الأحد، مايو ١١، ٢٠٠٨

محاكمة برطمانيه لوزير ابو مقطف...


لالا متخفوش ....هو شكلو كدا بس تقريبا هو أليف ومستانث كمان ....


بصرف النظر عن جوز المقاطف اللى مركبهم للسمع ....ولا نفق اللي عملوه فى بؤه
وشكله يدل على استهبال ...واستنتاح (دلع تناحه ) ...واستهطال (دلع هطل )

البتاع دا .....مش مكفيه مضيع فلوس التامين الصحي ....وباع البلد .....

وفشل فى تدبير فلوس العلاوه النحس بتاع حسنى......

يروح يتوكس و يبيع دوا يعتبر غير صالح للاستعمال ....

بالرغم أن اى حد يتسال مين تخصصه فى الادويه

يقلك وزارة الصحة .... لا ما هيا بقت حكومة بظامها نظام حموريه وهجس

هو الظاهر مش مكفيه الأسعار اللي زودوها ..... واتزنق فى موضوع العلاوة دا

و مش عايز يخلى الريس يطلع عيل ومش قد كلمته ...راح باه يتصرف ويجيب الموارد ....

شوفتو آخر ضغط الريس على الحكومة ... بينزلو دوا فاسد .....

مش مهم ان الناس تموت ...تمرض ....المهم يتصرف فى فلوس ..... جبها منين ...مش مهم

وبعدين يعنى أيه محاكمة برلمانيه ....ومعظم الأعضاء والاغلبيه للحزب الزفت الوطني....

دا لازم يتحاكم فى محكمه وعلنى كمان .....ويتحاسب .... دا يعتبر قاتل .... مش لشخص فقط

لا دا قاتل لشعب .....ويقلو محاكمه برلمانيه ....

دا لازم يتجرس .... ويتفضح ....ويتشال من الوزاره اللي فقرها بوجوده فيها ... واللى جبلها النحس ...

برطمانيه أيه وزفت أيه ..... دا لازم يتحاكم ....ويتعاقب .....وطبعا يكون العقاب بالمثل ...

أحنا مش هنعملو أزيد من اللي عملوه فى الناس ..... ياخد من نفس الدوا ...

يمرض ...يتشل ....يبقى معوق .....يموت ....هو وظروفه ....

ولا برضو هيفلت بعملته دى .....ومش مهم باه .... ودفاعهم أن الناس تمرض ولا تموت ....

مهيا كدا كدا عيانه ....وكدا كدا بتموت .....

أيه الحل بعد ما اتباعت وتوزعت وأكيد الناس استعملتها ......

لازم ييتحاكم فى محكمه قدام الشعب ..... علشان يكون عبره لغيره ....

حسبنا الله ونعم الوكيل فيك يا زفت الطين دا ....

هناك ٤ تعليقات:

ولد مصري يقول...

همس

بصراحة وصفك لتركيبة الوش هايل ولو إني خايف ده يكون تريقة على خلقة ربنا بس بصراحة أنا كنت فاكر أول ما شفت الصورة إن معمولها حبة انيميشن ولما حققت فيها لاقتها صورة طبيعية

الحمدلله الذي عفانا من هذا وادخل فيه غيرنا من الناس

المفروض فعلا تكون محكمة في ميدان عام والحكم كمان يتنفذ في مكان عام علشان يكون عبرة لمن يعتبر

طبعا ده في المشمش الا بالمناسبة هو الكيلو بتاعه وصل كام دلوقتي

همس يقول...

لا طبعا مش تريقه على الخالق انما اشمئزاز من مخلوق


ربنا قادر يورينا فيه عبره وقدرته


اما بمناسبه المشمش معرفش والله

بس فيه خوخ يمشى ...والكيلو فيه تقريبا

اربعه جنيه

ابعتلك خوختين .....

ولد مصري يقول...

خوختين بحالهم

وليه الكرم الحاتمي ده

مش عاوزين نكلفكم بس

تحياتي

همس يقول...

لالا انت متخيل الخوختين صغننين

كلا دول احجام طبعا

وبعدين كلفك راااااااااحه يا مصرى


وبالف هنا