....وحياته الفاضية ....ويفتكر أن بيها يعتبر راجل ...
وتلاقى ملايين مدمنين ...وزى ما قلنا السنة اللي فاتت أتصرف بس على الإدمان 17 مليار جنيه ....
وتلاقى اللي كل هدفه فى الحياه يطلع من البلد دى ....
وأنا اعرف شخص طلع يجى ست مرات هجرة غير شرعيه
وشاف صعوبات الدنيا والاخره وبرضو محصلش نصيب ..... وبرضو عايز يطلع ( ليه حق والله )
وطبعا سمعنا ألف الشباب اللي راح إسرائيل .....والكل اعتبره خيانه وبدنجان ......
والناس اللي بتطلع بره دى لاما شغال فى مطبخ يغسل صحون
لاما عالم وعلمه كله يستفاد منه الأجانب علشان يطبقوه علينا
( وال أيه ميزانيه البحث العلمى فى مصر
اتخفضت متقلوش من بعزقت الفلوس فيها ... ولا الانجازات اللي بيعملوها )
وأخيرا وليس بأخر شبابا من قلة حيلتها وأكدي غباء منهم ....ويقينا يأس وإحباط جواهم ....
بتروح وتتجند فى الجيش الامريكى اللي بيقتل فى كل
بلد عربيه شوية .....عادى جدا بعد كدا يجى يوم من الأيام وتلاقى اى دوله أميركا نازله فيها طحن
وتلاقى الأخ يقتل أخوه ...ولا ابن عم يقتل ابن عمه .....وهكذا ....يعنى فى الأخر هنقتل فى بعضينا
يعنى بدل ما شبابنا يدافع عن بلده والامه العربية اللي منتمى ليها .... لا يروح يحارب علشان أمريكا
تحتلها وتدمرها .....
والحكومة .....هيا السبب ....لا تعليم كويس .....ولا بتفتح مجالات للشغل وتحتوى شباب عايز يبنى مستقبله
ويستقر فى أسره ..... واللي يكلم ويطال بحقه يلاقى اعتقالات واعتداءات زى اللي حصل مع المهندس
احمد ماهر صاحب دعوه 4 ابريل على الفيس بوك ....
أو بعد الاعتقال يطلعوه بأمراض الدنيا وحالته الصحية زفت وإيه بعد ما يستعطفوا حسنى
زى اللي حصل مع أيمن نوررررررر.....
دا غير الإحباط الشديد اللي مصر كلها فيها .....واى حد ينادى بأننا نعمل حاجه ....ابسط سؤال
يعنى أيه اللي حصل ولا هيحصل ....؟؟؟ ولا حاجه .....
مهو حصل إضراب ....حصل ايه ....؟ قتل .....والأسعار زادت ....وكل يوم أنيل من اللي قبله ....
أنا باه عندى حل طالما كدا كدا مفيش عيش ولا أكل وفيه مجاعة والناس بتموت كدا كدا بامراض ....
والمخدرات بالمليارات بتدخل البلد بمزاج الحكومة ......
انا بنادى الحكومة تخلى المخدرات زى السجاير كدا
ومش مشكله لما وزارة الصحة( اللي أنا بطالب أن اسمها يتغير وتتسمى وزارة الأمراض القديمة والحديثة
والمستوطنة ) تقوم بدورها وتضر بلك كام نصيحة وكام صورة مقرفه على العبوه
بتاعه المخدرات .....وكل واحد حر .....
رايحين فين ....مش كدا وبس لا دانا بطالبها أنها تدعمها كمان .....مخدرات مدعمه .... بلا تدع عيش بلا هبل ...
اه قبل ما انسى .....تطالب باه مفتى الخرابه المصريه .....يحلل المخدرات .....
ونخلى الحزب الواطى قصدى الوطنى يتحفنا بكام اعلان من حملاته الاعلانيه المؤثره اللى من شدتها يخلى
الواحد يرجع عليهم .....
بااااااااس كدا اتظبطت...
بلا اصلاح بلا مستقبل بلا مدنجان ....
خد خد ....شددددددددد......اشرررررررررب
بلبع .....اضرب ...شممممممممم....
ظبطينا ياحكومة .... ظبطى
خلينااااااااااااا ننسى ......
ومسااااااااااااااااء الخييييييييييييير...
خد خد ....شددددددددد......اشرررررررررب
بلبع .....اضرب ...شممممممممم....
ظبطينا ياحكومة .... ظبطى
خلينااااااااااااا ننسى ......
ومسااااااااااااااااء الخييييييييييييير...
هناك ٨ تعليقات:
بقى سعادتك عاوزاهم يدعموا المخدرات
ها وايه كمان
مش بعيد كمان حد يطالب بتدعيم الخمرة وعمل نقابة للعاهرات وان الحكومة تاخد نسبة من الرشاوي علشان تبقى ظاطط
يا شيخة حرام عليكي هو الجزء السليم في المخيخ ضرب ولا ايه
تحبي أكلم أبو العزايم يبعتوا عربية الاسعاف!! بس على الله نلاقي فيها مكان
همس
صباح الفل
واضح ان الشاى باللبن اللى شربتيه النهارده الصبح مكنش مضبوط زى كل يوم
هى دى اخرتها نبقى كلنا حشاشين و شمامين هى العملية ناقصة دى البلد ماشية بالعافية بشوية الناس اللى لسه مصحصحة
الحل يا همس اننا احنا نتغير و لما نتغير ربنا هيرزقنا بحكومة تتقى الله اما لو قعدنا نغنى كده ظلموه من هنا ل 100 سنه ما فيش حاجة هتتغير
الحل ان الشباب يفوق لنفسه و يبطل شات و رسايل و غيره و يرجع لربنا تانى
الحل هيبتدى من بيت كل واحد فينا لما يربى اولاده زى ما ربنا قال و الا علينا السلام
نفسى فى واحد بوست فوشيا روز يا همس ولا سيمون
تحياتى
والله فكرة حكاية التجنيد فى الجيش الأمريكى.أدام تجنيد بتجنيد يبقى الأمريكى أحسن وأفيد فلوس وجنسية أو على الأقل جرين كارد وكمان بعد مايخلص الجيش ممكن يدخل الجامعة والجيش يدفعله المصاريف(جامعة أمريكانية مش جامعات الزبالة اللى عندنا).ده كفاية اللون الزيتى المعفن بتاع بدلة التجنيد هنا.ماتعرفيش منطقة التجنيد الأمريكانى فين
ايه رايك بزمتك مش فكره حلوه
اما اللى بتقول عليه دا لاء طبعا انت عايز تقولنى كلام ما قلته
اما من ناحيه الحكومة بتاخد رشاوى فهيا بتاخد وبتساعد عليه كماااااان
ومتخفش انا مكنش عندى اصلا حاجه سليمه اصلا
وبعدين بلاش تجيب فى سيره ابو العزايم
وندخل فى نميمه باه واحنا مش ناقصين زنوب
هههههههههههههه
لا والله كان تمام
بس بزمتك لما تسمعى خبر بتاع التجنيد دا
مش عايزالك جميع دكتور تخدير علشان الضغط ما يخليش دماغك يطق
وبعدين كدا كدا بقت المخدرات ارخص من الاكل وموجوده وبوفره
وربنا انا سمعت ان الناس بتبيع الحشيش عادى والحكومه عرفاهم بالاسم وبرضو سيباهم
وانا عارفه طبعا ان الحل هيبدا بينا
اما عيالنا دى بشك فيها هههههههههههه
كان على عينى والله ...بس منين يا حسره
منورانى يا قمر
تعرف يا اخى ....
انا كاتبه الموضوع تهريج وفاقعه من
غيظى والمصرى وجنه صدقوه
وادونى محاضره ومعلقوش على اى مصيبه
ديما تفكرهم رايح لبعيد الخلبيص
الا انت ياخويا مكبر
اما بخصوص مكان التجنيد بتاع المنيله امريكا
تقريبا على ايدك اليمين ورا محل عبده الاهبل
وابقى قلنا بتقبض كام يمكن افكرك احصلك لو العائد كويس
وربنا يديك الصحه
منورنى
ياه واضح انك متغاظه أوى اند مفروسه على الاخر
بس عندك حق لازم الواحد يوجه غضبه صح بدل ما يتخانق مع الناس ويشتم ويسب يروح يكلم الراس الكبيره
تصدقى ان ناس كتير فعلا بقوا بياخدوا من قاصرها وييقولك عاوز ابقى لاعيب كحوره او مغنى بس لسه ما قابلتش واحده عاوز تبقى رقاصه
اهلى هما اللى ضيعوا مستقبلى مش كانوا سابونى مرمى فى الشارع العب كورة كان زمانى حريف ولعبت فى نادى كبير كده وبقيت مليونير
ياخراشى انت بتكلم بنات يا خلبوصه غيرنا
وبعدين هنعمل ايه للاهل ديما محسسنا اننا منعرفش حاجه
اهم حاجه تركز انت فى المذاكرة والامتحانات
وان شاء الله هتبقى زى الفل يا صاصا
إرسال تعليق